ޚަބަރު / އަހުމަދު މަހުލޫފް، ޔޫތު އެންޑް ސްޕޯޓްސް މިނިސްޓަރު

މަޝްރޫއުތައް ނިމުމުން ކޮންމެ 4،000 މީހަކަށް ދަނޑެއް އޮންނާނެ: މަހުލޫފް

މިނިސްޓަރު މަހުލޫފް މަޖިލީހުގެ މިއަދުގެ ޖަލްސާގައި މެމްބަރުންގެ ސުވާލުތަކަށް ޖަވާބު ދެއްވަނީ.---ފޮޓޯ: މަޖިލިސް

މޫސާ ރަޝީދު، މިހާރު

28 ފެބުރުއަރީ 2022 - 09:53

މި ސަރުކާރުން ހިންގާ ފުޓްސަލް ދަނޑުއެޅުމުގެ މަޝްރޫއުތައް ނިމުމުން ކޮންމެ 4،000 މީހަކަށް ދަނޑެއް އޮންނާނެ ކަމަށް ޔޫތު މިނިސްޓަރު އަހުމަދު މަހުލޫފް މިއަދު ވިދާޅުވެއްޖެ އެވެ.

ރައްޔިތުންގެ މަޖިލީހުގެ މިއަދުގެ ޖަލްސާގައި ތިމަރަފުށި ދާއިރާގެ އެމްއެންޕީގެ މެމްބަރު އަބްދުﷲ ރިޔާޒް ކުރެއްވި ސުވާލަށް ޖަވާބު ދެއްވަމުން މަހުލޫފް ވިދާޅުވީ، އެކި ރަށްރަށުގައި އަޅާ ފުޓުބޯޅަ ދަނޑުތަކާއި ފުޓްސަލް ދަނޑުތަކުގެ މަސައްކަތް ލަސްވަނީ ޔޫތު މިނިސްޓްރީގެ ސަބަބުން ނޫން ކަމަށެވެ.

އެ ކަންކަން އަވަހަށް ނުނިމެނީ އޭނާ ވިދާޅުވިގޮތުގައި ކުރަން ޖެހޭ މަސައްކަތައް ގިނަވުމުންނެވެ. އަދި ވިދާޅުވީ، ބޭނުންވާ ސްޕީޑުގައި ނުނިމެނީ ކަމަށާއި ނަމަވެސް ޖުމުލަކޮށް މި ސަރުކާރުން ކުރަމުން އަންނަ މަސައްކަތްތައް ގިނަ ކަމަށް މިނިސްޓަރު ވިދާޅުވި އެވެ.

މަހުލޫފް ވިދާޅުވީ އިނގިރޭސި ވިލާތުގައި ފުޓްބޯޅަ ކުޅެން ރަސްމީކޮށް އަޅާފައި ވަނީ 600 އެއްހާ ދަނޑު ކަމަށާއި އެއީ ކޮންމެ 111،000 މީހަކަށް އެއް ދަނޑު ކަމަށެވެ.

ރާއްޖޭގައި މިދިޔަ ތިން އަހަރުގެ ތެރޭގައި ފަށާފައިވާ 30 ދަނޑު ނިންމުމުގެ މަސައްކަތް ނިމުމުން ކޮންމެ 11،000 މީހަކަށް ދަނޑެއް އޮންނާނެ ކަމަށާއި މިހާރު ހުރި މަޝްރޫއުތައް ނިމުމުން ކޮންމެ 4،000 މީހަކަށް ދަނޑެއް ލިބޭނެ ކަމަށް މަހުލޫފް ވިދާޅުވި އެވެ.

"އެ ވަރަށް މަސައްކަތް ކުރެވޭތީ އަދި ކުރިއަށް ދާތީ އަޅުގަނޑު އުފާކުރަން. ހިތްހަމަޖެހޭ،" މަހުލޫފް ވިދާޅުވި އެވެ.

ރައްޔިތުންގެ މަޖިލީހުގެ ރައީސް ނަޝީދު މިއަދުގެ ޖަލްސާގެ ރިޔާސަތު ބަލަހައްޓަވަނީ.---ފޮޓޯ: މަޖިލިސް

އޭނާގެ ވާހަކަ އަށް ފަހު، މަޖިލީހުގެ ރައީސް މުހައްމަދު ނަޝީދު ވިދާޅުވީ އިނގިރޭސި ވިލާތުގައި އެހާ ބައިވަރު ޓާފް ދަނޑު ހުންނަކަން އެނގިވަޑައިގަތުމުން ހައިރާންކަން ލިބިވަޑައިގެންފި ކަމަށެވެ. އެކަން ކުރިން އެނގިވަޑައިގެންފައި ނުވާ ކަމަށާއި އެހާ ގިނަ ފުޓްސަލް ދަނޑު "އަޅައި ނުގަންނަ" ކަމަށް ނަޝީދު ވިދާޅުވި އެވެ.

މަޖިލީހުގެ އެހެން މެމްބަރުން ވެސް މަހުލޫފާ މިއަދު މައިގަނޑު ގޮތެއްގައި ކުރެއްވި އެ ބޭފުޅުންގެ ދާއިރާތަކުގެ ފުޓްސަލް ދަނޑުތަކާ ގުޅޭ ސުވާލުތަކެވެ.

ފުޓްބޯޅަ ސްޕޯޓްސް، ފިޓްނަސް އެންޑް ރެކްރިއޭޝަން މިނިސްޓްރީ ރައްޔިތުންގެ މަޖިލިސް އަހުމަދު މަހުލޫފް، ޔޫތު އެންޑް ސްޕޯޓްސް މިނިސްޓަރު ޔޫތު މިނިސްޓަރު

36 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަރުތަ

28 February 2022

ދެން ތިޔަ ފުޓްސަލް ދަނޑުތަކުގެ ތަޅުދަނޑި އޮންނަނީ މާލޭގަ ނަމަ، ހިސާބުގަނޑުގަ އޮންނަ ގޭންގު ލީޑަރުގެ އުނުއޮންނަ ސޯރު ފޮތިކޮޅުގަ، އެމީހުނަށް ފައިސާ ދީގެން ނޫނީ ތީންތަނަކަށް ބޯޅަ ކުޅޭ ކަށް ނުވަދެވޭ، މީތި ކަމަކު ނުދޭ، ސަރުކާރުން ބޮޑުޚަރަދުކޮށްފަ ދަނޑުއަޅާފަ ވަކި ގޭންގަކަށް އާމްދަނީ ލިބޭގޮތަށް ހެދީމަ ތަނުގަ ކުޅި ވަރު ކުޅެން ބޭނުންވާ މީހުނަށް ހުރިހާ ލުޚްސާނެއް، މީ ޔާމީނު ވެރިކަމުގަވެސް މިކަން ކުރިގޮތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

28 February 2022

ރާއްޖޭގެ އާދައިގެރައްޔިތުނަށް ފަސޭހަކައަށް ފަރުވާ ލިބޭމީހުންގެ އެކަމޮޑޭޝަނާއި ކެއުން އަގުހެޔޮކުރުމަށާއި، ބަލިމީހުނަށްވެސް ރައްކާތެރި އަމާންވެއްޓެއްގައި ހޮސްޕިޓަލްއެޅުމަށް އިންޑިޔާއިން ލ،އަތޮޅު ކަޑައެޅި. # އެކަމަކު ދެންއަޑުއިވެންފެށީ "ލ.ގައި ހޮސްޕިޓަލްއަޅަން މާލޭމީހުން ދެކޮޅުހެދުމާއި، ސަރުކާރުން މާލޭގައި ކެންސަރު ބައްޔަށް ފަރުވާދޭ ކްލިނިކެއް ނުވަތަ ޔުނިޓެއް ޤާއިމް ކުރިތަން. މިއިން އިގޭ އެއްޗަކީ ލ.އަތޮޅުގައި ހޮސްޕިޓަލް ނޭޅޭނެކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަރުތަ

28 February 2022

އެހެރީ ކެންސަރަށް ފަރުވާދޭ ހޮސްޕިޓާ ޤާއިމުކޮށްފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުސްތާޒް

28 February 2022

ތީކީ މާމޮޅުކަމެއްނޫން ކުރެވިގެން ތިޔައުޅެނީކީ، ތިކަމަށް ހަރަދުވިއެއްޗެއްގެ ދެބައިކުޅަ އެއްބާ އޮންނާނީ އަމިއްލަ ޖީބުގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާމް

28 February 2022

ހީވަނީ ފުޓްސަލް އެކަނިހެން ކުޅޭ ކުޅިވަރަކީ. ކޮންމެ 10ރަށުން އެއްރަށުގަ ވިޔަސް ބެޑްމިންޓަން ކޯޓެއް އަޅާބަލަ. ޢެކުދިންަށް ވެސް ކުޅުމުގެ ފުރުޞަތު ލިބެންޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޯމާފާން

28 February 2022

ކޮބާ ޒުވާން އަންހެން ކުދިންނަށް ޔޫތް މިނިސްޓްރީން އޮތް ޕޮލިސީތަކަކީ؟ ފުޓްސަލް ކުޅެނީ ފިރިހެނުން. ޔޫތް މިނިސްޓަރުގެ މުޅި މެންޑޭޓް ފުޓްސަލް ދަނޑަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތެދު

28 February 2022

މާލޭގެ ފުޓްސަލް ދަނޑުތަށް ހިލޭލިބޭނެގޮތް ހަދާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދުލީބެއްޔާގެ ތެދުބަސް

28 February 2022

ދެން ކޮންމެދަނޑެއްގާ ފުރީކޮށް އައިސްކުރީމު ލިބޭގޮތް ހަދައިދީ. އެންމެންނަކަށް ދަނޑަކު ނުކުޅެވޭނެ. ވަކިބައެއްގެ ބާރުގެދަށުގާ ތިތަންތަން އޮންނާނީ. އެހެންވީމާ ނުކުޅެވޭނެ މީހުންނަށްވެސް ކޮންމެސްއެއްޗެއް އޮންނަންޖެހޭނެތާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އސދނ

28 February 2022

އެހެންވީމާ ހިޔާ ހުޅުމާލެ ފޭސް 2 ގައި 10 ވަރަކަށް ދަނޑު އޮންނާނެތާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަގޭވޯޓު ގައުމު ދަވާލާ މީހަކައް!

28 February 2022

ޒުވާން ކުދިންނައް ރަގަޅު ކުރިމަގެއް ދައްކަންވީ. ފުޓްސަލް ގޯހެއް ނޫން، އެކަމަކު އެއީ ހަމަ އެކަނި އެކުދިން ޑްރަގް ވަބާއިން އެކަހެރި ކުރުވާނެ ކަމަކައް ހެދީމަ ނިމުނީކީ ނޫން. މަސައްކަތެއް ހޯދާ އަމިއްލަ ފައިމައްޗައް ތެދުވެ އުފެއްދުންތެރި ކަންކަމައް މަގެއް ނުފެންނަންޏާ އެކުދިންގެ ހުނަރުވެރިކަން ގެއްލުނީ. ފުޓްބޯޅައަކީ ދިރިއުޅުމެއްނޫން. ދިރިއުޅުން އާރާސްތު ކުރާނެގޮތް އެބަޖެހޭ ފަހިކޮއްދޭން!