ވެލެންސިއާ ކޯޗު އިސްމާއީލް އާސިފް (ކުޑަ ހިނާ) ކުޅުންތެރިންގެ ފެންވަރު ދެނެގަންނަން އެކުލަވާލި ގައުމީީ ޓީމު ނެގި ގޮތާ މެދު ވަނީ ސުވާލު އުފައްދައިފައި --- ފޮޓޯ: ނިޝާން އަލީ | މިހާރު
30 ޖެނުއަރީ 2022 - 09:57
14 comments
ކުޅުންތެރިންގެ ފެންވަރު ދެނެގަންނަން ޕްރެކްޓިހަށް ނެރުނު ގައުމީ ފުޓްބޯޅަ ޓީމު ނެގިގޮތާމެދު ސުވާލު އުފައްދައި ވެލެންސިއާގެ ކޯޗު އިސްމާއީލް އާސިފް (ކުޑަ ހީނާ) ފާޑު ކިޔައިފި އެވެ.
ގައުމީ ކޯޗު ފްރެންޗެސްކޯ މޮރިއޭރޯ ވަނީ ޕްރެޒިޑެންޓްސް ކަޕްގައި ފާހަގަ ކުރެވުނު ކުޅުންތެރިންނާ އެކު ގައުމީ ޓީމު އެކުލަވައިލައި ޕްރެކްޓިހަށް ނެރެފަ އެވެ. ޕްރެޒިޑެންޓްސް ކަޕް ތަށި ވެލެންސިއާ އަށް ހޯދައިދިން ކުޑަ ހީނާ ބުނީ، އެ މުބާރާތުގައި އެންމެ މޮޅު ކުޅުމެއް ދެއްކީ ވެލެންސިއާގެ ޓީމު ކަމަށެވެ. ނަމަވެސް ވެލެންސިއާ އިން އެންމެ ދެ ކުޅުންތެރިން ފުރަތަމަ އެކުލަވާލި ޓީމަށް ނެގުމަކީ ސުވާލު އުފެދޭ ކަމެއް ކަމަށް އޭނާ ބުންޏެވެ.
އޭނާ ބުނިގޮތުގައި ވެލެންސިއާގެ ޓީމުން ފުރަތަމަ ނެގީ ކެޕްޓަން އަލީ ފާސިރު (ސެންޓޭ) އާއި ގޯލް ކީޕަރު މުހައްމަދު ފައިސަލް އެވެ. އަމްދާން އަލީ (އެންޑީ) ޓީމަށް ނެގީ ފަހުން ކަމަށް ހީނާ ބުންޏެވެ.
"ސެންޓޭ އާއި ފައިސަލް އަކީ އަބަދުވެސް ގައުމީ ޓީމުގައި ހިމެނޭ ދެ މީހުން. އެކަމަކު ޕާފޯމަންސަށް ބަލައިގެން ނަގާކަމަށް ވަންޏާ ހަމައެކަނި އެ ދެ މީހުން ވެލެންސިއާ އިން ނެގީމައި އެއީ ސުވާލު އުފެދޭ ކަމަކަށް ވަނީ،" ހީނާ ބުންޏެވެ.
"މެޗަކުން ބަލި ނުވެ ޕްރެޒިޑެންޓްސް ކަޕް ވެލެންސިއާ އަށް ނެގޭނީ އެހެން ކުޅުންތެރިން ވެސް މޮޅަށް ކުޅެގެން. އެކަމަކު އޭގެއިން އެއްވެސް ކުޅުންތެރިޔެއް ނެތް. ހަމަ ކުރިން ވެސް ގައުމީ ޓީމަށް އަރާ ދެމީހުން ލިސްޓްގައި ޖެހީ. ފަހުން އެންޑީ ނެރުނު."
ވެލެންސިއާގެ ކޯޗް ހީނާ އާއި އެސިސްޓެންޓް ކޯޗް އިލްމާއު ހުސައިން (މައު) ޓީމުގެ ޕްރެކްޓިހުގައި --- ފޮޓޯ: ނިޝާން އަލީ | މިހާރު
ހީނާ ބުނީ މޮޅަށް ކުޅުނު އިރު ވެސް އެހެން ޓީމުތަކުގެ ކުޅުންތެރިން ވެސް ގައުމީ ޓީމަށް ނުނެގުމަކީ ސުވާލު އުފެދޭ ކަމެއް ކަމަށެވެ. އެގޮތުން އޭނާ ފާހަގަ ކުރީ މާޒިޔާގެ އިބްރާހިމް ވަހީދު ހަސަން (އިއްބެ) ފުރަތަމަ އެކުލަވާލި ލިސްޓްގައި ނެތް ކަމަށް އެވެ.
"ސެންޓޭ ނަގާފައި މުބާރާތުގައި އެންމެ މޮޅަށް ކުޅުނު އެކަކު އިއްބެ. އެކަމަކު ކޯޗުގެ ލިސްޓްގައި އެންމެ ފުރަތަމަ އޭނާއެއް ވެސް ނެތް،" ހީނާ ބުންޏެވެ.
"ސަސްގެ ބޮބީ (ރިހާމް) އަކީ ވެސް ހަމަ ރަނގަޅު ކުޅުމެއް ދެއްކި ކުޅުންތެރިން. ރިޒޭ (އަހްމަދު ރިޒްވާން) ވެސް އެނބުރި އައިސް ރަނގަޅު ކުޅުމެއް ދެއްކި. އެކަމަކު މި އިން އެއްވެސް ކުޅުންތެރިޔަކަށް ފުރުސަތެއް ނެތް."
އޭނާ ބުނީ ވާދަވެރި އެއްވެސް މެޗެއް ކުރިމަތީގައި ނެތް އިރު ޕްރެކްޓިސްކޮށްލަން ނެރޭ ގައުމީ ޓީމެއްގައި ގިނަ ކުޅުންތެރިން ހިމެނުމަކީ މައްސަލައެއް އޮތް ކަމެއް ނޫން ކަމަށެވެ.
"ގިނަ ކުޅުންތެރިން ނެރުނީމައި ކޯޗަށް ވެސް ގިނަ އޮޕްޝަންތައް ބޭނުން ކުރެވޭނެ. ކުޅުންތެރިން ޓެސްޓްކޮށްލާ ނަމަ އެއީ ވަރަށް މުހިންމު ކަމެއް ކަމަށް އަހަރެން ދެކެނީ. ކުރިމަތީގައި ވާދަވެރި މެޗެއް ނެތް. އެހެންވީމަ ފެންވަރު ބަލާލަން ނަގާ ގައުމީ ޓީމަށް ކުޅުންތެރިން އިތުރުކޮށް މޯޓިވޭޓް ވެސް ވާނެ ގޮތަކަށް އެކުލަވާލަން ޖެހޭކަމަށް އަހަރެން ދެކެނީ."
ގައުމީ ޓީމު ނެގި ގޮތާ މެދު އަބަދުވެސް ސުވާލު އުފައްދަނީ މޮޅަށް ކުޅުނު ކުޅުންތެރިން ބާކީވާން ޖެހުމުން ކަމަށް، ގައުމީ ޓީމުގެ ކެޕްޓަންކަން ވެސް ކުރިން ކުރި ހީނާ ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބްރާހީމް ރަމީޒު
31 January 2022
ހީނާގެ ވާހަކަ 100، ޕްރެކިޓިސް ސްކޮޑުގަ ގިނަކުުޅުން ތެރިން ހިމެނުން، ފެންނަ ހިޔާލެއް މިހާރު ކުރިޔަށްދާ އަންޑަރ 19 ގެ މުބާރާތުގެ މޮޅު 3 ކުޅުންތރިން ޕްރެކްޓީސްގައި ހިމެނުމަށް ، ޗެލެންޖެއް އައިސްގެން ނޫންގޮތަކަށް ކާމިޔާބެއް ނާންނާނެކަން ޔަގީން
ހެހެހެ
31 January 2022
އަދިވެސް އެފްއޭއެމް އިން ފޮނުވާ ލިސްޓަށްދޯ ކުޅުންތެރީން ނަގަނީ؟ ނުވާނެ ރަނގަޅެއް، ދުވަހަކުވެސް!
ބޮން
30 January 2022
ކުޑަ ހީނާ އަކީ މޮޅު ކޯޗެއް. އޭނާގެ ވާހަކަ ހަމަ100. ޤައުމީ ޓީމް ނަގަނީ ސުޒޭނު މެން ކަހަލަ ބޮލުރޮދި ކެނޑިފަ ތިބި މީހުން ބުނާގޮތަށް. ދެން ބުނާނީ ޤައުމީ ޓީމް މޮޅެއް ނުވެޔޭ ފަޅޮލޭ. ޕްރެޒިޓެންޓް ކަޕް ގައި މޮޅަށް ކުޅުނު ގިނަ ކުޅުންތެރިން ސްކޮޑުން ބާކީ ކުރީ ވަކި ބައެއްގެ ނުފޫޒުން. އަދިވެސް ވަކި ވަކި ބައެއްގެ ބާރު ޤައުމީ ޓީމް އެކުލަވާލުމުގައި އޮންނަނީ. އަލުން ޤައުމީ ޓީމް އެކުލަވާލަން ޖެހޭ. އައު ކުޅުންތެރިންނަށް އިސްކަން ދޭންޖެހޭ.
އެވޭލާ
30 January 2022
ހީނާގެ ވާހަކައަށް ތާއީދު
ނައިކީ
30 January 2022
އެއްވެސް ތާއީދެއް ނޫން ފަހަތުގަ ބަނޑަހަ ޖައިގެން ތިބެފަ ބޮޑު ބޯޅަ ޖަހައިގެން ތައްޓެއް ނެގުނަސް އަދި އެޓީމުގަ ތިބިހާ ބަޔަކު ޤައުމީޓީމަށް ނަގާކަށް ނުޖެހޭ.. ހަމަ ދެތިން ކުޅުންތެރިން ތިބީވެސް ޤައުމީޓީމަށް އަރާވަރުގެ..
އެވޭލާ
30 January 2022
ހީނާގެ ވާހަކައިން އެނގެނީ ހަމައެކަނި ވެލެންސިއާ ކުޅުންތެރިން ނަގަންޖެހޭ ވާހަކައެއް ނޫން.. އެހެން ޓީމްތަކުންވެސް މިމުބާރާތުގަ މޮޅަށް ކުޅުނު ކުޅުންތެރިންގެ ނަންތައްވެސް ފާހަގަކޮށްފަ ވޭ..
ބައްޕީލެހެރީ
30 January 2022
ހިނާއަކީ މޮޅު ޓްރެއިނަރެއް. ހުނަރުވެރި ރޭވުންތެރިއެއް. ކުޅުންތެރިން މޮޓިވޭޓްކުރަން ވަރަށް ހިތްވަރުދޭ މީހެއް. މޮޅު ކޯޗެއްކަން ސާބިތުކޮށްދީފި. މިކަން އެފްއޭމްގަ ތީބޭ ބަޔަކަށް ހަޖަމުނުވެގެން މިއުޅެނީ. އެމީހުން ބޭނުވަންނީ ހީނާ ޓީމުގައި ގައުމީޓީމަށް އަރާވު ކުޅުންތެރިއެއްނެތްކަން ދައްކަން. ބަލަތިބޭ. ގައުމީޓީމު ޗޮކުހުންދާނީ
ބަލާވެރިކަމަށް
30 January 2022
އެންމެންނަށްވެސް ވަރަށް ރީއްޗެއް އެގޭނެ ވެލެންސިއާއަށް ތަށިލިބުނީ ކީއްވެކަން. ވެލެންސިއާއަށް ތަށި ލިބުނީ މޫނަށް ބަލާފަ ޓީމުނަގައި ފޯމުން ކަޓާފައި ތިބި ކުޅުންތެރިން ލައިގެނެއްނުން. ގައުމީ ކޯޗަކަށް މިކަންނޭގެނީތަ؟ އަނެއްކާ އޭނަތަ ސްކޮޑްނެގީ؟
މާޓިން ބަޝީރު
30 January 2022
ރާއްޖޭގެ މޮޅުކުޅުންތެރިން ގިނަ ޓީމު ދެފަހަރު ބަލިކޮށް ރަގަޅު ކުޅުމެއް ވަކިވަކި ކުޅުންތެރިންގެ ގޮތުގައި އަދި ޓީމެއްގެ ގޮތުދެއްކިޓީމުން 2 ކުޅުންތެރިން ގައުމީ ސްކޮޑަށް ނެގުމަކީ ހައިރާންވާވަރުކަމެއް. މިކަން ވީގޮތް ބަލަންޖެހޭނެ. މީރޮކެޓް ސައިންސެއްނުން، ގައުމީސްކޮޑަށް ކުޅުންތެރިން ނަގަންޖެހޭނީ އޭރަކު އެންމެ ފޯމުގައި ތިބި ކުޅުންތެރިން، ވެލެންސިއާގެ ހުރިހާ ކުދިންވެސް މޮޅަށް ކުޅެގެން ތަށިލިބުނީ. ގައުމީ ސްކޮޑުން އެކަން ނުފެނުމަކީ ބައެއްގެ ފެއިލްވުމެއް
ލާމަސީލު
30 January 2022
މެޗަކުން ބަލިނުވެ ތަށި ހޯދި ޓީމް ގެ އެންމެ 2 ކުޅުންތެރިން އެނެގީ30 މީހުންގެ ބޮޑު ސްކޮޑެއް ގައުމީޓީމަށް ނެގިއިރު؟؟؟ މިއީ ބޮޑު އަރަތެއްނު. ބުރަމަސައްކަތުން ކީއްކުރަން ހޯދާ ތައްޓެއްތަ؟ ތަށިވެސް ގުރުއަތުލާފަ ދޭނަމަ ހީނާ އެވާހަކަ ނުދައްކާނެދޯ. ހީނާމެންކަހަލަ ކޯޗުން ބުރަމަސައްކަތް ކުރިޔަސް އެކަން އެހެން ބަޔަކު ގަސްތުގަ އެބަ ފްލޮޕްކޮށްލާ. ހީނާ އަކީ ކުޅުންތެރިން އުފައްދާ ހުނަރުވެރި ކޯޗެއް. ބިނާކުރަނިވި ފާޑުކިއުމަކީ ކުޅިވަރުދެކެ ލޯބިވުން.
މޯއްޑޭ
30 January 2022
ފުޓްބޯޅަ ކީއްކުރަން ބާސްކެޓް ގަ ވެސް ހަދަނީ ތިޔަހެން ވަކި ކުޅުން ތެރިޔަކައް ވަކި ގޮތެއް ހަދަނީ
ބާބާ
30 January 2022
ސައުތުއޭޝިއާގެ ނަންބާރ ޓޫ ސްޕޮޓުން ފުލަށްއެދަނީ މީހުންގެ މޫނަށްބަލައިގެން ޓީމުނަގަން ހަދައިގެން. ހީނާ އެދެއްކީ ޓީމުނެގުމުގައި ފަހަކަށްއައިސް ކަންތައް ހިގާގޮތް.