ށ. ފީވައް: ޑިންގީއެއްގެ އިންޖީނު ގޮވައި ހިނގި ހާދިސާގައި ޒަހަމްވި އެ ރަށު ޒުވާނާ މިހާރު އޮތީ އައިޖީއެމްއެޗުގައި
19 ޑިސެމްބަރ 2016 - 10:44
8 comments
ޑިންގީގެ އިންޖީނު ގޮވައި ބަނޑު ކަފައިގެން ދިޔަ އެކްސިޑެންޓުގައި އަބްދުﷲ ފަޒީލްގެ ހަށިގަނޑުގެ ގިނަ ގުނަވަންތަކަކަށް ސީރިއަސް ޒަހަމްތަކެއް ލިބިފައިވާ ކަމަށް އައިޖީއެމްއެޗުން މިއަދު ބުނެފި އެވެ.
ށ. ފީވަކުން އެ އަތޮޅު ފޯކައިދު އަށް ޑިންގީއެއްގައި ދަނިކޮށް، އޭގެ އިންޖީނު ގޮވައި ފަޒީލްގެ ބަނޑު ކަފައިގެން ދިޔައީ މިދިޔަ ހޮނިހިރު ދުވަހެވެ. އެ ހާދިސާއާ ގުޅިގެން ހދ. ކުޅުދުއްފުށީ ހޮސްޕިޓަލުގައި ބޮޑު އޮޕަރޭޝަނެއް ކުރުމަށް ފަހު މިހާރު ފަރުވާދެނީ އައިޖީއެމްއެޗުގެ އައިސީޔޫގަ އެވެ.
އައިޖީއެމްއެޗުގެ ޕަބްލިކް ރިލޭޝަންސް ޑިރެކްޓަރު އަހްމަދު މައުސޫމް ވިދާޅުވީ ފަޒީލުގެ ހަށިގަނޑުގެ ގިނަ ގުނަވަންތަކަކަށް ވަރަށް ބޮޑެތި ޒަހަމްތަކެއް ލިބުމުގެ އިތުރުން މައިބަދަ އަށް ވެސް ސީރިއަސް ގެއްލުންތަކެއް ލިބިފައިވާ ކަމަށެވެ.
އައިޖީއެމްއެޗުގައި އޭނާ ބާއްވާފައި އޮތީ ހޭނައްތައިފަ އެވެ.
"ހޭނައްތާފައި އޮބްޒަވޭޝަންގައި ބާއްވާފައި އޮތީ. ހާލު ސްޓޭބަލް. ވަރަށް ސީރިއަސް ޒަހަމްތަކެއް ލިބިފައި ހުރީމަ ހާލު ރަނގަޅޭ، ނުވަތަ ގޯހޭ އެހެން ވަކި އެއްޗެއް ނުދެންނެވޭނެ،" މައުސޫމް ވިދާޅުވި އެވެ.
ފީކަވު ސްކޫލްގެ ޓީޗަރަކަށް އުޅޭ ފަޒީލް ފޯކައިދު އަށް ދަތުރުކުރީ އޭނާގެ ގާތް ރަހުމަތްތެރިޔަކާ އެކުގައި ކޮފީއެއް ބޯލަން ކަމަށްވެ އެވެ. ގާތްގަނޑަކަށް 15 މިނެޓު ހޭދަވާ ދަތުރުމަތީގައި ހިނގި އެކްސިޑެންޓުގައި ރަހުމަތްތެރިޔާ އަށް އެއްވެސް އަނިޔާއެއް ނުލިބުނީ ޑިންގީގެ ކުރީކޮޅުގައި އޭނާ އިނުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިހާރު
19 December 2016
ކޮމެންޓް ކުރަނީ ހުސް ޑޮކްޓަރުން
އަލިކޮޔެ
19 December 2016
އަޅުގަޑުގެ ކޮންސާން މިކަމުގައި ވަރަށް ބޮޑު ކޮންމެ ގޮތެއް ވިއަސް މިހާދިސާއަކީ ވަރަށް ހިތާމަވެރި ހާދިސާއެއް އަދި ކޮންމެ ފަދަ ހާދިސާއެއް ހިގިއަސް އެހާދިސާއެއްގެ ޕްރިވެންޓިވް މެޝަރ އެޅުމަކީ އެންމެންގެ ޒިންމާއެއް އަޅުގަޑުމެންގެ ރާއްޖޭގައި އުތުރުން ފަށައިގެން ދެކުނަށް ބަލާއިރުވެސް ކޮންމެ ރަށެއްގައި ޑިންގީ ވަރަށް ގިނަ އަދި ޑިންގީއަކީ ވަރަށް ގިނައިން މަސްވެރިކަމުގައި ބޭނުންކުރާ ތަކެތި އަބަދުހެން ދުއްވާ ތަކެތި ގިނައިން ދުއްވަނީ 25 ހޯސްފަވަރުން ދަށުގެ އިންޖީނު އަޅާފައިވާ ޑިންގީތައް އަދި މިޑިންގީ ތަކުގައި ވީލް އަދި ރިމޯރޓް ސިސްޓަމު އަޅާފައިވާ ޑިންގީތައް މަދުވާނެ ފަޒީލު ދުއްވި ގޮތަށް ގިން ޑިންގީތައް ދުއްވަމުން ދަނީ މިހެން ވުމާއިއެކު މިހާދިސާ ހިގިގޮތް ވަރަށް އަވަަހަށް ބޭނުންވާނެ އިންޖީނުގެ ފްލައި ވީލް އިންޖީނުގެ ބޮޑީ ފަޅާލާފައި ނިކުމެގެން ދިޔަ ސަބަބު ހޯދަން ވަރަށް ގިނަ މީހުން ބޭނުންވާނެ އަޅުގަޑު މިހާރުން މިހާރަށް މިގޮވާލަނީ ރާއްޖޭގައި މިފަދަ އިންޖީނުތައް މަރާމާތުކޮށް ބަލަހައްޓާ ބޭފުޅުން މިހާދިސާގެ ބަޔާނެއް އަންގަވައި ދިނުމަށް މިހެންވީ ދުއްވި ގޮތުންތޯ ތެޔޮ އެޅި ގޮތުން ތޯ ޕްލީޒް އަޅުގަޑުމެންނަށް ސަބަބު އަންގަވާ ދެއްވާ އެހެން މީހުންގެ ސަލާމަތަކަށް
ފޯކައިދޫމީހާ
19 December 2016
އެ އިނޖީނުގެ ފްލައިވީލް އަމިއްލަޔަށް ވެލްޑް ކޮށްގެން ދުއްވީ.
ދޫނި ރާއްޖެ
19 December 2016
މާތްﷲ ފަޒީލަށް އަވަސް ޝިފާއެއް މިންވަރުކުރައްވާށި!
ޢަލީ
19 December 2016
އާމީން
ޢަލީ
19 December 2016
ހާލު ސްޓޭބަލްއޭ އެވިދާޅުވާ ބަހުގެ މާނައަކި ކޮބައިބާ؟
މެޑިކް
19 December 2016
ސްޓޭބަލްގެ މާނަ އަކީ ވައިޓަލް ސައިންސް (ހިތުގެ ވިންދު، ލޭގެ ޕްރެސަރ ފަދަ ކަން ކަން) ހުރީ މިވަގުތައް ބަދަލެއް ނައިސް ހިފެހެއްޓިފައޭ ނަމަވެސް ނުރައްކަލުން އަދި ސަލާމަތެއް ނުވެއޭ.
ޙަސަން އަޙްމަދު
19 December 2016
އިސްތިޤްރާރު ވެއްޖެ ވާހަކަ. ހުރިވަރެއްގަ ހިފެހެއްޓިފަ. އިތުރަކަށް ގޯހެއް ނުވޭ. އިސްތިޤްރާރު ނުވެއްޖެއްޏާ ދާނީ މަޑުމަޑުން ދަށަށް. (ނޯޓް : އިސްތިޤްރާރު މި ބަހަކީ ނުވަދިހައިގެ އަހަރުތަކާއި އޭގެ ކުރީގެ އަހަރުތަކުގަ ދިވެހިން ވާހަކަ ދެއްކުމާއި ލިޔެކިޔުމުގައި ބޭނުންކުރި ބަހެއް. އެޒަމާނުގެ ހަވީރު ނޫހުން ވަރަށް ގިނައިން ފެނުނު ބަހެއް)