ޚަބަރު / ކޮމިޝަން އޮން ސްޓޭޓް އެސެޓްސް ރިކަވަރީ

އެސެޓް ރިކަވަރީ ކޮމިޝަން އުވާލައިފި

ނަތީޖާ ނުނެރެވި ކޮމިޝަން އުވާލަން ޖެހުނު އިރު 10 މިލިއަނަށް ވުރެ ބޮޑު ހޭދައެއް ކޮމިޝަނަށް ހިނގާފައިވާ ކަމަށް އަންދާޒާކުރެވޭ

އެސެޓްސް ރިކަވަރީ ކޮމިޝަންގެ ރައީސް އަހުމަދު އަސްއަދު ޕްރެސް ކޮންފަރެންސެއްގައި. -- ފޮޓޯ: މިހާރު

17 މާޗް 2022 - 17:22

38 comments

ޚިޔާނާތާއި ދައުލަތުގެ މުދަލާއި ފައިސާ ނަހަމަ ގޮތުގައި ބޭނުން ކުރުމުގެ މައްސަލަތައް ރަނގަޅަށް ތަހުގީގު ނުކުރެވި ހުރުމުން އިންސާފު ހޯދައިދިނުމުގެ ބޭނުމުގައި ރައީސް އިބްރާހިމް މުހައްމަދު ސޯލިހް އުފެއްދެވި އެސެޓް ރިކަވަރީ ކޮމިޝަން މިއަދު އުވާލައްވައިފި އެވެ.

މި ކޮމިޝަން އުވާލި އިރު އެ ކޮމިޝަނުން ކުރަމުން އައި މަސައްކަތްތައް ދެން ކުރާނީ ކަމާ ގުޅުންހުރި އެހެން މުއައްސަސާތަކުން ކަމަށް ރައީސް އޮފީހުން ނެރުނު ބަޔާނުގައި ބުންޏެވެ.

ކޮމިޝަން އުވާލެއްވީ އެންޓި ކޮރަޕްޝަން ކޮމިޝަން (އޭސީސީ) އަށް މިއަދު އަލުން މެންބަރުން އައްޔަންކުރެއްވުމާ އެކުގަ އެވެ.

މުހިންމު މަގްސަދެއްގައި އުފެއްދި ކޮމިޝަނަށް އެކަށީގެންވާ ގޮތުގައި މަސައްކަތް ނުކުރެވި އެކަމަކު އެ ކޮމިޝަނަށް ބޮޑު ހޭދައެއް ކުރާތީ އާންމުންގެ ބޮޑެތި ފާޑުކިޔުންތައް އޮތީ އަމާޒުވެފަ އެވެ. އެހެންވެ މި ކޮމިޝަނަށް ޒިންމާ އަދާނުކުރެވޭ ކަމަށް ބަލައި އުވާލުމަށް އެކި ފަހަރު މަސައްކަތްކުރި އެވެ. މިދިޔަ އަހަރުގެ އެޕްރީލް މަހުގެ ތެރޭގައި ކޮމިޝަނުގެ މަސައްކަތް ނިންމާލައި ކޮމިޝަން އުވާލަން މަސައްކަތްކުރި ނަމަވެސް ފަހުން ނިންމީ މިދިޔަ ޑިސެމްބަރު 15 ގެ ނިޔަލަށް ހުރިހާ މަސައްކަތެއް ނިންމައި ކޮމިޝަން އުވާލަން ކަމަށް އެނގިފައިވެ އެވެ.

December gai ves asset recovery commission uvaeh nulevunu!

The most trusted news source in the Maldives

Mihaaru

ޖަނަވަރީ 1، 2012 އިން ނޮވެންބަރު 17، 2018 ގެ ނިޔަލަށް ހިނގާފައިވާ ޚިޔާނާތާއި ދައުލަތުގެ މުދަލާއި ފައިސާ ނަހަމަ ގޮތުގައި ބޭނުން ކުރުމުގެ މައްސަލަތައް އެކި ސަބަބުތައް މެދުވެރި ވެގެން، އެކަށީގެންވާ މިންވަރަށް ތަހުގީގު ކުރެވި އިންސާފު ލިބިފައި ނުވާތީ އެ މައްސަލަތައް ތަހުގީގުކުރުމުގެ ބޭނުމުގައި "ޕްރެޒިޑެންޝަލް ކޮމިޝަން އޮން ކޮރަޕްޝަން އެންޑް އެސެޓް ރިކަވަރީ" އުފެއްދެވީ ރައީސް އިބްރާހިމް މުހައްމަދު ސޯލިހް ވެރިކަމާ ހަވާލުވެވަޑައިގަތް ދުވަސް ކަމަށްވާ ނޮވެމްބަރު 17، 2018 ގަ އެވެ.

ކޮމިޝަނުން މިހާތަނަށް ތަހުގީގު ނިންމައި ދައުވާކުރަން އެޓާނީ ޖެނެރަލްގެ އޮފީހަށް ފޮނުވާފައި އޮތީ އެންމެ އަށް މައްސަލައެއްގަ އެވެ. އޭގެ އިތުރުން ޓޫރިޒަމްގެ ބޭނުމަށް ނުއަގުގައި ދޫކުރި ރަށްތަކާ ގުޅޭ ގޮތުން ރިޕޯޓެއް ހަދައި ރައީސް އޮފީހަށް ފޮނުވާފައިވެ އެވެ. މީގެ އިތުރުން ބައެއް މީހުން ކޮމިޝަނަށް ހާޒިރުކޮށް ސުވާލުކޮށްފައިވެ އެވެ.

އެސެޓް ރިކަވަރީ ކޮމިޝަންގެ އިތުރުން، ގެއްލުވާލާފައިވާ މީހުންނާއި ގޮތް ނޭނގޭ މަރުތަކުގެ މައްސަލަ ބަލަން އުފެއްދި ރިޔާސީ ކޮމިޝަނަށް ވެސް ނަތީޖާ ނުނެރެވޭ ކަމުގެ ފާޑުކިޔުން ބޮޑެވެ. މަރު ކޮމިޝަންގެ މެންބަރުންނަށް މިހާތަނަށް މުސާރައިގެ ގޮތުގައި ފަސް މިލިއަނަށް ވުރެ ގިނަ ރުފިޔާ ވަނީ ހަރަދުކޮށްފަ އެވެ. އެސެޓް ރިކަވަރީ ކޮމިޝަންގެ މެންބަރުންގެ މުސާރަ އަށް ނުވަ މިލިއަނަށް ވުރެ ގިނަ ރުފިޔާ ހަރަދުކޮށްފައިވެ އެވެ. އެ ކޮމިޝަނަށް ކުރި އެހެން ހޭދަތަކާ އެކު 10 ވަރަކަށް މިލިއަނަށް ވުރެ އިތުރަށް ހަރަދު ވެފައިވާނެ ކަމަށް އަންދާޒާކުރެވެ އެވެ.

ކޮމިޝަން އޮން ސްޓޭޓް އެސެޓްސް ރިކަވަރީ ރައީސް އިބްރާހިމް މުހައްމަދު ސޯލިހް ރައީސް އޮފީސް ރިޔާސީ ކޮމިޝަން

38 ކޮމެންޓް, 24 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަލީް

20 March 2022

މުސާރައެއްނޫން.. ކޮމިޝަން ހެދީ ދައުލަތުން ބޮޑެތި ވައްކަން ކުރި މީހުން އަތުން އެ ލާރި ހޯދަން.. އެކަމަކު އެ ކޮމިޝަން ބަދަލުވީ ސިޔާސީ ހަތިޔާރަކަށް.. ވަގުން ބިރުގަންނުވާ، ކޮންމެ އިރަކުވެސް ކޯޓަށް ހާޒިރުކޮށްފާނެ ކަމުގެ ބިރު ދައްކާ ސިޔާސީ މީހުން އަތުލަފިކޮށްގެނ ްގެންގުޅޭނެ ހަތިޔާރަކަށް ހެދީ.. އަމިއްލަ ޕާޓީ ތެރޭ ތިމާމެންގެ ނުފޫޒު ބޮޑު ކުރާ އާލާތަކަށް ކޮމިޝަން ހެދީ.. އެއީ އަދި މާ ބޮޑު ކަރަޕްޝަނެއް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެޕްޓަން މެންގްރޫވް

19 March 2022

އެތައް މިލިއަން ރުފިޔާއެއްގެ މުސާރައެއް ދިނެއްނުން އެހެންކަމެއް ނުވިޔަކަސް! ރިކަވާ ކުރާށޭ ކިޔާފަ ގޮސް ކެއީ ހަމަ. މި މީހުންނަށް ދިން މުސާރަ ރިކަވާ ކުރަން ފެންނަނީ. އަނެއްކަމަކީ މިމީހުން ނުޖެހޭނެ ހާސްވާކަށް. ކޮންމެސް ތާކުން މަތީ މަޤާމެއް އޮންނާނެ މިހާރު ހަމަޖެހިފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުނާއިޝާ

18 March 2022

އަނހާ ދޮންބީފާނުގޭ ތިރުގޭ އައްސަދު އަނެއްކާ ބޭކާރުވީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބައި

18 March 2022

އަސްއަދަށް ރަނގަޅު މމަގާމެއް ދެއްވާނެ. ހާސްކަނޑާލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްއަދު

19 March 2022

މަބޭނުމީ މިނިސްޓަރުގެ ނައިބުކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކާޒިމާ

18 March 2022

މީނާގެ މައްޗަށް ވީ އެންމެ އަވަހަކަށް ދައުވާ ކޮށް މީނާއަށް ޚަރަދު ކުރި ފައިސާ އާއި އަދި މީނާ ނުހައްގުން އަނިޔާ ކުރި އެންމެންނަށް ހައްގު ބަދަލު ހޯދުމަށް ދައުވާ ކުުރުމަށް އަވަސް ވެ ގަތުމަށް ގޮވާލަން. ރިޕޯރޓެއް ރައީސަށް ފޮނުވާކަށެއްނޫން މީނާ އަށް 10 މިލިއަން ދިނީކީ. ތި ރިޕޯރޓް 10 ހާހަށްވެސް ތިއަށްވުރެ މޮޅަށް ލިޔާނެ މީހުން ބައިވަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުދާޖީ

18 March 2022

މަައުމޫނަށް އާއިލާ މީހުންނަށް މަގާމް ތައް ދެނީ ޔޭ ނެޕޮޓިޒަމޭ ކީ މީހުންގެ ހާލަތު. ލަދެއް ގެ ކަންފުޅެއްވެސް ވޭބާ؟ ބިލިއަނުން ކުރި ވައްކަން ހޯދަން ލި މީހާ އަށް އެންމެ ލާރި ފޮއްޗެއްވެސް ނުހޯދުނުތާ 10 މިލިއަން ދަމައިގެންފި. ވާ ވާ ވާ. ޖީބު ފުރާލައިފި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަންފަތު މުދިމު

18 March 2022

މީނާ ރައީސަކަށް ލުމުން ވެސް އެގުނު މިތަން ފެއިލް ވާނެކަން. އެއީ މީނާގެ ކޮރަޕްޝަން މައްސަލައެއް ބަލާ ދައުވާކުރާ ހިސާބަށް ގޮސްަފައިވަނިކޮށް މި ސަރުކާރު ވެރިކަމަށް އައިސް އެ އޮބާލީ ކަމަށް ނޫހުން ފެނުނީމާ. އަދި ފަހުން މި މައްސަލަ ބަލަން އޭސީސީ އިން ޕީޖީ ގައި އެދުނޯ. ޚަބަރެއް ނުވޭ. މި ކަންތައް އޮތް ހިސާބެއް ބެލުމަށް މިހާރު ނޫހަށް ގޮވާލަން. އަދި މީނާ ގެ ސަބަބުން ދައުލަތަށް ގެއްލުނު ހުރިހާ ފައިސާ އެއް ހޯދުމަށް ގޮވާލަން.