ރައީސް ޔާމީން އިއްޔެ ގެމަނަފުއްޓަށް ވަޑައިގަތުމުން އެމަނިކުފާނަށް މަރުހަބާ ދަންނަވަން އެއްވި މީހުންނާ ސަލާމް ކުރައްވަނީ.---ފޮޓޯ: ރައީސް އޮފީސް
14 ޑިސެމްބަރ 2016 - 13:06
26 comments
ޕީޕީއެމް އަލަށް އުފައްދައި، ޕާޓީ ހަރުދަނާ ކުރަން ބެލިއިރު އޭރު ވެސް ޕާޓީގެ އިސް ބޭފުޅުން ތިއްބެވީ "ރަޖާލައިގެން ގޭގައި" ކަމަށް އެ ޕާޓީގެ މުސްތަޝާރު ރައީސް އަބްދުﷲ ޔާމީން ގއ. ގެމަނަފުށީގައި ރޭ ވިދާޅުވެއްޖެ އެވެ.
މި އަހަރުގެ މަސްވެރިންގެ ދުވަސް ފާހަގަކުރަން ގެމަނަފުށީގައި ބޭއްވި ޖަލްސާގައި، ޕީޕީއެމްގެ ތެރޭގައި އުފެދިފައިވާ މައްސަލައާ ގުޅޭގޮތުން ރައީސް ޔާމީން ވިދާޅުވީ ޕީޕީއެމް އުފެދުނުއިރު، އެކި ސަބަބުތަކާ ހެދި ރަށްރަށުގައި ތިބި ކައުންސިލަރުން ދިޔައީ ވަކިވަމުން ކަމަށެވެ. އެހެންކަމުން ޕީޕީއެމަކީ ސިޔާސީ ގޮތުން ކިހާ ބުރަދަނެއް ހުރި ޕާޓީއެއްތޯ ބެލުމުގެ ފުރުސަތު ވަރަށް ފުޅާކޮށް ލިބިގެން ދިޔަ ކަމަށް ވިދާޅުވި އެވެ.
ޕާޓީ އުފެދިގެން ފުރަތަމަ ވާދަކުރަން ޖެހުނީ ގދ. ގައްދޫ ބައި އިލެކްޝަނުގައި ކަން ފާހަގަކުރައްވައި ރައީސް ވިދާޅުވީ އެ އިންތިހާބުގައި ވެސް ޕާޓީގެ އިސް ބޭފުޅުން އެކަށީގެންވާ ގޮތެއްގައި މަސައްކަތް ކުރައްވާފައި ނުވާ ކަމަށެވެ. އެކަމަކު، އެ އިންތިހާބުގައި ވެސް އެމަނިކުފާނާ އެކު ޕީޕީއެމްގެ ޕާލަމެންޓްރީ ގްރޫޕުގެ ލީޑަރު އަހުމަދު ނިހާނާއި އެހެން ބައެއް ބޭފުޅުން ގައްދު އަށް ވަޑައިގެންނެވި ކަމަށް ރައީސް ޔާމީން ވިދާޅުވި އެވެ.
"ބޮޑު އިންތިހާބެއް [ގައްދޫ ބައި އިލެކްޝަން] ނިންމިއިރު އަޅުގަނޑުމެންގެ އެކިއެކި ބޭފުޅުން ރަޖާލައްވައިގެން ތިއްބެވީ ގޭގައި. ބައެއް ބޭފުޅުން ތިއްބެވީ ރާއްޖެ އިން ބޭރުގައި،" ރައީސް ވިދާޅުވި އެވެ.
އެއީ އޭރުގެ ހާލަތު ކަމަށާއި އެތައް ބައެއްގެ މަސައްކަތުން ޕީޕީއެމަށް ވެރިކަން ލިބި، ރައްޔިތުންނަށް ހިދުމަތް ކުރުމުގެ ފުރުސަތު ލިބުމުން ސަރުކާރާ ދެކޮޅަށް މިހާރު އެ ޕާޓީން މަސައްކަތް ކުރަންވީ ކީއްވެތޯ ރައީސް ޔާމީން ސުވާލު އުފެއްދެވި އެވެ. ސިޔާސީ ކޮންމެ ޕާޓީއަކުން ވެސް ބޭނުން ވާނީ ވެރިކަމުގައި ތިބުން ކަމަށާއި ކުރު މުއްދަތެއްގެ ތެރޭގައި ޕީޕީއެމް ވަނީ ސިޔާސީ ބޮޑެތި ކާމިޔާބީތަކެއް ހޯދާފައި ކަމަށް އެމަނިކުފާނު ވިދާޅުވި އެވެ.
"އަޅުގަނޑުމެން ކުރަން ޖެހޭނެ މަސައްކަތަކީ ޕާޓީ ތެރޭގައި ހުރި މަސައްކަތްތައް، ބޭރުގައި ހަގީގަތާ ހިލާފަށް އޮއްސާލުމެއް ނޫން. އަޅުގަނޑުމެން ކުރަން ޖެހޭ ކަމަކީ އަޅުގަނޑުމެން ގަބޫލުކުރާ ފިކުރާއި އުސޫލްތަކާ އެކީގައި މަސައްކަތް ކުރިއަށް ގެންދިއުން،" ރައީސް ވިދާޅުވި އެވެ.
އެމަނިކުފާނު ވިދާޅުވި ގޮތުގައި ޕީޕީއެމްގެ އާއްމު މެމްބަރުން ބޭނުން ވާނީ ޕާޓީ މިހާރު އޮތް ހިސާބުން ކުރިއަށް ގެންދިއުމެވެ.
"އަސުރު މަލުގެ ކުލަ އަކީ އަބަދުވެސް އަޅުގަނޑުމެންނަށް ރީތި ކުލައެއްގެ ގޮތުގައި ފެނިގެން ދާން ޖެހޭނެ. އަސުރު މަލުގެ ކުލަ އަކީ އެއްގޮތަކަށް ވެސް އެއްވެސް އިރެއްގައި އެއްވެސް މޫސުމެއްގައި، 24 ގަޑިއިރުގެ ތެރޭގައި އަދި އެއްވެސް ސާއަތެއްގައި ވެސް ބަނަކަމެއް ނާންނަ މަލެއްގެ ގޮތުގައި ވުމަށް،" ރައީސް ވިދާޅުވި އެވެ.
ޕީޕީއެމްގެ އެތޭރެގެ ކޯޅުމުގައި، އެ ޕާޓީ ވަނީ ދެ ފަޅިވެފައިވާ މައްސަލަ އަށް އަދިވެސް ހައްލެއް ނުލިބެ އެވެ. ރައީސް ޔާމީންގެ ފެކްޝަނުން ޕީޕީއެމްގެ އިދާރީ ހުރިހާ ކަމެއް ކުރާއިރު، ޕާޓީގެ ނަމުގައި، ޕީޕީއެމްގެ ރައީސް މައުމޫން އަބްދުލްގައްޔޫމް ވެސް މަސައްކަތްޕުޅު ކުރައްވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އާދަނުބޭ
15 December 2016
ދުލުންކޮންމެ ވހަކަފުޅޭއްވެސް ވިދާޅުވެވިދާނެ. 2018 ގައި ރައްޔިތުން ގެ ތާއިދު މަނިކުފާނަށް އޮތްކަން ވޯޓުން މާތް ﷲ ގެ އިރާދަފުޅާއެކު ފެންނާނެ. އެދުވަހުން ތިޔަ ބަސްމަގު ބަދަލުވެ މަނިކުފާނު ހަމަބިމަށް ތިރިވާތަންވެސް އިރާދަކުރެއްވިއްޔާ ފެންނާނެ. ގައުމީ މުނާސަބަތުތައް ޕާތިގެ ޖަގަހަ ޖަލްސާތަކަށް ބަދަލުކުރައްވައިގެން ތިޔަ ކުރައްކަންތައްތައް އަލޫގަނޑުމެން މިތިބީ ވަރަށް ގާތުން ބަލަން. ފޮޓޯގިނައިން ހިއްޕަނީ ރައްޔިތަނުްގެ ޅޮބިހޯދަންތޯ؟ އެފޮޓޯ ހިއްޕަނީ ވެސް މަނިކުފާނށް ތާޢިދުނުކުރާ ބަޔަކުކަން ވަރަށް ރަނގަޅަށް އިނގޭ.
ޢަބްދުﷲނާފިޒު
15 December 2016
24 ގަޑިއިރުގެ ތެރޭގައި އަދި އެއްވެސް ސާއަތެއްގައި ވެސް ބަނަކަމެއް ނާންނަ މަލެއްގެ ގޮތުގައި ވުމަށް،" ރައީސް ވިދާޅުވި އެވެ. ތިހެން ވިދާޅުވިއަސް ތިކަމެއް ނުވާނެނު، މަނިކުފާނުގެ ބަހާ އަމަލާ ދިމައެއް ނުވޭ، ޕާޓީ މިއޮތީ މިހާރު ވާނެ ހަތަރެއްޗެއް ވެފަ، ދެން ކޮން ވާހަކައެއް، އަހަރުމެން ނެތިން...........
ގަނީރު
15 December 2016
ގައްދޫ ކައުންސިލްގޮނޑިއެއްގެ ބައިލެކްޝަން މާބޮޑު އިންތިޚާބަކަށްވެގެން މަނިކުފާނު އެރަށަށްވަޑައިންނެވިވާހަކަ ވިދާޅުވާއިރު ރިޔާސީއިންތިޚާބު ބޮޑު އިންތިޚާބަކަށް ނުވާތީ ދޮއްތޮ މަނިކުފާނު ރަޖާލައިގެން ގޭގައޮންނެވީ ޖަމީލާ މައުމޫނު ވެހޭހާވާރޭއެއްގަ ދޭހާއަތްވެއްގަ މަނިކުފާނަށް ވެރިކަންހޯދަދޭން އުޅުނުއިރު. ނޫނީ މައުމޫނު ނުކުމެ އެވަރަށް މަސައްކަތްކުރުމުން ހޮވޭނެކަން ޔަޤީންވެފައޮތީ ދެއްތޯ. އަދި މަނކުފާނު ނުކުމެ ރައްޔިތުންނާ ބައްދަލުކުރުމަކީ މަނިކުފާނުގެ މިޒާޖުހުންނަގޮތުން މަނިކުފާނާ އިދިކޮޅަށް އަމިއްލަފުޅަށް އެންޓިކެންޕޭންކުރެވެނީކަން ޤަބޫލުފުޅުކުރެއްވުނީދޮއްތޯ.
ވިރާތުކޮލި
15 December 2016
ތިޔައީ ވަރަށް ފުރިހަމަ ކޮމެންޓެއް ކަމުގައި ދަންނަވަން
އަލްޖިބްރާ
15 December 2016
ޕީ.ޕީ.އެމްގެ މީހުން އަބަދުވެސް ތިބޭނީ ރަޖާލައިގެން ނިދާފަ ! މަނިކުފާނު ރަޖާލައިގެން އޮންނަވާފަ ނިކުމެ ނޫންތޯ ވިދާޅުވީ ، އެއްވެސް ކަމެއް އަޅުގަޑަކަށް ނޭގެއޭ ! ދެން އެހެންމީހުންގެ ހާލު ހުންނާނީ ކިހިނެއްތަ ؟
ޕޮގްބާ
15 December 2016
ވަރަށްސަޅި ކޮމެއްޓެއް
ދޮންދީނި
14 December 2016
ރަޖާލައިގެން ގޭގައި އޮތީ....ބޭބޭފުޅު ޑރ.ޖަމީލު ގޮވައިގެން ނިކުމެ ވޯޓަށް ސަލާމްޖެހީ....މަނިކުފާނުގެ ލަދުކޮބައިތޯ؟
GAN Island
14 December 2016
ތިޔަ ޕާޓީ އާއި މަނިކުފާނުގެ ވެރިކަން މިސްރާބު ޖަހާފައިވަނީ ''އިރުމައްޗަށް'' ނުވަތަ ޗައިނާ އަށް.. އެއީ ކަމަށް ވެދާނެ ރަޖާލައިގެން ޕާޓީ އޮންނާން ޖެހުނު ސަބަބަކީ. . . . ދިވެހިން ބޭނުމެއްނޫން އެބުރި ހުދުމުހުތާރު ވެރިކަމަކާއި ދިމާލަށް ޤައުމު ގެންދާކަށް. އަދި ދިވެހިންނަކީ ޗައިނާގައި އޮތް ކޮމިއުނިސްޓް އުސޫލު ތަކަށް މި ޤައުމު ހިންގަން އެދޭ ބައެއްވެސް ނޫން. ދެނޯ ؟؟؟
ޏ. އަލްގެދަރ އާންތު ޝަރީފު
14 December 2016
ފަހަރަކު ގޮތަކަށް ކުރިން ވިދާޅުނުވަމެއްނުން ތޯ ތިޔަވިދާޅުވި ގޮތަށް އެފަހަރު ވިދާޅުވީ ސްޕްރީމްކޯޓުން ކޮށްދިން ހުކުމް ތަކަކުން ކަމަށް މިހާރު. ވެސް އެގޮތް އެމަ ންޒަރު އެބަފެނޭ.....
މާންބެ
14 December 2016
މަނިކުފާނު ރަޖާ ލައްވައިގެން ނެތް ކަމަށް ވެއްޖިއްޔާދެތިން ކަމެއް ކޮށްދެއްވާ،، ޕާޓީ ތަކަށް ޖަލްސާ ބާއްވަން ފުރުސަތު ދެއްވާ!! ޚިޔާލު ފާޅު ކުރައްވަން ފުރުސަތުދެއްވާ!!!!! އިންސާފުވެރި މިނިވަން އިންތިޚާބެއް ބާއްވަން ފުރުސަތު ދެއްވާ!!!! ތިބުނާ ގޮތަށް އަސްލުވެސް ރަޖާގަނޑު ދަށުން ނިކުމެ ވަރަށް ގަދަ ކޮށް ގުޑު ގުޑެއް ނައަޅާ ކަން އޭރުން ސާބިތު ކޮށްދެވުނީ!!!! އަދި ފެންނަ ގޮތުން މަނިކުފާނު އެއްގޮތަކަށްވެސް ކެރިވަޑައިގަންނަވާހެން ހިއެއްނުވޭ!!!! 2018 އިގަ އިންތިޚާބު ބާއްވަން ކެރޭނެތޯ؟؟؟؟؟
ބޮކިފަތި 3 އަހަރު
14 December 2016
ރަޖާލާގެން އޮތީމަ ދޯ ފޯމްތައް އިލެކްޝަނަށް ނުލެވުނީ. ޖަލްސާ ބޭއްވެތޯ އުލުނީ އެކަންވެސް ދިޔައީ ފަނިފުލުން.
އަލިކަތީބު
14 December 2016
އަހަރެންހީކުރީ ޕީޕީއެމް ހަރުދަނާކުރަން ބެލިއިރު ދައުލަތުގެ ތިޖޫރި ހުރީ ހުހަށޭ ވިދާޅުވާނެކަމަށް.