ރައީސްގެ މަސްއޫލިއްޔަތުތަކާ ނައިބު ރައީސް ހަވާލުވުމުގެ ހުވާ ކުރެއްވުން ފަތިހު

ރައީސް އިބްރާހިމް މުހައްމަދު ސޯލިހާއި ނައިބު ރައީސް ފައިސަލް ނަސީމް ވީއައިއޭގެ ވީއައިޕީ ލައުންޖުގައި.---ފައިލް ފޮޓޯ

25 ފެބުރުއަރީ 2022 - 01:38

ރައީސް އިބްރާހިމް މުހައްމަދު ސޯލިހު ތައިރޮއިޑްގެ ސާޖަރީއެއް މިއަދު ހެނދުނު ކުރައްވާތީ އެ މަގާމުގެ މަސްއޫލިއްޔަތުތައް ނައިބު ރައީސް ފައިސަލް ނަސީމާ ހަވާލުކުރައްވަން ނިންމެވުމާ ގުޅިގެން ފައިސަލް އެކަމާ ހަވާލުވެވަައިގަތުމުގެ ހުވާކުރެއްވުން މިރޭ ފަތިހު ރައްޔިތުންގެ މަޖިލީހުގެ އިދާރާގައި ބާއްވަން ނިންމައިފި އެވެ.

މަޖިލީހުގެ އިދާރާ އިން ބުނީ އެ ރަސްމިއްޔާތު އޮންނާނީ ފަތިހު 5:50 ގައި ކަމަށެވެ. މިއީ ރާއްޖޭގައި ރައީސްގެ މަސްއޫލިއްޔަތުތަކާ ނައިބު ރައީސް ހުވާކުރައްވައިގެން ހަވާލުވެވަޑައިގަންނަވާ ފުރަތަމަ ފަހަރެވެ،

ސާޖަރީ އަށް މި ވަގުތު ސިންގަޕޫރުގައި ހުންނެވި ރައީސް އިބްރާހިމް މުހައްމަދު ސޯލިހު ރޭ ކުރެއްވި ޓުވީޓެއްގައި ވިދާޅުވީ، ވެރިކަމުގެ ބާރުތައް ވަގުތީ ގޮތުން ނައިބު ރައީސް ފައިސަލްއާ ހަވާލުކުރައްވާނެ ކަމަށެވެ.

ރައީސް ވިދާޅުވީ، ޑޮކްޓަރުންގެ ލަފައާ އެކު، އެ މަނިކުފާނު މިއަދު ހެނދުނު ތައިރޮއިޑް އޮޕަރޭޝަނެއް ކުރައްވަން ހަމަޖެހިފައިވާ ކަމަށާއި އެ އެޕޮރޭޝަނާ ގުޅިގެން ރައީސްކަމުގެ މަސްއޫލިއްޔަތުތައް ފައިސަލްއާ ހަވާލުކުރައްވައި އެކަން ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް ރަސްމީކޮށް އަންގަވާނެ ކަމަށެވެ.

ގާނޫނުއަސާސީގެ 123 ވަނަ މާއްދާގެ (ހ) ގައި އޮންނަނީ ރައީސުލްޖުމްހޫރިއްޔާގެ މަގާމުގެ މަސްއޫލިއްޔަތުތަކާއި ވާޖިބުތައް އެ މަނިކުފާނަށް އަދާކުރެއްވުމަށް ވަގުތީ ގޮތުން އުޒުރުވެރިވެވަޑައިގެންފި ކަމަށް ގަބޫލުފުޅު ކުރެއްވޭ ނަމަ، ސަބަބު ބަޔާންކުރައްވައި ރައްޔިތުންގެ މަޖިލީހުގެ ރައީސަށް ލިޔުމަކުން އެންގެވުމަށް ފަހު، ރައީސުލްޖުމްހޫރިއްޔާގެ މަސްއޫލިއްޔަތުތަކާއި ވާޖިބުތައް ރައީސުލްޖުމްހޫރިއްޔާގެ ނައިބާ ހަވާލުކުރައްވަން ވާނެ ކަމަށެވެ. އަދި ރައީސް، އެ މަނިކުފާނުގެ މަސްއޫލިއްޔަތުތަކާ އަލުން ހަވާލުވެވަޑައިގަންނަވަން ޖެހެނީ ވެސް އެ މާއްދާގައިވާ ގޮތުން ނަމަ ރައްޔިތުންގެ މަޖިލީހުގެ ރައީސަށް ލިޔުމަކުން އެންގެވުމަށް ފަހު އެވެ.

ގާނޫނުއަސާސީގެ 117 ވަނަ މާއްދާގެ (ށ) ގައި ވާ ގޮތުން އެއްވެސް ސަަބަބަކާ ހުރެ ރައީސުލްޖުމްހޫރިއްޔާގެ މަސްއޫލިއްޔަތު އަދާކުރައްވަން ވަގުތީ ގޮތުން އުޒުރުވެވަޑައިގެންފި ނަމަ އެ މަގާމުގެ މަސްއޫލިއްޔަތު އަދާކުރައްވާނީ ނައިބު ރައީސެވެ. އެއާ އެކު، ގާނޫނުއަސާސީގެ 126 ވަނަ މާއްދާގައި ބުނަނީ، ރައީސުލްޖުމްހޫރިއްޔާގެ މަގާމާއި ރައީސުލްޖުމްހޫރިއްޔާގެ ނައިބުގެ މަގާމުގެ މަސްއޫލިއްޔަތު ވަގުތީ ގޮތުން އަދާކުރައްވާ ކޮންމެ ބޭފުޅަކު، އެ ބޭފުޅެއްގެ މަގާމުގެ ހުވާ ކުރައްވައި ހުވާގެ އިގުރާރުގައި ސޮއިކުރައްވަން ވާނެ ކަމަށެވެ.

ރައީސް އިބްރާހިމް މުހައްމަދު ސޯލިހް ނައިބު ރައީސް ފައިސަލް ނަސީމް ރައްޔިތުންގެ މަޖިލިސް ރައީސް މުހައްމަދު ނަޝީދު

8 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

2022

25 February 2022

ހުކުރު ދުވަހެއް. ފަތިސް އަދި ހެނދުނުގެ ފުރަތަމަ ސާޢަތަކީ އެންމެ ބަރަކާތްތެރި ވަޤުތު، ރައީސް އަށް އަވަސް ޝިފާއަކަށް އެދެން، އަދި ފައިސަލްގެ މަސައްކަތުގައި ﷲ ބަރަކާތް ލެއްވުމަށް ދުޢާ ކުރަން. ކުރީ ދައުރުތަކާއި ޚިލާފަށް މި ޒަޢާމަތުގައި ދެބޭފުޅުން އެކުވެރިކަމާއި، ކުރައްވާ އިތުބާރު ފެނި ﷲ އަށް ހަމްދު ކުރެވިއްޖެ. ވަރަށް އުފާވެއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަހަންގީރު

25 February 2022

ރައީސް ވިދާޅުވެގެން ރައީސުލްޖުމްހޫރިއްޔާގެ ވާޖިބުތަކާއި މަސްއޫލިއްޔަތުތަކާ ނައިބު ރައީސް ޙަވާލު ވާނަމަ އެ ކުރެވެނީ ރައީސުލްޖުމްހޫރިއްޔާ އަންގަވާ ކަމެއް. އެ ޙާލަތުގައި ނައިބު ރައީސް، ރައީސުލްޖުމްހޫރިއްޔާގެ ހުވާ ކުރައްވާކަށް ނުޖެހޭނެ. އެހެންނަމަވެސް، ކުއްލިއަކަށް ދިމާވާ ކަމެއްގެ ސަބަބުން ރައީސްގެ ޒިންމާތައް އަދާކުރުމަށް ނުކުޅެދި އަދި އެ ޒިންމާތައް ނައިބު ރައީސާ ޙަވާލުކުރުމަށް ވެސް ނުކުޅެދިއްޖެ ޙާލަތެއްގައި، ނައިބު ރައީސް ހުވާ ކުރައްވަން ޖެހޭނެ.