ފުވައްމުލަކުގައި ސަފާރީތަކުން ދެ އަގެއް ނަގަން ކަނޑައަޅައި، ފީ ކުޑަކޮށްދީފި

ފުވައްމުލަކު ބޭރުގައި އޮތް ސަފާރީއެއް: އެ ރަށުގެ ބަނދަރަށް ވަންނަ ސަފާރީތަކުން ނަގާ ފީ ކުޑަކުރަން ވަނީ ނިންމައިފައި -- ފޮޓޯ: އައްމާދު

އިފްރާޒް އަލީ، މިހާރު

11 އެޕްރީލް 2022 - 14:02

15 comments

ފުވައްމުލަކުގައި ސަފާރީތަކުން ނަގާ ފީ 500 ޑޮލަރު (7،710ރ.) އަށް ބޮޑުކުރުމުން، ސަފާރީ ދުއްވާ ފަރާތްތަކުން ކަންބޮޑުވުން ފާޅުކުރަމުން ދާތީ، މިއަދު އަގުތައް ކުޑަކޮށްދީފި އެވެ.

ސިޓީ ކައުންސިލްގެ މެމްބަރަކު "މިހާރު" އަށް ވިދާޅުވީ، ސަފާރީތަކުން ނަގާ ފީ މުރާޖައާ ކުރުމާ މެދު ގޮތެއް ނިންމުމަށް ހެނދުނު ބޭއްވި މަޝްވަރާ ބައްދަލުވުމުގައި، ތަފާތު ދެ އަގެއް ނަގަން މިހާރު ނިންމާފައިވާ ކަމަށެވެ.

ސަފާރީތަކަށް ކަނޑައެޅި އަގުތައް:

- 100 ފޫޓަށް ވުރެ ކުޑަ ސަފާރީތަކުން ދުވާލަކަށް 150 ޑޮލަރު (2،313ރ.)

- 100 ފޫޓަށް ވުރެ ދިގު ސަފާރީތަކުން ދުވާލަކަށް 200 ޑޮލަރު (3،084ރ.)

އެ އަގުތަކަށް ފީ ދައްކަން ޖެހޭނީ މި މަހު 21 އިން ފެށިގެން ކަމަށް ކައުންސިލުން ބުންޏެވެ.

Kanboduvunthakaa gulhigen, Fuvahmulaku gai safari thakun nagaa fee muraajaa kuranee

The most trusted news source in the Maldives

Mihaaru

އަގުތައް މުރާޖައާ ކުރީ، ފުވައްމުލަކުގައި ސަފާރީތަކުން ނަގާ ފީ ބޮޑުކުރުމާ ގުޅިގެން ނޭޝަނަލް ބޯޓިން އެސޯސިއޭޝަން އޮފް މޯލްޑިވްސް (އެންބީއޭއެމް) އިން މިއަދު ކަންބޮޑުވުން ފާޅުކޮށްފައި ވަނިކޮށެވެ. އެ އެސޯސިއޭޝަނުން ސިފަކުރި ގޮތުގައި، ހަމައެކަނި ސަފާރީތަކުން ބޮޑު ފީ ނަގަން ނިންމުމަކީ ތަފާތުކުރުމެވެ.

ފުވައްމުލަކުގެ ބަނދަރަށް ވަންނަ ސަފާރީތަކުން ނަގާ ފީ 50 ޑޮލަރުން 500 ޑޮލަރަށް ބޮޑުކުރަން، ޖެނުއަރީ 12 ގައި ބޭއްވި އެ ކައުންސިލްގެ އާންމު ޖަލްސާގައި ނިންމާފައި ވާތީ، މި މަހުން ފެށިގެން އެ ނިންމުމަށް އަމަލުކުރަން ފެށީ އެވެ.

Fuvahmulaku gai safari thakun nagaa fee bodukurumakee thafaathu kurun: Boating Association

The most trusted news source in the Maldives

Mihaaru

ފުވައްމުލަކު ކައުންސިލުން ބުނީ ސަފާރީތަކުން ނަގާ ފީ ބޮޑުކުރަން ނިންމީ އެ ރަށުގެ ބަނދަރަށް ދިމާވެފައިވާ ޖާގައިގެ ދަތިކަމާ ގުޅިގެން އެކަން ހައްލުކުރުމަށް ކުރި މަޝްވަރާތަކުގެ ތެރެއިން ކަމަށެވެ. އެ ނިންމުން ނިންމާފައި ވަނީ ކައުންސިލްގެ ހުރިހާ މެމްބަރުންގެ ތާއީދާ އެކު އެވެ.

ފުވައްމުލަކަކީ ރާއްޖޭގައި އެންމެ ގިނައިން ސަފާރީތައް ބަނދަރުކުރާ ރަށްތަކުގެ ތެރޭގައި ހިމެނޭ ރަށެެކެވެ. އާންމު ގޮތެއްގައި ދުވާލަކު އެ ރަށުގެ ބަނދަރަށް ހައެއްކަ ސަފާރީ ވަދެ އެވެ. ބައެއް ދުވަސްތަކުގައި ބަނދަރުގެ ޖާގަ ފުރުމުން، ރަށާ ކައިރީގައި ކަނޑުމަތީގައި ވެސް ގިނަ ސަފާރީތައް އޮވެ އެވެ.

ފުވައްމުލައް ޓޫރިޒަމް ސަފާރީ ފުވައްމުލަކު ސިޓީ ކައުންސިލް ފުވައްމުލަކު ބަނދަރު ނޭޝަނަލް ބޯޓިން އެސޯސިއޭޝަން

15 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޖޯޖް

12 April 2022

މިހާރު އަގު ތިކުޑަ ކުރި ބަނދަރު ކުއްލިއަކަށް ފުޅާވީތތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

12 April 2022

ދެކުނުގެ ޕޯޓް ތަކުން (އެއަރ އަދި ސީ ޕޯޓް) ނަގާ ޗާރޖެސް ކުޑަކޮށް ހިދުމަތް ރަނގަޅުކޮށް ލުއިފަސޭހަކަމާއިއެކު ކަންކަން ހަމަޖައްސާ އަހަރުމެން މަޝްހޫރުވެފައިވާ ފަދައިން "ބިޒިނަސް އޮރިއަންޓެޑް ކަސްޓަމަރ ފުރެންޑްލީ ބަޔަކަށް" ވަންޖެހޭ. # މުލައް ބަނދަރާއި ގޭންއެއަރޕޯޓުން ޗާރޖް ނެގުމުގެ ބަދަލުގައި ދެވެންއޮތް އެހީތެރިކަމެއް ދީގެންވެސް އަހަރުމެން ބަލަންވީ ބޭރުގެ އެއަރލައިން ތަކާއި ޕެސެންޖަރ ލައިނާއި ޔޮޓްތައް ގެނެސް ދެކުނު އިޤްތިސޯދީ ނާރެހަކަށް ހަދަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިކިލީކުސް

12 April 2022

99 ފޫޓުނަމަ 150 ޑޮލަރު. އެއަށްވުރެ 1 ފޫޓު ބޮޑުނަމަ 200 ޑޮލަރު. މިއީހަަމަޖެހޭ އުސޫލެއް ނޫން. އިލްމީ ބަޔަކުނަމަ ރޫމަށް / އޮކިއުޕެންސީއަށް ޗާޖު ކުރާނީ. ވީމާ ކައުންސިލަރުންގެ ޝަރުތުތަކުގެ ތެރޭގަ ތައުލީމަށް ބަލަން އެބަޖެހޭ ކަންނޭނގެ. ބޮޑު މުސާރަ ދީފައި ތިބޭއިރު ލޭންޑްޔޫސް ޕްލޭންވެސް މިހަދަންޖެހެނީ ބިޑްކޮށްގެން. އިނގިރޭސި ބަހުން އޮތް ލިޔުމެއް ތަރުޖަމާ ކުރަންވެސް ބީލަމަށް މިލަނީ. މިހިސާބަށް ކަންތައް ދިޔާމަ ގާނޫނު ހަދާ މީހުން ލަދު ގަންނަން އެބަޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢޮލް

12 April 2022

ތިޔަކުން ސަލާމަތްވިތާ ހަފްތާއެއްނުވެ އަނެއްކާ މިކަންތައް، ކައުންސިލްމީ ރަށުމީހާ މުއްސަނދި ކުރަން އުޅޭބައެއް ނޫން، ތިހިފައިގެން ކޯޓަށް އެބަޖެހޭ ދާން، އެއްވެސް މީހުން ދިރިއުޅޭ ރަށެއްގެ ފަޅުތެރެޔަށް ސަފާރީ ވެއްދުމަކީ މަނާކަމެއް،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލައިކްލައިކް

11 April 2022

ރާކަނިމަސް ކެވުނީސް ގޮތް ދޫނުކޮށް ހިފެހެއްޓިނަމަ.. މިހާރު ލިބޭ އެތިކޮޅުވެސް ނުލިބުނީސް.. ހިތް އޮންނަނީ އަރާ އާސްމާނުގަ ތިމާމެން ޖޮއޮގްރަފީ ގޮތުން އުފެދިފަ އޮތް ގޮތް ހިތަކަށް ނާރާ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

11 April 2022

ރިސޯޓުން ކޮޓަރިއެއްގައި ނިދާލީމަ އެބަ ނަގާ 500 ޑޮލަރު. އާމްދަނީ ލިބުން ދަތި ރަށެއްގެ ކައުންސިލަށް ލާރިކޮޅެއް ލިބޭނެ ގޮތްވެދާނެތީ ތިމީހުން ހާދަ މޭކަރައޭދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮށިވިސްނުމެއް

12 April 2022

ރިސީޓްގެ ލަގްޒަރީ ޚިދުމަތް ލިބޭ ކިޓަރިއަކާ އަޅާ ނުކިޔޭނެދޯ ފަޅުބޭރުގަ އައިސް މަޑުކޮށްލާ މަޑުކޮށްލުމެއް.. ހުރިހާ ޚިދުމަތެއް ހޯދާނި ސަފާރީން.. ކަލޭމެންގެ ކަރަންޓު ފެން ނުވަތަ އެނޫންވެސް ހިދުމަތެއް ބޭނުންކުރާނަމަ ހިތުމަތަށް ވަކި ޗާޖެއް ނެގިދާނެ.. ވިސްނުމުގެ ކޮށިކަން ތިއިންވެސް އެނގެނީ.. ކިހިނެއް ތިވަރުން ކުރިއަރާނި؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލައިކްލައިކް

12 April 2022

ރަށަކަށް އެއްޗެއްލިބިދާނެތީކީ ނޫން… ސިޔާސީ ނާޤާބިލް ބައެއްގެ ނިންމުމާހެދި ރައްޔިތުންނަށް މިހާރު ލިބޭ އެތިކޮޅުވެސް ނުލިބި ގެއްލިދާނެތީ މިހެން މި ބަވަނީ.. އަގު ހެޔޮ ކިތަށް ބަނދަރު އެބައޮތް އެތަންތަނަށް ދެން މިސްރާބު ޖަހާނި ސަފާރީތަކުން.. ރިޒޯޓުން ލަގްޒަރީ ޚިދުމަތާ ކެއިންބުއިމާ ދީފަނަގާ އަގާ ރަށުބޭރުގަ ބަނދަރުކޮށްލުމަށް ނަގާ ފީ އެއްގޮތްލުރަން ހިފުން ތި ކޮރު ވިސްނުމެއް.. އަޅާވެސް ނުކިޔޭނެ އިނގޭތޯ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮން މަނިކު

11 April 2022

އަދިވެސް ތިޔަ ނިންމުމުގައި މައްސަލަ އެބައުޅޭ. ދެއަގެއް ނަގަންޖެހުމުން ފޫޓުފީތާ ހިފައިގެންގޮސް ސަފާރީގެ މިން އަޅަންޖެހޭ ހިސާބައްވެސް ދާނެ. ހުރިހާ ސަފާރީއަކުން 100ޑ ރަނގަޅު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

11 April 2022

500 ޑޯލަރު ބޮޑެއް ނޫނެވެ. ބޭރުނން އަދި ރާއްޖެ އިންދާ ސަފާރީ ތަކުން ޓޫރިސްޓުން އަތުން އެތައް ގުނަ އެއް ބޮޑު ކޮށް ނަގަ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާލި

11 April 2022

"އެ އެސޯސިއޭޝަނުން ސިފަކުރި ގޮތުގައި، ހަމައެކަނި ސަފާރީތަކުން ބޮޑު ފީ ނަގަން ނިންމުމަކީ ތަފާތުކުރުމެވެ" ދެން ކޯޗަކުން ތަ ނަގަންވީ އެވަރު.، އެރަށު ރައްޔިތުންގެ ބޯޓުތަކުން. ބަލަ ތަމެން ގޭ ފުލޯރ ތަކަށް މީހުން އަތު ކުލި ނަގާއިތު ތަމެން އަމިއްލަ ފްލޯ އިން ވެސް ކުލި ދައްކަމުތަ؟ އެއީ ދޯ ތި ބުނާ ތަފާތު ނުކުރުމަށް ވާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

11 April 2022

ކޮންމެ ކަމެއްގަ މިއޮންނަނީ އަމާޒޭ ލާހުރޭ ސިސްޓަމް.ބޮޑު މަހުޖަނެއްގެ ޔޮޓެއްނަމަ ވިސްނުމުގަ މިހުންނަނީ ތިމާމެން ބޭނުން އަދަދެއް ކްލެެއިމްކުރާ އުސޫލް.އެއްވެސް ކަހަލަ ޕްލޭނެއް ދިރާސާއެއް ނެތި ހަމަ ދެން އަދަދެއް ބުނެލަނީ.ޖޯކް ސިސްޓަމެއް މިގެންގުޅެނީ ކޮންމެ ކަމެއްގަ.ރޯދަ މަހު މިބަސްމަގު ބޭނުންކުރަން ވެސް ބޭނުމެެއް ނޫން.ނަމަވެސް ދެން މިފަހަރު ހަމަ އެއްޗެއް ނުބުނެ ނުހުރެވުނީ.ވ.ވ.ވެދުން (ވެބްސައިޓެއް ހިންގާ އުސޫލުން ރަށެއް ނުހިންގޭނެ) ވ.ވ.ވާހަކަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔޫވޭ

12 April 2022

ބޮޑަށް ބެލެވެނީ ވަކި ވެބްސައިޓެއްގެ ކާމިޔާބީއަށް ހިތް ހަމަ ނުޖެހިފައިވާ ހެން. ރޯދަ ވިޔަސް މިހެން މި ބުނެލީ މިފަހަރު. ހެހެހެ.. އެކަމަކު އެ ފީ ނަގަން ނިންމިއިރު ތަންކޮޅެއް ބޮޑު. 100 އޯކޭ. މިކިޔަނީ ދުވާލަކަށް. ވ ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންބުޅާ

11 April 2022

ފުވައްމުލަކު ސިޓީ ކައުންސިލުން ނިންމި ނިންމުން 24 ގަޑިއެއްހާއިރު ތެރޭ ބަދަލުކުރަންޖެހުނުކަމީ ކަންކަން ކުރުމުގައި ބަލަން ޖެހޭވަރަށް ނުބަލައި ކަންކަން ކުރާކަމުގެ ހެއްކެކެވެ. ތިފަދަ ކަންކަމީ ހަމަ ކައުންސިލަށް ފެންނަ ހާ ގޮަކަށް ނިންމާ ކަންކަމެއް ނޫނެވެ. ކަމާއި ގުޅުން ހުރި ފަރާތްތަކާއި ވާކަކަ ދެކެވި ރަނގަޅު އިލްމީ ދިރާސައެއްގެ އަލީގައި ނިންމަންޖެހޭ ނިންމުންތަކެވެ. ކުރިޔަށް އޮތްތަނުގައި މިފަދަ ނިންމުންތައް ނިންމާއިރު މިކަމަށް ވިސްނާނޭކަމަށް އުންމީދު