ށ. ފުނަދޫގައި ހުރި ދިރާގު އެއްޓަނާގެ މެދުގައި 12 އަހަރުގެ ކުއްޖާ އިށީދެ: އެންޓަނާ އަށް އަރައި، ނުފައިބައި އިންނަތާ ތިން ގަޑިއިރު ވެއްޖެ --ފޮޓޯ/ކޮމްބައިން ޕްރިންޓާ
15 ޑިސެމްބަރ 2016 - 21:06
20 comments
ށ. ފުނަދޫގައި 12 އަހަރުގެ ފިރިހެން ކުއްޖަކު ބަޔަކަށް އަތުނުވާން ވެގެން އެ ރަށުގައި ހުންނަ ދިރާގުގެ 280 ފޫޓުގެ ދިގު އެންޓަނާގެ އެންމެ މައްޗަށް އަރައިފި އެވެ. އެންޓަނާ އިން އޭނާ އަދިވެސް ނުފައިބައި ކަމަށް އެ ރަށު މީހުން ބުނެ އެވެ.
އެ ރަށުގެ ވާހަކަ ދެއްކި މީހަކު ބުނީ ސިކުނޑީގެ އުނިކަމެއް ހުންނަ އެ ކުއްޖާ އެންޓަނާ އަށް އެރީ މިއަދު ހަވީރު ހައެއް ޖަހާކަން ހާއިރު ބަނދަރުމަތީގައި ހުރެ ޕެޓްރޯލް ފުޅިއަކުން ވަސް ބަލަން ފެށުމުން އެކަން ފުލުހުންނަށް އަންގާނެ ކަމަށް ބަޔަކު ބުނުމުން ކަމަށެވެ.
"ބަނދަރުމަތީގައި ތިބި ބަޔަކު ބުނީ އެކަން ޕޮލިހަށް އަންގާނެ ކަމަށް. އެހެން ބުނުމާ އެކު ދުވެފައި ގޮސް އެންޓަނާ އަށް އެރީ. އަދި ވެސް އޭނާ ހުރީ އެންޓަނާގެ މެދަށް ވުރެ މަތީގައި،" އެ މީހާ ބުންޏެވެ.
އޭނާ ބުނީ އެ ކުއްޖާއަށް އެ އެންޓަނާއަށް އެރުނީ އެންޓަނާގެ ބައުންޑަރީ ވޯލްގެ ގޭޓް ހުޅުވާފައި ހުރުމުން ކަމަށެވެ.
ށ. ފުނަދޫގައި ހުންނަ ދިރާގުގެ 280 ފޫޓުގެ އެންޓަނާ
އެ ކުއްޖާ އެންޓަނާއަށް އެރުމުން އެ ސަރަހައްދަށް އެ ރަށުގެ ގިނަ ބަޔަކު ޖަމާވެފައި އެބަތިބި ކަމަށް ވެސް އޭނާ ބުންޏެވެ.
"އެންޓަނާ ހުރި ސަރަހައްދު އަނދިރިވުމުން އެ ކުއްޖާ އެހާ ރަނގަޅަކަށް ނުފެނޭ. ދޭތެރެ ދޭތެރެއިން ތަންކޮޅެއް ތިރިއަށް ފޭބުމަށް ފަހު މައްޗަށް އަރާ ތަން ވެސް ފެނޭ،" އެ މީހާ ބުންޏެވެ.
ފުލުހުން ވެސް އެތަނުގައި އެބަ ތިބި ކަމަށް އޭނާ ބުންޏެވެ.
އޭނާ ބުނީ އެންޓަނާ އަށް އެހެން މީހަކު އަރަން އުޅެފި ނަމަ އެ ކުއްޖާ ފުންމާލާފާނެކަމުގެ ބިރު ވެސް އޮތް ކަމަށެވެ.
ޑިސެމްބަރު 15، 2016: ށ. ފުނަދޫގައި ހުންނަ ދިރާގުގެ 280 ފޫޓު އުސް އެންޓަނާގެ މައްޗަށް 12 އަހަރުގެ ފިރިހެން ކުއްޖަކު އަރާ: އޭނާ އެންޓަނާ އަށް އެރީ ބަޔަކަށް އަތުނުވާންވެގެން ކަމަށް ވޭ. ފޮޓޯ/ކޮމްބައިން ޕްރިންޓާ
"އެންމެ ތިބީ ބިރުން. މީހަކަށް އަރާކަށް ވެސް ނުކެރޭ، އެ ކުއްޖާ ހަދާނެ ގޮތް ނޭނގޭތީ،" އޭނާ ބުންޏެވެ.
ފުލުހުންގެ މީޑިއާ އޮފިޝަލަކު ވިދާޅުވީ ފުނަދޫގައި އެކަހަލަ ހާދިސާއެއް ހިނގައިގެން އުޅޭކަމުގެ ރިޕޯޓް ފުލުހުންނަށް ލިބިގެން އެތަނުގައި ހަރަކާތްތެރިވަމުން އަންނަ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސޒާހަޖަސަ
15 December 2017
ފުލުހުން ޔުނިފޯމް ގަ ތި ސަރަހައްދުގަ ހަރަކާތްތެރި ވުމުގެ ބަދަލުގައި ކުލަ ހެދުމުގަ ތިބުން މުހިއްމު. އަދި އެކުއްޖާގެ ގާތް އަދި އާއިލާ މީހުން ނުވަތަ އެކުއްޖާ އިތުބާރު ކުރާ ބަޔަކު ފެންނަން ތިބުން މުހިއްމު.
ޣޮއްވަޅުގަނޑު
15 December 2016
ޢެމްއެންޑީއެފް ގެ ހެލިކަޕްޓަރުގެ ބޭނުން ހިފަން ފެނޭ.
ދޮން އާމިރު
17 December 2016
ހުޔޮނުވާނެ އެބާ ހުލިކަޕްޓަރުން އެކަންކުރާކަށް.
ހަގީގަތް
15 December 2016
ވަރަށް ގިނަ މައިންބަފައިން ވަރަށް ގިނައިން ބުނޭ ކަމެއް ވާއިރަށް ފުލުހުންނަށް ގުޅާނަމޭ. ގިނަ މައިންބަފައިންނަށް ވިސްނިފައި އޮންނަނީ ފުލުހުންނަކީ ބިރުދައްކާ ބައެއްގެ ގޮތުގައި. އޭގެ ބަދަލުގައި ފުލުހުންނަކީ ކީއްކުރާ ބައެއްކަން އެކުދިންނަށް ވިސްނައިދީ، ފުލުހުންނަކީ ހިމާޔަތް ދީ، އަޅާލާ އޯގަތެރި ބައެއްކަން ވިސްނައިދެނީ ކިތައް މައިންބަފައިން ތޯ؟
ނަސޭހަތް
15 December 2016
ހުރިހާ އެންމެން ގެއަށްދޭ. މަޑުމަޑުން މޮނިޓަރ ކުރާނެގޮތް ފުލުންނަށް އެނގޭނެ. ތިރިއަށް ފައިބާފަވެސް މައްޗަށް އޭނާ އެދަނީ މީހުން ތިބީމަ.
ޅެންކިޔާބެ
15 December 2016
ދިރާގު އިސްތިހާރެއްދޯ
ބޮކިފަތި 3 އަހަރު
15 December 2016
ދިރާގު އިޝްތިހާރުވީ ވަރަށް ބޮޑަށް، އުރީދޫގެ ސަބްނެރިން ކޭބަލަށްވުރެ ތިމާވައިގަހިފައިފި.
Sanam
15 December 2016
މިރަށުގެވެސް އެންޓެނާގެ ފެންސް ހުންނަނީ ހަލާކުވެފައި. ޢެކަމާ އަޅާލާނެބަޔަކުނެތް. މިކަހަލަ ކިތައްމެ ތަނެއް ހުންނާނެ. މިފަހަރު ރަނގަޅު އަދަދަކުން ޖޫރީމަނާ ކުރަންފެނޭ.
ާރޯނުއެދުރު
15 December 2016
ފަހުގެ ތަފްސީލު ގެނެސްދެއްވާ
ފުނަދޫ
15 December 2016
ފުލުހުންނަކީ އޭނައަށްވެސް ބޮޑު ބިރެއްގެެ ގޮތުގަ ބިރުދެއްކީމަ ވީގޮތްތީ
އިބްރާހީމް
15 December 2016
ދެން ތިބިހާބަޔަކު ކުޅިބަލަން ދިޔައީމަ އެކުއްޖާ ނުފައިބާނެ...