29 މާޗް 2022 - 19:04
13 comments
މިދިޔަ އަހަރުގެ އޮކްޓޫބަރު މަހު ސަރުކާރުން ރިސޯޓު ހަދަން ހުޅުވައިލި ރަށްތަކަށް ބޮޑެތި އަގުތަކެއް ހުށަހަޅާފައިވާ ކަމަށް ޓޫރިޒަމް މިނިސްޓްރީން މިއަދު ބުނެފި އެވެ.
އެ މިނިސްޓްރީން ބުނީ ޓޫރިޒަމްގެ ބޭނުމަށް ކުއްޔަށް ދިނުމަށް ހުޅުވައިލި ރަށްތަކުގެ ތެރެއިން އެކުއިޒިޝަން ކޮސްޓްގެ ގޮތުގައި ހުށަހަޅާފައިވާ އަގުތައް، މިނިސްޓްރީން ކަނޑައަޅާފައިވާ އެންމެ ދަށް އަގަށް ވުރެ އެވްރެޖުކޮށް 250 ޕަސެންޓް ބޮޑު ކަމަށެވެ.
އެކުއިޒިޝަން ކޮސްޓްގެ ގޮތުގައި ހުށަހަޅާފައިވާ އެންމެ ބޮޑު އަގަކީ އެ ރަށަކަށް ކަނޑައަޅާފައިވާ އެންމެ ކުޑަ އަގަށް ވުރެ 929 ޕަސެންޓް ބޮޑު އަދަދެއް ކަމަށް ޓޫރިޒަމް މިނިސްޓްރީން ބުނެ އެވެ.
"މިހާރު" އަށް އެނގިފައިވާ ގޮތުގައި އެންމެ ބޮޑު އެކުއިޒިޝަން ކޮސްޓެއް ހުށަހެޅީ ފ. އަތޮޅުގެ ރަށަކަށެވެ.
އެ އަތޮޅުން ރިސޯޓު ހަދަން ދޫކުރަން އިއުލާނު ކޮށްފައި ވަނީ އެނބުލުފުއްޓާއި ޖިންނަތުގައު އެވެ. މި ދެ ރަށުގެ ވެސް އެކުއިޒިޝަން ކޮސްޓެއްގެ ގޮތުގައި ޓޫރިޒަމް މިނިސްޓްރީން ކަނޑައަޅާފައި ވަނީ 350،000 ޑޮލަރެވެ. މީގެ 929 ޕަސެންޓަކީ ގާތްގަނޑަކަށް 3.3 މިލިއަން ޑޮލަރެވެ. އެހެންވެ، މިއީ ރިސޯޓު ގަންނަން ޓޫރިޒަމް މިނިސްޓްރީ އަށް ހުށަހަޅާފައިވާ އެންމެ ބޮޑު އަގެވެ.
މި ރަށްތަކަށް ބީލަން ހުށަހެޅުން ކުރިއަށް ގެންދިޔައީ މިމަހުގެ 22 އާއި 23 ގަ އެވެ. ބީލަން ކާމިޔާބުކުރި ފަރާތްތަކަށް ރަށްތައް އަންނަ މަހު އެވޯޑް ކުރަން ވަނީ ނިންމައިފަ އެވެ.
ޓޫރިޒަމް މިނިސްޓްރީން ވަނީ 10 އަތޮޅަކުން 21 ރަށެއް ރިސޯޓު ތަރައްގީ ކުރަން ހުޅުވާލައިފަ އެވެ. މުއްދަތު ހަމަވިއިރު އެ ރަށްތަަކަށް 29 ބީލަން ފޮތް ގަނެފައިވާއިރު 13 ފަރާތަކުން ވަނީ ތަފާތު 9 ރަށަކަށް 18 ބީލަން ހުށަހަޅައިފަ އެވެ. އޭގެ ތެރޭގައި ހިމެނެނީ ހއ. އަތޮޅުގެ ދެ ރަށަކަށް ހުށަހެޅި ތިން ބީލަމަކާއި މ. އަތޮޅުގެ ރަށަކަށް ހުށަހެޅި ދެ ބީލމާއި ފ. އަތޮޅުގެ ދެ ރަށަކަށް އަށް ބީލަމަކާއި ތ. އަތޮޅުގެ ރަށަކަށް ހުށަހެޅި އެއް ބީލަމެއް އަދި ގއ. އަތޮޅުގެ ރަށަކަށް ހުށަހެޅި އެއް ބީލަމާއި ގދ. އަތޮޅުގެ ދެ ރަށަށް ހުށަހެޅި ތިން ބީލަމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަބްރާ
30 March 2022
ކީއްވެތަ ސަރުކާރުން ރިސޯޓު ނެހެދެންވީ؟
ބާޒްކާރު
30 March 2022
ބަޔެއްގެ މުއްސަދިކަން ގެއްލިދާނެތީ
ސަބްރާ
30 March 2022
@ބާޒްކަރު: އާން. ތިޔައީ ހަގީގަތަކީ. ދުނިޔޭގެ އެންމެ ބޮޑު އެއް ޓުއަރިޒަމް މީ. އެކަމަކުވެސް އަދިވެސް ދިވެހިރާއްޖޭގެ ޓުއަރިޒަމްގެ ކޮންޓްރޯލް އޮތީ މަދު މަހުޖަނަކާ، ހުސް ބޭރު މީހުންގެ އަތުގައި.
ބޭކާރު
30 March 2022
ސަރުކާރުން ރިސޯޓް ހަދަން ހެދި ކުންފުނި އެމްޓީޑީސީން މިހާތަނަށް ދައުލަތައް ދިނީ ގެއްލުން އެންމެ ރިސޯޓެއްވެސް ނުހެދޭ ނަސީބެއް އިތުރަށް އެކަންކުރަން ނުވިސްނާކަން
އަދަބީ ބަސް
30 March 2022
އެމްއެމްޕީއާރުސީގެ ލާރިގަނޑުގެ ބޭނުން ހިފައި ފައިސާތައް ސާފު ހުދު ކަފަކޮޅަކަށް ހަދައިލަނީ ލޯމައްޗަށް ބޭރު މީހަކު ދައްކާފަ މިއީ އިންވެސްޓަރޭ ކިޔާފަ.
ސިމްޕަލް
29 March 2022
ތިރަށްތައް ލިބުނު ފަރާތްތަކުން، ކޯވިޑާ ހެދި ރަށް ތަރައްގީ ނުކުރެވިއޭ ކިޔާ 10 އަހަރު ވަންދެން ތަރިކަ މުދާ ގޮތަށް ބާއްވައިގެން، ވެރިކަން ބަދަލުވާ ކޮންމެ ފަހަރަކު، ކޮންމެވެސް އުޒުރެއް ދައްކައިގެން ނުތިބެ ރަށުން ދައުލަތަށް އާމްދަނީ ލިބޭގޮތެއް ހަދާ ދިވެހި ރައްޔަތުންނަށް ވަޒީފާ ލިބޭނެގޮތެއް އަވަހަށް ހަދާ ދީ.
އިދުރީސްބެ
29 March 2022
ތިވަރުން ދެން ތި ނުވިއްކާ. ވެލާ އަރަން ތި ރަށް ތައް ބެހެއްޓިޔަސް މާ ރަނގަޅުވާނެ
އޮނަރަބްލް އަފީފު ދީދީ
29 March 2022
ތިގޮތަށް ތިކަން ކުރުމުގެ ބަދަލުގައި ރަށްތަކުން އިކްއިޒިޝަން ކޮސްޓެއް ނެގުމެއްނެތި ތ.އަތޮޅުން 4 ރަށް ލާމް އަތޮޅުން 4 އަދި ހުވަދޫ އަތޮޅު (އުތުރާއި ދެކުނުން) 10 ރަށް އެއްފަހަރާ ދޫކޮށް މިދެންނެވި ރަށްތައް އެންމެ ކުރު މުއްދަތަކަށް ހަދާ ހުޅުވާނެ ބަޔަކަށް ކުރިއަށް އޮތް 10 އަހަރު ދުވަހަށް ކުލިދައްކާން ނުޖެހޭ ގޮތަށް 50 އަހަރުގެ މުއްދަތަށް ކުއްޔަށްދޭން ހުޅުވާލަންވީ ނޫންތޯ. މިފަދަ ލުއިގޮތްތަކެއް ދީގެން ނޫންގޮތަކަށް ދެކުނަށް ޓްއަރިޒަމް ގެންދަން އުދަގޫވެދާނެ.
ތަރިކަ
29 March 2022
200 އަހަރަށް ހިލޭ ދޭންވީނު
ހަސަން ކުރުސީ
29 March 2022
ދެންވެސް ކުރީފަހަރު ގޮތަށް އެކި އިންވެސްޓަރުންނަށް އެކި އުޒުރު ދައްކާފަ ބިޑްތައް ކެންސަލްކޮށްލާ. ޢެފަހަރު ކަމުދާ ބިޑެއް ހުށަހެޅި ކަމަށްވަނީ އިއްޒަތްތެރި މެންބަރެއް އެކަނި. ބާކީ ހުރިހާ ބިޑެއް ކެންސަލް. ޔަޤީންވާކަމަކީ މިސަރުކާރުގެ 5 އަހަރު ނިމޭއިރު ރައީސް ޞޯލިހް ގެ ވެރިކަމުގައި އެވޯޑްކޮށް ހުޅުވި ރިސޯޓެއް ނޯންނާނެކަން.
އޮނަރަބްލް އަފީފު ދީދީ
29 March 2022
މާލޭގެ ތޮއްޖެހުން ކުޑަކުރުމަށާއި ރާއްޖޭގެ ދެކުނުގެ އަތޮޅުތަކުގެ ދިރިއުޅުމުގެ ހާލަތު ބަދަލު ކުރުމަށްޓަކާ ކޮޅުމަޑުލުން ހުވަދޫ އަތޮޅަށް "ޖީއެސްޓީ ފްރީ ޒޯނެއްގެ ގޮތަށް" ނުވަތަ ރަށުގެ ކުލި 2030 ހާއި ހަމައަށް ދައްކާން ނުޖެހޭގޮތަށް ކަޑައަޅާކަށް ނުވޭތޯ. # އެކަމަކު މިގޮތަށްދޫކުރާ ރަށްރަށަކީ 2023 ގެކުރިން ރަށާއި ޙަވާލުވެ އަދި ރަށް ޙަވާލުކުރާ ދުވަހުންފެށިގެން 4 އަހަރު ދުވަސްތެރޭ އެއްބަސްވުމާއިއެއްގޮތަށް މަސައްކަތްނިންމާ ހުޅުވަންޖެހޭ ރަށްތަކަކަށް ވާންޖެހޭނެ.
ކޮރަޕްޝަންް
29 March 2022
ހުރިހާ ރަށެއްގެ މައްޗަށް އެވަރުންވެސް ލިބުނީ އެންމެ 200 މިލިއަން ރުފިޔާ؟؟ ހާދަ ދެކޮޅުނިޖެހޭ ވާހަކައެއް... މިފަހަރު ކާކުބާ ލާރި ކެއީ؟
ޙާމިދު ކަރުޒާއީ.
29 March 2022
ކަލޯ މިދުވަސް ވަރު ބަލަންވީ ރަސްތަކަށް ލިބޭ ލާރިއަށްވުރެން ބޮޑަށް އިންވެސްޓަރުންނަށް ހިލޭ ދީގެންވެސް ތިޔަ ރަށްތައް ތަރައްޤީކޮށް މާކެޓަށް ގެނެވޭތޯ. ްައުމަށް ލިބޭނެ ފައިދާއަކީ ރަށުން އުފެދޭ ވަޒީފާ ތަކާއި ވިޔަފާރިން ލިބޭ ޓެކްސް. އެވަރު މަދެއްނޫން.