ޚަބަރު / އަހުމަދު މަހުލޫފް، ޔޫތު އެންޑް ސްޕޯޓްސް މިނިސްޓަރު

މަހްލޫފްގެ މައްސަލަ ކްރިމިނަލް ކޯޓުން ބަލަން ހައި ކޯޓުން ހުކުމްކޮށްފި

ތިން ފަނޑިޔާރުންގެ އިއްތިފާގުން ނިންމެވީ ކްރިމިނަލް ކޯޓުގެ ނިންމުން ބާތިލްކޮށް އަލުން މައްސަލަ ބަލަންޖެހޭނެ ކަމަށް

ޔޫތު މިނިސްޓަރު އަހްމަދު މަހްލޫފް ޕްރެން ކޮންފަރެންސެއްގައި: އޭނާގެ މައްޗަށް ކުރާ ރިޝްވަތުގެ ދައުވާ ކްރިމިނަލް ކޯޓުން އަލުން ބަލަން ހައި ކޯޓުން މިއަދު ވަނީ ހުކުމްކޮށްފައި. -- ފޮޓޯ: މިހާރު

ނިއުމަތުﷲ އިދުރީސް، މިހާރު

21 މާޗް 2022 - 14:06

26 comments

ޔޫތު މިނިސްޓަރު އަހުމަދު މަހްލޫފްގެ މައްޗަށް ކުރި ރިޝްވަތުގެ ދައުވާ ކުރިއަށް ނުގެންދެވޭނެ ކަމަށް ކްރިމިނަލް ކޯޓުން ނިންމީ ގޯސްކޮށް ކަމަށާއި މައްސަލަ އަލުން ހުބަލަން ހައި ކޯޓުން ހުކުމް ކޮށްފި އެވެ.

ފަނޑިޔާރު ފާތިމަތު ފަރުހީޒާ އާއި އިސް ފަނޑިޔާރު ހާތިފް ހިލްމީ އަދި ފަނޑިޔާރު އަލީ ސަމީރު ހިމެނިވަޑައިގަންނަވާ ބެންޗަކުން ކުރި ހުކުމުގައި، މި މައްސަލަ މަދަނީ މިންގަނޑުން ބަލާއިރު ކުރިއަށް ނުގެންދެވޭނެ ކަމަށް ކްރިމިނަލް ކޯޓުން ނިންމީ ގޯސްކޮށް ކަމަށް ބުނެފައިވެ އެވެ. މަހްލޫފާ ދެކޮޅަށް ދައުލަތުން ހުށަހަޅާފައިވާ މުހިންމު ހެކިތަކަށް އެއްވެސް ވަރަކަށް ރިއާޔަތްކޮށްފައި ނެތްކަން ވެސް ހުކުމުގައި ފާހަގަކުރި އެވެ.

އެހެންވެ ހުކުމްކުރީ، މަދަނީ މިންގަނޑުން ބަލާއިރު މައްސަލަ ކުރިއަށްގެންދެވޭނެ ތަނެއް ނެތް ކަމަށް ކްރިމިނަލް ކޯޓުން ނިންމި ނިންމުން ބާތިލްކޮށް، މިއީ ކުރިއަށް ގެންދެވޭނެ ދައުވާއެއް ކަމަށެވެ. އަދި މި މައްސަލަ ކްރިމިނަލް ކޯޓުން ބެލުމަށް ވެސް ފަނޑިޔާރުންގެ އަޣުލަބިއްޔަތުން ކުރި ހުކުމުގައިވެ އެވެ.

މަހްލޫފްގެ މައްޗަށް ރިޝްވަތުގެ ދައުވާކުރީ އޭނާ ރައްޔިތުންގެ މަޖިލީހުގެ މެމްބަރަކަށް ހުންނެވިއިރު އެސްއީޒެޑް ބިލަށް ވޯޓުު ދިނުމަށްޓަކައި 33،000 ޑޮލަރު ކުރީގެ ނައިބު ރައީސް އަހުމަދު އަދީބުގެ އަތުން ނެންގެވި ކަމަށް ބުނެ އެވެ. ކްރިމިނަލް ކޯޓުން މިދިޔަ މަހު އެ މައްސަލަ ބޭރުކޮށްލީ މަދަނީ މިންގަނޑުން ބަލާއިރު އެ މައްސަލަ ކުރިއަށް ގެންދެވޭނެ މިންވަރުގެ ހެކި ނެތް ކަމަށް ބުނެ އެވެ.

BREAKING: Mahloof ge massala Court inn beyrukollaifi

The most trusted news source in the Maldives

Mihaaru

މަހްލޫފްގެ މައްސަލަ ނުބެލޭނެ ކަމަށް ކްރިމިނަލް ކޯޓުން ކުރި ހުކުމުގެ ޚަބަރު

ކްރިމިނަލް ކޯޓުން މައްސަލަ ބެއްލެވި ގާޒީ މުހައްމަދު މިސްބާހު ވިދާޅުވީ މަހްލޫފަށް 33،000 ޑޮލަރު ލިބުނުކަން ސާބިތު ކުރެވެން އޮތަސް، އެ ފައިސާއަކީ އެސްއީޒެޑް ބިލަށް ވޯޓު ދިނުމުން ރިޝްވަތުގެ ގޮތުގައި ދިން ފައިސާއެއް ކަން ސާބިތުކޮށްދެވޭނެ ކަމަށް ނުފެންނަ ކަމަށެވެ. އެހެންވެ، ޝަރީއަތުގެ މަރުހަލާ ކުރިއަށް ގެންގޮސް ހެކިބަސް ނެގިޔަސް އެ ދައުވާ ސާބިތު ކުރެވޭނެ ކަމަށް ނުފެންނާތީ އެ ދައުވާ ކުރިއަށް ނުގެންދަން ނިންމައި، ދައުވާ ބާތިލްކުރީ އެވެ.

އެ މައްސަލަ ކުރިއަށް ގެންދަންޖެހޭ މިންވަރުގެ ހެއްކެއް ނެތް ކަމަށް ނިންމުމުގައި އެންމެ ބޮޑަށް ގާޒީ ފާހަގަ ކުރެއްވީ އެއީ ރިޝްވަތުގެ ފައިސާ ކަން ސާބިތު ކުރަން ދައުލަތުން ހުށަހެޅި ކުރީގެ ނައިބު ރައީސް އަހުމަދު އަދީބުގެ ބަޔާނާ ގުޅޭ މައްސަލަ އެވެ. އޭނާއަކީ ކުށް ސާބިތުވެ، ހުކުމް ތަންފީޒުކުރާ މީހަކަށް ވާތީ އޭނާގެ ހެކިބަސް ބަލައިނުގަނެވޭނެ ކަމަށް މަހްލޫފްގެ ފަރާތުން ބުނެފައިވެ އެވެ.

ކްރިމިނަލް ކޯޓް ހައި ކޯޓް އަހުމަދު މަހުލޫފް، ޔޫތު އެންޑް ސްޕޯޓްސް މިނިސްޓަރު އެމްއެމްޕީއާރްސީގެ ކޮރަޕްޝަން

26 ކޮމެންޓް, 22 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފިނިހަކަ

22 March 2022

ތިރީސް މިލިއަނުން ފަސް މިލިއަނަށް ކުޑަވެފަ ތިއޮތީ.. ޔާމީނާ ދެކޮޅުވެއްޖިއްޔާރައްޔިތުންނަށް ބަލަދު އަރާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަޒް

22 March 2022

މައްސަލަ ބެލޭނެ ނުބެލޭނެ ބެލޭނެ ނުބެލޭނެ މިހެން ކިޔާ ފަސް އަހަރު މަހުލޫފު މިނިސްޓަރުކަމުގައި ބަހައްޓާނެ.. ބަލަ ސޯލިހޫ މަހުލޫފު ނޫން މީހަކު ނެތީތަ؟ ނަގާ ހޫރާލަބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޯޒާނާ

22 March 2022

މިއީ އެމެންގެ އިންތިހާބައް ކުޅޭ ޑުރާމާއެއްހެން މިހާރު ބޮޑައް ވައްތަރީ މިހާރުކެންޕޭން ޖަގަހަތައް ހުޅުވޭތީ ފެނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާރީ

22 March 2022

މަހުލޫފް ވަކިވާތަން ދުށުމަކީ މަގޭ ހުވަފެނެއް. ސަބަބަކީ މަހުލޫފް ފާޅުކަން ބޮނޑް ގޮތެއްގަ ނިއުުރޭޑިޔަންޓް ގެ ދަރަނި ތައް އަދާނުކުރެވޭނޭ ކިޔާ އެތައްހާސް ސަފޯޓަރުން ގެ ހިތް ކުދިކުދި ކޮށްލާފަ. 30 މިލިޔަން އެއްމެ 2 ގަޑިއިރަށް ހަރަދުކުރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޡީރު

21 March 2022

ކޮބާތޯ ޒީރޯ ޓޮލަރެންސް؟ ޢަދިވެސް މި ބޭފުޅާ ވަޒީރުކަމުން ވަކިކުރާކަށް ނުވޭތޯ؟ މި ވަޒީރު ހުކުމްކޮށްފަ ޖަލަށް ލިޔަސް ރައީސްމީހާ އުސޫލު ބަދަލުކޮށްފަ މަގާމުގަ ބަހައްޓާނެ ކަންނޭގެ! ކުރީސަރުކާރުން 1 ބިއަން އަށް ހިޔާނަތްވީ ކަމަށް ބުނަނީ. މި ސަރުކާރުން ދައުލަތުގެ ހަޒާނާއިން މިހާރުވެސް 1 ބިލިއަނަށްވުރެ ގިނަ ފައިސާ އިސްރާފުކޮށްފި. ޔާމީން ގެނައިފަދަ ތަރައްގީއެއް ނުގެނެވުނު. 1 ފުޅެޓުވެސް ނޭޅުނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަކުންބެ

21 March 2022

ފިޔަވަޅުި އަޅަންޖެހޭ ވަގުތު ފިޔަވަޅު އެޅުނު ނަމަ އިހަކަށް ދުވަހު ވޭސްޓްކޮށްލި 30 މިލިއަން ރުފިޔާ ޓެކްސްޕޭޔަރ އަށް ސަލާމަތްކުރެވުން ގާތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

21 March 2022

ކޮންމެ ވެސް އެއ ގާޒީ އެއް ގޯސް ހަދައިފި އެވެ. އެ ގާޒީގެ މައްސަލަ ބެލެން ޖެހެ އެވެ. މައްސަލަ ތައް ކޯޓަށް ފޮނުވަނީ ވަކި ބަޔަކަށް ޓާގެޓް ކޮށް ހެން ހީވެ އެވެ. މިއުޅެނީ ޔާމީން މަހްލޫފް އަދި އުމަރުގެ މައްސަލަ އެވެ. އެމްއެމްޕީއާރުސީގެ ހުރިހާ މީހުންގެ މައްސަލަ ކުރިއަށް ނުދެ އެވެ. އެފްޕީއިޑީ ، މިފްކޯ އަދި އެއަރމޯލްޑިވްސް ގެ މައްސަލަ އަށް ވެސް ބައި ގަރުނު ވަނީ އެވެ. ކުރިއަކަށް ނުދެ އެވެ. މިލިއަނުން ބިލިއަނުން ވީމަ ކުރިއަށް ނުދަނީ އެވެ. ހާޙުން ވީމަ ބާރަށެ.