ހަލަބަށް އޮބްޒާވަރުން ފޮނުވަން ނަގާ ވޯޓު ރަޝިޔާ އިން ވީޓޯ ކުރާނެ

ހަލަބު ސިޓީން ނެރޭ އާއްމުން ބަސްތަކުގައި ދަތުރުކޮށްފައި ދަނީ: ހަލަބުން މީހުން ނެރުން މޮނިޓާ ކުރަން އޮބްޒާވަރުން ފޮނުވާ ގަރާރު ވީޓޯ ކުރާނެ ކަމަށް ރަޝިޔާ އިން ވަނީ ބުނެފައި. --ފޮޓޯ:އޭއެފްޕީ

ހަސަން އާމިރު، މިހާރު

19 ޑިސެމްބަރ 2016 - 10:50

4 comments

ޔުނައިޓެޑް ނޭޝަންސް (ޑިސެމްބަރު 19) - ސީރިއާގެ ހަލަބު ސިޓީ އަށް އޮބްޒާވާރުން ފޮނުވުމާ ބެހޭ ގޮތުން އދ.ގެ ސަލާމަތީ މަޖިލީހުން ފާސް ކުރަން އުޅޭ ގަރާރު ވީޓޯ ކުރާނެ ކަމަށް ރަޝިޔާ އިން ބުނެފި އެވެ.

އދ. އަށް ކަނޑައަޅާފައި ހުންނަ ރަޝިޔާގެ ސަފީރު ވިޓަލީ ޗުރްކިން ވިދާޅުވީ އެ ގަރާރު ފާސްކުރަން ރަޝިޔާ އިން ފުރުސަތު ނުދޭނެ ކަމަށާއި ހަލަބުގެ މައްސަލަ އަކީ ބޮޑު މުސީބާތެއް ކަމަށެވެ. ޗުރްކިން ވިދާޅުވީ ސީރިއާގެ އެކުވެރި ރަޝިޔާ އިން ބޭނުން ވަނީ ހަލަބުން މީހުން ނެރޭ ގޮތް މޮނިޓާ ކުރުމާ ބެހޭ އަމިއްލަ ގަރާރެއް ހުށަހަޅަން ކަމަށެވެ. ނަމަވެސް ރަޝިޔާ އިން ހުށަހަޅާ ގަރާރުގެ ތަފްސީލް އޭނާ ނުދެއްވަ އެވެ.

ސީރިއާގެ ހަލަބުގައި ދޭ އަނިޔާތަކާ ދެކޮޅަށް އިޓަލީގެ ޓިއުރިންގައި އަޑު އުފުލަނީ. --ފޮޓޯ:އޭއެފްޕީ

ހަލަބުން މީހުން ނެރުން ކުރިއަށްދާ ގޮތް ބެލުމަށް އޮބްޒާވަރުން ފޮނުވުމާ ގުޅޭ ގޮތުން ސަލާމަތީ މަޖިލީހުގެ ސިއްރު ބައްދަލުވުމުގައި މިއަދު ވޯޓަށް އަހާނެ ކަމަށް ބެލެވެ އެވެ.

ފްރާންސް އިން ސްޕޮންސާކޮށްފައިވާ ގަރާރު ވަނީ ސަލާމަތީ މަޖިލީހުގެ މެންބަރު ގައުމުތަކާ އެކު ހުކުރު ދުވަހު ހިއްސާކޮށްފަ އެވެ. ފްރާންސް އިން ބުނެފައި ވަނީ ހަލަބުގައި ދިރިއުޅޭ މީހުންގެ ހާލަތު ވަރަށް ސީރިއަސް ކަމަށާއި އެ ސިޓީން ނުކެމެވޭނެ ގޮތެއް ނެތް މީހުންނަށް ކާނާ އާއި ބޭސް ފަރުވާގެ ޚިދުމަތް ނުލިބޭ ކަމަށެވެ.

ސީރިއާއާ ބެހޭ ގޮތުން 2011 ގެ ފަހުން ސަލާމަތީ މަޖިލީހުން ފާސްކުރަން އުޅުނު ހަ ގަރާރެއް ރަޝިޔާ އިން ވަނީ ވީޓޯ ކޮށްފަ އެވެ.

ޔޫއެން ސެކްރެޓަރީ ޖެނެރަލް ރަޝިއާ ސީރިއާ ހަލަބް ސިޓީ

4 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވީޓޯ

19 December 2016

އދ އިން ހުރިހާ މުސްލިމު ޤައުމުައް ބޭރުވާންވެއްޖެ. އިންސާފެއް އޮތް ތަނެއް ނޫން އެއީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުއްލާ އަލީ

19 December 2016

ހަލަބަށް މިހާރު އޮބްޒާވަރުން ފޮނުވަންވީ ކީއްވެ ؟އެމެރިކާއިން ހަތިޔާރު ދީގެން ހަގުރާމަ ފެއްޓުވި އިރު އދއޮތީ ކޮންތާކު ؟ އިރާގު ފުޑާލި އިރު އޮބަޒާވަރުން ކޮބާ ؟ ލީބިޔާ ފުނޑާލި އިރު އޮބްޒާވަރު ކޮބާ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޫނި ރާއްޖެ

19 December 2016

މިއަދު މުސްލިމް އުއްމަތުގެ މައްޗަށް ބަސް މިކިޔަކީ މުޝްރިކުން. މިވެސް އިބުރަތެއް. މިފުރުސަތު އެމީހުންނަށް ދިނީ 90 ދިހައިގެ އަހަރުތަކުގައި ސައޫދީ އަރަބިއްޔާއިން. އެދުވަހު އެ ރޯކުރި ހުޅުކޮޅުން މިއަދު އެ މެދުއިރުމަތި އެދަނީ އަދާ އަޅިއަށްވަމުން.