ރ. އުނގޫފާރުގައި މިއަދު ބޭއްވި ރަސްމިއްތުގައި ނައިބު ރައީސް ފައިސަލް ނަސީމް ވާހަކަ ދައްކަވަނީ -- ފޮޓޯ/ރައީސް އޮފީސް
16 ޖެނުއަރީ 2022 - 12:21
12 comments
ރައްޔިތުންނަށް މަޖުބޫރީ ހާލަތެއް ކުރިމަތި ކުރުވައިގެން، އެއް ދިމާލަކަށް މީހުން އެއްކުރުމަކީ މި ސަރުކާރުން ކުރާނެ ކަމެއް ނޫން ކަމަށް ނައިބު ރައީސް ފައިސަލް ނަސީމް މިއަދު ވިދާޅުވެއްޖެ އެވެ.
ރ. އުނގޫފާރު ހޮސްޕިޓަލުގައި ސީޓީ ސްކޭނާއި މެމޮގްރަފީ އަދި އޯޕީޖީގެ ހިދުމަތް ތައާރަފު ކުރުމަށް، އެ ރަށުގައި ބޭއްވި ރަސްމިއްޔާތެއްގައި އެ މަނިކުފާނު ވިދާޅުވީ، މި ސަރުކާރުގެ ސިޔާސަތަކީ ލާމަރުކަޒީ ނިޒާމުގެ ދަށުން ވީހާ ވެސް އަވަސް ހިދުމަތްތަކެއް ފޯރުކޮށްދިނުން ކަމަށާއި އެއީ ހަމައެކަނި ކައުންސިލްތައް ހިންގޭނެ ގޮތް ހަމަޖެއްސުމެއް ނޫން ކަމަށެވެ.
ފައިސަލް ވިދާޅުވިގޮތުގައި، އެންމެ މުހިންމު ކަމަކީ ސިއްހީ ދާއިރާ ފަދަ ހިދުމަތްތައް އެ ރަށަކުން ލިބޭނެ ގޮތް ހަމަޖައްސައިދިނުމެވެ. ރައްޔިތުންނަށް ތަނަވަސްކަން ލިބެން އޮތް ގޮތަކީ އެއީ ކަމަށް ނައިބު ރައީސް ވިދާޅުވި އެވެ.
"މަޖުބޫރު ކޮށްގެން ވަކި ދިމާލަށް ރައްޔިތުން ގެންދިޔުމަކީ މި ސަރުކާރުން ކުރަން ބޭނުންވާ ކަމެއް ނޫން. ރައްޔިތުންނާ އެކުގައި، އަޑު އަހައިގެން ރައްޔިތުން ބޭނުންވާ ގޮތަށް ކަންކަން ކޮށްދިނުމަކީ އެންމެ ސަމާލުކަން ދޭން ބޭނުންވާ ގޮތް،" ފައިސަލް ވިދާޅުވި އެވެ.
އެ ސިޔާސަތުގެ ދަށުން ޓާޝަރީ ހޮސްޕިޓަލްތަކަށް ބަދަލުކުރުމުގެ މަސައްކަތް ބާރަށް ކުރިއަށް ދާ ކަމަށް ފައިސަލް ވިދާޅުވި އެވެ.
ސިއްހީ ދާއިރާ ތަރައްގީ ކުރުމަށް މިދިޔަ ފަސް އަހަރުގެ ތެރޭގައި ގިނަ ކަންކަން ކޮށްފައިވާ ކަމަށާއި މާލެ ފިޔަވައި އެހެން ރަށްރަށުން މިހާތަނަށް 3،000 މީހުން ސީޓީ ސްކޭންގެ ހިދުމަތް ހޯދާފައިވާ ކަމަށް ނައިބު ރައީސް ވިދާޅުވި އެވެ.
"އެ ކަންކަމަކީ މީގެ ކުރިން ބޮޑު ހަރަދުކޮށްފައި ގިނަ ތަކުލީފާއެކު، މާލެ ދާން ޖެހޭ ކަންކަން،" ފައިސަލް ވިދާޅުވި އެވެ.
މާލެ ސަރަހައްދަށް މީހުން އެއްކުރުމަކީ މި ސަރުކާރުގެ ސިޔާސަތެއް ނޫން ކަމަށް ފައިސަލް ވިދާޅުވިއިރު، އިދިކޮޅު ލީޑަރު އަދި ކުރީގެ ރައީސް އަބްދުﷲ ޔާމީން މި ފަހުން ވަނީ މާލެ ސަރަހައްދުން ގޯތި ދިނުމާއި ފްލެޓް އަޅައިގެން ތަރައްގީ ކުރުމަށް ތާއީދު ކުރައްވައި ވާހަކަފުޅު ދައްކަވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަންތަރީސް898989
17 January 2022
މި ވަރުގެ ނައިބް ރައީސެއް އަދި މި ދިވެހިރާއްޖެ ނުދެކޭ. ވެރިކަމަށް ދަހިވެތިކަމެއްނެތް. ހިތް ތިރި. އޯގާތެރި. މަޑުމައިތިިރި. މީ ޖަމީލުމެން ނަމޫނާ އަކަށް ބަލަންވީ މީހުން. ވ.ކެއްތެރި ވެގެންނޫނީ ނައިބް ރައީސްކަން ނުކުރެވޭނެ. އަދި ކަރުފެޅޭވަރަށް ކަރުން ނާރު ނަގާފަ ހަޅޭއްލެވިޔަކަސް ނައިބް ރަޢީސްކަމެއް ނުކުރެވޭނެ. ފަހަތަށް ޑޮކްޓަރު ކިޔަކަސް އަދި ހިލްމެއް ނެތިއްޔާ އޭހަމަ ފަޅޯ އޮނެއް.
ބޮޑުމީހާ
16 January 2022
ހުރިހާ ރަށެއް ތަރައްގީ ނުކުރެވޭނެ. ޖަޒީރާ ރާއްޖެ ކިޔާފަ އެމްޑީޕީގެ އިސްވެރިންގެ އާއިލާތައް އުޅެނީ ރާއްޖެން ބޭރުގަ. ތިއުޅެނީ ހިދުމަތް ދޭކަށެއް ނޫން. ރައްޔިތުން ވާވައްދަން. އާބާދީ ނެތި ހިދުމަތެއް ނުދެވޭނެ
ޝަފީރު
16 January 2022
ކަލޯގެއާ ކީކޭތަ ތިޔަ ކިޔަނީ. ދައްކާ ވާހަކައަކާ ކަން ހިނގަމުން ގެންދާގޮތަކާ ދިމާއެއްނުވެޔޭ. ބަރިބަރިއަށް ފުލެޓް ހަދާފައި ވިއްކީމާ ފުނިޖެހޭވަރު މަދެއްނުވާނެ.
ދިއްދޫމީހާ
16 January 2022
އެހެންވީމާ އެޑިޔުކޭޝަން މިނިސްޓަރުވެސް މަޖުބޫރް ވެގެންތާ މާލޭގަ މިއުޅެނީ، އެކަން ނައިބް ރައީސްއަ އިންގޭތޯ؟؟
ކިލާން
16 January 2022
ކޮބާ މަޖްބޫރު ނުކޮށްފަ..އެރަށަކުން ވަޒީފާ ބޭނުންވާ އެއްމެނަށ ފައިސަލް ވަޒީފާ ދޭނަންތަ؟ދާއިމީ ބޮޑެތި ބަލިތަކަށް ފަރުވާ ހޯދަން މާލެ ނުގޮސް ރަށުގައި ތިބޭ މީހުނަށް ފައިސަލް ފަރުވާ ކޮށްދޭނަންތަ؟؟މަތީ ގްރޭޑްތައް ނިންމާ ހުރިހާ ކުދިން ރަށުގައި ތިއްބަ ފައިސަލް ކޯސްހަދައިދޭނަންތަ؟
ހިބިރިންބެއްޔާގެ ކުޑަސޮރު
16 January 2022
ހުރި ހީލަތްތެރިކަން ބަލާބަލަ. ކޮބާ 4000 އަކަފޫޓުގެ ވައުދު. އެއީ ސީދާ ތޮއްޖެއްސުމަށް ޖަހާ ދަންތުރައެއްނޫންތަ؟ މީ ސީދާ ފޮނިއަނގައިން ހިފާއްޓާ މީހެއް.
އެމްޑީޕީ ސަރުކާރު އިސްތިއުފާ
16 January 2022
މަޖްބޫރުން ނޫން. ސިއްހީ ހިދުމަތްތަކާއި ރަނގަޅު އާމްދަނީއެއް ލިބޭ ވަޒީފާތަކާއި ރަށްރަށުން ނުލިބޭ އެއްޗެހި މާލޭއިން ލިބޭތީއާއި ރަށްރަށުން ކިޔެވުމަށް ވުރެ މާލޭއިން ރަނގަޅަށް ކިޔެވޭތީ މާލެދާން މަޖްބޫރުވަނީ. ރަށްރަށުގައި ނުލިބޭ އެއްވެސް ހިދުމަތެއް. އެންމެ ކުޑަމިނުން މާލޭގެ އެންމެ އާދައިގެ ޖިމުގެ ހިދުމަތެއްވެސް ރަށްރަށުން ނުލިބޭ. ކާގޯވެސް މިއަންނަނީ މާލެއަށް، ރަށްރަށަށް ޑައިރެކްޓްކޮށް ނާދެވޭ. ދެން ކޮންވާހަކައެއް ދައްކާކަށް ފައިސަލް މިއުޅެނީ.
އަހަންމާ44
16 January 2022
ކެޕިޓަލް ސިޓީގަ ލިބޭ ހިދުމަތެއް އެހެން ހިސާބުތަކުން އެއްވެސް ގައުމެއްގަ ނުލިބޭނެ. 300 މީހުން އުޅޭ ރަށެެއްގެ ބަޔަކުވެސް ބޮޑު އާބާދީ އެއް އޮންނަ އެހެން ރަށަކަށް ބަދަލުވާކަށް ބޭނުމެއް ނުވޭ. ހަމަ ބޭނުން ވަނީ މާލެ. މާލެ އިން ފްލެޓް. އެކި ހިސާބުތައް ތަރައްގީކުރަން ބޭނުމެއްނުވޭ. މިއީ ވިސްނުން ހުންނަގޮތް. މިހާރު ރަށްރަށުގެ ތައުލީމުގެ ފެންވަރު ދަށެއްނޫން. މާލެއަށް ވުރެން ރަގަޅު. ކެމްޕަސްތައް އެބަހުރި.
ސަސި
16 January 2022
ރަގަޅު މީހަކު ނުބުނޭ މާލެއަންނާކަށް، ޒަމާނުންސުރެ ސިޔާސަތުތަށް ރާވަފަ ހުރީ މާލެ އައިސްގެން ނޫނީ އެއްވެސް ކަމެއް ނުކުރެވޭ ގޮތަށް. އަނގައެއް އޮތިއްޔާ ވާހަކަ ދެއްކިދާނެ
ބަހުރުވަ ޙަސަނު
16 January 2022
ޒަމާނުއްސުރެ ދިވެހިން އުޅެމުން އައިސާދާ ދިރިއުޅުން ބިކަކޮށް މަންމައާބައްޕަ މުސްކުޅިވީ ދުވަހު ދަރިންނާ ވަކިކޮށް މައިންބަފައިން ނިކަމެތިކުރުމަށް ބާރުއެޅޭ ގޮތަށް މަގުފަހިވާ ގޮތަށް މީސްމީހުން ކޮށިކޮށީގައި ބަންދުކޮށް ތޮއްޖައްސާ ކިޑިކީއަކުން ބޯދީ ބޭރު ބަލައިލައިގެން އުޅެމުން އައި ބައެއް ނޫން ދިވެހިންނަކީ ދިވެހިންނަކީ ގޯތިތެރޭގައި ހެލިފެލިވެ ބަނިޔާދަން ކަމުގައި އައި ބައެއްކަމާ އެރިތި އާދަތަކުގައި ދެމި ތިބެވުނީވެސް ގެދޮރުގެ ތަނަވަސް ކަމައި އެކުގަ އެވެ.
އެމްސް
16 January 2022
ލާމަރުކަޒު ކުރަންވީ ވަޒީފާގެ ފުރުސަތުތައް!
ހަރުބީފާނު
16 January 2022
ކޮއްކޯ ލާމަރުކަޒީ ހުރިހާ ކަމެއްވެސް ކުރެވޭނީ ބޮލުގައި ތެތްކަމެއް ހުރި ބަޔަކަށް. ރީނދޫ ކުލަބުގެ އިސް ސަފުގައި ތިބީ ގިނައިން ކަންނެތް ޖާހިލު އަދި ދުންބުރުވާ މީހުން. ދައްކަން އުޅެނީ ބިލޭހެއް ފަދަ ވާހަކަ. ނަމަވެސް ރައްޔިތުންނަށް އިނގޭ ދިރިއުޅުން ދަނީ ކޮންމެ ރައްޔިތަކަށްވެސް ދަތިވަމުންކަން