ޚަބަރު / ރައީސް އިބްރާހިމް މުހައްމަދު ސޯލިހް

ރައީސް ހޮސްޕިޓަލުން ދޫކޮށްލައިފި، ހާލު ރަނގަޅު

ކެބިނެޓު ބައްދަލުވުމެއްގެ ރިޔާސަތުގައި ރައީސް: ސާޖަރީއަށް ފަހު ހާލު ރަނގަޅު ކަމަށް ވިދާޅުވި. -- ފޮޓޯ: ރައީސް އޮފީސް

ފަޒީނާ އަހުމަދު، މިހާރު

01 މާޗް 2022 - 10:04

2 comments

ތައިރޮއިޑް ފަރުވާ އަށް ފަހު ރައީސް އިބްރާހިމް މުހައްމަދު ސޯލިހް މިއަދު ހޮސްޕިޓަލުން ދޫކޮށްލައިފި އެވެ.

ޑޮކްޓަރުންގެ އިރުޝާދާ އެކު ސާޖަރީއަށް ސިންގަޕޫރުގެ ހޮސްޕިޓަލެއްގައި ރައީސް އެޑްމިޓްކުރީ މިދިޔަ ހަފުތާގަ އެވެ. ސާޖަރީކުރިއަށް ގެންދިޔައީ ހުކުރު ދުވަހުގެ ފަތިހެވެ.

އެމަނިކުފާނު މިއަދު ކުރެއްވި ޓުވީޓެއްގައި ވިދާޅުވީ ހާލު ރަނގަޅު ކަމަށެވެ. ވަރަށް އަވަހަށް ރާއްޖެ ވަޑައިގަންނަވާނެ ކަމަށް ވިދާޅުވެ، ހެޔޮދުއާކޮށްދިން އެންމެންނަށް ޝުކުރުއަދާކުރެއްވި އެވެ.

Alhamdhulillaahi. Was discharged from the hospital this morning. I am doing well and will be returning home to the Maldives in a few days. Once again, thank you everyone for your well wishes.
— Ibrahim Mohamed Solih (@ibusolih) March 1, 2022

ރައީސްގެ ސާޖަރީ ކުރިއަށް ދިޔަ ވަގުތު، ވެރިކަމުގެ ބާރުތައް ނައިބު ރައީސް ފައިސަލް ނަސީމްއާ ހަވާލުކުރެއްވި އެވެ. އަލުން މަގާމާ ހަވާލުވެވަޑައިގަތީ ތިން ގަޑިއިރާއި 30 މިނެޓަށް ފަހު އެވެ.

އެއީ ގާނޫނުއަސާސީގައި ބުނާ ގޮތުން، ވެރިކަމުގެ މަސްއޫލިއްޔަތު އަދާނުކުރެއްވޭ ހާލަތެއް މެދުވެރިވެއްޖެ ނަމަ ކަން ކުރަން އޮންނަ އުސޫލުންނެވެ.

ގާނޫނުއަސާސީގައި އޮންނަނީ ރައީސުލްޖުމްހޫރިއްޔާއަށް މަގާމުގެ މަސްއޫލިއްޔަތުތަކާއި ވާޖިބުތައް އަދާކުރުމަށް ވަގުތީގޮތުން އުޒުރުވެރިވެއްޖެ ކަމަށް ގަބޫލުކުރެވިއްޖެ ނަމަ، ސަބަބު ބަޔާންކޮށް އެކަން ރައްޔިތުންގެ މަޖިލީހުގެ ރައީސަށް ލިޔުމަކުން އަންގަން ޖެހޭނެ ކަމަށެވެ. އަދި ރައީސުލްޖުމްހޫރިއްޔާގެ މަސްއޫލިއްޔަތުތަކާއި ވާޖިބުތައް އަދާކުރުމަށް ރައީސުލްޖުމްހޫރިއްޔާގެ ނައިބާ ހަވާލުކުރަން ޖެހެ އެވެ. ރައީސުލްޖުމްހޫރިއްޔާ އޭނާގެ މަގާމުގެ މަސްއޫލިއްޔަތު އަދާކުރުމަށް އަލުން ހަވާލުވާންވާނީ އެކަން ރައްޔިތުންގެ މަޖިލީހުގެ ރައީސަށް ލިޔުމަކުން އެންގުމަށްފަހުގަ އެވެ.

ރައީސް އިބްރާހިމް މުހައްމަދު ސޯލިހް ދިވެހި ސަރުކާރު ރައީސް އޮފީސް ސިއްހަތު

2 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިހާނެތި

01 March 2022

ރައީސް ހޮސްޕިޓަލުގަ އޮއްވާ އިއްޒަތްތެރި މެމްބަރުން އަމިއްލަ ޕާޓީ ތެރޭ ބަލަނީ ތަޅާފޮޅޭތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާމިދު ޝާހިދު

01 March 2022

އެމަނިކުފާނަށް އަވަސް ޝިފާޢަކަށް އެދެން. އެކަމަކު ބުނެލަން ބޭނުންވޭ، ރާއްޖޭން ލިބެންނެތް ފަރުވާއަކަށްތޯ ސިންގަޕޫރަށް ވަޑައިގަތީ! އަދި، ތައިރޮއިޑް ބަލީގައި ހާލުގައި ރާއްޖޭގައި އުޅޭ މީހުންނަށް އޮތީ ކޮންގޮތެއްތޯ!