މިނިސްޓަރު މަހްލޫފް: އޭނާގެ މައްޗަށް ކުރި ރިޝްވަތުގެ ދައުވާ ކުރިއަށް ގެންދެވޭނެ ކަމާ މެދު ހައި ކޯޓުން މާދަމާ ގޮތެއް ނިންމަން ވަނީ ހަމަޖައްސާފައި --- ފޮޓޯ/މަޖިލިސް
20 މާޗް 2022 - 20:10
8 comments
ޔޫތު މިނިސްޓަރު އަހުމަދު މަހްލޫފްގެ މައްޗަށް ކުރި ރިޝްވަތުގެ ދައުވާ ކުރިއަށް ގެންދިއުމާ މެދު ހައި ކޯޓުން މާދަމާ ގޮތެއް ނިންމަން ހަމަޖައްސައިފި އެވެ.
މަހްލޫފްގެ މައްޗަށް ރިޝްވަތުގެ ދައުވާކުރީ އޭނާ ރައްޔިތުންގެ މަޖިލީހުގެ މެމްބަރަކަށް ހުންނެވިއިރު އެސްއީޒެޑް ބިލަށް ވޯޓުު ދިނުމަށްޓަކައި 33،000 ޑޮލަރު ކުރީގެ ނައިބު ރައީސް އަހުމަދު އަދީބުގެ އަތުން ނެންގެވި ކަމަށް ބުނެ އެވެ. ކްރިމިނަލް ކޯޓުން މިދިޔަ މަހު އެ މައްސަލަ ބޭރުކޮށްލީ މަދަނީ މިންގަނޑުން ބަލާއިރު އެ މައްސަލަ ކުރިއަށް ގެންދެވޭނެ މިންވަރުގެ ހެކި ނެތް ކަމަށް ބުނެ އެވެ.
ދައުލަތުން އެ މައްސަލަ އިސްތިއުނާފް ކުރުމުން ހައި ކޯޓުން ދެ އަޑުއެހުމެއް ބޭއްވުމަށް ފަހު އެ މައްސަލަ އޮތީ ހުކުމާ ހިސާބުގަ އެވެ. އެހެންވެ، އެ މައްސަލަ ކުރިއަށް ގެންދެވޭނެތޯ ނުވަތަ ނޫންތޯ، މާދަމާ މެންދުރު ބާއްވާ މަޖިލީހުގައި ހައި ކޯޓުން ނިންމާނެ އެވެ.
އެ މައްސަލަ ކުރިއަށް ގެންދެވޭނެ ކަމަށް ހައި ކޯޓުން ނިންމައިފި ނަމަ، އެ މައްސަލާގެ ޝަރީއަތުގެ މަރުހަލާ ކްރިމިނަލް ކޯޓުން އަލުން ފަށާނެ އެވެ.
ހައި ކޯޓުން އެ މައްސަލަ ބައްލަވަނީ ފަނޑިޔާރު ފާތިމަތު ފަރުހީޒާ އާއި އިސް ފަނޑިޔާރު ހާތިފް ހިލްމީ އަދި ފަނޑިޔާރު އަލީ ސަމީރު ހިމެނިވަޑައިގަންނަވާ ބެންޗަކުންނެވެ. ބެންޗުގެ ރިޔާސަތަކީ ފަނޑިޔާރު ފަރުހީޒާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
21 March 2022
ހައިކޯޓުން ނުބެލެންޏާ އާއްމުނާއި ހަވާލުކޮށްބަލަ. އިއްޔެރޭވެސް ފޯނެއް ވަގަށް ނެގި މީހަކަށް އިންސާފުގާއިމްކޮށްފި، އެގޮތަށް މަހްލޫފަށްވެސް އިންސާފުރައްޔިތުން ގާއިމްކޮށްދޭނެ
ޙަބީބު
21 March 2022
ކިހިނެއްތޯބަލާނީ ފައިސަލްނަސީމުގެ ކޮއް ކޮ ޔަ ކާ މަހުލޫފު އިނދެގެން އުޅެނީ ލަނޑަޔާ ވާނީ ލަނޑަޔާ ނޫންތަ އެއީ ލައް ކަވާހަ ކަ މި ކަހަލަ ޑުރާމާ ނު ކުޅެ ހަގީގީ ވާހަ ކަ ދައް ކަބަލަ
ސަސ
20 March 2022
ހައިކޯޓުންވެސް މައްސަލަ ބޭރުކޮށްލަބަލަ. ދެން މަތީ ކޯޓުން މައްސަލަ ބޭރު ކޮށްލީމަ ހަމަ ސީދާ ސާފު މީހަކަށްްވީ
ބޮޑުމީހާ
20 March 2022
ވައްކަންކުރި މީހުން ލަންޑަން އަމީން އެވެނިއުގަ ފައިދާ ހޯދި 265 މީހުންގެ ލިސްޓް އޮތްތާގައޮތީ، އެސެޓްރިކަވަރީ ކޮމިޝަނެއް ހަދައިގެން 10 މިލިއަން ހަރަދުކޮށްފި، ގެއްލުނު ފައިސާއިން ބައި ރުފިޔާވެސް ރިކަވަރ ނުވޭ، ޝުކުރިއްޔާ އިބޫ
އަހޔ.
20 March 2022
ވީ އާ ވިތް މަހްލޫފް. މަހްލޫފް އިސް އިނޮސެންޓް!!
ޥަހީ
21 March 2022
ކިހިނެއް އެނގެނީ
ޢިބޫ
20 March 2022
ހިޔެއްނުވޭ ތިމައްސަލަ ބެލޭނެހެން، އަޑުތަށް އިވޭ ގޮތުގަ ޕްރިންސެއްގެ ހިމާޔަތުގަޔޯ މީނަހުރީ.
ބާގީ އަފީފް ކިންގް
20 March 2022
ތި މައްސަލަ ބެލޭނެ ޝަރުއީ ނިޒާމެއް މިގައުމަކުނެތް. އަހަރުމެނަށް މާ ޗަރުކޭސް ދައްކާނެ ކަމެއްވެސް ނެތް.