އައިކޮމްގެ ނިންމުމެއް ހައި ކޯޓުން ބެލުމަށް ސުޕްރީމް ކޯޓުން އަންގައިފި

ސުޕްރީމް ކޯޓު: އައިކޮމްގެ ނިންމުންތައް ނުބަލަން ހައި ކޯޓުން ނިންމާފައި އޮތަސް، އެފަދަ މައްސަލައެއް ބަލައިގަތުމަށް ހައި ކޯޓަށް ސުޕްރީމް ކޯޓުން ވަނީ އަންގާފައި --- ފޮޓޯ/މިހާރު

މުއިއްޒު އިބްރާހިމް، މިހާރު

04 ފެބުރުއަރީ 2022 - 12:05

2 comments

އިންފޮމޭޝަން ކޮމިޝަނަރުގެ ނިންމުންތައް ހައި ކޯޓަށް ނުބެލޭނެ ކަމަށް އެ ކޯޓުން ނިންމާފައި އޮތަސް، އެފަދަ މައްސަލައެއް އެ ކޯޓުން ބެލުމަށް ސުޕްރީމް ކޯޓުން އަންގައިފި އެވެ.

މައުލޫމާތު ހޯދައި ލިިބިގަތުމުގެ ހައްގުގެ ގާނޫނު ބުނާގޮތުން އިންފޮމޭޝަން ކޮމިޝަނަރުގެ ނިިންމުންތަކާ މެދު ހިތްހަމަނުޖެހޭ ނަމަ އެ މައްސަލައެއް ހައި ކޯޓަށް ހުށަހެޅޭނެ އެވެ. އެކަމަކު އެމްޑަބްލިއުއެސްސީގެ މައުލޫމާތުތަކެއް ހާމަކުރަން އިންފޮމޭޝަން ކޮމިޝަނަރު އެންގި މައްސަލައެއްގައި ހައި ކޯޓުން މިދިޔަ އަހަރު ނިންމާފައި އޮތީ އެފަދަ މައްސަލަތައް އެ ކޯޓަށް ނުބެލޭނެ ކަމަށެވެ. އެ ހުކުމް ސުޕްރީމް ކޯޓުގައި އިސްތިއުނާފްކޮށްފައި އޮތަސް، އެ މައްސަލައިގެ ހުކުމެއް އަދި ނީއްވަ އެވެ.

އެހެންވެ، މިފްކޯގެ މައުލޫމާތުތަކެއް ހާމަކުރަން އިންފޮމޭޝަން ކޮމިޝަނަރު މިދިޔަ އަހަރު އެންގި އެންގުމެއް އިސްތިއުނާފް ކުރަން އެ ކުންފުނިން ހައި ކޯޓަށް ހުށަހެޅުމުން ވެސް ހައި ކޯޓުން ނިންމާފައި އޮތީ އެ މައްސަލަ ނުބެލުމަށެވެ. ސަބަބެއްގެ ގޮތުގައި އެ ކޯޓުން ދެއްކީ އެފަދަ މައްސަލަތައް ނުބެލޭނެ ކަމަށް އެމްޑަބްލިއުއެސްސީގެ މައްސަލައިގައި އެ ކޯޓުން ނިންމާފައި އޮތުމެވެ.

ހައި ކޯޓުން އެ މައްސަލަ ބަލައިނުގަތުމަށް ނިންމި ނިންމުން މިފްކޯއިން ސުޕްރީމް ކޯޓުގައި އިސްތިއުނާފް ކުރުމުން އެ ކޯޓުގެ ފަނޑިޔާރުންގެ މަޖިލީހުން މިދިޔަ ހޯމަ ދުވަހު ނިންމި ނިންމުމުގައި ވަނީ އިންފޮމޭޝަން ކޮމިޝަނަރުގެ ނިންމުންތަކާ މެދު ހިތްހަމަނުޖެހޭ ނަމަ އެފަދަ މައްސަލަތައް ހައި ކޯޓަށް ހުށަހެޅޭނެ ކަމަށް ގާނޫނުގައި ބުނެފައިވާ ކަމަށެވެ. އެހެންވެ، މިފްކޯއިން ހުށަހެޅި މައްސަލަ 10 ދުވަސް ތެރޭގައި އަލުން ހުށަހަޅައިފި ނަމަ އެ މައްސަލައެއް ހައި ކޯޓުން ބަލަން ޖެހޭނެ ކަމަށް އެ ނިންމުމުގައިވެ އެވެ.

އެގޮތަށް ނިންމެވީ އުއްތަމަ ފަނޑިޔާރު އަހުމަދު މުއުތަސިމް އަދުނާނާއި ފަނޑިޔާރު ޑރ. މުހައްމަދު އިބްރާހިމްގެ އިތުރުން ފަނޑިޔާރު އައިޝާ ޝުޖޫން މުހައްމަދުގެ އިއްތިފާގުންނެވެ.

މިފްކޯ ސުޕްރީމް ކޯޓް ހައި ކޯޓް މައުލޫމާތު ހޯދައި ލިބިގަތުން އިންފޮމޭޝަން ކޮމިޝަނަރު

2 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވަހީދު

04 February 2022

ލިޔެފައި އޮންނަ ގާނޫނާއި ޤަވާއިދު ބާއްވާފައި، ވެރިންނަށް ތިބޭ މީހުންނަށް ފެންނަ ގޮތަކަށް ކަންކަން ކުރަން އުޅޭތީ މިފަދަ ފުށޫއެރުންތައް އަރަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

04 February 2022

ގާނޫނުގައި ލިޔެފަ އޮންނައިރު ހައިކޯޓުން އެމައްސަލަ ފުރަތަމަވެސް ބަލަންޖެހޭނެނޫންތަ؟ ކީއްވެބާ ނުބެލީ؟ ގާނޫނަށް ތަބާވާން ކޮންމެ ފަހަރަކު ސުޕްރީމްކޯޓުން އަނގަންޖެހޭތަ؟