ޚަބަރު / ޑރ. މުހައްމަދު މުއިއްޒު، މާލޭގެ މޭޔަރު

މަސްދުވަހުން ވިލިމާލޭގައި ބަގީތަކުގެ 24،000 ދަތުރުކޮށްފި

ވިލިމާލޭގައި ދުއްވާ ބަގީތައް: މާލޭ ސިޓީ ކައުންސިލުން ބުނި ގޮތުގައި، މަހެއް ތެރޭގައި ބަގީތަކުން 24،000 ދަތުރުކުރި.-- ފޮޓޯ: ފަޔާޒް މޫސާ | މިހާރު

އިފްރާޒް އަލީ، މިހާރު

04 މެއި 2023 - 13:49

11 comments

މިދިޔަ މަހު ވިލިމާލޭގައި ފެށި ބަގީގެ ހިދުމަތަށް ބޮޑު ތަރުހީބެއް ލިބި، މަހެއްގެ ތެރޭގައި 24،000 އަށް ވުރެ ގިނަ ދަތުރުކޮށްފައިވާ ކަމަށް މާލޭ ސިޓީ ކައުންސިލުން މިއަދު ބުނެފި އެވެ.

މާލޭ ސިޓީ ކައުންސިލުން ކުރަމުން އަންނަ މަސައްކަތްތަކާ ގުޅޭ ގޮތުން ނޫސްވެރިންނަށް މައުލޫމާތު ދިނުމަށް މިއަދު ހެނދުނު ބޭއްވި ނިއުސް ކޮންފަރެންސްގައި މާލޭގެ މޭޔަރު ޑރ. މުހައްމަދު މުއިއްޒު ވިދާޅުވީ ވިލިމާލޭގެ ގިނަ ބަޔަކު މިހާރު ބަގީގެ ހިދުމަތް ހޯދަމުން އަންނަ ކަމަށެވެ.

މޭޔަރު ވިދާޅުވި ގޮތުގައި، އެއް މަސް ތެރޭގައި މުޅި ޖުމްލަ 24،328 ބަގީ ދަތުރުކޮށްފައިވެ އެވެ.

މާލޭގެ މޭޔަރު ޑރ. މުހައްމަދު މުއިއްޒު، މާލޭ ސިޓީ ކައުންސިލުން ބޭއްވި ނިއުސް ކޮންފަރެންސްގައި ވާހަކަދައްކަވަނީ.-- ފޮޓޯ: ފަޔާޒް މޫސާ | މިހާރު

ބަގީ ދަތުރުތަކުގެ ތަފާސްހިސާބުތައް

• ފޯނު ގުޅައިގެން 15،392 ދަތުރު ނެގި.

• އާންމު ރޫޓުގައި 8،936 ދަތުރު ކުރި.

އޭގެ އިތުރުން މުދާ އުފުލުމަށް ވެސް ބައެއް ބަގީ ދަތުރުތައް ކުރި ކަމަށް މޭޔަރު ވިދާޅުވި އެވެ.

މާލޭ ސިޓީ ކައުންސިލުން ވިލިމާލޭގައި ބަގީގެ ހިދުމަތް ދޭން ފެށީ މިދިޔަ މަހު ތިނެއްގަ އެވެ. އެ އަވަށުގައި ބަގީގެ ހިދުމަތް ދިނުމަށް ސިޓީ ކައުންސިލުން 10 ބަގީ ގެނަ އެވެ. އޭގެ ތެރޭގައި އެކި ކަހަލަ މުދަލާއި ލަގެޖް އަދި ފޮށިގަނޑު ފަދަ ތަކެތި އުފުލޭ ގޮތަށް ހަދާފައިވާ ދެ ބަގީ އާއި ކުއްލި ހާލަތްތަކުގައި ބަލި މީހުންނަށް ދަތުރުކުރެވޭނެ ގޮތަށް ހަދާފައިވާ ބަގީއެއް ހިމެނެ އެވެ.

މިދިޔަ ރޯދަމަސް ނިމެންދެން ބަގީ ދަތުރުތައް ކުރީ ހިލެ އެވެ. އެއީ ޕްރައިވެޓް ހަޔާ ފިޔަވަ އެވެ. ވިލިމާލޭގައި ކުރާ ބަގީ ދަތުރުތަކަށް ސިޓީ ކައުންސިލުން ނަގަނީ 2ރ. އެވެ. ނަމަވެސް ބަގީ، ޕްރައިވެޓް ހަޔާގެ ގޮތުގައި ނަގާ ނަމަ، 4 ސީޓްގެ ބަގީއަކަށް 6ރ.، 6 ސީޓްގެ ބަގީއަކަށް 10ރ. އަދި 12 ސީޓްގެ ބަގީއަކަށް 15ރ. އެވެ.

ވިލިމާލޭގައި ސިޓީ ކައުންސިލުން ބަގީގެ ހިދުމަތް ފެށިއިރު، އެމްޓީސީސީން މިދިޔަ ޖެނުއަރީ މަހު ވަނީ އެ އަވަށުގައި އިލެކްޓްރިކް ބަހުގެ ހިދުމަތް ވެސް ދޭން ފަށައިފަ އެވެ. ވިލިމާލޭގައި އެމްޓީސީސީން ދެމުން އަންނަ ބަސް ދަތުރަކަށް ނަގަނީ 5ރ. އެވެ.

ވިލިމާލެ މާލެ ސިޓީ ކައުންސިލް ޑރ. މުހައްމަދު މުއިއްޒު، މާލޭގެ މޭޔަރު

11 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސައުތު

05 May 2023

ހާދަ ވަރަކަށް މުއިއްޒު ސިޓީ ކައުންސިލަށް ވައްދާގެން ގެންގުޅޭ ޕީޕީއެމް ކުދިންކޮޅު ކޮމެންޓް މި ކުރަނީ،... ހީ ހީ ހަލާކު. ދުވަހަކު ވިލިގިލި ދެކުނުހެންވެސް ހީނުވޭ. މިތާގަ ގިނަ މީހުން ބަހަށް އަރަނީ ފެރީއިން ފައިބާޣެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުރޭޓާ މާލެ

05 May 2023

މުއިއްޒުއާއި ގުޅޭ ޚަބަރެއް ޖަހައިފިއްޔާ ޢެނާގެ ބޮޓްސް ހާދަ އެކްޓިވޭޓް ވެއޭ ދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުފްލިހް މުނީރް

05 May 2023

ކުރިން ދުވަހުވެސް ބައްޕަ ހޮސްޕޮޓަލަށް ގެންދަން ބަގީއަކަށް ޖެހީ އައީ. މިއީ ގައިމުވެސް ބަހުން ވާނެ ކަމެއް ނުންތާ ދޯ؟ އެހެންވެ މިބުނަނީ ބަގީ މާ ރަނގަޅޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު ޝުކޫރު

05 May 2023

ބަސް އުޅެނީ ވިލިމާލޭގެ ގިނަ މަގުތަކުގައި ނުދިއްވިގެން ސައިޒުން ބޮޑޫވީމަ. އެކަމަކު ބަގީ ދޭ ހުރިހާ މަގަކުން. ނުލާހިކު ފަސޭހަ ބަގީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިދުހާން

05 May 2023

އޭރުވެސް އަހަރުމެންނަށް އެގުނު ބަގީގެ ހިދުމަތް ފަށާއިރަށް ރައްޔިތުންގެ ޗޮއިސްއަށް ވާނީ ބަގީކަން. ސީދާ ރައްޔިތުންގެ ފައިސާ އެމްޓީސީސީއިން މި އިސްރާފް ކުރީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުއުމިން މުހައްމަދު

05 May 2023

މުދާ އުފުލެނީވެސް ބަގީގަ. ނުކުޅެދުންތެރިކަން ހުންނަ މީހުންނަށް ހާއްސައީވެސް ބަގީ. އަގުވެސް ހެވީ ބަގީ. ސީދާ ގެޔާ ހަމަޔަށް ދަނީވެސް ބަގީ، ދެން ބަހަށް އަރާނެ މީހެއް ވާނެ؟