މިދިޔަ އަހަރު ބޭއްވި އަމާނާ ތަކާފުލްގެ އަހަރީ އާއްމު ޖަލްސާ.-- ފޮޓޯ: ވީނިއުސް
14 ޑިސެމްބަރ 2016 - 13:20
2 comments
މި އަހަރުގެ ތެރޭގައި ދެވަނަ ފަހަރަށް ހިއްސާގެ ފައިދާ ބަހަން އަމާނާ ތަކާފުލް އިން ނިންމައިފި އެވެ.
ސްރީ ލަންކާގެ އަމާނާ ތަކާފުލް އިން ރާއްޖޭގައި ހިންގާ ކުންފުނިން މިއަދު ނެރުނު ބަޔާނެއްގައި ބުނި ގޮތުގައި މިދިޔަ އޮކްޓޯބަރު މަހުގެ ނިޔަލަށް ހޭދަވި މުއްދަތަށް، ހިއްސާއެއްގެ މޫނު މަތީ އަގުގެ ފަސް ޕަސެންޓް ފައިދާގެ ގޮތުގައި ހިއްސާދާރުންނަށް ބަހަން ވަނީ ހުށަހަޅައިފަ އެވެ.
އެ ގޮތަށް ނިންމީ، އަމާނާ ތަކާފުލް އިން ބުނި ގޮތުގައި، އެ މުއްދަތުގައި ވިޔަފާރީގެ ހުރިހާ ދާއިރާއަކުން ވެސް ކުރިއެރުން ހޯދާފައިވާތީ އެވެ. އެ ގޮތުން، ކުންފުނީގެ ފައިދާ 32 ޕަސެންޓް އިތުރުވެ، 3.1 މިލިއަން ރުފިޔާ އަށް އަރާފައިވާ އިރު، އިންޝުއަރެންސް ކްލޭމްގެ ގޮތުގައި 25.9 މިލިއަން ރުފިޔާ އެކި ފަރާތްތަކަށް ދޫކޮށްފައިވާކަން އެ ކުންފުނިން ފާހަގަކުރި އެވެ.
މި އަހަރު ފުރަތަމަ ފަހަރަށް ހިއްސާގެ ފައިދާ ބަހަން ނިންމި އިރު ވެސް، އަމާނާ ތަކާފުލް އިން ހުށަހެޅީ ހިއްސާއެއްގެ އަގުގެ ފަސް ޕަސެންޓް ހިއްސާދާރުންނަަށް ބެހުމަށެވެ.
ހިއްސާގެ ފައިދާގެ ގޮތުގައި ބަހަން ހުށަހެޅި މިންވަރު ފާސްކުރާނީ އަންނަ އަހަރުގެ ކުރީކޮޅު ބާއްވާ އަހަރީ އާއްމު ޖަލްސާގަ އެވެ.
އަމާނާ ތަކާފުލް އަކީ އިސްލާމީ ޝަރީއަތާ އެއްގޮތަށް އިންޝުއަރެންސްގެ ހިދުމަތް ދޭ ކުންފުންޏެކެވެ. މީގެ އިތުރުން، އެ ކުންފުނިން ވަނީ މިދިޔަ މަހު މޯލްޑިވްސް އިސްލާމިކް ބޭންކް (އެމްއައިބީ)ގެ ފަސް ޕަސެންޓް ހިއްސާ ވެސް ގަނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިބުނީ
14 December 2016
އިސްލާމިކް ބޭންކް ގެ ހިއްސާ ގަތްވާހަކަ އެއީ ނޫސްތަކުން އޮޅުމަކުން ޖެހި ޚަބަރަކާ ވައްތަރީ، ސަރުކާރުގެ ކަމާބެހޭ ފަރާތްތަކަށް އެހިއްސާ އަމާނަތަކަފުލްއިން ގަތްކަމެއްނޭގޭ......، ސަރުކާރުގެ ސިޔާސަތަކީ ސަރުކާރުން ބޭނުންވާބަޔަކަށް އެހިއްސާ ދޫކުރުން......
މިކް
14 December 2016
އަމާނާ ތަކާފުލްއަކީ ރާއްޖޭގައި އިސްލާމީ އުސޫލުތަކާ އެއްގޮތަށް އިންޝުއަރަންސްގެ ޙިދުމަތްދޭ ހަމައެކަނި ކުންފުންޏެވެ. އަދި ރާއްޖޭގައި އިސްލާމީ މާލީ ނިޒާމު ފުޅާކޮށް ކާމިޔާބުކުރުމަށް ގިނަ މަސައްކަތްތަކެއް ކުރަމުންދާ ކުންފުންޏެކެވެ. ނަމަވެސް ހިތާމައަކީ މިފަދަ ކުންފުނިތަކުގެ ހިންގުން ހުއްޓުވާލުމަށް އަދުގެ ސަރުކާރުން ވާދަވެރި ވިޔަފާރީގެ ނިޒާމު ފުނޑާލާ އިންޝުއަރަންސްްގެ ވިޔަފާރިވެސް މޮނޮޕޮލައިޒް ކުރަން އުޅޭތަނެވެ. މިކަމުގެ ހެއްކަކީ ބައެއް ކަހަލަ އިންޝުއަރަންސް ސަރުކާރުގެ އެލައިޑް ކުންފުނިން ނޫނީ ނުހެދޭ ގޮތަށް ހެދުމެވެ. މާލީ އިދަރާތަކުގެ ފާރަވެރި ފަރާތްކަމުގައިވާ އެމްއެމްއޭ ވަނީ މިކަމުގައި ދަތް ނެތް ސިންގާއަކަށް ވެފައެވެ.