ޓިކްޓޮކަށް 10 މިނެޓްގެ ވީޑިއޯ ލެވޭނެ ގޮތް ހަދައިފި

01 މާޗް 2022 - 06:16

ކުރު ވީޑިއޯތަކުން މަޝްހޫރުކަން ހޯދި ސޯޝަލް މީޑިއާ އެޕް "ޓިކްޓޮކް" އަށް 10 މިނެޓްގެ ވީޑިއޯ އަޕްލޯޑް ކުރެވޭނެ ގޮތް ހަދައިފަ އެވެ.

ދިގު ވީޑިއޯތައް އަޕްލޯޑް ކުރެވޭނެ ގޮތް ހަދަން ޓިކްޓޮކުން ޓެސްޓުތައް ކުރަމުން އަންނަތާ ވެސް އަހަރުތަކެއް ވެއްޖެ އެވެ. މިދިޔަ އަހަރު ޖުލައިގައި އެ އެޕުން ވަނީ ތިން މިނެޓުގެ ވީޑިއޯ ވެސް އަޕްލޯޑް ކުރެވޭނެ ގޮތް ހަދައިފަ އެވެ.

ޓިކްޓޮކުން ބުނީ އެ ބަދަލު ގެނައީ އެ އެޕް ބޭނުންކުރާ މީހުންގެ ތަރުހީބު ވެސް އެކަމަށް ލިބޭނެ ކަމަށް ފެންނާތީ އާއި އެ އެޕް ތަރައްގީކުރަން ކުރެވޭ މަސައްކަތުގެ ތެރެއިން އެޕް ބޭނުންކުރާ މީހުންނަށް ރަނގަޅު ވީޑިއޯތައް އުފައްދަން ފުރުސަތު ފަހިކޮށްދިނުމުގެ ގޮތުން ކަމަށެވެ.

ޓެކްނޮލޮޖީގެ ޚަބަރުތައް ގެނެސްދޭ ނޫސްތަކުން ބުނާ ގޮތުގައި ދިގު ވީޑިއޯތަކާ އެކު ޓިކްޓޮކްގެ މިހާރުގެ އަމާޒަކީ ޔޫޓިއުބްއާ ވާދަކުރުމެވެ.

ޓިކްޓޮކުން ކުރު ވީޑިއޯތައް މަޝްހޫރުވުމުން ޔޫޓިއުބް އާއި އިންސްޓަގްރާމް އަދި ސްނެޕްޗެޓް ކަހަލަ ސޯޝަލް މީޑިއާ އެޕްތަކުން ވަނީ އެ އެޕާ އެއްގޮތަށް ކުރު ވީޑިއޯ ބެލޭ ފީޗާއެއް ވެސް ހަދައިފަ އެވެ. އެކަމަކު، އެ ފީޗާތަކަށް މާ ބޮޑު ތަރުހީބެއް ނުލިބުނެވެ.

މޮބައިލް އެޕްލިކޭޝަންސް ސޯޝަލް މީޑިއާ

2 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގަދަކަމުން މަޖާވުން

01 March 2022

ދިވެހިޓިކްޓޮކްގެ ދުވަސް ރިދިއައީ. މިހާރުވެސް މަދުއެއްޗެއް މަޖާކޮށްހެދެނީ، ބައެއްފަހަރު 30 ސިކުންތުވެސް މާދިގު. ދެން 10 މިނެޓަށްހެދީމަ އަހަރެމެން ތިބޭނީ ގުގުރިދަމަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓިކްޓޮކާ

01 March 2022

ކަޑަ. ޓިކްޓޮކްގެ މަގުބޫލުކަމަކީ މީހުން ހަދާ ކޫސަނިކަންތައް 30 ސިކުންތުގަ ބަލައި ނިމި، އޭތީ އޮޓޯރިޕީޓްވާގޮތައްހުރެ، އެމީހަކު ވީޑިއޯކޮޅުތައް ބަލާގޮތަކުން ވީޑިއޯސެޓިން އެލްގޮރިދަމް އެމީހާ ވޮޗިން ބީހޭވިއާއަށް ސެޓްވެގެން ދާތީ.