ވެލާނާ އިންޓަނޭޝަނަލް އެއާޕޯޓްގެ ވީއައިޕީ އިމާރާތް. މިއިމާރާތުގެ ބޭނުން ކުރަން މިއަދު ވަނީ ފަށާފައި--ފޮޓޯ:އެމްއޭސީއެލް
07 ޖެނުއަރީ 2022 - 13:49
27 comments
ވެލާނާ އިންޓަނޭޝަނަލް އެއާޕޯޓުގެ ވީއައިޕީ/ސީއައިޕީ ޓާމިނަލް މިއަދު ބޭނުން ކުރަން ފަށައިފި އެވެ.
އެމްއޭސީއެލުން ބުނީ މިއަދުގެ ހެނދުނު 6:00 އިން ފެށިގެން އެ ޓާމިނަލް ބޭނުން ކުރަން ފަށާފައިވާއިރު އެއްފަހަރާ 95 މީހުންނަށް ހިދުމަތް ދެވޭނެ ކަމަށެވެ.
ކުރީގެ ރައީސް އަބްދުﷲ ޔާމީންގެ ސަރުކާރުގެ ދުވަސްވަރު ހަދަން ފެށި ހަތަރުބުރީގެ މި އިމާރާތުގެ އެންމެ ތިރީ ބުރިން ހިދުމަތް ދޭނީ ވީވީއައިޕީ ނުވަތަ ގައުމުގެ އެންމެ އިސްވެރިންނަށެވެ. ފުރަތަމަބުރި އާއި ދެވަނަބުރިން ދޭނީ ވީއައިޕީ އަދި ސީއައިޕީގެ ހިދުމަތެވެ. ހަތަރު ވަނަބުރި ހާއްސަ ކޮށްފައިވަނީ އިދާރީ މަސައްކަތްތަކަށެވެ.
ވީއައިޕީ ޓާމިނަލް މަތިން ނަގާފައިވާ ފޮޓޯއެއް--ފޮޓޯ:އެމްއޭސީއެލް
މި ވަގުތު ވެލާނާ އިންޓަނޭޝަނަލް އެއާޕޯޓުގައި ހުރި ވީއައިޕީ ޓާމިނަލުން އެއް ފަހަރާ ހިދުމަތް ދެނީ 65 މީހުންނަށެވެ. އާ ވީއައިޕީ ޓާމިނަލް ބޭނުން ކުރަން ފެށުމުން، މިވަގުތު ބޭނުން ކުރަމުން އަންނަ ވީއައިޕީ ޓާމިނަލް ތަޅައިލާނެ އެވެ. އެތަނުގައި ވެސް އާ ވީއައިޕީ ޓާމިނަލް ވަރުގެ އިތުރު ވީއައިޕީ ޓާމިނަލެއް އެޅުމަށް ވަނީ ހަމަޖެހިފަ އެވެ.
ކުރީގެ އަކުއާ ރެސްޓޯރަންޓް ހުރި ތަނުގައި މޫދު ފެންނަ ގޮތަށް ހަތަރު ބުރި އަށް ހެދި އާ ވީއައިޕީ އިމާރާތުގައި ޗެކިން ކުރެވޭނެ ފެސިލިޓީ އާއި ކެއުންބުއިމުގެ ހިދުމަތްތަކާއި ފާހާނާގެ އިތުރުން ފެން ވެރޭނެ ގޮތާއި ދެ ޖިންސަށް ވަކިން ނަމާދު ކުރެވޭނެ ގޮތްތައް ވެސް ހުންނާނެ އެވެ. ގާތްގަނޑަކަށް 2،000 އަކަފޫޓުގެ މި ބިލްޑިންގުން ހިދުމަތް މި ވަގުތު ދެނީ އެއް ޕްރައިވެޓް ލޯންޖާ އެކު އެވެ. މި އިމާރާތުގައި ތިން ޕްރައިވެޓް ލޯންޖު ވަނީ ހަދައިފަ އެވެ.
ވީއައިޕީ ޓާމިނަލްގައި ހުރި ސޯފާ ގޮނޑިތައް. އެތަނުން އެންމެ ޒަމާނީ ވީއައިޕީ ހިދުމަތް ލިބޭނެ--ފޮޓޯ:އެމްއޭސީއެލް
ވެލާނާ އެއާޕޯޓު ތަރައްގީ ކުރަން ހިންގާ މަޝްރޫތަކަށް އެއް ބިލިއަން ޑޮލަރު ހޭދަވާނެ އެވެ. އެ މަޝްރޫއުގެ ދަށުން އާ ރަންވޭ އާއި އާ ކާގޯ ކޮމްޕްލެކްސް އާއި ފިއުލް ފާމާއި ފަސިންޖަރު ޓާމިނަލަކާއި ސީ ޕްލޭން ޓާމިނަލް ވެސް ހަދާނެ އެވެ. މި ހުރިހާ މަސައްކަތެއް ނިމި ހިދުމަތް ދޭން ފެށުމުން އެއާޕޯޓުގެ ކެޕޭސިޓީ އެތައް ގުނައެއް އިތުރުވެ، ހިދުމަތް ދިނުމުގައި މިހާރު ދިމާވާ ލަސްކަން ނިމުމަކަށް ގެނެވޭނެ ކަމަށް އެމްއޭސީއެލުން ބުނެފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަބަރޭ
08 January 2022
ޢާއްމު ރައްޔިތު މީހާއަށް ތިކަމުން ކުރާނެ މަންފާއެއް ނެތް. ސިޔާސީ ބޭފުޅުންނަށް …..،
އިސްމާލު
08 January 2022
ހެހެހެ.. ޕައިރަޓުންގެ ޤައުމެއްގައި އެއްސަރުކާރަކުން ކުރާ ކަމެއް ދެންއަންނަ ސަރުކާރުން ބަލައިނުގަތުން އެއީ އާއްމުކަމެއް. ކަންއޮތީ އެހެންވެފައި.. ފަރުނީޗަރެއްނެތޭ، ފައިސާއެއްނެތޭ ކިއާފަ ލައްކަގިނަ މައްސަލަތަށް ތިލަ ކޮއް އެތަން ނުހުޅުވާ އެތަން ނައްތާލަން ކިތަންމެ މަސައްކަތެއްކުރެވުނު. ޓޫރިޒަމްގެ އެންމެ ކާރޫބާރޫ ބޮޑު ދުވަސްވަރުވެސް ހަމަ އެއަރޕޯޓަށް އެއަންނަބާރު ލުއިކޮއްލާކަށް ބޭނުމެއްނުވި. މިއަދު ހަމަ ކުއްލިއަކަށް ޗައިނާގެ މިނިސްޓަރެއް އަންނާތީ..
އިސްމާލު
08 January 2022
ފެންނަފެނުމަށް ޗައިނާ ސަރުކާރުގެ އެހީތެރިކަމާއިއެކު ހަދަމުންދިޔަ ތަނެއްކަމަށް ލަފާކުރެވޭ.. ނިމިފަ ބޭނުންނުކުރަންޔާމު ސުވާލު އުފެދޭނޭ. މިއޮތީ ވާކަމެއް.
ޙުސެންް
08 January 2022
2000ޢަކަ ފޫޓް ހަަދަ ކުޑަތަނެއް...
ރޯއީ.
07 January 2022
ޝުކުރިއްޔާ ރ ޔާމީން.
ބޯއި
08 January 2022
އޭނައަށް ވަކިން ޝުކުރުއަދާކުރަންޖެހެނީ އޭނަގެ އަމިއްލަ ފައިސާއިން ހެދިތަނެއްތަ އެއީ؟ ރަނގަޅަށް ބަލާއިރު އެތަނުންވެސް އެއްބައި އޮންނާނީ ޖީބަށް ކަހާލާފައި.
ނޭމް
07 January 2022
ބިލްޑިންގްގެ ބޭރު ރީތިވެފަ ޒަމާނާ އަދި ތަނާ ގުޅޭ. އެކަމަކު ރަތް ކުލައިގެ ސޯފާތައް އެހެރަ އިންޓީރިއާ ފާރުގެ ކުލަޔާ ފްރުނީޗަރާ ކާޕެޓް ހީވަނީ ހަތްދިހައިގެ އަހަރުތަކުގެ ހޮޓަލެއްހެން.
ހީވަނީ
08 January 2022
ތިކަންވެސް ނޯންނާނެ ރަނގަޅުގޮތަކަށް ކޮށްފަ. ބަލާލަން ރީތިވެދާނެ. ފަހަރެއްގަ އެތެރޭގައި ހޮއިވެސް ހުރެދާނެ
މޭން
08 January 2022
ޒަމާނީ ފެންވަރުގެ ހޮސްޕިޓަލަކީ ހޮހަޅައެކޭ ބުނި ސޮރެއްގެ ވިސްނުނުން ހުންނާނީ ހަތްދިހައެއް ނޫން ސާޅިހުގަ.
ވޭން
08 January 2022
މައްސަލައަކީ ހޮސްޕިޓަލެއް ނޫން. ދެޓަވަރު އަޅަންބުނިތަނުން އެއްޓަވަރު ހެންވޭރުކޮޅުގަ އެޅީމަ. އެވެސް ވާރުތަމުދަލުން އެޅިތަނެއްތަ؟ އަދިވެސް ތަތްމިނަށް އަނގަފުޅާކުރޭ.
ޢަލީ.
08 January 2022
ރޓ މީހުނައް ރީތިހުތުރު ކިޔާކައް ނޭގޭނެ.
މުރާސިލް
07 January 2022
މިފެންނަނީ ރައީސް ޔާމިންގެ އިޤްތިސާދީ ދުރުވިސްނުމުގެ ތެރެއިން ބިނާކުރެއްވި ބިނާތައް ފުރުހަމަވެ މިޤައުމަށް އެކަމުގެ މަންފާ ލިބެމުންދާ އުފާވެރި މަންޒަރެވެ. މިޤައުމަށް އަދިވެސް ބޭނުންވަނީ ރައީސް ޔާމީންކަން ކަށަވަރުވަނީ މިފަދަ އެތައް ކަމެއްގެ ސަބަބުންނެވެ.
ހަސަން213423ދސ
08 January 2022
ރައީސް ޔާމީނު އަނިޔާވެރިވެ ފައިސާގަ މާބޮޑައް ޖެހުނީމަ ދޯ ވެރިކަން ގެއްލުނީ .. ދެންވެސް އެމަނިކުފާނު ވެރިކަމައް އައިސް ކޮރަޕްޝަން ނުހިންގާނެ އެކޭ ނުބުނާނަން .. ރައީސް ޔާމީން ލޯނުނަގައިގެން ކަންކަން ކުރިއަކަސް މައްސަލަ އަކީ ޖީބައް އަޅާ ބައި ގިނަ ކަމުން ..
މޯޑް
07 January 2022
ބާ ފަރުނީޗަރ ލައިގެން ތަން ހުޅުވީ. ލަދުކޮބާ? ބޯނަސް ކޮބާ?
ލޯޑު
08 January 2022
އެވާނީ ހިޔާ ފުލެޓުގޮތަށް ނިންމާފަހުރި ތަނަކަށް. އަދިވެސް ލަދުގަންނަންޖެހެނީ އެހެންބައެއްތަ؟
ސުޖާ
08 January 2022
ލަދެއް ނުގަނޭތަ ބޯނަސް ކޮބާހޭ އަހަން، ބަލަ ލޮކްޱަައުން ތެރޭ މުޅި އެއާޕޯޓް ބަންދު ކޮށްގެން ކަލޭމެން ނަށް މުސާރަ ނުދޭތަ؟
ޖެކް
07 January 2022
ޔާމީން ލޯނު ނެނީ މަންފާ ލިބޭ ކަންކަމަށް! މި ސަރުކާރު އެބަ ލޯނުނަގާ ގޭގެ އޮޅިގަނޑު ރާނާލަންވެސް!
ބެކް
08 January 2022
ތިހެން ނަގާ ލޯނުގެ އެއްބައި ދިރުވާލަނީ. މިސަރުކާރުން ނަގާ ލޯނުގެ ހުރިހާ އެއްޗެއް ޚަރަދުކުރާނީ ލޯނުނެގި ބޭނުމަށް
ރައި
07 January 2022
މީ ރައިސް ޔާމީނު ބިންގާ އެޅި ތަނެއް. ތަނބު ޖެހީ ރައީސް ސޯލިހް، ޝީޓް އެޅީ ރައިސް ސޯލިހް، ކަރަންޓް، ފެން ފިނިޝިންގ ރައީސް ސޯލިހު ފައިސާ ދެއްކީ ދިވެހި ރައްޔިތުން މީގެ ކްރެޑިޓް ލިބެންވީ ރައީސް ޔާމީނަށް؟
ރަކި
08 January 2022
މީ ކޮންރަށަކު މީހެއް ، ކޮސްގޮވިޔަސް ތަންކޮޅެއްރަނގަޅު ކޮހެއް ގޮވައިބަލާ ނިކަން،
ދެންދޯ
08 January 2022
އެވެސް އެއްބައި ކާލާފައި އޮތްވައި
ހމމމ
09 January 2022
ދިވެހި ރައްޔިތުންނަށް... އެންމެންގެ ޖީބުން ވަންނަ އެއްޗެއް.. ކޮން ސިޔާސީ އެއްތަ؟ އެންމެން އެއްބައިވީމަ އަމިއްލް ޖީބުން ކުރާ ޚަރަދުގެ މަންފާ ލިބޭނީ
ޒިންދާބާދު
07 January 2022
ރައީސް ޔާމީން ޒިންދާބާދު ފައްތޭ ޒިންދާބާދު ރައީސް ޔާމީން ޒިންދާބާދު ފައްތޭ ޒިންދާބާދު ރައީސް ޔާމީން ޒިންދާބާދު ފައްތޭ ޒިންދާބާދު ރައީސް ޔާމީން ޒިންދާބާދު ފައްތޭ ޒިންދާބާދު ރައީސް ޔާމީން ޒިންދާބާދު ފައްތޭ ޒިންދާބާދު ރައީސް ޔާމީން ޒިންދާބާދު ފައްތޭ ޒިންދާބާދު ރައީސް ޔާމީން ޒިންދާބާދު ފައްތޭ ޒިންދާބާދު ރައީސް ޔާމީން ޒިންދާބާދު ފައްތޭ ޒިންދާބާދު ރައީސް ޔާމީން ޒިންދާބާދު ފައްތޭ ޒިންދާބާދު ރައީސް ޔާމީން ޒިންދާބާދު ފައްތޭ ޒިންދާބާދު