ލޯކަލް މާރުކޭޓުގެ ގޮޅިއެއްގައި ހުރި ކަރާތަކެއް. ކަރާ ކިލޯއެއް މިވަގުތު އުޅެނީ 15ރ.25ރ. އާ ދެމެދުގެ އަގުތަކެއްގައި--ފޮޓޯ:ފަޔާޒް މޫސާ/މިހާރު
17 މާޗް 2022 - 14:38
13 comments
ކުރިއަށް އޮތް ރޯދަމަހަށް އަނެއްކާވެސް މި އޮތީ ކަރަލުގެ ވާހަކަ ދައްކަން ޖެހިފަ އެވެ. ރޯދަ ވީއްލުމަށް ގިނަ ބަޔަކު އަދިވެސް ކަރާފަނި ބޭނުންކުރާއިރު، މި ފަހަރު ވެސް އޭގެ ޑިމާންޑް މައްޗަށް ގޮސް އަގު އުފުލޭނެ ކަމަށް މާލޭގެ ލޯކަލް މާރުކޭޓުގައި ތަކެތި ވިއްކާ ވިޔަފާރިވެރިން މިހާރު ވަނީ ބުނަން ފަށައިފަ އެވެ.
ލޯކަލް މާރުކޭޓުގައި މި ވަގުތު ގިނައީ ދިވެހި ކަރަލުގެ ބަދަލުގައި އިންޑިއާ އިން ގެންނަ ކަރަލެވެ. އެ ގައުމުން އެތެރެކޮށްފައިވާ ކަރޯ ކިލޯއެއްގެ އަގު 15ރ.- 18ރ. އާ ދެމެދު ހުރިއިރު، ދިވެހި ކަރަލުގެ އަގު އުޅެނީ ކިލޯއެއް 23ރ. އާއި 25ރ. އަށެވެ.
ލޯކަލް މާރުކޭޓުގައި ތަކެތި ވިއްކާ މީހަކު ބުނީ، ރާއްޖޭގައި ހައްދާ ކަރާ ލިބެން ފަށާނީ އަންނަ ހަފުތާގަ އެވެ. ކަރާ ހެއްދުމަށް މަޝްހޫރު ތޮއްޑޫގެ އިތުރުން ލ. އިސްދު އާއި ކ. ކާށިދޫގެ ކަރާ ވެސް ލިބޭނީ އަންނަ ހަފުތާ އިން ފެށިގެން ކަމަށް އޭނާ ބުންޏެވެ.
ލޯކަލް މާރުކޭޓުން މީހަކު ކަރައެއް ގަންނަނީ. ކޮންމެ އަހަރެއްގެ ރަމަޟާން މަހާ ދިމާކޮށް ކަރާގެ ޑިމާންޑް އެތައް ގުނައަކަށް އުފުލޭ--ފޮޓޯ:މިހާރު
އެހެން ވިޔަފާރިވެރިއަކު ބުނިގޮތުގައި، މި ރޯދަމަސް ފެށޭއިރު ކަރާގެ އަގު 30ރ. އާއި 35ރ. އަށް އުފުލޭނެ އެވެ.
"ހީއެއްއް ނުވޭ އަގު ވެއްޓޭނެ ހެއްނެއް. އަގު އުފުލެނީ އެހާ ބޮޑަށް ޑިމާންޑް އުފުލޭނެތީ،" އޭނާ ބުންޏެވެ.
އެހެން ވިޔަފާރިވެރިއަކު ބުނީ، ކަރާގެ އަގު 25ރ. އަށް ވުރެ ދަށް ނުވާނެ ކަމަށެވެ. އަގު ދަށަށް ނުދަނީ ދަނޑުވެރިން ވެސް ވިއްކާ އަގު ބޮޑުވުމުން ކަމަށް އޭނާ ވިދާޅުވި އެވެ.
ކަލަންޑަރުގައިވާ ގޮތުން މި އަހަރުގެ ރޯދަމަސް ފެށޭނީ އަންނަ މަހުގެ ދެވަނަ ދުވަހު އެވެ.
މިދިޔަ އަހަރުގެ ރޯދަ މަސް ފެށުނުއިރު މާރުކޭޓުގައި ކަރާ ކިލޯއެއްގެ އަގު ހުރީ 12ރ. އާއި 15ރ. އަށެވެ. ނަމަވެސް މިދިޔަ އަހަރުގެ ރޯދަ މަހުގެ ފަހު ހަފުތާގައި ކަރާ ކިލޯއެއްގެ އަގު 20ރ. އާއި 25. އަށް އުފުލުނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުންކަރާތުލް ޖަހަންނަމަ
24 March 2022
އަމިއްލަ ހަށިގަޑައް ގެއްލުން ދޭ ކަންކަން ނުކޮއްބަލަ! ވަރިހަމަ ކޮންމެ މީހަކު ބުނިކަމުގައިވިޔަސް!
އެދުރު
18 March 2022
ކޮންމެ ރޯދަމަހެއްގެ ހާލު.ހިންގާބަލަ މިރޯދަމަހު މި މަނޮޕޮލީ ނިމުމަކައްގެންނަމާ.އަގުބޮޑުކޮއް ނުގަނެވޭތޯ ބަލަމާ މިފަހަރު.ދެން ދުވަސް ކޮޅަކުން ފިޔާ ހިފައިގެން އަންނަ ބޯޓު ކޮންމެވެސް ފަރަކައް އަރައިގެނޭ ކިޔާފަ ފިޔާ އަގުބޮޑު ވާތަން އެންމެ އަވަހައް ފެންނާނެ ހެން ހީވަނީ.
ހައިދަރު
17 March 2022
ޔޫކުރޭނުންތަ ކަރާވެސް ގެންނަނީ
ފަޤީރު ކޮއެ
17 March 2022
ކަނޑޫދޫ އެއް ކަރައެއް ލުނބޮއެއް ނޯންނާނެ! ކާނީ އަގު ހެޔޮ އެއްޗިހި! ބަނޑު ފުރޭނެ! މާ ގިނައިން ކާކަށް ނުޖެހޭނެ!
ކްއިކް ގަން މުރުގަން
17 March 2022
އޯކޭ އެހެން އޮޕްޝަނެއް ހޯދާނީ!
ާއުނިމާ
17 March 2022
އަހަރެމެން ރޯދަމަަސް ނިމުނީމާ ކަރާކަނީ
ފެއާ އެންޑް ލަވްލީ
17 March 2022
ހަބޭހަށް ކެމިކަލްޖަހައިގެން ހައްދާތަކެތި ހާދަބިރެއްގަނެއޭ ގަންނަން. އެކަމަކު ނުކައިވެސް ދިރިހުރެވޭކަށް ނެތް.
ކޮރަލް
17 March 2022
ކަރާގެ އަގު މިހާރު ކަނޑަ އަޅަނީ ބިދޭސީންނެވެ. ދަނޑުގަ އެމީހުންނެވެ. ސަޕްލައި ދޯނީގަ އެމީހުން ނެވެ. މާރުކޭޓް ގަ އެމީހުންނެވެ. މާލެ އަށް މުދާ ބާލާއިރު އެމީހުންނެވެ. ދިވެހީން ކަންނެތީކީ ނޫނެވެ. ބިދޭސީން ނެޓް ވޯކް އެއްހަދައިގެން ދިވެހީން ބޭރު ކޮށްލީ އެވެ. ބިދޭސީން ނާންނަ އިރު ވެއިޓަރުންނަށް ވެސް އުޅުނީ ދިވެހީންނެވެ.
2ފެއެ3ެދ
17 March 2022
ކަންވެސް ހަމަ ނެތީ.
ހަންޖަރު
17 March 2022
ނޫސްވެރިންގެ އުއްމީދެއްތަ އެއީ އަޅެ؟
ހަބީބު.
17 March 2022
މަޖިލީހުގެ މެންބަރުން އެތިބީ ކުރާނެ ކަމެއްނެތިފަ އަވަހައް ތޮއްޑޫއައްގޮސް ކަރަހައްދަންއުޅޭ އަދި ކަރާކިލޯއެއް އަތްފޯރާއަގު އެބަހީ 5 ރުފިޔައައްކިލޯ ސިކުނޑި ކުރޮޅިވެފަ ތިބި ބަޔަކައް ކުރިޔާލާ ތައްޔާރުވާންވީ ކޮންކަމަކާ ކަމެއްވެސް ނޭނގޭތަ