މިރޭގެ މީޑިއާ ބްރީފިންގައި (ކ-ވ) ހުޅުމާލޭ ދާއިރާގެ މެމްބަރު އަލީ ނިޔާޒް، އެމްޑީޕީގެ ޗެއާޕާސަން ހަސަން ލަތީފް އަދި އެ ޕާޓީގެ ނައިބު ރައީސް ޝިފާޒް.---ފޮޓޯ: އެމްޑީޕީ
05 ފެބުރުއަރީ 2022 - 21:10
28 comments
މިއަދު ބޭއްވި ރައްޔިތުން މަޖިލީހުގެ ކޮމަންޑޫ ދާއިރާގެ ބައި-އިލެކްޝަން، އެމްޑީޕީގެ ކެންޑިޑޭޓް މުހައްމަދު ރާޝިދު ކާމިޔާބު ކުރެއްވުމަކީ، ގިނަ ޕާޓީތައް ގުޅިގެން އެކުގައި މަސައްކަތް ކުރާ ނިޒާމަށް ވެސް ލިބުނު ބޮޑު ކާމިޔާބީއެއް ކަމަށް އެ ޕާޓީން މިރޭ ބުނެފި އެވެ.
ރާޝިދަށް ލިބިވަޑައިގަތް ބޮޑު ކާމިޔާބީ އަށް ފަހު، އެމްޑީޕީގެ އޮފީހުގައި ބޭއްވި ނިއުސް ބްރީފިންގައި އެ ޕާޓީގެ ނައިބު ރައީސް މުހައްމަދު ޝިފާޒު ވިދާޅުވީ، އެމްޑީޕީ އުފެދިގެން މިއަދާ ހަމައަށް އައިރު، ގިނަ ޕާޓީތައް ހިމެނޭ ނިޒާމެއްގެ ތެރެއިން، އެކުވެރިކަމާއެކު މަސައްކަތް ކުރަން ވަރަށް ގިނަ ކަންކަން ކުރި ކަމަށާއި މިއަދުގެ ނަތީޖާއަކީ އޭގެ ކާމިޔާބީއެއް ކަމަށް ދެކެވަޑައިގަންނަވާ ކަމަށެވެ.
"ހާއްސަކޮށް، ގިނަ ޕާޓީތައް އެކުލެވޭ ނިޒާމަކަށް އެމްޑީޕީން ކުރަމުން އަންނަ މަސައްކަތުގައި، ސުލްހަވެރި ސިޔާސީ ހަރަކާތަށް ލިބުނު ވަރަށް ބޮޑު ކުރިއެރުމެއް،" ރައީސް އޮފީހުގެ މިނިސްޓަރުގެ މަގާމު ވެސް ފުރުއްވާ ޝިފާޒު ވިދާޅުވި އެވެ.
"އެކުވެރިކަމާއި އެއްބައިވަންތަކަން ހުރިހާ ޕާޓީއެއްގެ ތެރޭގައި ވެސް އޮތް. އެހެންވީމާ، އަޅުގަނޑު ގަބޫލުކުރަނީ ގިނަ ޕާޓީ އެކުލެވޭ ނިޒާމަކަށް އަޅުގަނޑުމެން ފަރިތަވަމުން އަންނަ މިންވަރު އިންތިހާ އަށް ބޮޑުވެއްޖެކަން."
މި އިންތިހާބު އެމްޑީޕީ އަށް ކާމިޔާބު ކުރެވުނީ ސަރުކާރުގެ ކޯލިޝަން ތެރޭގައި ހިމެނޭ ބައެއް ޕާޓީތަކުގެ އެހީތެރިކަމާއެކު ކަން ވެސް އޭނާ ފާހަގަކުރެއްވި އެވެ.
ރާޝިދަށް، ސަރުކާރު ކޯލިޝަންގައި ހިމެނޭ ޕާޓީތަކުގެ ތެރެއިން ޖުމްހޫރީ ޕާޓީ އާއި އަދާލަތު ޕާޓީން ވެސް ތައީދުކޮށްފައިވެ އެވެ. ނަމަވެސް ކުރީގެ ރައީސް މައުމޫން އަބްދުލްގައްޔޫމްގެ އެމްއާރުއެމްގެ ތާއީދެއް ރާޝިދަކަށް ނުލިބުނެވެ. އޭގެ ބަދަލުގައި އެމްއާރުއެމުން ނުކުތީ ކޮމަންޑޫ ދާއިރާގެ ބައި އިލެކްޝަނަށް ސަރުކާރާއި އެމްޑީޕީން ނުފޫޒު ފޯރުވި މައްސަލަ އާންމުންގެ ސަމާލުކަމަށް ގެނައުމަށެވެ.
ކޮމަންޑޫ ދާއިރާގެ ބައި އިލެކްޝަންގައި، ޕީޕީއެމްގެ މޫސާ ފަތުހީ އާއި އެމްއެންޕީގެ އަބްދުލްހަންނާން އިދުރީސާ ވާދަކޮށް، ރާޝިދު އެ ގޮނޑި ކާމިޔާބުކުރީ 200 އެއްހާ ވޯޓުގެ ތަފާތުންނެވެ. ނަމަވެސް އެއީ ސަރުކާރުގެ ނުފޫޒާއި އާރާއިބާރުގެ ތެރެއިން ބާއްވާ އިންތިހާބެއް ކަމަށް ބުނެ އިދިކޮޅުން ގެންދިޔައީ ކެމްޕެއިން ފެށުނީއްސުރެ ކަންބޮޑުވުން ފާޅުކުރަމުންނެވެ. ހާއްސަކޮށް އިންތިހާބާ ދިމާކޮށް ކޮމަންޑޫ ދާއިރާ އަށް ސަރުކާރުން ބައެއް މަޝްރޫއުތައް ފެށުމާއި ފައިސާގެ ނުފޫޒު ފޯރުވި ކަމުގެ ތުހުމަތު ވަރަށް ބޮޑެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ށަލީމާ
07 February 2022
ދާއިރާ ރައްޔިތުން ސިކުޑިގެ ބޭނުންކޮށް އެމްޑިޕީއަށް ދިނީ ލަޑެއް. ދެން ކަލޭމެން ރައިސް އެބުނީއެއްނުން ބަރުލަމާނީ ނޫންގޮތެެއް ނެތޭ
އަގައްޓި ދޮން ޙަސަނު
06 February 2022
ޤައުމާ ވަޠަނާ ރައްޔިތުންގެ ލާބަޔާ މަންފާއާ ކުރިއެރުމުގެ ވާހަކަ ދައްކަން ފަރިތަ ނުވަނީ ތަޖުރިބާ ނުހުންނާތީޯ އެވެ.
ހެސްކިޔާފަ
06 February 2022
ރައްޔިތުންގެ ވިސްނުން ގޯހެއްނޫން.އެވެރިން އެކަން ކުރީ ރާވައިގެން.ފަހަރުގަ މޮޔައިންގެ ވޯޓުގިނަވެގެން ދުވަހެއްގެ ކޮޅުންވެސް ޕީ.ޕީ ވެރިކަމަށް ވަލުދޮރޯށިން އެތެރެވެވޭ ދުވަހަކުންވެސް ރައްޔިތުންނަށް އަނިޔާވެރިނުވާނީ އޭރުން.
ޒަތޯމާ
06 February 2022
އެމްޑީޕީއިން އެކަނިހޯދިކާމިޔާބީއެކޭނުބުނީ ކީއްވެބާ؟؟
ފޫހި
06 February 2022
ކަލޭމެން އިންތިހާބުތަށް ކާމިޔާބުކުރަންވުމުން އެހެންޕާޓީތަށް ހައްދައިގެން އެކުވެރިކަމޭ ކޯލިޝަނޭ ކިޔާނެ. އިންތިހާބު ކާމިޔާބުވުމުން އެއީ ދެން އެހެން ޕާޓީއެއްގެ މަސައްކަތުން ލިބުނު ކާމިޔާބީއެއްކަމަށް އެއްބަހެއްނުވާނެ. އަދި އެހެން ޕާޓީތަކަށް އެއްޗެހިގޮވާނެ. ކަލޭމެންގެ ވެރިކަމުގެ ދަހިވެތިކަމުގައި ގާސިމާއި އިމްރާނާއި މައުމޫނު މުށުތެރޭގައި ތިޔަގެންގުޅެނީ ލޯބިންނެއްނޫން. އަމިއްލަ އެދުން ބޮޑުކަމުން. އަދި މަކަރުވެރިކަމާއެކު. ބީޖޭޕީ ގެ ކާމިޔާބުތީ
މުހައްމަދު.
06 February 2022
ވޯޓުން އެނގުނު އެއްޗަކީ ސަރުކާރު ހިންގަންތިބި މީހުންގެ ކަރަޕްޝަން އޮތް މިންވަރު ރައްޔިތުންގެ މުދަލާއި ފައިސާ ޚަރަދު ކުރުމުގައި ހަހަމަކަމެއް ނެތްކަން. އަދި ޑިމޮކްރަސީ ކިޔާ އެތީގައި އޮތީ މަކަރާއި ހީލަތްތެރިކަންކަން.
ނަތީޖާ
06 February 2022
ވަކިވެވޭކަށްނެތް ނޯކެޕޭސިޓީ.ބަރުލަމާނީ ވާހަކަ އެމްޑީޕީ ނުދައްކަންވީ.އެފެންވަރުހުރީ ޕީޕީއެމް.
މޮޔަ1
06 February 2022
9 މޕ އޮންލީ
ސަރަނގު
06 February 2022
އދ ގެ ރައީސްއާއި އިންޑިއާ ސަރުކާރާއި ދިވެހިސަރުކާރާއި މަޖިސްމެންބަރުންނާއި މިނިސްޓްރީތަތާއި ކުންފުނިތަކާއި އީސީ އާއި ފުލުހުންނާއި ސިފައިންނާއި އެމްޑީޕީއާއި ޖޭޕީއާއި އާދާލަތާއި ކޮރަޕްސަނާއި ރިސްވަތާއި ވައްކަމާއި ނުފޫޒާއި ބާރާއި އާރު ބޭނުންކޮށްގެންވެސް މޮޅެއްނުލިބުނު.ބަރުލަމާނީއަށްތާއީދެއްނެތް. ޕީޕީއެމް އެކަނި 41% ޔާމީނު މޮޅުވީ.
ޢަހަރެންހެ
06 February 2022
ކޮބާ ޕީއެންސީ
ރަދުން
06 February 2022
ބޮޑުތަނުންބަލިވީ.ހަމބުއްދިކޮބާތޯ.
އޮނަރަބްލް އަފީފު ދީދީ
06 February 2022
ތިބޭފުޅުންތިޔަވިދާޅުވާ "ގިނަ" އަހަރުމެން ރައްޔިތުންނަށް ފެންނަމުންދަނީ "ގިނި" އެއްގެ ގޮތުގައި އިގޭތޯ. # ތިޔަ ގިނަޕާޓީތައް ހިންގާ ޙަރަކާތްތެރިވެ ސިޔާސަތުކަޑައަޅާ ތަންފީޒުކުރަމުންދަނީ އެއްވެސް ޙާލެއްގައި މަލްޓިޕާޓީ ސިސްޓަމްއޮތް ދައުލަތްތަކުގައި އެކަންކަން ހިގާގޮތަކަށްނޫން. # ހުރިހާޕާޓީތަކެއްރެޖިސްޓްރީކޮށް ހިންގާންވެރިވެގެންތިބީ "މުޤައްދަސް ރަށްްކޮޅުގެ ބޮޑުން" އަދި ޑިސެންޓްރަލައިޒަށް ފުރުސަތުނުދީ މެނިފެސްޓޯހަދަނީވެސް ތިރަށުގައިތިބެގެން ތިރަށުމީހުން.