ހުޅުމާލޭގެ ދެ ވަނަ ފިޔަވަހީގައި އެކި ކުންފުނިތަކުން އަޅަމުންދާ ފްލެޓްތައް-- ފޮޓޯ: ނިޝާން އަލީ/މިހާރު
12 އެޕްރީލް 2022 - 13:27
91 comments
ހުޅުމާލޭގެ ކަންކަން މެނޭޖްކޮށް ބަލަހައްޓާ، އެޗްޑީސީގެ މުވައްޒަފުންނަށް 629 ހައުސިން ޔުނިޓް ދޫކުރަން ނިންމައިފި އެވެ.
އެ ކުންފުނިން މުވައްޒަފުންނަށް ފޮނުވި އިންޓާނަލް މެމޯއެއްގައި ބުނީ، ވަކި ޝަރުތަކެއް ހަމަވާ މުވައްޒަފުންނަށް މި ބުރުގައި 629 ހައުސިން ޔުނިޓް ދޫކުރަން ނިންމާފައިވާ ކަމަށެވެ.
އެކަމާ ގުޅިގެން ކުންފުނީގެ މެނޭޖިން ޑިރެކްޓަރު ސުހައިލް އަހުމަދު "މިހާރު" އަށް ވިދާޅުވީ، ހިޔާ މަޝްރޫއުގެ ދަށުން އެޗްޑީސީގެ މުވައްޒަފުންނަށް ހާއްސަ ހައުސިން ޔުނިޓްތަކެއް އިމާރާތް ކުރަން ކުރިން ވެސް ފަށާފައިވާ ކަމަށެވެ. މުވައްޒަފުންނަށް އެޕާޓްމަންޓްތައް ދޫކުރާނީ އެ ޔުނިޓްތަކުން ކަމަށް އޭނާ ވިދާޅުވި އެވެ.
ސުހައިލް ވިދާޅުވިގޮތުގައި ކުރީގެ ރައީސް އަބްދުﷲ ޔާމީންގެ ސަރުކާރުން ކުރިން ފަށާފައިވާ އެ މަޝްރޫއު ފައިސާ ނެތިގެން ހުއްޓިފައި އޮތް ނަމަވެސް ފައިސާ ހޯދައިގެން އަލުން މަޝްރޫއު ފެށީ އެވެ.
"އަޅުގަނޑުމެން ހަވާލުވިއިރު ވެސް ފަށާފައިވާ އޮތް މަޝްރޫއެއް އެއީ. އެކަމަކު އޭރު އޮތީ ފައިސާ ނެތިގެން ހުއްޓިފައި. އަޅުގަނޑުމެން ފަހުން މި ކުރި ކަމަކީ ފައިނޭންސް މެނޭޖްކޮށްގެން އަލުން އެ މަސައްކަތް ފެށުން،" ސުހައިލް ވިދާޅުވި އެވެ.
އެޗްޑީސީގެ މެނޭޖިން ޑިރެކްޓަރު ސުހައިލް އަހުމަދު-- ފޮޓޯ: އަހުމަދު އަވްޝަން/ މިހާރު
އޭނާ ވިދާޅުވި ގޮތުގައި، އެޗްޑީސީގެ މުވައްޒަފުންނަށް ހާއްސަ ފްލެޓްތަކެއް ހަދަނީ ސަރުކާރުގެ އެހެން ކުންފުނިތަކުން މިހާރު ވެސް ހުޅުމާލޭގެ ދެވަނަ ފިޔަވަހީގައި ފްލެޓްތައް ހަދާ އުސޫލުން ހަމަ އެ ސަރަހައްދުގަ އެވެ. ނަމަވެސް އެޗްޑީސީގެ އެ އިމާރާތް އަޅަނީ އެހެން ކުންފުނިތަކާ ހިލާފަށް ސަރުކާރުގެ ގެރެންޓީ ނެތި އެވެ.
"އެ ތަނުގެ މައުލޫމާތުތައް ޕަބްލިކަށް އާންމުކުރާ ހިސާބަށް ދިއުމުން އަޅުގަނޑުމެން ތަފުސީލުތައް ހާމަކުރާނަން،" ސުހައިލް ވިދާޅުވި އެވެ.
އެޗްޑީސީން މުވައްޒަފުންނަށް ފޮނުވި އިންޓާނަލް މެމޯގައި ބުނީ، އެ ހައުސިން ޔުނިޓްތަކަށް ކުރިމަތިލެވޭނެ މުވައްޒަފުންގެ ޝަރުތުތައް ވަނީ ހިމަނައިފަ އެވެ.
އޭގެ ތެރޭގައި ހިމެނެނީ އެ ކުންފުނީގައި ވަޒީފާ އަދާކުރާތާ އެއް އަހަރުވެފައިވާ ދާއިމީ ދިވެހި މުވައްޒަފުންނާއި އެއް އަހަރަށް ވުރެ ދިގު ނޯޕޭ ލީވެއްގައި ހުރި މުވައްޒަފަކަށް ނުވުމާއި ކުރިން އެފަދަ ސްކީމަކުން ފްލެޓް ލިބިފައިވާ ނަމަ، އެ ތަން ދޫކޮޮށްލަން އެއްބަސްވުމާއި ވަޒީފާގެ އިންޒާރު ލިޔުމުން ލިބިފައިވާ މުވައްޒަފެއް ނަމަ، އެ އިންޒާރަށް ތިން އަހަރު ވެފައިވުން އަދި އެ ކުންފުނީގެ 12 ރެޒިޑެންސް ޕްރޮޖެކްޓުން ފްލެޓް ލިބިފައިވާ މުވައްޒަފަކަށް ނުވުމުންނެވެ.
ތިން ޓަވަރެއްގައި އަޅާ އެ ޔުނިޓްތަކުގެ ސައިޒު އުޅެނީ އެކި ވަރުގަ އެވެ.
މުވައްޒަފުންނަށް ދޫކުރާ ސްޓޭންޑަޑް ޔުނިޓްތަކުގެ ތެރޭގައި އެއް ކޮޓަރީގެ ޔުނިޓްތަކާއި ހަތަރު ކޮޓަރީގެ ޔުނިޓްތައް ހިމެނެ އެވެ. އެތަނުގެ އެންމެ ކުދި ޔުނިޓްތަކުގައި ވެސް 525.28 އަކަފޫޓް ހުރެ އެވެ. އަދި އެންމެ ބޮޑެތި ޔުނިޓްތަކުގެ ސައިޒަކީ 1،169 އަކަފޫޓެވެ. އެ ތަންތަނުގެ އަގު އުޅެނީ 1.04 މިލިއަނާއި 2.3 މިލިއަނާ ދެމެދުގެ އަގެއްގަ އެވެ.
ޑިލަކްސް ސުއީޓް ކެޓަގަރީގެ ދަށުން ދޫކުރާ އެއް ކޮޓަރީގެ ޔުނިޓްތަކުގައި އެންމެ ކުޑަވެގެން ވެސް 864 އަކަފޫޓު ހުރެ އެވެ. އަދި އެތަންތަނުގައި ވެސް ހަތަރު ކޮޓަރީގެ ޔުނިޓްތައް ހިމެނޭއިރު އެންމެ ބޮޑު ޔުނިޓެއްގެ ސައިޒަކީ 1670 އަކަފޫޓެވެ. އެތަންތަނުގެ އަގު 2.1 މިލިއަނުން ފެށޭއިރު 3.9 މިލިއަން ރުފިޔާގެ ޔުނިޓްތައް ވެސް ހިމެނެ އެވެ.
އެ ތަންތަން ދޫކުރާއިރު ކުންފުންޏަށް ހިދުމަތްކުރި މުއްދަތާއި އެ މީހުންގެ ދިރިއުޅުމުގެ ހާލަތަށް ވެސް ބަލާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮއިކަޅުބެ
13 April 2022
މިރާއްޖޭގެ ރައްޔިތުން މިދަނީ ހައްގުތަކުގައި ތަފާތުކުރެވެމުން. އެޗްޑީސީގެ މުވައްޒަފުންނަށްވީމަ، ފުލުހަކަށްވީމަބާ ފުލެޓް ދެވެނީ. އެންމެންވެސް އަދާކުރަނީ ވަޒީފާ. ކޮންކަހަލަ ދެއުޅިއެއްނުވާ ގަވާއިދެއް. ހެލްތުމިނިސްޓްރީގެ މީހަކަށް ނޫނީ ޑޮކްޓަރަށް ނުދެއްކި، ފިނޭންސްގެމީހަކަށް ނޫނީ މުސާރަނުލިބިތިބުން، ކިހާހެއްވާ..
އިސްމާއިލް އަބުދުﷲ
13 April 2022
ތިޔަ ފުލެޓުތަކުންވެސް ކަސްޓަމުގެ މުވައްޒަފުން ވަނީ މަހުރޫމު ވެފަ. ކަސްޓަމުގެ ވެރިން ނޫޅެ ކަސްޓަމުގެ މުވައްޒަފުންނަށް ފުލެޓު ލިބޭނެ ގޮތެއް ހޯދަދޭކަށް
ސަރުދާރުު
13 April 2022
މި އަންނަ އިންތިހާބުގައި އެމްޑީޕީ އަށް ކާމިޔާބު ނުވާނެ ކަމަށް ބެލެވޭތީ ސުހޭލުމެން ބާރު އޮތްދުވަސްވަރު ގެދޮރު ހޯދާފަ ނުކުންނަން އެފައިވިއްދަނީ. ސަރުކާރުން މިކަން ހުއްޓުވަންޖެހޭ
ފުންއަސަރު
13 April 2022
ތީ ކޮރަޕްޝަނަކީ. ތީ އަމިއްލައެދުމަށް ކުރާ ކަންކަމަކީ. ތީ ތިމާމެންގެ ޖީބަށް ބަރުކުރާ ހަތިޔާރަކީ. ތިމާމެން ތިތާތިބެ ހަދާނެއެއްޗެއް ތިހަދަނީ. އަހަރެމެންވެސް މިތިބެނީ 3 ކޮޓަރީގެ ކުޑަ އެޕާޓްމަންޓެއްގާ. އެތަނުގެ އަގުވެސް އުޅެނީ 2.3 މިލިއަނުގަ. ތިމީހުނަށް ހަދާ އެންމެ ކުދިތަންތަނުގާވެސް މިވަރުގެ ބޮޑުމިންހުރޭ. އެންމެ މިލިއަނަކަށް ލިބޭ. ކޮބާ އިންސާފަކީ. ކޮބާ މިކަން ބަލަންތިބި މީހުންނަކީ. އަހަރެމެންނަށްވެސް ރަނގަޅު ގޮތެއް ހަދައިނުދީ ތިކަންކުރުން ހަމަގޯސް.
ފޫހި
13 April 2022
މިއީ ވަރަށްނުބައި ކަމެއްގެ ފެށުން. އެބަޔަކު ވަޒީފާއަދާކުރާތަނަކުން އެބަޔަކު ހަމަބޭނުންވީމާ ފްލެޓާއިލޯންޗާ ގޯއްޗާ ލިބޭގޮތަށް އުޞޫލު ހަދާލާފަ އެތަނެއްގެ ވެރިންނަށް ބޮޑުކޮށް ބައިއަޅަމުންގޮސް ހުރިހާ މުވައްޒަފުންނަށް ދީނިންމާލާނީ. ލަދުކޮބާ؟ ފްލެޓްތަކުގެ ސައިޒްވެސް އެހާބޮޑު މިގައުމުގައިފްލެޓް ދޭންޖެހޭނީ ދިވެއްސަކަށްވުމުން އެހެން ހައިސިއްޔަތަކުން ލިބިގެންނުވާނެ. މިކަން ހުއްޓުވުމަށް މަޖިލީހަށް ގޮވާލަން. 1 އަހަރު ހިދުމަތްކުރުމުން ފްލެޓް. ސުހޭލުގެ ލަދުކޮބާ
މޫސުން ބަހާރު.
13 April 2022
އަތުން ފައިން މަސައްކަތެއްނުކޮށް ރިމަންނާމެނަކީ ވަކި ރަށަކަށް އުފަންވީ ބައެކޭ ކިޔައިގެން ފުލެޓް ހޯދަން ނޫޅޭ. ފުލެޓް ދިނުމުގައި އުފެއްދުންތެރި ޒިންމާ ދާރު ވަޒީފާ އަދާކުރާ ފަރާތް ތަކަށް އިސްކަންދޭންވާނެ. ތިޔަ ނިންމުން ވަރަށް ރަނގަޅު. ސަރުކާރު ހުރިހާ ކުންފުނިތަކެއްގެ މީހުނަށް ފުލެޓްދޭންވީ.
އިބުރާ.
13 April 2022
ރާއްޖެތެރޭ މީހުން ކޮފޭށޭ މިބުނަނީ. މާލެ މާލެ އޭ ކިޔަކިޔާ މިތާ ތިބޭނެ ކަމެއްނެތް. ރަށަށް ދޭބަލަ.
މުއިއްޒު
13 April 2022
ޔުނިޓް ލިބެންޖެހޭނީ އެންމެ ބޮޑަށް ޔުނިޓަށް ބޭނުންވެފައިވާ ފަރާތް ތަކަށް. ވަކި ތަނަކަށް ވީމަ ވަކި މުއައްސަސާ އަކަށް ވީމަ ލިބިގެން ނުވާނެ. ކައިވެނިކޮއްގެން ވީ މުއްދަތު ދަރިންގެ އަދަދު ދިރިއުޅޭ ހާލަތު މިކަންކަމަށް ބެލެން ޖެހޭނީ.
ޚޖޖހހ
13 April 2022
ދިސް އިޒް ނޮޓް ފެއަރ. އެޗް7 ކެޓަގަރީ 1000 އިން 800 އަށް މަދުކޮށްފަ އަހަރެމެން ކަޓުވާލީ ލިސްޓުން. ތިމީހުނަށް ތިހަސަތޭކަ ފްލެޓް ދީގެންނުވާނެ.
ޢައިޝް
13 April 2022
ހިޔާއަކުން ނޫން ދެނީ
މާލޭ ގެދޮގެ ދަތިކަން ހުރިމީހެއް
13 April 2022
މާލޭ މީހުންނަށް ގެދޮރުނުދީ އަދިވެސް, އެމްޑީޕީ އިން ހެދި ކުންފުނީގައި އުޅޭ ރަށްރަށު މީހުންނަށް ގެދޮރުދީ ހުޅުމާލޭގެ ބިންތައް މިއޮއް ހުސްކޮށްލަނީ. އޭގެން ގިނަ މީހުންގެ ވެސް ރަށުގައި ބޮޑެތި ގޯތިތަށް ހުންނާނެ. އެމްޑީޕީ އަކަށް ނުދޭނަން ވޯޓެއް. އިން ޝާ ﷲ ދެން ކުރިއަށް އޮތްތަނުގައި ވެރިކަމަކަށް ނާދެވޭނެ.
ޢައިޝް
13 April 2022
އެމް.ޑަބްލިޔު އެސް ސީ. ސްޓެލްކޯ، އެމް.އެން.ޑީ.އެފް، ޕޮލިސް . އެމް.އޭ.ސީ.އެލް އަދި އެނޫނަސް ކުންފުނިތަކުން ފްލެޓް އެބަދޭ މުވައްޒަފުންނަށް ޔުޓިލިޓީ ޚިދުމަތްތަކުން ފައިދާ ނަގައިގެން ފްލެޓް އެޅުން ކުއްވެރިއެއް ނުކުރަންތަ
ދިވެހި އަޑު
13 April 2022
ވޯޓަށްޓަކައި ޕާޓީކުދިންނަށް ހަދިޔާދެނީ. ވަޒީފާއެއްގައި އުޅޭތީ ބޯހިޔާވަހިކަން ދޭންޖެހޭނީ ވަޒީފާއިން ވަކިވަންދެން. ދާއިމީ މިލްކުވެރި މުދަލެއްގެގޮތުގައި ދީގެން ނުވާނެ. ކިހާބޮޑު ނުފޮރުއްޕާނެއް މިއީ. ނާޒިމް އޭނާގެ އެކުވެރިންނަށް، ސަރުކާރުތަކުން ޕާޓީ ކުދިންނަށް. ކުންފުނިތަކުން އާއިލާ މެމްބަރުންނަށް. ޓާޓާއިން މިލިޔަނަރުންނަށް. އަޅެ ނިކަމެތިންނަށް ހަމަ ގޮތެއް ނެތީތަ.
އަލީބެ
13 April 2022
ޢެއްވެސް ޒަމާނަކު ނިކަމެތިންނަށް މޮޅުވާނަމަ ނިކަމެތިންނެއް ނުތިބޭނެ