ރަޝިޔާގެ ރައީސް ލަޑިމިއާ ޕުޓިން
09 މާޗް 2022 - 10:35
10 comments
ރަޝިޔާ އިން ޔޫކްރޭންގައި މިހާރު ކުރަމުންދާ ހަނގުރާމަ ހުއްޓައިލުމަށް ބާރު އެޅުމުގެ ގޮތުން، އެމެރިކާ އާއި ވިލާތުގެ ގައުމުތަކުން އަޅާފައިވާ ދަތިކުރުމުގެ ފިޔަވަޅުތަކުން ލިބޭ ގެއްލުންތައް ކުޑަކުރުމަށް، ރަޝިޔާގެ ރައީސް ލަޑިމިއާ ޕުޓިން އިގްތިސާދީ ހާއްސަ ފިޔަވަޅުތަކެއް އިއްޔެ އިއުލާންކުރައްވައިފި އެވެ.
ހުޅަނގުގެ ދަތިކުރުމުގެ ފިޔަވަޅުތަކުން، ރަޝިޔާގެ އާންމު ރައްޔިތުންނަށް ލިބޭ ގެއްލުންތައް ކުޑަކުރުމަށް އެޅި އެއް ފިޔަވަޅަކީ، ރަޝިޔާ ސަރުކާރުން ރައްޔިތުންނަށް ދޭ ޕެންޝަން ފައިސާގެ މިންވަރު އިތުރު ކުރުމެވެ. ދެ ވަނަ ކަމަކީ، ކުދި އަދި މެދު ފަންތީގެ ވިޔަފާރިތައް އުފައްދައި ހިންގުމުގެ ގަވާއިދު މިހާރަށް ވުރެ ފަސޭހަކޮށް، އެފަދަ ވިޔަފާރިތަކަށް އިތުރު ފުރުސަތުތައް ފަހިކޮށްދިނުމެވެ.
ޕުޓިން މި ފިޔަވަޅުތައް އިއުލާން ކުރެއްވި އިރު، އެއް ގައުމުން އަނެއް ގައުމަށް ފައިސާގެ މުއާމަލާތްތައް ކުރުމުގައި މިހާރު އެންމެ ގިނަ ގައުމުތަކުން ބޭނުންކުރާ ބައިނަލްއަގުވާމީ ނިޒާމު، ސްވިފްޓް އިން ވަނީ ރަޝިޔާ ބޭރުކޮށްފަ އެވެ. އަދި ރަޝިޔާގައި އިންވެސްޓް ކުރުމާއި ރަޝިޔާގެ ވިޔަފާރިތައް އެމެރިކާ އާއި ވިލާތުގެ ގައުމުތަކުގައި ހިންގުން ވެސް، އެ ގައުމުތަކުން ވަނީ މަނާކޮށްފަ އެވެ.
އޭގެ އިތުރުން، އިންޓަނެޓް މެދުވެރިކޮށް ފައިސާގެ މުއާމަލާތްތައް ކުރުމުގައި މިހާރު މުޅި ދުނިޔެއަށް މަޝްހޫރުވެފައިވާ ވިސާ ކާޑާއި މާސްޓާ ކާޑް ވެސް، ރަޝިޔާގައި ބޭނުންނުކުރެވޭ ގޮތް، އެމެރިކާގެ އެ ދެ ކުންފުނިން ވަނީ ހަދައިފަ އެވެ. އޭގެ އިތުރުން ބައިނަލްއަގުވާމީ ބޮޑެތި ވިޔަފާރި ކުންފުނިތައް ވެސް އަންނަނީ ރަޝިޔާގައި ހިދުމަތްތައް މެދުކަނޑާލަމުންނެވެ.
އެ ގޮތުން ތެލާއި ގޭހުގެ ވިޔަފާރީގައި މަޝްހޫރު ދެ ކުންފުނި ކަމަށްވާ ޝެލް އާއި އެކްސޮންގެ އިތުރުން، މަތިންދާބޯޓު އުފައްދާ އެންމެ ބޮޑު ދެ ކުންފުނި ކަމަށްވާ އެއާބަސް އާއި ބޮއިން ކުންފުނިން މިހާރު ވަނީ ރަޝިޔާއާ އެކުގައި ވިޔަފާރީގެ މުއާމަލާތްތައް ކުރުން ހުއްޓާލައިފަ އެވެ. މަޝްހޫރު ޓެކްނޮލޮޖީ ކުންފުނި އެޕަލް އާއި ފާސްޓް-ފުޑް ކުންފުނިތައް ކަމަށްވާ މެކްޑޮނަލްޑް އާއި ސްޓާބަކްސް އާއި ކޮކާ ކޯލާ ވެސް މިހާރު ވަނީ ރަޝިޔާގައި ހިދުމަތް ދިނުން ހުއްޓާލައިފަ އެވެ.
އޭގެ އިތުރުން ރަޝިޔާގައި އުފައްދާ ގޭހާއި ތެލާއި ބޯޓުދެލި، އެމެރިކާ އަށް އެތެރެ ކުރުމާއި އެމެރިކާގައި ވިއްކުން އިއްޔެ އިން ފެށިގެން، ރައީސް ޖޯ ބައިޑެން ވަނީ މަނާކުރައްވައިފަ އެވެ.
އިގްތިސާދީ ގޮތުން ލިބޭ ގެއްލުން ކުޑަކުރުމަށް، ހަނގުރާމައިގެ މިހާ ކުރީކޮޅު ރަޝިޔާގައި ފިޔަވަޅުތަކެއް އެޅުމުން އެނގެނީ، އެ ގައުމަށް ދަތިކުރުމަށް ހުޅަނގުގެ ގައުމުތަކުން އަޅަމުން އަންނަ ފިޔަވަޅުތަކުގެ އަސަރު މިހާރު ވެސް ރަޝިޔާ އަށް ކުރަން ފަށާފައިވާ ކަމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފިގު
11 March 2022
އެމެރިކާ ކޮންމެވެސް ދޮގެއް ހަދައިގެން ގައުމަކަށް އެރިނަމަ ބޮޑެތި ކުންފުނިތަކާއި ޔޫރަޕްން އަމަލު ކުރީހީ މިހާރުގެ އިދިކޮޅަށް. އެމެރިކާއަށް ވާގިވެރިވުމުގައި އަވަސްވެގަންނާނެ. މި ފަހުގެ ތާރީޚްގައިވެސް ދުނިޔޭގެ ގައުމުތަކަށް އަރާ، ހަނގުރާމަކޮށް އެ ތަންތަން ސުންނާފަތިކޮށް، އަދި ދަތިކުރުމުގެ ހަސަދަވެރި ފިޔަވަޅުތައް އެޅުމުގެ ލާއިންސާނީ ރެކޯރޑް އޮތީ އެމެރިކާ އަތުގަ. ޑިމޮކްރަސީއާއި ފްރީޑަމް ސްލޯގަނަކީ ޖަހާ ޗިޕެއް. މުނާފިގުންގެ ޒަމާނީ ހަތިޔާރު.
އިސްމާލު
10 March 2022
އެމެރިކާއަކީ މޮޅުވާހަކަދައްކައި ބިރުދައްކައިގެން އުޅޭގައުމެއް ލީބިޔާއަށްވެސްދަތިކުރުމުގެ ފިޔަވަޅުއަޅައިގެންވީކަމެއްނެތް އަސްކަރީގޮތުން ދަށްވީމަ ދޮގުހަދައިގެން އަރައިގަތީ އެގޮތަށް ރަޝިޔާއާއި ދެކޮޅަށް އަރައިގައްނާކަށް ނުކެރޭނެ އިގްތިސާދީގޮތުން ރަޝިޔާއަށްވާގެއްލުން އެމެރިކާއާއި ހުޅަނގަށްވެސްވާނެ
ހުސެން
09 March 2022
ކޮންމެވެސް ދަތިތަކެއްވާނެތާދޯ ކާޑުތަކާއެއްޗެހި ބޭނުން ނުކުރެވޭކަމަށް ވަންޏާ، ނަމަވެސް ރަޝިޔާ ވަރަށް ހަމަޖެހިލައިގެން އޮވެ ހަނގުރާމައިގާ ކުރިޔަށްދާތަން މިފެންނަނީ، އަޅުގަނޑު ބުނަންއޮތީ ބޭނުންވާ މަގުސަދު ހާސިލުކޮށް ހަނގުރާމަ އަވަހަށް ނިންމާށޭ، އެމެރިކާއަކަށް އަދި ނޭޓޯއޭ މިކިޔާ ބައިގަނޑަކަށް ރަޝިޔާއާ ކުރިމަތިލާކަށް ނުކެރޭނެ ކަމަށް މިވަގުތު ފެންނަނީ
ޖޯޖް
09 March 2022
ކަލޭއަށް މި ހަގުރާމައިގަމި ވަނީ ކޯޗެއްކަންވެސް ނޭގެ
ފުޓިން
10 March 2022
ރަސިޔާ އެތެރޭގެ ހަމަނުޖެހުން ބޮޑުވެގެންގޮސް ރަސިޔާ މީހުން ޕުޓިން ވެރިކަމުން ބާލާނެ. ޕުޓިންއަކީ ޑިކްޓޭޓަރެއް.
ނޭޓޯކޮކްޓޭލް
10 March 2022
ޑިކްޓޭޓަރަކު ނެއްގައުމެއް ދައްކަބަލް.ޑިމޮކްރަސީއާ ފީރީޑަމް އަކީ ގަމާރުންގެ ބޮލައް ޖަހާ ޗިޕްއެއް، ސްމޯކް ސްކްރީންނެން. ތިބުނާ ޑިމޮކްރަސީއާ ފީރީޑަމް ކޮބާ ފަލަސްތީން އާ ޖެހުނީމަ ކޮބާ މެދު އިރުމަތި ފުޑާލިއިރު ތިބުނާ އެއްޗެއް؟ މުނާފިޤުވީމަ ފަލަސްތީނާ އެއްކޮޅަށް ވޯޓުދޭން ނުކެރުނީ.އެއީ ޑިކްޓޭޓަރުންނަކީ. ރަޝިޔާގެ ވެރިރަޝާ 5މިނެޓް ދުރުގަ ނިއުކުލިއާ ހަތިޔާރު ބެހެއްޓީމަ ކަލެޔަށް އޯކޭވެދާނެ. އެކަމަކު އެގޮތް ރަޝިޔާއަށް ކޯކޭނުވެދާނެ.
މައިދައިތަ
09 March 2022
ރަޝިޔާގެ ގުދުރަތީ ވަސީލަތާއަޅާބަލާއިރު އުފެންދުންތެރިކަމާއި އީޖާދީ ހިޔާލުތައް އުޅެނީ ވަރަށް ދަށުގައި. ސަބަބަކީ ރައްޔިތުން އޮބިއަޅައިގެން ކޮންޓްރޯލްކުރުން. ހުރިހާ ޒުވާނުންގެ ސިކުޑި ބޭނުން ކުރަނީ ހަތިޔާރު އުފެއްދުމަށް.މުޅިރާއްޖެބަލައި ހޯދައިފިން އޭކޭ 47 ފިޔަވާ ރަޝިޔާއިން އުފައްދާފަ ހުރިއެއްޗެއް ނުފެނުނު. ޕޫޓިން އެބަޖެހޭ ހަގުރާމައިގެ ހިޔާލު ދޫކޮށް ރައްޔިތުންނާދޭތެރޭ ވިސްނަން.
ލާމަސީލު
10 March 2022
ކަނބުލޭގެ ތިދުއްވާ ސައިކަލަށް އަޅާތެޔޮ ސާފުނުކޮށް ހުންނައިރު އެހެން ގައުމަކުން އެގަނެގެން ސާފުކޮށްގެން ރާއްޖެއަށް ގެނޭ. ތިގޭގަ ކައްކަން ގެންގުޅޭ ގޭހަކީ ތހީކުރާގޮތަށް ރާއްޖޭގެ ކަނޑުގެ އަޑިން ނަގާއެއްޗެއްނޫން. ގަމާރުވިޔަސް ބޮޑުވަރު
ބަފާބެ
10 March 2022
ކަލެޔަށް އޯކޭވާނެ އެމެރިކާޔާ، އިސްރާއީލާ، ނޭޓޯ މުޅިދުނިޔެ ފުޑާލިޔާސް އެގޮތް ރަޝިޔާއަށް އޯކޭ ނުވާތީ މިހަގުރާމަ ފެށުނީ... ރަޝިޔާގަ ހަދާފަ ހުރި ޒަމާނީ ހަތިޔާރު ކަލެޔަށްނޭގުން އެއީ 60 އަދިވެސްކަލޭ ހުރިކަން... ރަޝިޔާގެ އެސްޔޫ 400، 500 އަކީ މުޅި ދުނިޔޭގަ ހުރި އެއްމެ ވަރުގަދަ ވައިގެ ދިފާއީ ސިސްޓަމް، ރަޝިޔާގެ ޓީ14 މެއިން ބެޓަލް ޓޭންކް އަކީ މިހާރު ދުނިޔޭގަ ބޭނުން ކުރެވޭ އެއްމެ ޒަމަނީ އެއް ޓެންކް ޓީ90ގެ ޓޭކްތަކަކީ އެމެރިކާގެއާ އެއްފެންވަރެއްގެ އުޅަދުތަކެއް
އެނދިމަރިޔަނބު
09 March 2022
ރަޝިޔާގެ ގޭހާ ތެލާ ނުލާ އެމެރިކާ އަދި ޔޫރަޕަކަށް ނޫޅެވޭނެ. އިކޮނޮމީ ފުނޑޭނެ. މިހާރުވެސް މިކަމާމެދު ޔޫރަޕުން އެއްގަލަކަށް ނަރާ، ބައިޑެން ދެން ޖެހޭބީ ރަޝިއާ ތެޔޮ ނުގަންނަ ކަމަށްވާނަމަ، ސައޫދީ، ވެނެޒުވެލާ، ނުވަތަ އިރާން ފައިބުޑަށް ވެއްޓެން، މީ ހުސް އެމެރިކާގެ ހަތުރުން، ސައޫދީވެސް ވަނީ ބައިޑެންގެ ސައޫދީއާ ދެކޮޅު ސްޕީޗްތަކާހެދި ފެޔަށްޖެހިފަ.