މަތީ ތައުލީމުގެ ލޯނަށް 1،000 ދަރިވަރުން

ގައުމީ ޔުނިވަސިޓީން މީގެ ކުރިން ބޭއްވި ދަސްވެނިވުމުގެ ހަފްލާގައި ބައިވެރިވި ބައެއް މީހުން. މަތީ ތައުލީމްގެ ލޯނަށް 1000 ދަރިވަރުން ކުރިމަތިލި--- ފޮޓޯ: ރައީސް އޮފީސް

އާސިމާ ނިޒާރު، މިހާރު

03 މާޗް 2022 - 18:01

3 comments

ސްޓޫޑެންޓް ލޯނަށް އެދުމުގެ މުއްދަތު ހަމަވިއިރު، 1،000 ދަރިވަރުން ކުރިމަތިލައިފި އެވެ.

ރާއްޖެއާއި ރާއްޖެއިން ބޭރުގައި ހުރެގެން މަތީ ތައުލީމް ހާސިލްކުރަން ހަޔަ އެޑިއުކޭޝަން މިނިސްޓްރީން ލޯނުގެ 720 ފުރުސަތަށް ހުޅުވާލީ މިދިޔަ މަހުގެ ހަތް ވަނަ ދުވަހެވެ. އެ މުއްދަތު މިއަދު ހަމަވިއިރު، 1،000 ދަރިވަރުން ކުރިމަތިލި އެވެ.

އެއީ އަލަށް ކިޔަވަން ފަށާ ދަރިވަރުންނަށް 417 ފުރުސަތު އަދި މި ވަގުތު ކިޔަވަމުން އަންނަ ދަރިވަރުންނަށް 303 ފުރުސަތު ހާއްސަކޮށްފައިވެ އެވެ.

ޑިޕްލޮމާއިން ފެށިގެން ޕީއެޗްޑީއާ ހަމައަށް ކިޔެވުމަށް 138 މިލިއަން ރުފިޔާ ކަނޑައަޅާފައިވެ އެވެ.

މި ފަހަރު ލޯނަށް ހުޅުވާލީ ވެސް މަތީ ތައުލީމުގެ ލޯނަށް އިދާރީ ފީގެ ގޮތުގައި ނަގަމުން ދިޔަ އަދަދު ކުޑަކޮށެވެ.

މީގެ ކުރިން އިދާރީ ފީގެ ގޮތުގައި ނަގަމުން ދިޔައީ ފަސް ޕަސެންޓެވެ. ނަމަވެސް މި ސަރުކާރުން ވެރިކަމާ ހަވާލުވުމާ އެކު އެ އަދަދު ތިން ޕަސެންޓަށް ދަށްކުރި އެވެ. އެންމެ ފަހުން ލޯނަށް ހުޅުވާލީ އިދާރީ ފީ އެއް ޕަސެންޓަށް ކުޑަކުރުމަށް ފަހުގަ އެވެ. މިއީ މުޅި ލޯނުން ނަގާ އަދަދެކެވެ.

ރާއްޖޭގައި ތިބެގެން މާސްޓާސް އަށް ކިޔަވަން މީގެ ކުރިން ހުޅުވާލި ސްކީމްގައި ހުޅުވާލައިފައެއް ނުވެ އެވެ. ނަމަވެސް މި ބުރުގައި ހުޅުވާލި ފުރުސަތުގައި ރާއްޖޭގައި ތިބެގެން މާސްޓާސް އަށް ކިޔެވޭނެ އެވެ.

މަތީ ތައުލީމު އިބްރާހިމް ހަސަން، ހަޔާ އެޑިއުކޭޝަން މިނިސްޓަރު މިނިސްޓްރީ އޮފް ހަޔާ އެޑިއުކޭޝަން

3 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަހައްމަދާ1

06 March 2022

ތިޔަ މިނިސްޓްރީގައި އުޅޭ މީހުންނަށްވުރެ ކަންފަސޭހަކޮށް އުޅޭ ބަޔަކު މިގައުމަކު ނޫޅޭނެ. އޭސީސީ ސްކޮލާޝިޕަށް ހުޅުވާލައި، އެޕލިކޭޝަން ނިންމާލީ ޖެނުއަރީ 18ގައި. ފުރަތަމަ މައުލޫމާތު ދިނީ ފެބްރުއަރީ މަހު ވަކި އެއްޗެއް އަންގާނެ ކަމަށް. ފެބްރުއަރީ މަސް ހުސްކޮށް ގުޅުމުން ބުނީ މާޗް 3 ގައި އަންގާނެ ކަމަށް. މާޗް 3 ގައި ގުޅުމުން ބުނީ މާޗް 10 ގައި ނިމޭނެ ކަމަށް. ކިޔަވާ ނިންމާފަ ލޯނު ދައްކަން ދިޔައިމަ ބުނެފަ އެބަހުރި، ލޯނެއް ނެގި ކަމަށް ރެކޯޑަކުން ނުދައްކައޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަނާ

04 March 2022

ވަރަށް ނާގާބިލް ބައެއް ލޯނު ގެ އިދާރީ މަސެއްކަތް ކުރަނީ... ކޮންމެ އަހަރަކު ލޯނު ދިނުމުގަ މިސްޓޭކްސް ހަދާ، މިފަހަރު ވެސް ވާނީ އެހެން ކަންނޭނގެ... އެއް އަހަރަށް ވުރެ އަނެއް އަހަރު ދިމާވާ ކަންކަން އިސްލާހު ނުކޮށް، ލޯނު ދިނުމުގެ އިންތިޒާމް ފެއިލްވަމުން ދާތަން މި ފެންނަނީ... ލޯނުގެ އިދާރީ މަސެއްކަތް ކުރާ މުވައްޒަފުންގެ އިސްކޮށް ހުންނަ ވެރިންގެ މައްސަލަ އެއް މިއީ..