"ސްކްއިޑް ގޭމް" ތިން ވަނަ ސީޒަނެއް ވެސް ހަދާނެ

ނުވަ އެޕިސޯޑށް ގެނެސްދިން "ސްކްއިޑް ގޭމް" ގެ ދެވަނަ ސީޒަނެއް ހަދާނެކަން ހާމަކުރީ އޮކްޓޯބަރުގައި

އަހުމަދު އަދްޝަން، މިހާރު

30 ޑިސެމްބަރ 2021 - 06:48

ނެޓްފްލިކްސް އިން ގެނެސްދިން ދެކުނު ކޮރެއާގެ ސީރީޒް "ސްކައިޑް ގޭމް" ގެ ބޮޑު ކާމިޔާބީއާ ގުޅިގެން އޭގެ ދެވަނަ ސީޒަނެއް ގެނެސްދޭނެ ކަން އިއުލާން ކޮށްފައި ވަނިކޮށް، އެ ހިސާބުން ވެސް އެ ހުއްޓާ ނުލާނެ ކަމަށް ބުނެފި އެވެ.

މިކަމާ ބެހޭ ގޮތުން ޑައިރެކްޓަރު ހުވަންގް ޑޮންގް-ހީކް ކޮރެއާގެ ކޭބީއެސް ވޯލްޑަށް ދިން އިންޓަވިއުއެއްގައި ބުނީ ނެޓްފްލިކްސްއާ އެކު މިހާރު މަޝްވަރާތައް ކުރެވެމުން އަންނަނީ ހަމައެކަނި ދެވަނަ ސީޒަން ހަދަން ނޫން ކަމަށެވެ.

"ދޭކާއި ތިން ވަނަ ސީޒަނަށް ވެސް އަންނަނީ ވާހަކަތައް ދެކެވެމުން. އެހެންވީމަ މިކަމާ ބެހޭ ގޮތުން މިހާރު ކުރިއަށްދާ މަޝްވަރާތައް ނިމުމަކަށް އައިމަ ރަސްމީކޮށް އެކަން އިއުލާން ކުރާނަން." އޭނާ ބުންޏެވެ.

"ސްކްއިޑް ގޭމް" ގެ ދެވަނަ ސީޒަނެއް ހަދާނެ ވާހަކަ ޑައިރެކްޓަރު ފުރަތަމަ މީޑިއާތަކަށް ހާމަކުރީ މިދިޔަ އޮކްޓޯބަރު މަހުގެ ތެރޭގަ އެވެ. އޭރު ހުވަންގް ބުނީ ދެވަނަ ސީޒަންގެ ތައްޔާރީތައް ކުރިއަށްދާ ކަމަށެވެ. ނަމަވެސް އެ ސީޒަން ގެނެސްދޭނެ އިރެއް އަދި އިއުލާނެއް ނުކުރެ އެވެ.

Squid Game ge therey gai director ge 6 dhaiy gellunu

The most trusted news source in the Maldives

Mihaaru

ނެޓްފްލިކްސްގެ މިހާތަނަށް ގެނެސްދިން އެންމެ ކާމިޔާބު އެއް ސީރީޒް ކަމަށްވާ "ސްކައިޑް ގޭމް" އަކީ މިދިޔަ ސެޕްޓެމްބަރު މަހު ސްޓްރީމްކުރި 9 އެޕިސޯޑްގެ އެއްޗެކެވެ. މީގައި ކިޔައިދެނީ ދަރަނިވެފައިވާ އާއިލާތަކެއްގެ ފައިސާ ހޯދަން ކުޑަކުދިންގެ ގޭމެއް ކުޅެން ނުކުތުމުން ދިރިއުޅުން "ބިރުވެރި" ގޮތަކަށް ބަދަލުކޮށްލާ ގޮތެވެ.

Squid Game kurin hadhan ulhunee feature film akah

The most trusted news source in the Maldives

Mihaaru