އިންޑިއާގައި ބްރިޖެއް ވަގަށް ނަގައިފި

އިންޑިއާގެ ބިހާރު ސްޓޭޓުން ބްރިޖް ވަގަށް ގެންދިޔައީ ރޯމާ ދުވާލު. --ފޮޓޯ:ޕްރާގުނިއުސް

ހަސަން އާމިރު، މިހާރު

10 އެޕްރީލް 2022 - 13:13

ބިހާރު (އެޕްރީލް 10) - އިންޑިއާގެ އިރުމަތީ ސަރަހައްދެއްގައި ދަގަނޑުން ހަދާފައިވާ 60 ފޫޓުގެ ދިގު ބްރިޖެއް ވަގުން ގްރޫޕަކުން ރޯމާ ދުވާލު ވަގަށް ނަގައިފި އެވެ.

ފުލުހުން ބުނީ 500 ޓަނުގެ ދަގަނޑު ހިމެނޭ އެ ބްރިޖް ވަގަށް ނަގާފައިވަނީ އިރިގޭޝަން އޮފިޝަލުން ކަމަށް ހެދިގެން އުޅުނު ބައެއް ކަަމށެވެ.

ބްރިޖް ވަގަށް ނެގިކަން ރިޕޯޓްކޮށްފައި ވަނީ އިންޑިއާގެ އެންމެ ފަގީރު އެއް ސްޓޭޓް ކަމަށްވާ ބިހާރުންނެވެ.

ފުލުހުންގެ އޮފިސަރު ސުބާޝް ކުމާރު ވިދާޅުވީ ވަގުން ބްރިޖަށް ދިޔައީ ސަރުކާރުގެ އިރިގޭޝަން އޮފިޝަލުން ކަމަށް ހެދިގެން ކަމަށެވެ. އޭނާ ވިދާޅުވީ ވަގުން ދިޔައީ ބުލްޑޯޒަރާއި ގޭސް ކަޓަރު ވެސް ހިފައިގެން ކަމަށެވެ. ދެ ދުވަސްތެރޭ ބްރިޖުގެ ބައިތައް ވަކިކުރުމަށް ފަހު ހެވީ ވެހިކަލްތަކުގައި އެ ތަކެތި ހިފައިގެން ފިލާފައިވާ ކަމަށް ކުމާރު ވިދާޅުވި އެވެ.

ވަގަށް ގެންގޮސްފައި ވަނީ ކެނަލްއެއްގެ މަތިން ދަތުރުކުރުމަށް ހަދާފައިވާ 50 އަހަރުވީ ބްރިޖެކެވެ. އެކަމަކު މީގެ ފަސް އަހަރު ކުރިން ވަނީ އެ ބްރިޖާ ކައިރިން އެހެން ބްރިޖެއް ހުޅުވައިފަ އެވެ. އާ ބްރިޖް ހުޅުވި ފަހުން ކުރީގެ ބްރިޖުން ވަނީ ދަގަނޑު ނައްޓައިގެން ވައްކަން ކުރަން ފަށައިފަ އެވެ.

ފުލުހުން ބުނީ ބްރިޖު ވަގަށް ނެގި މައްސަލައިގެ ތަހުގީގު ފަށާފައިވާ ކަމަށެވެ. ނަމަވެސް އަދި މިހާތަނަށް އެއްވެސް މީހަކު ހައްޔަރުކޮށްފައެއް ނުވެ އެވެ.

އިންޑިއާ ވައްކަމާއި ފޭރުން

8 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ީއިސްކުރުބެ

13 April 2022

ކަލޯ ބަލާނެ ކަމެއްވެސްނެތް ތިބުރިޖް ލަހެއްނުވެ މާލެ ވިލިމާލެ ސަރަޙައްދުގައި ރާވަން ފައްޓާނެ އޭކީ ޝައްކެއް އޮތް ކަމެއްނޫން. ޢެވަރު ބަޔަކަށް ބުރިޖް އަޅަންދީގެން ތިއުޅެނީ.