ނާސާ އިން ހަނދަށް ފޮނުވާ ރޮކެޓް ދައްކާލައިފި

އަލުން ހަނދަށް ދިއުމަށް ފެށި "އާޓެމިސް" ޕްރޮގްރާމްގެ ދަށުން ފުރަތަމަ ފޮނުވާ އެ ރޮކެޓް "އާޓެމިސް 1".-- ފޮޓޯ: ނާސާ

20 މާޗް 2022 - 05:43

އެމެރިކާގެ ޖައްވީ އިދާރާ ނާސާއިން އަލުން ހަނދަށް ދިއުމަށް ފެށި ޕްރޮގްރާމްގައި ބޭނުންކުރާ ފުރަތަމަ ރޮކެޓް، ފުރަތަމަ ފަހަރަށް އާންމުކޮށް ދައްކާލައިފި އެވެ.

އަލުން ހަނދަށް ދިއުމަށް ފެށި "އާޓެމިސް" ޕްރޮގްރާމްގެ ދަށުން ފުރަތަމަ ފޮނުވާ އެ ރޮކެޓަށް ކިޔަނީ "އާޓެމިސް 1" އެވެ. މިދިޔަ ބުރާސްފަތި ދުވަހު އެ ރޮކެޓް ވަނީ އޭގެ ލޯންޗު ޕެޑަށް ގެންގޮސްފަ އެވެ. ލޯންޗު ޕެޑްގައި ކުރާ ހުރިހާ ޓެސްޓުތަކެއްގެ ނަތީޖާ ރަނގަޅު ވެއްޖެ ނަމަ، އެ ރޮކެޓް އުދުއްސާލަން ފަހުގެ ތައްޔާރީތައް ފަށާނެ އެވެ.

ނާސާ އިން ބުނާ ގޮތުގައި އެޕޯލޯގެ ރޮކެޓްތަކަށް ވުރެ ވެސް، އެ ޕްރޮގްރާމަށް ހަދާ ރޮކެޓްތައް މާ ބާރުގަދަވާނެ އެވެ. އެ ރޮކެޓްގައި 100 މީޓަރުގެ އުސްމިން ހުރެ އެވެ. އަދި އެ ރޮކެޓްގައި އެސްޓްރޮނޯޓުންގެ އިތުރުން ކާގޯ އާއި އިތުރު ވަސީލަތްތައް ވެސް އުފުލުމުގެ ބާރު ހުންނާނެތީ ގިނަ ވަގުތު ޖައްވުގައި ހޭދަކުރެވޭނެ ކަމަށް ވެސް ނާސާ އިން ބުންޏެވެ.

އެއްވެސް ކްރޫއެއް ނެތި ހަނދުގެ ވަށައިގެން ބުރެއް ޖަހަން އެ ރޮކެޓް ފޮނުވަނީ ޓެސްޓް ބުރަކަށެވެ.

"އާޓެމިސް 1"ގެ އިންފޮގްރެފިކްސް: ބީބީސީ

ނާސާ އިން ލަފާކުރާ ގޮތުގައި އެ ޕްރޮގްރާމްގެ ދަށުން ހަނދަށް ދާ ރޮކެޓްތަކުގައި އެސްޓްރޮނޯޓުން ދަތުރުކުރަން ފެށޭވަރު ވާނީ 2025 ގެ ފަހުންނެވެ. އެ އިދާރާއިން އަމާޒުހިފާފައި ވަނީ 2030 ގެ ކުރިން އަލުން ވެސް އިންސާނުން ހަނދަށް ފޭބޭވަރު ކުރާށެވެ.

އެމެރިކާ ސަރުކާރުގެ ޖައްވީ ކަންކަމުގެ އިސްވެރިޔާ ބިލް ނެލްސަން ވިދާޅުވި ގޮތުގައި މި ފެށެނީ ޖައްވީ ދަތުރުތަކުގެ ރަން ޒަމާނެވެ. އެ ދަތުރުތަކުގައި ބޮޑެތި ކާމިޔާބީތައް ވެސް ހޯދޭނެ ކަމަށް އޭނާ ގަބޫލުކުރައްވަ އެވެ.

"މި ޖެނެރޭޝަން އިން އަލުން ހަނދަށް އެސްޓްރޮނޯޓުން ފޮނުވާނެ އަދި މިފަހަރު ފުރަތަމަ ފަހަރަށް އަންހެނަކު ވެސް ހަނދަށް ދާނެ. އަދި ދޮން ނަސްލުގެ ނޫން މީހަކު ވެސް ހަނދަށް ދާނެ،" ނެލްސަން ވިދާޅުވި އެވެ.

އެ ރޮކެޓް ހަނދަށް ފޮނުވަން އުދުއްސާނެ ސީދާ ތާރީހެއް އަދި ޔަގީންނުވިޔަސް، ބެލެވޭ ގޮތުގައި ޖޫން ނުވަތަ ޖުލައި އަށް ދަތުރު ތާވަލުކުރާނެ އެވެ.

ނާސާ ޖައްވީ ދަތުރުތައް ހަނދު އެމެރިކާ

6 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަފްރާސިޔާބު

23 March 2022

ތި ރޮކެޓުގައި އަޅާފައިވާ އިންޖީނަކީވެސް ރަޝިޔާގެ އުފެއްދުމެކޭ ކަލޯ. ދެން ހަނދާން ނައްތާލާ އިންޖީނެއް ނުލިބޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުވާލާއި ޖަވާބު. އަނދިރިކަމާ އަލިކަން!

21 March 2022

ފަހަތައް ދެ ފިޔަވަޅު އަޅާފަ، މިކަމާމެދު ވިސްނާލަބަލަ! 50 އަހަރު ކުރިން އިންސާނުން ހަނދައް ދިޔަ. 1400 އަހަރު ކުރިން ހަނދު ދެފަޅިވި މުއުޖިޒާތެއް ދެއްކެވި. އަދި އުދުހޭ އަހެއްގަ އުޑުތަކައް މާތް ނަބިއްޔާ ދަތުރު ކުރެއްވި(އިސްރާ އާއި މިއުރާޖް). ވިސްނާފަ އުފެދޭ ސުވާލު ތައް، އަމިއްލަ އައްކޮއްލަބަލަ. ނާސާ އައް ވެެސް މި ސުވާލު ތައް ހުށަހަޅާބަލަ. ވިސްނީމަ އެނގޭނީ. ވިސްނަން ދަސްކޮއްބަލަ. ސުވާލު ކުރަން ދަސްކޮއްބަލަ. ޖަވާބު ހޯދަން ދަސްކޮއްބަލަ. އުނގެނިބަލަ.