ސޮލިޓެއަރގެ އެޕާރޓްމެންޓެއްގެ ލިވިންގ ރޫމް--ފޮޓޯ: ސޮލަޓެއާ
24 ޖެނުއަރީ 2022 - 13:26
7 comments
ހުޅުމާލޭގައި ޓާޓާގެ ސަބްސިޑަރީ ކުންފުނިން ހަދާ "ސޮލިޓެއާ"ގެ އެޕާޓްމެންޓްތައް އަންނަ އަހަރު ނިންމާނެ ކަމަށް އެ ކުންފުނިން ބުނެފި އެވެ.
ސެންޑަލް މޮރިޝަސް އިން ކުރިއަށް ގެންދާ މި ޕްރޮޖެކްޓްގެ ދަށުން އިމާރާތް ކުރަނީ 1،200 އަކަފޫޓުގެ 1+3 ކޮޓަރި އާއި ފާހަނާ ހިމެނޭ އެޕާޓްމެންޓްތަކެކެވެ. ހުޅުމާލޭގެ ފިތުރޯނު މަގުގައި ހަދާ ކޮންމެ އެޕާޓްމަންޓެއްގައި ޕްރައިވެޓް ބެލްކަންޏަކާއި ބޮޑު ސިޓިން ރޫމަކާއި ޒަމާނީ ބަދިގެއެއް ހިމެނޭނެ އެވެ. އަދި އަންނައުނު ދޮވެ ހިއްކުމަށް ހާއްސަ ޖާގައެއް ވެސް ހުންނާނެ އެވެ.
ސޮލިޓެއާގެ ކޮންމެ އެޕާޓްމަންޓެއް ޑިޒައިން ކޮށްފައި ވަނީ ދިރިއުޅުމުގެ ހިތްފަސޭހަކަމަށް ހާއްސަ ސަމާލުކަމެއް ދީގެން ކަމަށް އެ ކުންފުނިން ބުންޏެވެ. ސޮލިޓެއާގެ 10 ބުރީގެ އިމާރާތުގައި 64 އެޕާޓްމެންޓާއި ދެ ޕެންޓްހައުސް ހުންނާނެ އެވެ.
ސޮލިޓެއާގެ ލޮބީގައި ކުޑަކުދިންނަށް ހާއްސަކޮށް ހެދިފައި ހުންނާނެ ކޮޓަރި--ފޮޓޯ: ސޮލިޓެއާ
މި އެޕާޓްމެންޓްތަކުގައި ދުވާލު ގަޑީގައި ކަރަންޓަށް ބަރޯސާ ވާން ނުޖެހޭ ވަރަށް ގުދުރަތީ އަލި ލިބޭނެ ގޮތަށް ވަށައިގެން ކުޑަދޮރުތައް ހުންނާނެ އެވެ. އަދި ޕްރައިވެޓް ބެލްކަނީގައި އާއިލާއާއެކު ވަގުތު ހޭދަކޮށްލައި ސައި ބޯލަން ތިބެވޭނެ ރަނގަޅު ޖާގައެއް ހަދާފައި ހުރެ އެވެ.
ސޮލިޓެއާގައި ދިރިއުޅޭ މީހުންނަށް ޖިމަކާއި އިންފިނިޓީ ޕޫލެއްގެ އިތުރުން ކުޑަކުދިންނަށް ހާއްސަ ކުޅޭ ތަނެއް ވެސް ހުންނާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަސަރު69
25 January 2022
ކުރާނެކަމެއްނެތް. އާދައިގެ ދެރަވަރު މީހުނަށް އޮންނާނީ ހިންދިރުވާލައިގެން ތިބުން. ދެރަވަރު މީހުންގެ ޖާގަކުޑަވާނެ. ކުލިބޮޑުވާނެ. ތަން ހަދައިދޭނީ ކޮތަރުކޮށީގެ މިސާލުގާ. އަހަރެން ހިތަށްއަރަނީ މިކަންކަން ހަމަޔަކަށް އަޅުވައިދީ އާންމު ރައްޔިތުންގެ އަޑުއަހާ އެމީހުނަށް އެހީތެރިވާނޭ ބަޔަކު ވެރިކަމަށްއަރާނީ ކޮންއިރަކުން ބާއޭ. ޗައިނާޓައުންއިން މަމެންނަށް ލިބުނު ތަނަށް 7350 ރުފިޔާ ދައްކާފާ ބިލްތައް ދެއްކީމާ ދެން ކާނެއެއްޗެއް ނޯވޭ. 2023 މަމެންގެ އަހަރަށް؟؟؟
ހާސަރު 96
25 January 2022
އާދައިގެ ދެރަވަރު މީހުން ނުޖެހޭ ލަގުޒަރީ އެޕާރޓްމަންޓު ގަންނަން ކަރުދަމައިގެން ތިބޭކަށް. ހުރިހައި ގައުމެއްގައި ވެސް މުއްސަދިންނަށް މޮޅެތި ގޮތް އޮންނަން ޖެހޭ އިރު ނިކަމެތި މީހާއަށް އޮންނަން ޖެހޭނީ ގޮތެއް. ކަންނެތް ކަމާއެކު މާކަނާ އިންނަހެން ކަރުދަމައިގެން ތޮށި މަތީގައި އިނީމާ ރަގަޅުވާނެ، އިރު އޮއްސުނީމާ ގޮސް ނިދާނީ.
ށަވިޔަނި
25 January 2022
ދުނިޔެ އޮތީ މަހުޖަނުންގެ މުށުތެރޭ. މަގޭ ޝަކުވާއެއް ނެތް. ފަގީރުންނަށް ކަންކޮށްދެވޭނީ ހިލޭސާބަހަށް ކަންކޮށްދޭ ޖަމާއަތްތަކާއި ޖަމްޢިއްޔާތަކަށް. ވިޔަފާރި ކުންފުނިތަކަށް އެކަން ނުކުރެވޭނެ. އެމީހުންގެ ފަރާތުން އެފަދަ އުންމީދެއްކުރާނީ މޮޔައެއް.
މަހުޖަނު
24 January 2022
މިހާރު އެޕާޓްމަންޓުތައް މި ހަދަނީ ހަމައެކަނި މުއްސަނދިންނަށް. ހިޔާ ފްލެޓުވެސް އެ އުޅެނީ 2 މިލިއަނަށް އެއީވެސް މުއްސަދިންނަށް ނޫނީ މަޖިލީސް މެންބަރުންގެ އައިލާ ނޫނީ ޑްރަގް ވިޔަފާރިވެރިން އާދައިގެ ދިވެއްސަކަށް މަހަކު ލިބެނީ 5،000 ރުފިޔާ. އެޕާޓްމެންޓް ވިއްކަންވާނީ ބޮޑުވެގެން 500،000 ނޫނީ 6 ލައްކަ ރުފިޔާއަށް.
ރަދީފްއޮފިޝިއަލް
24 January 2022
ކޮބާ އަގު؟؟ މަހުޖަނުން ލެވެލް ދެއްތޯ؟؟!!
އަލީ ހަސަން
24 January 2022
މިހާ ވަރައް ބޮޑެތި އަދަދުތަކުން ގަންނަން ޖެހޭ ތަންތަނާ ބެހޭ ވަކިން ގަވާއިދެއް ގާނޫނީ ފަރުވާ ހޯދުމައް އޮންނަނަމަ...މިސާލަކައް..ކޭ ޕާކް.. އެހާ ދުވަސް ވީއިރުވެސް ނެހެދިއެހުރީ ....20އަހަރު ލޯންދައްކާ ނިމޭއިރު އަނެއްކާ ތަންތަޅާލާފަ ހަދަންޖެހޭވަރަުގަ ހުންނަނީ.....ސިނަމާލެ ފްލެޓް މިސާލަކައް
އަމާސަރާ
25 January 2022
ކޭޕާކު ނުނިމޭނެ. ކޭޕާކު ލާރިގަނޑު ހިފައިގެން ބޮޑުމީހާ، ހަގު އަނބި ގޮވައިގެން ހަފްތާއަކު އެއްފަހަރު ދުނިޔޭގައި އެހަރަގެން ބުރުޖަހަނީ. މިހާރު ހުސްވަން ކާރިވެފާ ހުންނާނީ. ލާރި ދެއްކި މީހުން ކޮންހާލެއްގައި އެ އުޅެނީ.