މާލެ އާއި ވިލިމާލޭގެ ބޮޑު މަޝްރޫއުތަކަށް އިންވެސްޓަރުން ހޯދަނީ

ލޯކަލް މާރުކޭޓުގައި ގޮޅިއެއްގައި މީހަކު އެއްޗެހި ވިއްކަނީ: ޒަމާނީ ފެންވަރުގެ ލޯކަލް މާރުކޭޓެއް އަޅައިދޭނެ ބަޔަކު ހޯދަން އިއުލާނުކޮށްފައިވޭ.--. ފޮޓޯ: ނިޝާން އަލީ/މިހާރު

އާސިމާ ނިޒާރު، މިހާރު

24 ފެބުރުއަރީ 2022 - 12:42

8 comments

މާލެ އާއި ވިލިމާލޭގައި ތަރައްގީގެ ބޮޑު މަޝްރޫއުތަކެއް ކުރިއަށް ގެންދަން ބޭނުންވާތީ، އެ ކަމަށް އެދި ހުށަހެޅުމުގެ ފުރުސަތު މާލޭ ސިޓީ ކައުންސިލުން އިންވެސްޓަރުންނަށް ހުޅުވައިލައިފި އެވެ.

އެ ކައުންސިލުން އިއްޔެ ބޭއްވި ބައްދަލުވުމުގައި ނިންމީ، ސްޓްރެޓެޖިކް އެކްޝަން ޕްލޭންގައިވާ މާލެ އާއި ވިލިމާލޭގައި ހިންގަން ކަނޑައަޅާފައިވާ ތަރައްގީގެ ޕްރޮގްރާމްތަކަށް އިންވެސްޓްކުރަން ޝައުގުވެރިވާ ފަރާތްތަކަށް އެ ފުރުސަތު ދޭށެވެ.

ތަފާތު 11 މަޝްރޫއެއް ހިންގަން ޝައުގުވެރިވާ ފަރާތްތަކުން އަންނަ މަހުގެ ދެ ވަނަ ދުވަހުގެ ކުރިން އެކަމަށް އެދި ހުށަހަޅަންޖެހެ އެވެ. އޭގެ ތެރެއިން އެންމެ ބޮޑު މަޝްރޫއަކީ ވިލިމާލޭގައި ހިންގަން ނިންމާފައިވާ 500 ކައުންސިލް ހައުސިން ޔުނިޓެވެ.

ސިޓީ ކައުންސިލްގެ އިއުލާނުގައި ބުނީ، އެ ތަނުގައި އިމާރާތް ކުރާނީ އެކި ވަސީލަތްތަކާއެކު 1،000 އަކަފޫޓުގެ ތިން ކޮޓަރީގެ އެޕާޓްމަންޓް ކަމަށެވެ. އެ އިމާރާތުގެ ތަފުސީލް ކުރެހުމެއް އަދި ނުނިންމަ އެވެ.

ވިލިމާލޭގައި އިމާރާތްކުރާ ކޮމާޝަލް ބިލްޑިންގްތަކުގެ ސަބަބުން ހެޔޮ އަގެއްގައި ތަކެތި ލިބުމަށް މަގުފަހިވާނެ ކަމަށް ކައުންސިލުން ބުނެ އެވެ.

ސިޓީ ކައުންސިލްގެ އޮފީހުގެ އާ އިމާރާތް ތައިސޭ ކޮށީގައި އަދި މާލޭގެ ޕްރައިމް ލޮކޭޝަނެއްގައި އޮފީސް އިމާރާތެއް ހެދުމަށާއި ހޯލްސޭލް ސެންޓަރަކާއި މާލެ އާއި ވިލިމާލޭގައި ޒަމާނީ ފެންވަރުގެ ލޯކަލް މާރުކޭޓެއް އަޅައިދޭނެ ބަޔަކު ހޯދަން ވެސް ވަނީ އިއުލާނުކޮށްފަ އެވެ.

އެ ކަންކަމާއެކު، ޕާކިން ބިލްޑިންގަކާއި އައުޓްޑޯ ފުޑް ކޯޓް އަދި ވިލިމާލޭގައި ވޯޓަ ސްޕޯޓްސް ސަރަހައްދަކާއި ވިލިމާލޭގައި ކުޑަކުދިންގެ އައުޓްޑޯ ޕާކެއް ތަރައްގީ ކޮށްދިނުމަށް ވެސް ހުޅުވައިލި އެވެ.

ވިލިމާލެ ތަރައްގީގެ މަޝްރޫއުތައް މާލެ ސިޓީ ކައުންސިލް ޑރ. މުހައްމަދު މުއިއްޒު، މާލޭގެ މޭޔަރު މާލެ

8 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮޑު ގުޅަ ރިޝާން

24 February 2022

ފެމެލީ ހަސީނާ ވަރަށް މޮޅު ވާނެ އިންވެސްޓް ކުރަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

24 February 2022

ޝޮޕިންގ މޯލް އެއް ތެރެއަށް ތީގޭން ގިނަ ކަންކަން ވައްދާލެވޭނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ އުމަރު

24 February 2022

މާލޭ ރައްޔިތުންގެ ދުސްމަނުންނަކަށް ތާއީދެއް ނުކުރަން. މުއިޒު އަކަށް އިތުބާރެއް ނުކުރަން. ތިޔައީ ނިމިދިޔަ ސަރުކާރުގައި މާލޭގެ ރައްޔިތުން ނިކަމެތިކުރަން ޔާމީނާއިއެކު ނިކުމެ ހުރި މީހާ. ތިޔަ އަނިޔާވެރިކަން ދެން ދުވަހަކުވެސް ދެކޭކަށް ބޭނުމެއް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ އަސްފާގު

24 February 2022

ޔާމީނާއި ޖަދަލުކުރަން ނަހަދާތި.. ޔާމީނު ބޭނުންވަނީ 550 އަކަފޫޓުގެ ތަންތަން. މަނިކުފާނު ތިޔަ އުޅެނީ ވިލިގިލިން ވަށަފަރު މީހުނާއި ޕީޕީއެމްގެ ޕުރޯ އެކުޓިވިސްޓުންނަށް އެތަނުން ފުލެޓުދޭން އެހެންނޫންތޯ. ރައްޔިތުން ވިސްނާތި. މީނާއަކީ މާލޭ ރައްޔިތުންނާއި އިދިކޮޅު މީހެއް. މީނާގެ ކުރީގެ އެބުނާ ސަރުކާރަކީ މާލޭގެ ރައްޔިތުންގެ ބޮލަށް ގުއިދުއްވާލި ސަރުކާރެއް. މުއިޒު މާލޭގެ މޭޔަރުކަމުން އިސްތިއުފާ ދެއްވުން އެދެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުލުބުނަން

24 February 2022

ތީކީ ސިޓީކައުންސިލުން ހިންގާކަހަލަ ޕްރޮޖެކްޓުތަކެއް ނޫން ތިއުޅެނީ ކޮންމެވެސް ގަނޑެއް ގަނެގެން ލާރިގަނޑެއް ކާލެވޭތޯ ކޮންބައެއް ތިތިބީ ކައުންސިލުގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

24 February 2022

ތިޔަވަރުގެ ޕްރަޖެކްޓްތަކަށް ކުރިމަތުލާން އަންނަ މަހުގެ 2 އެއީ އެކަށީގެންވާ މުއްދަތެއްނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބިޔަކަމިޝަން

24 February 2022

އަބަދުވެސް ފައިސާ ފަހަތުން ދުވާނީ. އިންވެސްޓަރުން ހޯދަންވީ ކުރެހުންތަކާއި އެއްޗެހި ނިންމާފަ ނޫންތަ. ތިޕްރޮޖެކްޓުތަކުގައި ބިޔަ ކަމިޝަންތައް ހިމެނޭނެކަމާއިމެދު ޝައްކެއް ނުކުރަން