ސްޓޭޓް މިނިސްޓަރު ސޯލިހް: އޭނާގެ މައްޗަށް ކުރި ދައުވާ ސާބިތުނުވާ ކަމަށް ވަނީ ހުކުމް ކޮށްފައި --- ފޮޓޯ/މިހާރު
30 މާޗް 2022 - 15:49
15 comments
ޓޫރިޒަމް މިނިސްޓްރީގެ ސްޓޭޓް މިނިސްޓަރު އަހުމަދު ސޯލިހުގެ މައްޗަށް ކުރި ރަސްމީ ހައިސިއްޔަތު ނަހަމަ ގޮތުގައި ބޭނުންކުރުމުގެ ދައުވާ ސާބިތުނުވާ ކަމަށް ކްރިމިނަލް ކޯޓުން މިއަދު ހުކުމްކޮށްފި އެވެ.
ސޯލިހު މައްޗަށް ދައުލަތުން ދައުވާކުރީ އެމްއެމްޕީއާރުސީގެ ޚިޔާނާތާ ގުޅިގެން ރިޔާސީ ކޮމިޝަނުން ތަހުގީގުކުރި މައްސަލަތަކަކާ ގުޅިގެންނެވެ. އެއީ އޭގެ ތެރެއިން ބައެއް ރަށްތަކުގެ ހެޑް ލީސް ބަދަލު ނުކުރަން އަންގާފައި ވަނިކޮށް، އެ ރަށްތަކާ ގުޅިގެން ތަހުގީގެއް ހިނގަމުން ނުދާ ކަމަށް ބުނެ ބައެއް ފަރާތްތަކަށް ސޯލިހު ސިޓީ ފޮނުއްވި ކަމަށް ބުނެ އެވެ.
ކްރިމިނަލް ކޯޓުން ކުރި ހުކުމުގައި ވަނީ ދައުލަތުން ހުށަހެޅި ހެކިތަކުން ގާނޫނުއަސާސީގެ 51 ވަނަ މާއްދާގައި ބުނާ އެކަށީގެންވާ ޝައްކެއް ނެތް މިންގަނޑުން ކުށް ސާބިތުވާ ވަރުގެ ހެކި ލިބިފައި ނެތް ކަމަށެވެ.
އެ މައްސަލައިގައި ދައުލަތުން ހުށަހެޅި ހެކިން ވެސް ހެކިބަސް ދީފައިވަނީ ސޯލިހު ފޮނުއްވި ސިޓީތަކުގައި ވެސް، ރަށްތަކުގެ ލީސް ބަދަލުކުރުމާ ގުޅޭ ކަމެއް ނެތް ކަމަށެވެ. އަދި ރިޔާސީ ކޮމިޝަންގެ ނިންމުމާ ގުޅިގެން ރަށްތަކުގެ ލީސް ބަދަލު ކުރުން މަޑުޖައްސާލަން އޭރުގެ ޓޫރިޒަމް މިނިސްޓަރު އަލީ ވަހީދު ފުރަތަމަ އެންގެވިޔަސް، ފަހުން އެ ނިންމުން ބާތިލްކުރި ކަމަށް ހެކިން ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރޯޒަސް
31 March 2022
10 މިލިއަން ރުފިޔާ ޚަރަދު ކޮށްގެން ދައުވާ ކުރެވުނީ ޓޫރިޒަމް މިނިސްޓްރީގައި ސިޓީތަކުގައި ސޮއިކުރަން ހުންނަ މީހާއަށް. އެއީވެސް އެމްއެމްއާރޕީސީން ވައްކަން ކޮށްގެނެއް ނޫން. ތަހުގީގު ހިނގަމުން ދިޔައިރު ރިސޯޓް ތަރައްގީކުރަން ބޭންކު ލޯން ހޯދަން ބޭނުންވާ ސިޓީއެއް ދީގެން. 10 މިލިއަނަށް ކޮމިޝަންގެ ރައީސް އަސްއަދުގެ އިގޯދަމަހައްޓަން ބޭނުންވާ އެއް ދައުވާ ކުރެވިއްޖެތާ!!!
އަބްޑޫޅް
31 March 2022
މީނަ އަކީ ކިރުދޫންޏެއް ފަދަ ރަގަޅު މީހެއް. ހަގީގީ ވަގުން ދޫކޮށްފަ ތިބޭ އިރު، މީނަ ފަހަތުން ދުވީ ކީއްވެގެން؟
ޝަމީމްމް
01 April 2022
ޕްރޮސިކިއުޓަރު ޖެނެރަލް ގުޅައިގެން ފޯނު ނުނަގާތީކަމަށް އަޑުއެހިން.
ނަމޫނާ
31 March 2022
ދައުވާ ކުރާ ފަރާތުން ހުށަހެޅި ހެކީންވެސް އެބުނީ ޑރ.ސޯލިހު ނާޖާއިޒު ފައިދާ ވަކިބަޔަކަށް ހޯދަން މަސައްކަތް ނުކުރާ ކަމަށް. އެސެޓު ރިކަވާކުރަން ދައުވާކުރާނެ ފަރާތެއް ނުހޯދުނުކަމީ ތިއެސެޓް ރިކަވަރީގެ ބޮޑު ފެއިލް. ޓޫރިޒަމް މިނިސްޓްރީގެ މަތީގައި އުޅުނު އަދި އުޅޭ ގިނަ މީހުން އަމިއްލަ ވިޔަފާރި ކުރާއިރު ޑރ. ސޯލިހު ޓޫރިޒަމްގެ ޚިދުމަތުގައި އެކިއެކި ސަރުކާރުގެ ދަށުން އުޅުއްވި އަދި އުޅުއްވާކަމީ ލާމަސީލު އިބުރަތުން ފުރިފައިވާ ނަމޫނާއެކެވެ.
ކުރިން އިވޭ އަޑު
31 March 2022
ޞާލިޙަށް ކުރާ ދައުވާތަށް ހުއްޓާލާ ގާސިމް ދޫކޮށްލާ
ސޭކުބެ
31 March 2022
އަޅުގަޑު އަބަދާ އަބަދު މިދައްކަނީ ތިވާހަކަ. ޓްއަރިޒަމް މިނިސްޓްރީއާ އެކު މުޢާމަލާތު ކުރާތާ 30 އަހަރަށްވުރެ މަދެއްނުވާނެ. އެތަނުން އަޅުގަޑު ނުދެކެން އެފަދަ ނަޒާހަތްތެރި ވަފާތެރި ޤާބިލުބޭފުޅެއް. އެފަދަ ބޭފުޅެއްގެ ބޮލުގަ ބަދުނާމު އަޅުވާ އަގުވައްޓާލީމާ އެދެވެނީ މުޅިޤައުމަށްވެސް ވަރަށްބޮޑު ދެރައެއް. ވަރަށް އުފާވެއްޖެ ސޯލިހް ސަލާމަތްވީތީ.
ސައްކެޔޮ
31 March 2022
އުންސުރު ފަންސުރު ހަމަވަންޏާ ދައުވާކުރުން ރަނގަޅު. ޕްރޮސެކިއުޓަރ ޖެނެރަލުގެ ދައުރަކީ މީހުނަށް ދައުވާކޮށް ހަމައެކަނި ކުށްވެރިކުރެވުމެއްނޫން. ނަމަވެސް ދައުވާކޮށް، ޙައްޤަށް ވާސިލުވާން މަސައްކަތްކުރުން. ނުހައްޤުން މީހަކަށް އަނިޔާއެއް ނުދިނުން.އަދި ކުށްވެރިވާ ހާލުގައި ކުށަށް އެކަށީގެންވާ އަދަބެއް ދިނުމަށް މަގުފަހިކޮށްދިނުން.ވީމާ މި ދައުވާއަކީވެސް އެގޮތުން ޕުރޮސެކިއުޓަރު ޖެނެރަލަށް ލިބުނު ކުރިއެރުމެއްކަމަށް ފެންނަނީ. ވަރަށް ތަހުނިޔާ ހަމަ ދެފަރާތަށްވެސް
ބޮޑުމީހާ
31 March 2022
މިގައުމުގައި ސާބިތުކަމާއިއެކު މީހާކު ހުރިއްޔާ އެމީހަކަށް ކޮންމެވެސް ނޮހޮރޮއްޕާނެއް ކުރާނެ. އަދީބު އެހުންނަނީ ބަޖެޓް ދަވާލައިގެން ފިނިފެންމާ ކްލާހުގަ. އަދި ކޮރަޕްޝަން ހިންގައިގެން ތިބި އެތައް ބަޔަކު އެ އުޅެނީ މިނިވަންކަމާއިއެކު
ސީދި
31 March 2022
ވައި އާ ވީ ވޭސްޓިންގް ޓައިމް؟ ތާކުން ތާކު ނުޖެހޭ ކަންކަމާ މިހެން ދައުވާކުރަތީ ޕޮރްސަކިއުާޓާގެ އިތުބާރެއްނެއް.
މުހައްމަދު.
30 March 2022
ރައްޔިތުންގެ ޓެކްސް ފައިސާއިން މުސާރަ ނަގައިގެން ޕްރޮސެކިއުޓަރު މަސައްކަތްކުރަން ވާނީ ޒިއްމާދާރުކަމާއެކު.
ޙުސައިންބެ
30 March 2022
އުފާވެރި ހަބަރެއް .. ހަގައް ނަސްރު ލިބިއްޖެ