ޝްރައްދާ ކަޕޫރު، ޖާންވީ ކަޕޫރު އަދި ދިޝާ ޕަޓާނީ އާއި ސާރާ އަލީ ހާން--
26 ޖެނުއަރީ 2022 - 06:02
4 comments
ބޮލީވުޑުގެ އެންމެ މަޝްހޫރު ތަރިން އަނެއްކާ ވެސް ރާއްޖެއަށް އައުން އިތުރުވެއްޖެ އެވެ.
ކޮވިޑް-19 އާ ގުޅިގެން ބޯޑަރު ބަންދުކުރުމަށް ފަހު އަލުން ހުޅުވާލުމާ އެކު ރާއްޖެއަށް ބޮލީވުޑު ތަރިންގެ އައުން ވަރަށް ބޮޑަށް އިތުރުވި އެވެ. އޭގެ ފަހުން މިިދިޔަ އަހަރު ނިމުމާ ހަމައަކަށް ވެސް ވަރަށް ގިނަ ތަރިން އައިސްފައިވެ އެވެ.
އޭގެ ތެރެއިން ބައެއް ތަރިން ދެ މަހުން އެއް މަހު ރާއްޖެއަށް އަންނާތީ، "އަބަދު ރާއްޖޭގައި އަޅާފައި" އޮންނަނީ ކަމަށް ބުނެ އެ މީހުންނަށް ސަޕޯޓަރުން ވެސް ދިމާކޮށްފައިވެ އެވެ. އަނެއްކާ ވެސް މިއޮތީ އެ މޫސުން އައިސްފަ އެވެ. ގިނަ އަދަދެއްގެ ތަރިން އާއިލާއާ އެކު މިވަގުތު ވެސް ރާއްޖޭގައި ޗުއްޓީ ހޭދަކުރަމުން އެބަދެ އެވެ.
އޭގެ ތެރެއިން އެއް އާއިލާއަކީ ޝާހިދު ކަޕޫރުގެ އާއިލާ އެވެ. ޝާހިދާއި އޭނާގެ އަނބިމީހާ މީރާ ރާޖުޕުތުގެ އިތުރުން އެމީހުންގެ ދެ ދަރިން ކަމަށްވާ މީޝާ އާއި ޒައިން ވެސް ރާއްޖޭގައި އެބަ އުޅެ އެވެ. މިއީ ކޮވިޑްގެ ބަލިމަޑުކަމުގައި އެމީހުން ކުރާ ފުރަތަމަ އާއިލީ ދަތުރެވެ.
މީރާ، އޭނާގެ އިންސްޓަގްރާމު މެދުވެރިކޮށް މި ދަތުރުގެ ފޮޓޯ އާއި ވީޑިއޯތައް ހިއްސާކުރަމުން އަންނައިރު އޭގެ ތެރޭގައި ޝާހިދާ އެކު މޫދު ކައިރީ އޮށޯވެލައިގެން އޮތް ވީޑިއޯއެއް ވެސް ހިމެނެ އެވެ.
ޝާހިދު ކަޕޫރާއި މީރާ ކަޕޫރު--
ރާއްޖޭގެ ހިތްގައިމު ފޮޓޯތައް އޭނާ ހިއްސާކުރަމުން އަންނައިރު ކެޓްރީނާ ކައިފް ވެސް މިވަގުތު ހުރީ ރާއްޖޭގެ ރިސޯޓެއްކަމަށްވާ އަންސަނާ ވެލާވަރުގަ އެވެ. އޭނާ ރާއްޖެއަށް އައިސްފައި ވަނީ އިޝްތިހާރެއް ކުޅުމަށް ކަމަށް އިންޑިއާގެ ނޫސްތަކުގައި ރިޕޯޓްކޮށްފައިވެ އެވެ.
މިދިޔަ މަހު، ވިކީ ކޯޝަލްއާ ކައިވެނިކުރި ކެޓްރީނާ ހަނީމޫނަށް ވެސް އައީ ރާއްޖެއަށެވެ.
މީގެ ދެ ދުވަހެއް ކުރިން ކިއާރާ އަދްވާނީ އާއި އޭނާގެ ލޯބިވެރިޔާ އަދި އެކްޓަރު ސިދާތު މަލްހޯތުރާ ވެސް ހުރީ ރާއްޖޭގަ އެވެ. އެ ދެތަރިން ވެސް ރާއްޖޭގެ ހިތްގައިމު މަންޒަރުތަކުގެ ވީޑިއޯތައް ސޯޝަލް މީޑިއާގައި ހިއްސާކުރިއިރު މީގެ ކުރިން ވެސް އެތައް ފަހަރަކު މި ދެ ތަރިން ވެސް ރާއްޖެއަށް އައިސްފައިވެ އެވެ.
ދިޝާ އާއި ޓައިގާ ޝްރޮފަކީ ވެސް ވަރަށް ގިނައިން ރާއްޖެ އަންނަ ދެ ލޯބިވެރިންނެވެ. މީގެ ހަފްތާއެއް ކުރިން ދިޝާ ޕަޓާނީ ވެސް ރާއްޖެއަށް އައިސްފައިވެ އެވެ. އެކަމަކު އެ ދަތުރުގައި ޓައިގާ ބައިވެރިވި ކަމެއް ސާފެއް ނުވެ އެވެ. މި ދެ ތަރިން ރާއްޖެއަށް އަންނަލެއް ގިނަކަމުން، ރާއްޖޭގައި ވަޒަންވެރިވާންވީ ނޫންތޯ ބުނެ ސަޕޯޓަރުން ޖޯކު ވެސް ޖަހަ އެެވެ.
އެ ތަރިންގެ އިތުރުން ވެސް ސާރާ އަލީ ހާނާއި ޖާންވީ ކަޕޫރާއި ޝްރައްދާ ފަދަ ތަރިން ވެސް ދޭތެރެއަކުން ރާއްޖެއަށް އާދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަޑިގިއްލާ
26 January 2022
ޝުކުރިއްޔާ އިންޑިޔާ.... ދިވެހި ރާއްޖޭގެ އިޤްތިޞާދު ފުންވަޅުގަނޑަކަށް ވެއްޓިފައި ވަނިކޮށް، ދިވެހިރާއްޖޭގެ ޓޫރިޒަމް ޕްރޮމޯޓުކޮށް، ސޭފުތަނެއްކަމުގައި މުޅިދުނިޔެއަށް ދައްކާ، ދިވެހި އިގްތިޞާދު ކޮޅަށް ޖައްސަވައިދެއްވީ ތިޔަ އިންޑިޔާ......
އަފްރާސިޔާބު
26 January 2022
މިރާއްޖެއަށް މީހުން އެހާ ޝައުގުވެރިކަމެއް ބަހައްޓަނީ ސުލްހަ މަސަލަސްކަން އޮވެފައި ރަށްރަށުގެ ރީތިކަމާއި ސާފުތާހިރު ކަމުގެ ސަބަބުން. އެކަމަކު އެކަން ނަގާލުމުގެ މަސައްކަތްވެސް ރާއްޖޭގައި މިއަދުވަނީ ހިނގަން ފަށާއި. ސިޔާސީ ބޭނުންތަކަށް. އެކަމުގެ ގެއްލުން ބޮޑަށް ލިބޭނީ އާދައިގެ ނިކަމެތިންނަށް.
އޮނަރަބްލް އަފީފު ދީދީ
26 January 2022
ދިވެހިންނަށް އޮތީ ކޮން އުފާވެރިކަމެއް؟! ސެލަބަރޭޓުން ޗުއްޓީ ހޭދަކުރަން ލައްކައިން މިލިޔަނުން ގޮސް ބިލިޔަނާއި ހަމައަށް ޑޮލަރު ތިޔަ ރިސޯޓް ތަކަށް ވިއްކާއިރުވެސް ރެއަކަށް ދައުލަތަށް ދައްކާންޖެހޭ 12 ޑޮލަރު ފިޔަވާ އެމީހުން ވިއްކާ ޑޮލަރު ހުދު ކާފޫރަށް ވެގެން ވަޔަށް އަަރައިގެންދާތީ ނޫންތޯ މި ޤައުމުން ޑޮލަރެއް ހޯދަން ނުލިބެނީ. # ތިޔަ ރިސޯޓް އޯނަރުންނަކީ ކޮވިޑް އައުމާއިއެކު "ކުރީ މަހުގެ މުސާރަވެސް ނުދީ" ދިވެހިން ވަޒީފާއިން ކަޑާ ރިސޯޓުން ބޭރުކުރި ބައެއް.
ށަވިޔަނި
26 January 2022
ހުރިހާ ތަތިންނާއި ތަރިންގެ އާއިލާތަކަށް މަރުހަބާ.