14 ފެބުރުއަރީ 2022 - 11:15
14 comments
ރާއްޖޭގައި ތަރައްގީ ކުރާ 75 ރިސޯޓަކާ އެކު އަލަށް ސޮއިކޮށްފައިވާ އެއްބަސްވުމާ އެކު ތިން އަހަރުގެ ތެރޭގައި އެ ރިސޯޓްތައް ނުނިންމައިފި ނަމަ އެއްބަސްވުން ބާތިލުކޮށް، ރިސޯޓު އަތުލެވޭނެ ކަމަށް ޓޫރިޒަމް މިނިސްޓަރު ޑރ. އަބްދުﷲ މައުސޫމް މިއަދު ވިދާޅުވެއްޖެ އެވެ.
ރައްޔިތުންގެ މަޖިލީހަށް ވަޑައިގެން މެންބަރުންގެ ސުވާލުތަކަށް ޖަވާބު ދެއްވަމުން މައުސޫމް ވިދާޅުވީ ޓޫރިޒަމް މިނިސްޓްރީ އަށް މި ވަގުތު ދިމާވެފައި އޮތް އެންމެ ބޮޑު ގޮންޖެހުމަކީ ރިސޯޓު ހަދަން ރަށްތައް ދޫކުރުމުން ރިސޯޓު ނުހަދާ އެތައް އަހަރެއް ހޭދަވާ މައްސަލަ ކަމަށެވެ.
މިހާރު އޮންނަ ގޮތުން އެ ރިސޯޓު ނުހެދި އޮތުމުގެ ޒިންމާ ވެސް އެންމެ ފަހުން އުފުލަން ޖެހެނީ ސަރުކާރުން ކަމަށް މައުސޫމް ވިދާޅުވި އެވެ.
އެ މައްސަލަ ހައްލު ކުރުމުގެ ގޮތުން ރަށް ހަވާލު ކުރާ ފަރާތާ އެކު އެއްބަސްވުމެއް ހަދަމުން އަންނަ ކަމަށާއި މިހާތަނަށް 75 ފަރާތަކާ އެކު އެ އެއްބަސްވުން ހަދާފައިވާ ކަމަށް މައުސޫމް ވިދާޅުވި އެވެ.
އެ އެއްބަސްވުމުގެ ދަށުން ތިން އަހަރުން ރިސޯޓު ހަދައި ނުނިންމައިފި ނަމަ އޮޓޮމެޓިކުން އެއްބަސްވުން ބާތިލު ވާނެ ކަމަށް ވެސް މިނިސްޓަރު ވިދާޅުވި އެވެ.
"އާންމުކޮށް ރާއްޖޭގައި ރިސޯޓެއް ހެދޭނެ ކަމަށް މި ބެލެވެނީ އެންމެ ބާރު ސްޕީޑުގައި ވެސް ދޮޅު އަހަރުން. އެހެންވެ ދޮޅު އަހަރުގައި ހަދަން ނުފެށޭ ރިސޯޓެއް އަނެއް ދޮޅު އަހަރުގެ ތެރޭގައި ވެސް ނިންމޭނެ ކަމަށް ނުބެލެވޭ،" މައުސޫމް ވިދާޅުވި އެވެ.
މިހާތަނަށް އެ އެއްބަސްވުން 75 ފަރާތަކާ އެކު ހަދާފައިވާތީ މީގެ ތިން އަހަރު ފަހުން 75 ރިސޯޓު ހުޅުވާނެ ކަމަށާއި އެހެން ނޫން ނަމަ އެއްބަސްވުން ބާތިލު ވާނެ ކަމަށް މިނިސްޓަރު ވިދާޅުވި އެވެ. އަދި ކުރިޔަށް އޮތްތަނުގައި ރަށްތައް ހަދަމުންދާ ވަރު މިނިސްޓްރީން ކައިރިން ބަލަމުން ގެންދާނެ ކަމަށް ވެސް މައުސޫމް ވިދާޅުވި އެވެ
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަލްލ
15 February 2022
ތީ ޖަމަލު ފޮޑި. ސުންގަޑި ނިމުނީމަ އަނެއްކާވެސް ސުންގަޑި އިތުރުކުރެވޭނީ. އަތެއް ނުލެވޭނެ އެމީހުން އަމިއްލައަށް ރަށް ދޫކޮއްލީމަ ނޫނީ. ސަރުކާރުންވެސް ކުރެވޭކަންކަމުގެ ވާހަކަ ދައްކާ.
ބަބޫ
14 February 2022
ދައުލަތުން ގެއްލުމުގެ ބަދަލު ދިނުމުގެ ކުޅިގަނޑެއް. ނޭގޭމީހަކަށް ނޭގޭނެ މިހެން ރާވައިގެން ހިންގާ ބޮޑެތި ޖަރީމާތަކެއްމީ. ސަރުކާރުން ނެގީމަ ބަދަލުގޮތުގަ އެތަށްލާރިޔެއް
ކޮރަލް
14 February 2022
ރަނގަޅު ކަމެކެވެ.
ޝަފީރު
14 February 2022
އެ އެއްބަސްވުމުގެ ދަށުން ތިން އަހަރުން ރިސޯޓު ހަދައި ނުނިންމައިފި ނަމަ އޮޓޮމެޓިކުން އެއްބަސްވުން ބާތިލު ވާނެ ކަމަށް ވެސް މިނިސްޓަރު ވިދާޅުވި އެވެ. *** މިކަހަލަ އެއްބަސްވުން ހެދީމަ ނޫތަ ބަދަލުދޭން މިޖެހެނީ. ނޫނީ ކޯޓުން ބޭރުން ޑީލެއްހަދައިގެން ފައިސާގަނޑެއް ކަޅާކޮށްލަނީ. ތިކަންވާންޖެހޭނެ ގޮތަކީ އިތުރު މުއްދަތެއް ދިނުމެއްނެތި ޢެގްރިމެންޓަގައިވާ ގޮތަށް ކޯޓު މެދުވެރިކޮށް އެގްރިމެންޓް ބާތިލު ކުރެވޭނެ ކަމަށް.
ނުރަބޯ
14 February 2022
ހަހަހަހަ... ގާސިމް އާ ޖާބިރުގެ އެއްވެސް ރަށެއް އަތުލެވޭތޯ ބަލަން އަހަރެމެން މިތިބީ
އަލީ އަލީ
14 February 2022
ށ. ކަނބާލިފަރު، ދޮޅިޔަދޫ ހަވާލުކުރިފަހުން މިވީހާދުވަހެއް ވެއްޖެ! އަދިވެސް ނިމޭނެ ދުވަހެއްނޭގެ! ތިޔަ 75 ރަށުގެ ތެރޭގައި މަރައްރަށް ހިމެނޭނެ ކަމަށް އުއްމީދުކުރަން!
ބޮކިޙަސަނު
14 February 2022
އެހެންވީމަ މި ވެރިކަމުގައި އެއްވެސް ރިސޯރޓެއްގެ އެއްބަސްވުން ބާޠިލް ކުރާކަށް ނުޖެހޭނެ މިވެރިކަމުގަ އެއްވެސް ރަށެއް ރިސޯރޓު ހަދަން ދޫ ނުވެސް ކުރެވުނު އެހެންވީމަ ކީއްތޔަ ވާނީ 99 އަހަރަށް ރަށްތައް ދޫކުރިއްޔާ
ލުތުފީ
14 February 2022
މިހާރު ބެއްޔަސް އެންމެ ގިނަ ރިސޯޓް ނަގައިގެން ނުހަދާ އޮންނާނީ ވިލާ ކުންފުނިން. ބުރުމާ ގާސިމް ޖޭޕީ ކިޔާ ސިޔާސީ ޕާޓީއެއް ހަދައިގެން ވެރިކަންކުރާ ކޯލިޝަންގަ ހިމެނިގެން އުޅެނީ ކަމަކުއޭ.
ފޮނިޓައްޕު ހަސަނު
14 February 2022
އައްދޭ 3 އަަހަރޭ ކީއްވެ 10 އަހަރު ނުދިނީ. މިހާރުވެސް އެބަހުރި 15 އަހަރު ފާއިތުވެގެން ދިޔައިރު ނެހެދޭ ރަށްތައް. ކޮވިޑްގެ ވަބާ ފެތުރުމުގެ ކުރިންވެސް ނެހެދި އެތަކެއް އަހަރުވެފައިވާ ރައްތައް އެބަހުރި. ކުރީގެ ރައީސެއްގެ އާއިލީ ގުޅުމެއް އޮންނަ ރިޒޯޓް އޯނަރަކަށް ޅ.އަޮތޮޅުން ދީފައި އޮންނަ ރަށެއް ނެހެދި އޮންނަތާ 15 އަހަރަށް ވުރެން ގިނަދުވަސް ވެއްޖެ.
ލޮއްލަތު
14 February 2022
ވަރަށް ރަނގަޅު ނިންމުމެއް. އިންވެސްޓަރެއް ހޯދައިގެން ރިސޯޓެއް ހަދަން ރަނގަޅު ރަށެއް ހޯދަން އުޅޭއިރު ކޮންމެވެސް ކުންފުންޏަކަށް މީގެ 10 15 އަހަރު ކުރިން ދޫކޮށްފަ އޮންނަނީ. އެއްވެސްކަމެއް ކޮށްފައެއް ނޯވޭ.