.
19 ފެބުރުއަރީ 2022 - 06:54
1 comments
މަޝްހޫރު ލަވަކިޔުންތެރިޔާ ޓޭލާ ސްވިފްޓް ދާދިފަހުން ރިލީޒްކުރި ލަވައާ އެކު އޭނާގެ ފޭނުންގެ އުނދަގޫ ވަރަށް ބޮޑުވެފައިވާ ކަމަށް ޓޭލާގެ ކުރީގެ ލޯބިވެރިޔާ އަދި އެމެރިކާގެ އެކްޓަރު ޖޭކް ޖިލެންހާލް ބުނެފި އެވެ.
މިދިޔަ އަހަރު ފަހުކޮޅު ޓޭލާ ނެރުނު "އޯލް ޓޫ ވެލް (ޓޭލާސް ވާޝަން)" ލަވައިގައި އޭނާ ވަރަށް ޒުވާން ދުވަސްވަރު ޖޭކްއާ ރައްޓެހިވެގެން އުޅުނު ދުވަސްވަރު ކަންތައް ހިނގާދިޔަ ގޮތް ކިޔައިދެވެ. އެ ލަވައިން ޖޭކް ސިފަކޮށްފައި ވަނީ އެކި ގޮތްގޮތުން ވަރަށް އަނިޔާވެރި މީހެއްގެ ގޮތުގަ އެވެ.
އެ ލަވަ ނެރުނު ފަހުން ސްވިފްޓުގެ ފޭނުން ދަނީ ޖޭކަށް އެކި ކަހަލަ ފުރައްސާރަތައް ކުރަމުންނެވެ. އެންމެ ފަހުން އޭނާ އެ ކަމަށް ރައްދު ވެސް ދީފި އެވެ.
މިދިޔަ ހަފުތާގައި އެސްކުއާޔާ މެގަޒިން އަށް ދިން އިންޓަވިއުއެއްގައި ޖޭކް ބުނީ އަމިއްލަ ހަޔާތުގެ ތަޖުރިބާ އަށް ބިނާކޮށްގެން ޓޭލާ މިއުޒިކް އުފެއްދުމުން އޭނާ އަށް އެއަކު އެއްވެސް މައްސަލައެއް ނެތެވެ. ނަމަވެސް ފޭނުންގެ އަމަލުތައް ބަހައްޓާނެ ގޮތަކާ މެދު ވިސްނައި ގޮތެއް ނިންމުމަކީ އެ އާޓިސްޓެއްގެ ޒިންމާއަކަށް ވާން ޖެހޭނެ ކަމަށް އޭނާ ބުންޏެވެ.
ޓޭލާގެ ފޭނުންގެ ފަރާތުން ލިބެމުންދާ އޮންލައިން ބުލީކުރުމުގެ ސަބަބުން ޖޭކް މިހާރު ވަނީ އޭނާގެ ސޯޝަލް މީޑިއާތަކުގެ ކޮމެންޓް ސެކްޝަން ވެސް އޮފް ކޮށްލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒަހަންގީރުބާދިޝަ
19 February 2022
މިއީ ދެން ކޮން ކަމެއް ޓޭލަރު. ފިރިހެނަކަށް ހަމަޖެހިލައިގެން ދިރިއުޅެވޭކަށް ނޯވެޔޭދޯ، ހަނދާންތަކޭ ކިޔައިގެން ލަވަހަދައި ޖެއްސުން ތިޔަ ކުރަނީ. ފުރަތަމަވެސް ކައިވެނިކޮށްގެން ތިޔަހާ ހަނދާންތައް އުފެއްދިނަމަ ތިޔައިގަ ނިކަން ވަރު ހުރީހެއްނުދޯ.