ވިލިމާލެ އޮފީސް، ޑރ. މުއިއްޒު މިއަދު ހުޅުވައިދެއްވަނީ.-- ފޮޓޯ: ސިޓީ ކައުންސިލް
21 ފެބުރުއަރީ 2022 - 15:10
11 comments
ސިނަމާލެ ފްލެޓުތަކުގެ ޖޫރިމަނާ މައާފުކޮށްދޭން މާލެ ސިޓީ ކައުންސިލުން، ރައީސް އިބްރާހިމް މުހައްމަދު ސޯލިހުގެ އަރިހުން އެދިއްޖެ އެވެ.
ވިލިމާލޭގައި ހުންނަ ސިނަމާލެ 4 ގެ އޮފީސް ހުޅުވުމަށް މިއަދު ބޭއްވި ރަސްމިއްޔާތުގައި މާލޭގެ މޭޔަރު ޑރ. މުހަންމަދު މުއިއްޒު ވިދާޅުވީ ސިނަމާލޭގެ ހަ ފްލެޓެއްގެ ޖޫރިމަނާ މައާފުކުރުމަށް ފެންނާތީ އެކަން މިދިޔަ ހަފުތާގައި ރައީސަށް ހުށަހަޅުއްވާފައިވާ ކަމަށެވެ.
އެ ފްލެޓުތަކުގެ އިތުރުން ހުޅުމާލޭ ފްލެޓުތަކުގެ ޖޫރިމަނާ މައާފުކޮށްދިނުމަށް ވެސް ސިޓީ ކައުންސިލުން އެދިފައިވެ އެވެ.
އޭނާ "މިހާރު" އަށް ވިދާޅުވީ ސިނަމާލެ ފްލެޓުތަކުގެ ޖޫރިމަނާ އަށް ބޮޑު އަދަދެއް އަރާފައިވާ ކަމަށެވެ. އޭގެ ސަބަބުން، ފްލެޓުގެ މަހު ކުލި ދެއްކުމަށް ވެސް ގިނަ ބަޔަކަށް ދަތިވެފައިވާ ކަމަށް މުއިއްޒު ވިދާޅުވި އެވެ.
"ޖޫރިމަނާއާ އެކު ކުލި މި ދެއްކެނީ. އެކަމަކު ޖޫރިމަނާ ނުދެއްކޭތީ ކުލި ވެސް ނުދައްކާ މީހުން އެބަ އުޅޭ. އެ މީހުންނަށް ލުއި ފަސޭހަ ގޮތެއް ހަމަޖައްސައިދިނުން ބޭނުމަކީ،" މޭޔަރު ވިދާޅުވި އެވެ.
ވިލިމާލޭގައި ވަގުތީ މާރުކޭޓުގެ ބިންގާ އަޅައިދެއްވުމަށްފަހު، މޭޔަރު ޑރ. މުއިއްޒު، ވިލިމާލެ ދާއިރާގެ މެމްބަރު ނަހުލާއާ މިއަދު ސަލާމްކުރައްވަނީ.-- ފޮޓޯ: މާލެ ސިޓީ ކައުންސިލް
ވިލިމާލޭ ފްލެޓު ލިބުނު މީހުންނަށް، ފްލެޓު އަމިއްލަ ކުރުމުގެ އެއްބަސްވުމުގައި ސޮއިކުރަން ވެސް ވަނީ ފަށައިފަ އެވެ. ނަމަވެސް މޭޔަރު ވިދާޅުވީ އެކަން ކުރާނީ ޖޫރިމަނާ އަށް ކޮންމެ މަހަކު 500ރ. ދައްކައި އަދި ކުލީގެ ގޮތުގައި 2،390ރ. ދައްކާ ގޮތަށެވެ.
މުއިއްޒު ވިދާޅުވީ ފްލެޓު ޖޫރިމަނާ މައާފުކޮށްފި ނަމަ، ޖޫރިމަނާގެ ގޮތުގައި ދައްކާފައިވާ 500ރ. ކަނޑާނީ ފްލެޓުގެ އަގުންނެވެ.
ވިލިމާލޭގައި ސިޓީ ކައުންސިލުން ވަނީ މޯލްޑިވްސް އިސްލާމިކް ބޭންކް (އެމްއައިބީ) ގެ އޭޓީއެމާއި ވިލިމާލެ ވަގުތީ މާރުކޭޓުގެ ބިންގާ އަޅައިފަ އެވެ. އޭގެ އިތުރުން، މަގުމަތީ ރޭމްޕްގެ މަސައްކަތް ވެސް ފަށާފައިވެ އެވެ.
މާރުކޭޓާ ގުޅޭގޮތުން މޭޔަރު ވިދާޅުވީ ވަގުތީ މާރުކޭޓުގެ ނަން ދިން ކަމުގައި ވިޔަސް ދުރު ރާސްތާގައި ތަރައްގީގެ ބޮޑު މަޝްރޫއުތައް އަންނައިރު ވެސް އެތަން ބޭނުންކުރެވޭނެ ކަމަށެވެ.
ރޯދަ މަސް ފެށެން ވާއިރަށް މާރުކޭޓު ނިންމައި، ގޮޅިތައް ލިބޭނެ މީހުން ކަނޑައަޅައި ރޯދަ މަހަށް ބޭނުންކުރަން ފެށޭނެ ކަމުގެ ޔަގީންކަން ސިޓީ ކައުންސިލުން ދީފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސެފޮލިނާ
22 February 2022
ރައްޔިތުންގެ ފައިސާ މާލޭ މޭޔަރު ބޭނުންހާގޮތަކަށް މާލޭމީހުންނަށް ބަހައިގެން ނުވާނެ ތީ އަހަރުމެން އެންމެގެވެސް ހައްގު އެންމެންނަށްވެސް ބަހާ ނޫނީ މުއީޒުގެ އަމިއްލަ ފައިސާ މާލޭމީހުންނަށްދީ
ތެރެވިސްލާ
22 February 2022
ތީ އަހަރުމެން ރައްޔިތުންގެ ފައިސާ ތިފައިސާ ތިހެން މާލޭމީހުންނަށް އެކަނި ބަހާ ހުހެއްނުކުރެވޭނެ އަހަރުމެން ރަށުގަ މިއުޅެނީ މާހާލުގަ މާދަތީގަ އަހަރުމެންނަށް ހައްގީ ކޯންޗެއް
މިވަރެއްނެތް
21 February 2022
މަނިކުފާނު ތިވަރަށް ދީލަތިކަން ދައްކަނީ ރައްޔިތުންގެ ފައިސާއިން މީސްމީހުންނަށް ހޭދަކުރަންވީމަތޯ؟ ތިޔަފަދަ ދީލަތިކަން މަނިކުފާނުގެ ވަޒީރުކަން ކުރެއްވިއިރު ނުދައްކަވާ އިދިކޮޅުގަ ހުންނައިރު ދައްކަވަނީ ކީއްވެތޯ؟ މަނިކުފާނު ހައުސިން މިނިސްޓަރުކަން ކުރެއްވިއިރު ހުޅުމާލެއިން އެންމެ ގޯއްޗެއްވެސް ހިލޭ މާލޭގެ ރައްޔިތަކަށް ނުދޭއިރު މިއަދު 1ހާސް ގޯތިދޭން ގޮވަނީކީއްވެތޯ؟ މަނިކުފާނުގެ އިމާރާތުގައި އުޅޭ ނިކަމެތިންނަށްވެސް ތިފަދަ ކުލީގެ ލުއިނުދެއްވަނީ ކީއްވެތޯ؟
ސަންފާރިއަސްޓޯ އިބޭނޯ
21 February 2022
ކުލީގެ ގޮތުގައި ދައްކަންޖެހޭ ފައިސާ ނުދައްކާ މަކަރުހަދައިގެން ތިބޭ މީހުނަށް މިލިބެނީ މައާފު. ބަރާބަރަށް ދައްކަމުން، ގަނަތެޅެމުން ދިރިއުޅުނު މީހުނަށް ތިޔަ ދެނީ އަދަބު.
ވަހީދު
21 February 2022
އެބައި ކެނޑޭނެ ކުލިން.
އަސަރު69
21 February 2022
އަހަރެމެންވެސް މީ ހަމަ ދިވެހީން. މަމެންވެސް އުޅެނީ ޗައިނާފްލެޓްގާ. ކޮންމެ މަހަކު 7350 ރުފިޔާ ދައްކައިގެން މިތިބެނީ. އަހަރެމެން ދައްކާނޭ ޖުރުމަނާއެއް ނޯންނާނެ ނުކައިނުބޮއެވެސް ކުލިދައްކަން. އަހަރެމެން ކަހަލަ ގިނަބަޔަކު އެދޭ މަހުކުލީގެ ގޮތުގާ ކުޑައެއްޗެއް ދައްކާލައިގެންއުޅެވޭތޯ. ފްލެޓްގެ ޖުމްލައަގު 2.3 މިލިއަން ވިޔަސް އެއަދަދު 50 އަހަރަށް ބަހާލައިގެން ނަމަވެސް އެދެނީ ކުލިކުޑަކޮށްދެއްވުން. މިއެދެނީކީ ނުގަވާއިދަކުންނޫން. މިކަންކޮށްދެވިދާނެ. ޕްލީޒް.
އަސަރު69
21 February 2022
ސިނަމާލެ ފްލެޓުތަކުގެ ޖޫރިމަނާ މައާފުކޮށްދޭން އެދިއްޖެ. ތިޔަޖުރުމަނާއަކީ އެއްދުވަހަކަުން ދެދުވަހަކަުން ވީކަމެއްނޫން. ކަނޑައެޅިގެން ކުލިނުދައްކާތިބިބައެއްގެ ކަންކަން ތިހެން ނިންމާކަށް ނުޖެހޭނެ. ކޮންމެ އިންތިޚާބެއް ގާތްވީމާ ނުގަވާއިދުންއުޅޭ މީހުނަށް މިއަންނަނީ ބޮޑުއީދަކަށްވެއްޖެ. ބައެއްމީހުނަށް ބައިލައްކަރުފިޔާ އަނެއްބައިމީހުނަށް އެއްލައްކަރުފިޔާ ސަރުކާރުން ދައްކައިދީ ޚަލާސްކުރިކަންވެސް އެނގޭ. އެކަމު އެއީކީ ކޮށްގެންވާނޭ ކަންކަމެއްނޫން.
ހަސަންދީ
21 February 2022
ވެރިކަމުގައި ތިބިއިރު މީގެއެއްވެސް ކަމެއް ނުކޮށް މިހާރު ބޭނުން އެވަނީ ސަރުކާރާ ރަށްޔިތުންނާ ޖައްސަން، ފިތުނަފަސާދައިގެ ރޮގުން ޕީއެޗްޑީ ހެއްދިވި ބޭފުޅެއްމިއީ، އެއްވެސް ކަމެއްވަންހަނާ ކޮށްނުލެވޭނެ ފަރާތައްވޭ އެކަލާނގެ މޮޅަށް ބައްލަވައިވޮޑިގެންވޭ އިންޝާﷲ ސުންމަ އިންޝާﷲ މިފަދަ މީހުން ފަޡީހަތް ކުރަށްވައި ނުބައި ރޭވުންތަކުން މުއުމިން ރަށްޔިތުން ސަލާމަތްކުރައްވާށި އާމީން!
ވަހީދު
21 February 2022
ވަރަށް ގިނަ ޖޫރިމަނާ މައާފުކޮށްދިން. އޮޑިވެރިން، ޓްރެފިކް ޖޫރިމަނާ، އަދި އެނޫނަސް ސަރުކާރުން ކޮށްދެވެން އޮތް ކަންކަން ކޮށްދިން.
ހަނުހުންނަ މީހާ1
21 February 2022
ވޭތުވެ ދިޔަ ދައުރު ފެނުނީ ސަރުކާރުން ކައުންސިލަށް ޖެއްސުންކުރާތަން މިދައުރުގަ މި ފެންނަނީ ކައުންސިލުން ސަރުކާރަށް ޖެއްސުކުރަން މަސައްކަތް ކުރާތަން. މި އިން މި ދޭހަވަނީ މުއިއްޒުއަށް ބޮޑުކްމެއް ލިބިއްޖެއްޔާ އަބަދުވެސް ކޮންމެވެސް މީހަކަށް / ބަޔަކަށް ޖެއްސުން ކުރާނެކަން
ހާނިމް
21 February 2022
ކަޅޯ ހަމަ ލޯކަނުތަ، ބަލަގަ މިހާރު އެފެންނަނީ ރައްޔިތުންނާއި ގާތުން މަސައްކަތްކުރާތަން، ރައްޔިތުންނަށް ހައްލެއް ހޯދަދޭން ކުރާ މަސައްކަތަކަށް ހަޖޫ ޖަހަނީތަ، ނިކަމެތިނަށް ކުލި ޖޫރިމަނާ ނުލާ ދެއްކޭ ގޮތަށް ހަދަން ދޯ އެހުށަހެޅީ، އަބަދު ތިޔަ ހަސަދަ ވެރިކަން ނުގެންގުޅޭ، ލިބިފައިވާ ސިކުނޑިން ވިސްނާލަބަލަ،