ހެލްތު މިނިސްޓަރު އަހުމަދު ނަސީމް: ތިނަދޫގައި ޓާޝިއަރީ ހޮސްޕިޓަލް އަޅަން ލޯން ހަމަޖެހިފައިވާ ކަމަށް ވިދާޅުވި---ފޮޓޯ: ރައްޔިތުންގެ މަޖިލިސް
23 ފެބުރުއަރީ 2022 - 10:04
9 comments
ގދ. ތިނަދޫގައި ޓާޝަރީ ހޮސްޕިޓަލެއް އިމާރާތްކުރަން ކުވެއިތު ފަންޑުން ލޯނު ހަމަޖެހިފައިވާ ކަމަށް ހެލްތު މިނިސްޓަރު އަހުމަަދު ނަސީމް މިއަދު ވިދާޅުވެއްޖެ އެވެ.
މިނިސްޓަރު މިހެން ވިދާޅުވީ، ތިނަދޫގައި ޓާޝަރީ ހޮސްޕިޓަލެއް އިމާރާތް ކުރަން މިދިޔަ ދެ އަހަރުގެ ބަޖެޓުގައި ހިމެނިޔަސް އެ މަސައްކަތް އަދިވެސް ނުފަށައި ލަސް ވަނީ ކީއްވެތޯ ތިނަދޫ އުތުރު ދާއިރާގެ އެމްޑީޕީގެ މެންބަރު އަބްދުލްމުޣުނީ ރައްޔިތުންގެ މަޖިލީހުގެ މިއަދުގެ ޖަލްސާގައި ސުވާލު ކުރެއްވުމުންނެވެ.
ނަސީމް ވިދާޅުވީ ތިނަދޫ ޓާޝަރީ ހޮސްޕިޓަލް އަޅަން ކުވެއިތު ފަންޑުން މިހާރު ލޯނު ހަމަޖެހިފައިވާ ކަމަށާއި އެ އިމާރާތުގެ ޑިޒައިންގެ މަސައްކަތް ކުރުމަށް ކުންފުންޏަކާ ހަވާލުކޮށްފައިވާ ކަމަށެވެ.
"އާ ހޮސްޕިޓަލް އަޅާނެ ބަޔަކު ހޯދަން ދެވަނަ ކުއާޓާ ތެރޭގައި ޓެންޑާ ކުރާނަން،" ނަސީމް ވިދާޅުވި އެވެ.
ތިނަދޫ ޓާޝަރީ ހޮސްޕިޓަލްގެ މަސައްކަތް ނިންމަން ދެ އަހަރު ނަގާނެ ކަމަށާއި އެހެންވެ މިހާރު ކުރަމުން އަންނަނީ އެ ރަށުގައި ހުންްނަ ޑރ. އަބްދުއްސަމަދު ހޮސްޕިޓަލް އަޕްގްރޭޑް ކުރުމުގެ މަސައްކަތް ކަމަށް ނަސީމް ވިދާޅުވި އެވެ.
އޭނާ ވިދާޅުވިގޮތުގައި، އެ ހޮސްޕިޓަލުގައި 14 ކޮޓަރީގެ އާ އޯޕީޑީ އޭރިއާއަކާއި ހަތަރު ޕްރައިވެޓް ރޫމާއި ދެ ލޭބާ ސުއިޓް އަދި އެންއައިސީޔޫއެއް ހެދުމުގެ މަސައްކަތް މިހާރު އެބަކުރެ އެވެ. އެ މަސައްކަތުގެ 95 ޕަސެންޓު ނިމިފައިވާ ކަމަށާއި އެކަމަށް ދައުލަތުގެ ބަޖެޓުން 33.5 މިލިއަން ރުފިޔާ ހަރަދު ވާނެ ކަމަށް ވެސް ނަސީމް ވިދާޅުވި އެވެ.
ރާއްޖޭގެ ފަސް ސަރަހައްދެއްގައި ޓާޝަރީ ހޮސްޕިޓަލެއް ހެދުމަކީ މި ސަރުކާރުގެ ވައުދެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮބާހޭހޭނައްތާ
24 February 2022
ކޮބާހޭ ހޭނައްތާ ޑޮކްޓަރު ؟
ާއުނިމާ
23 February 2022
ޥެރިކަމަށް 1.5 އަހަރު، ދެން ތިޔަ އަޅަން ބުނި ތަންތަން އަވަހަށް އަޅާ ނިންމާ ބަލަ
ނަސީމާ
23 February 2022
ކޮންހާ ދޮގެއްހަދާކަށް ނަސީމް. ތިހެންކިޔައިގެން ކިހާދުވަހަކުތަ ހިފަހައްޓަނީ. ނަސީމް މިނިސްޓަރކަމަށް އައިތާ ދޮޅުއަހަރުވީއޭ. އެއްކަމެއްވެސްނުވޭ. ހެލްތު ދާއިރާ ބޮއްސުންލައިގެން ގޮސް ހަފުސްވެއްޖެ.
ޙަބީބު
23 February 2022
މިސްކާގެ އާއިލާޔައް ބަދަލުދޭންޖެހޭ ނަސީމް މެންގެ ނާގާބިލުކަމުން ވާގޮތްމީ
ސެކޭޓްރީ
23 February 2022
އެޑިއުކޭޝަން މިނިސްޓްރީ ކަހަލަ ބޮޑު މިނިސްޓްރީއެއްގަ ހުންނަންޖެހޭނީ ދާއިރާއިގުޅޭ މޮޅަށް ކިޔަވައިގެން ހުރި ހަރުދަނާ މިނިސްޓަރެއް. މިހާރު ހުރި ބޭފުޅާއަށް ވާނުވާ އެގޭހެނެއް ހީއެއްނުވޭ، ނޫސްވެރިއަކު ސުވާލެއްކޮށްލިއަސް ހޮޅި ޖަވާބެއްދޭނީ، ތަނުގެ ބޭސިކްސް އެގޭހެނެއް ހީއެއްނުވޭ. ކީއްވެގެންތަ މިގައުމުގައި އެހެން ގައުމުތަކުގައި ހަދާގޮތަށް މިނިސްޓްރުންތަކުގެ ޕާފޯމެންސަށް ބަލާ، ޓާމް މެދުތެރޭ ބަދަލުކޮށް އެހެންބަޔަކު ނުލަނީ.
ޓެގްޓީމް.
23 February 2022
އެޑިއުކޭޝަން މިނިސްޓަރޭ؟ ޢަދި އެއްފަހަރު ޚަބަރު ކިޔާލަބަލަ.
48343
23 February 2022
ނަސީމްބެ އިސްތިއުފާ.
ބާބާ
23 February 2022
ބުނަން އެއްލައްކަ ޓާޝިއަރީ ހޮސްޕިޓަލް އެޅިޔަސް ބަލިމީހުން ބަލަން ތިހަމަޖައްސަފަ އޮންނަ ސިސްޓަމް އޮންނަހާ ހިނދަކު އެއްތަނެއްގައި ޖެހޭނީ. ސިސްޓަމްއޮންނަނީ ހޮސްޕިޓަލުން ޑޮކްޓަރުން ދުވަލަކު 10ވަރަކަށް ޕޭޝަންޓުން ބަލާގޮތައް، އަނެއްބައި ކުލިނިކުގައި. ހޮސްޕިޓަލަށް އެޕޮއިންޓްމަންޓް ހޯދަން ގުޅީމަ ދެތިންމަހުގެ ފަހަތައް އެޕޮއިންޓްމަންޓް ހަމަޖެހެނީ ދެން މީހުން ކެއްނުކުރެވިގެން ކުލިނިކަށް ދާނެއެއްނުން. މިހާލަތު ދިވެހިންނަށް ޖައްސާފައި އޮންނަނީ
ނަފީ
23 February 2022
ހެލްތު މިނިސްޓަރަކަށް ޒުވާން ކިޔަވައިގެންހުރި ހިންގުންތެރި ބޭފުޅަކު ހަމަޖައްސަވާ ނަސީމަކީ ވަރަށް ދޮގުހަދާ މީހެއް ރާއްޖެތެރޭގެ ރައްރަށަށް ގޮސް ރައްޔިތުން ގުބޯ ހަދަނީ އިސްތިއުފާ ދެއްވާ