ތިން ރަށް ރިސޯޓް ހަދަން ކުއްޔަށް ދޫކުރުން މަޑުޖައްސާލަން ސިވިލް ކޯޓުން އިއްޔެ އަމުރުކުރީ ޕްރިމިއާ އިކުއިޓީ ކުންފުނީގެ ފަރާތުން ހުށަހަޅާފައިވާ މައްސަލައަކާ ގުޅިގެން ވަގުތީ އަމުރަކަށް އެދުމުން.
ކޮމަންޑޫ ކައިރިން ރިސޯޓް ހަދަން ދޫކުރަން ނިންމި ތިން ރަށް: އެތަން ކުއްޔަށް ދިނުން ކޯޓުން އިއްޔެ ވަނީ ހުއްޓުވާފައި
13 ފެބުރުއަރީ 2022 - 15:05
24 comments
ށ. ކޮމަންޑޫ ކައިރީގައި އޮތް ތިން ރަށެއްގައި ރިސޯޓެއް ހަދަން ކުއްޔަށް ދޭން ސަރުކާރުން އިއުލާން ކޮށްފައި ވަނިކޮށް އެކަން ސިވިލް ކޯޓުން ހުއްޓުވައިފި އެވެ.
ރިސޯޓް ހެދުމަށް ރަށްތަކެއް ކުއްޔަށް ދޫކުރަން މިދިޔަ މަހު ސަރުކާރުން ހުޅުވާލާފައި ވަނިކޮށް އޭގެ ތެރެއަށް ކޮމަންޑޫ ކައިރީގައި އޮންނަ ތިން ރަށެއް ސަރުކާރުން ފަހުން އިތުރުކުރި އެވެ. އެއީ ށ. މެދުރަށާއި ށ. މައިރަށުގެ އިތުރުން ށ. ދިގުރަށެވެ. އެ ތިން ރަށުގައި ރިސޯޓް ހަދަން އިއުލާންކުރީ ރައްޔިތުންގެ މަޖިލީހުގެ ކޮމަންޑޫ ދާއިރާގެ ބައި އިލެކްޝަން އިއުލާންކޮށް، ކެމްޕެއިން ހިނގަމުން ދަނިކޮށެވެ.
އެ ތިން ރަށް ރިސޯޓް ހަދަން ކުއްޔަށް ދޫކުރުން މަޑުޖައްސާލަން ސިވިލް ކޯޓުން އިއްޔެ އަމުރުކުރީ ޕްރިމިއާ އިކުއިޓީ ކުންފުނީގެ ފަރާތުން ހުށަހަޅާފައިވާ މައްސަލައަކާ ގުޅިގެން ވަގުތީ އަމުރަކަށް އެދުމުންނެވެ. އެ ކުންފުނިން ދައުވާ ކުރަނީ އެ ތިން ރަށަކީ، ސަރުކާރުން ކުރިން އެ ކުންފުންޏާ އެކު ހެދި ސެޓްލްމަންޓް އެގްރިމެންޓެއްގެ ދަށުން، އެ ކުންފުންޏަށް ދޭން އެއްބަސްވެފައިވާ ތިން ރަށް ކަމަށް ބުނެ އެވެ. އެހެންވެ، އެ މައްސަލަ ނިމެންދެން އެ ތިން ރަށް އެހެން ބަޔަކަށް ނުދިނުމުގެ އަމުރަކަށް އެ ކުންފުނިން އެދުނެވެ.
ސިވިލް ކޯޓުން އިއްޔެ ނެރުނު އަމުރުގައި ވަނީ ފެންނަން ހުރި ކަންތައްތަކަށް ބަލާއިރު، އެ ރަށްތައް އެހެން ފަރާތްތަކަށް ކުއްޔަށް ދިނުމުން ޕްރިމިއާ އިކުއިޓީ ކުންފުންޏަށް ލިބެނޭ ކަމަށް ބެލެވޭ ގެއްލުން މާ ބޮޑު ކަމަށެވެ. އަދި އެ ކުންފުންޏަށް އެ ތިން ރަށް ދޭން ސަރުކާރުން އެ ކުންފުންޏާ އެކު މަޝްވަރާ ކޮށްފައިވާއިރު، އެ މައްސަލައިގައި ގޮތެއް ނިމެންދެން އެހެން ފަރާތަކަށް އެ ތިން ރަށް ނުދެވޭނެ ފަދަ ފިޔަވަޅެއް ކޯޓުން އަޅަންޖެހޭ ކަމަށް އެ ނިންމުމުގައިވެ އެވެ.
ސިވިލް ކޯޓުގެ އިސްގާޒީ އަބްދުﷲ އަލީ ނެރުއްވި އެ އަމުރުގައި ވަނީ ށ. މެދުރަށާއި މައިރަށުގެ އިތުރުން ދިގުރަށުގައި ރިސޯޓް ހަދަން ބިޑް ހުށަހެޅުން ފަސްކުރަން ޓޫރިޒަމް މިނިސްޓްރީގެ މައްޗަށް އަންގާ ކަމަށެވެ.
ޕްރިމިއާ އިކުއިޓީ ކުންފުނިން ކުރާ ދައުވާގައިވާ ގޮތުން އެ ތިން ރަށް އެ ކުންފުންޏަށް ދޭން ސަރުކާރުން އެއްބަސްވެފައި އޮތީ 2008 ވަނަ އަހަރު ލ. ބޮޑުފިނޮޅު އަދި ލ. ގަސްފިނޮޅުގައި ރިސޯޓް ހަދަން އެ ކުންފުންޏަށް ދީފައި ވިޔަސް، އެ ތަނުގައި އަމިއްލަ މީހެއްގެ ބިމެއް އޮތުމުން އެތަނުގެ ބަދަލުގަ އެވެ. އެކަމަކު ދައުލަތުން ބުނާގޮތުން އެކަމާ ބެހޭގޮތުން މަޝްވަރާތަކެއް ކުރެވިފައި ވިޔަސް، އެ ތިން ރަށް އެ ކުންފުންޏަށް ދިނުމަށް އެއްބަސްވުމެއް ނޯންނާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލޮއްލަތު
14 February 2022
ކޮބާ ފެނޭ.. ތަމެންނަށް ފެނޭ! ކޮމަންޑޫ ރައްޔިތުން ގުނބޯ ހައްދައިގެންގޮސް ކޮންމަނޑޫ ގާކޮޅުމާތީ ބައިންދާފަ ގޮނޑި އެދަމައި ގަތީ... ހަހަހަހަހަހަހަހަހަހަ އަދިވެސް ބާތިލް ގާނޫނެއް ފައްކާކުރަން އެންމެން ވޯޓު އަޅާލަ.
ޒަމީލް
14 February 2022
ހަމަ ހިނި އަންނަނީ...
ފޫހި
14 February 2022
އަމިއްލަ މީހެއްގެ ބިމެއް އޮތުމުން އެތަނުގެ ބަދަލުގަ އެވެ. އަޖައިބެއް ފަޅުރަށެއްގަ އަމިއްލަ މީހުންގެ ބިން ހުރޭތަ؟ ދެން މިހާދުވަސްވަންދެން ތިޔަ ރަށުގައި ކަމެއްނުކޮށް ތިޔަ ކުންފުނިން ކީއްވެތިބީ؟ އެ ބިމުގެ ސަބަބުން އެހެން އަތޮޅަކުން ރަށްނުދީ އެބިމުގެ މައްސަލަ ހައްލުކުރަންވީނު. މިދާވަރުން ދާނަމަ މި ގައުމުގައި ކަރުދާސް ކުންފުނިތަކަށް ނުވިއްކާ އެކައްޗެއްވެސް ނޯންނާނެ. ދެން ތިޔަ ތިންރަށަކީ ކޮމަންޑޫ އިހްތިސޯސް ހިނގާ ހިސާބުގައި އޮތް ތިންރަށް
ޔާސިރު.
14 February 2022
ކޮއްކޮމެނޭ ތިކަމާ އަޖައިބުނުވޭ ޓުވެރިޒަމައް 50 އަހަރުވަނީ ހދ އަތޮޅު ކަނޑުގެ ލޮނުގަނޑު މާބޮޑައް ލޮނުވީމަ އެއަތޮޅުގަ އެއްވެސް ސަރުކާރަކައް ރިސޯ ޓެއް ތަރައްގީ ނުކުރެވުނު ނަމަވެސް ސަރުކާރުގެ ވެރިން ވަރުވާޔައް ވައިކަރަ މުރައިދޫފަދަ ހދ ގެ ރައްތަކުގަ ދަނީ ދަނޑުވެރިކަން ހިންގަމުން ހދ އަތޮޅު ކައުންސިލައް ގުޅައިގެން އެއީ ކޮންބައެއްތޯ ނޫސްވެރިން ބައްލަވާ އަދި ހދ އަތޮޅައް ދިރާސާއެއް ކުރުމައް ނޫސްވެރިން ވަޑައިންނަވާ
ޙަބީބު.
14 February 2022
ކޮމަންޑޫ މީހުން ބޮލުގަ ރަނގަޅައް ތެތްގޯނި އަޅުވާލެވިއްޖެ ފަނޑިޔާރުންގެ ވިސްނުން ވަރައް ރަނގަޅު ރޯމާދުވާލު ވޯ ޓުން ވައްކަން ކޮއްލިއިރު އިންތިހާބައް ނެތްބަޖެ ޓަކުން ރިސްވަތުގެ ގޮތުގަ ކަންކުރިއިރު ނިދިޖެހިފަ ނޫނޭވާ އަދުލުއިންސާފު ލިބިފަ މިތިބީ އެދުވަހު ގޮވީ 13 އަހަރުގެ ޖަލުހުކުމް ހުދުކާފޫރައްވުމައް ވަކިމީހަކު ކޮންމެފަދަ ގޮތަކައް ދީނައް ފުރައްސާރަކޮއް ބޮވެންވާނެ ކަމައް ބުންޏަސް އެއީ ރަނގަޅު ކަމެއް މިހިރީ މަކަރުވެރި ސަރުކާރުގެ އަޑިނުބައިކަން
ކިނބޫ
14 February 2022
އަނެއްކާ އަނެއް ޑްރާމާ! ކޮނަންޑޫ ދާއިރާއަށް ގޮސް ހެދީ ހުސް ދޮގު ކަމާއި ކެނޑީ ހުސް ފޮނި ކަމާއި ވޯޓު ލީ ދުވަސްކޮޅު ބައެއް މީހުނަށް ލިބުނު ލާރިއެއް ފިޔަވައި ދެން ހަރާމުންހަރާން އެއްކަމެއްވެސް ނުވާނެކަން ކޮމަންޑޫ ދާއިރާ މީހުނަށް އެނގުމާއި ނޭނގުން ދެން ހަމަހަމަ. ކުރިންވެސް އަހަރުމެން ބުނިން ދޯ ތިހެނޭ ދާނީ.
ޖަންބޭ
13 February 2022
ތީ މޮޅު ސްޓަންޓަކާ ވައްތަރީ. ޕްރިމިއާރ އީކްއިޓީ ކުންފުނި މެދުވެރިކޮށް މައްސަލައެއް ވެއްދީ ކަމަށްވެސް ވެދާނެ.
ޢަނީ
13 February 2022
ކޮމަންޑޫގައި އެ ހިނގި އިލެކްޝަނަކީ ރައްޔިތުން ހެއްދުމުގެ ބޮޑު ފެސްޓިވަލްއެއް.ގައުމެއް ހިނގާ ކުރިއަރުވަން އުޅޭ ބަޔަކު ކުރާކަމެއްނޫން.މި ހަބަރުންވެސް މި ދޭހަވަނީ ހުސް ފުލޯކު ވާހަކަ ދެއްކިކަން.
އައްދައުލަތުލް މުނާފިގިއްޔާ
13 February 2022
އަނބިދަރިން ގޮވައިގެން ހޭބޯނާރާ ރަތްދަކަ އަވީގަ ބަނދަރުމަތީ ސަފުހަދައިގެން ތިބެވޭތޯ ބަލާ އަދިވެސް.
ސޮހޮލު
13 February 2022
މަސްވަރާކުރުމަކީ ގޮތެއް ނިންމުމެއްނޫން. މިކަހަލަ ތާކުންތާކު ނުޖެހޭ ހުކުމްތައް ކުރުން ހުއްޓާލަންޖެހެއެވެ. ފައިނޭންސަލް ކަންކަން ހިނގާގޮތް ފަޑިޔާރުންނަށް ރަގަޅަށް ވިސްނައިދޭންޖެހޭ.