ހުރިހާ މަހެއް ކިރަން ނިންމި ފަހުން ބައެއް ދޯނިތައް އައީ އެކަން ނޭނގި ތިބެ، ކިރުވޭ ވަރަށް ފަސް ޓަނު ބާނައިގެން.
ކޫއްޑޫގައި މިއަދު މަސްކިރުވަން ކިޔޫގައި ޖެހިފައި ތިބި ދޯނިތަކެއް-- ފޮޓޯ: ފަރެސްމާތޮޑާ މަސްވެރިން
12 އެޕްރީލް 2022 - 21:34
36 comments
މިފްކޯއިން ކޮންމެ ދޯންޏަކުން ދުވާލަކު ފަސް ޓަނު މަސް ގަންނަ ގޮތަށް ލިމިޓްކުރުމުން މަސްވެރިން ރުޅިގަދަވެ ގއ. ކޫއްޑޫގައި މިއަދު ފެށި އިހުތިޖާޖާ ގުޅިގެން ކުރި މަޝްވަރާގައި، ހުރިހާ މަހެއް ގަންނަން މިފްކޯ އިން އެއްބަސްވުމަށް ފަހު އެ ނިންމުން އަނެއްކާ ބަދަލުކުރުމުން މައްސަލަ އިތުރަށް ގޯސްވެއްޖެ އެވެ.
މިފްކޯގެ ފެކްޓަރީ ހުންނަ ކޫއްޑޫގައި ފެށި އިހްތިޖާޖާ ގުޅޭ ގޮތުން ވާހަކަ ދެއްކި މަސްވެރިން ބުނި ގޮތުގައި މިއަދުގެ ބައްދަލުވުމަށް ފަހު މެންދުރު 12:00 ހާއިރު ހައްލެއްގެ ގޮތުގައި އެއްބަސްވީ ކިޔޫގައި ތިބި ދޯނިތަކުން ބޭނި ހުރިހާ މަހެއް މިފްކޯއިން ގަތުމަށެވެ. ނަމަވެސް ހަވީރު 4:00 ހާއިރު އެ ނިންމުން ބަދަލުކޮށް އަނެއްކާ ވެސް ފަސް ޓަނަށް ލިމިޓުކޮށްފައިވާ ކަމަށް މަސްވެރިން ބުންޏެވެ.
މަސްވެރިންގެ މި ވާހަކައާ ބެހޭ ގޮތުން މިފްކޯގެ އަދި ކޫއްޑޫގެ ބަހެއް ވެސް ނުލިބުނެވެ.
މިވަގުތު މަސް ކިރުވަން އޮތް ދޯންޏެއްގެ މަސްވެރިޔަކު "މިހާރު" އަށް ބުނީ އެ ބަދަލު ކުއްލިއަކަށް ގެނައީ މިއަދު މަސް ބާނަން ދިޔަ ބައެއް ދޯނިތަކުން މައްސަލަ ޖެއްސުމުން ކަމަށެވެ. އެ ދޯނިތަކުން ކޫއްޑޫއަށް އައީ ކިރުވޭ ވަރު ބަލައިގެން ފަސް ޓަނުގެ މަސް ބާނައިގެން ކަމަށާއި އައި އިރު ލިމިޓް އުވާލާފައި އޮތުމުން ހިތްހަމަ ނުޖެހި މައްސަލަ ޖެއްސީ ކަމަށް އޭނާ ބުންޏެވެ.
"މިއަދު މަހަށް ދިޔަ ދޯނިތަކުން އައީ ފަސް ޓަނު ބާނައިގެން. އެކަމަކު ކިޔޫގައި ތިބިި 15 ޓަނު 45 ޓަނު ބާނައިގެން އައިސް ތިބި ދޯނިތައް. ކޫއްޑޫ އިން ހުރިހާ މަހެއް ގަންނަން ނިންމީމަ އެމީހުން އެކަމާ ރުޅި އައީ. އެމީހުން ރުޅިއައިމާ ކުއްލިއަކަށް އަނެއްކާ އަންގައިފި ފަސް ޓަނޭ ދޯންޏަކަށް ކިރޭނީ. ކިހާ ބޮޑު ދެރަ ކަމެއް އެއީ،" އޭނާ ބުންޏެވެ.
މަސް ކިރުވޭ ލިމިޓް އުވާލުމުން މަސްވެރިންގެ މެދުގައި ހަމަނުޖެހުން އުފެދި ބައެއް ދޯނިތަކުން ވަނީ މަސް ކިރުވަން ހުރަސް ވެސް އަޅައިފަ އެވެ.
މިއަދު ކޫއްޑޫގައި ކުރިއަށްދިޔަ މުާހަރާގެ މަންޒަރުތައް-- ވީޑިއޯ: ޒުވާން މަސްވެރިޔާ ފޭސްބުކް ޕޭޖް
ކޫއްޑޫގެ ހާލަތު ގޯސްވުމުގެ ސަބަބުން އެތަނަށް އެސްއޯ ފުލުހުން ވެސް ވަނީ ގޮސްފަ އެވެ. މިހާރު ވެސް އެތަނުގައި ފުލުހުން އަންނަނީ ހަރަކާތްތެރިވަމުންނެވެ.
މިވަގުތު މަސް ކިރުވަން ތިބި ދޯނިތަކުގެ ތެރޭގައި ގިނަ އަދަދަކަށް މަސް ބާނައިގެން ކިޔޫގައި ޖެހިގެން ތިބި ދޯނިތައް އެބަތިއްބެވެ. އެ ދޯނިތައް ފުރާނީ ހުރިހާ މަހެއް ކިރުމުން ކަމަށް ބުނެ އަދިވެސް ދަނީ އިހުތިޖާޖު ކުރަމުންނެވެ. ނަމަވެސް މިހާރު އެތަނުގެ ހާލަތު ވަނީ ކޮންޓްރޯލް ކުރެވިފަ އެވެ.
"ސަރުކާރުން މަސްވެރިންނަށް ހަމަ އަގު ދޭނަމޭ ބުނޭ. މިއީތޯ ހަމަ އަގަކީ. ބާނާ މަހުގެ މަދު އަދަދެއް ކިރުވާފައި ނުއަގުގައި ދެން ވިއްކަން މި ޖެހެނީ. އެެހެންނޫނީ އުކާލަން މިޖެހެނީ. އަޅުގަނޑުމެން ދޯނިތައް ނުނަގާނަން ހުރިހާ މަހެއް ނުކިރަނީސް،" މަސްވެރިޔަކު ބުންޏެވެ.
ކޫއްޑޫގެ ހާލަތާ ގުޅޭ ގޮތުން މިފްކޯގެ ބަހެއް ލިބޭ ގޮތް ވަނީ ނުވެފަ އެވެ. ހާލަތާ ގުޅޭ ގޮތުން މައުލޫމާތު ދޭން ކޫއްޑޫއިން ވެސް އިންކާރު ކުރީ އެވެ.
ދޯނިތައް މަސްކިރުވަން ހުޅުމާލެއަށް
މިފްކޯއިން މަސް ކިރުވާ ވަރު ލިމިޓު ކުރުމުން ދެކުނުގެ ބައެއް މަސް ދޯނިތައް ވަނީ ހުޅުމާލެއަށް މިސްރާބު ޖަހައިފަ އެވެ. އެއީ އެންސިސް ފިޝަރީޒް އަށް މަސް ކިރުވުމަށެވެ.
މަސް ކިރުވަން ހުޅުމާލެ އަންނަނީ ބޮޑެތި ދޯނިތަކުންނެވެ. އެއީ ކޫއްޑުއަށް ފަސް ޓަނު މަސް ކިރުވުމަށް ފަހު ލިބޭ ފައިސާއިން ދެކޮޅު ނުޖެހޭތީ ކަމަށް އެންސިސް އަށް މަސް ކިރުވަން އައި ދޯންޏެއްގެ މަސްވެރިޔަކު ކިޔައިދިނެވެ.
"30 ޓަނު، 45 ޓަނު ބާނައިގެން އެންމެ ފަސް ޓަނު ކޫއްޑުއަށް ކިރުވައިގެން މިވަރުގެ ދޯންޏެއްގެ އެއް ދުވަހުގެ ހަރަދު ވެސް ނުހިފެހެއްޓޭނެ. އެހެންވެ ދުރުވިޔަސް ހުޅުމާލެ އައިސް ހުރިހާ މަހެއް މި ކިރުވަނީ. މިއަދުވެސް ދޯންޏެއް ގޮސްފި މަސް ކިރުވާފައި،" އޭނާ ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހާމަ333
13 April 2022
ރާއްޖޭގަ ރައްޔިތުމީހާ އަބަދު އުޅޭހާލަކީ އެއީ...ދައުލަތުގެ އޮފީހަކަށް ވަންނައިރަށް ހުންނާނީ ބީޕީ އަށް ބާރުވެފަ....ނިކަން ކުރާހިތުން ދެމީހަކު އެއްވާއިރަށް އަޑުގަދަކޮށް ތިމާ ބޭނުންވާހާގޮތަކަށް ކަންކަން ނިންމަން ލައްކަ ވަރުހުންނާނެ...މިހާރުވެސް ވީޑީއޯއިން އެފެންނަ މަސްވެރިން ކެކިއަރުވާވަރު ބަލާބަލަ...އެއީ ރައްޔިތުމީހާއަށް އެގޭހާކަމަކީ
ހާމަ333
13 April 2022
ދިވެހިން މީ ކޮންފާޑަކަށް އުޅޭ ބައެއް...ލަދުން ބޯހަލާކު...ރަނގަޅު އެއްގޮތެއްވެސް ދުވަހަކު ނޯންނާނެ...ވިސްނުމުގަ ބޮޑު އުނިކަމެއް އެބަހުރި...ދެން ވިސްނާލީމަވެސް އެނގޭނެތާ ކިތަންމެ މުޒާހަރާ ކުރިއަސް އެތަނެއްގެ ކެޕެސިޓީ އާއި ސްޓޯރޭޖް ހުރިވަރަކުންތާ ތި ގަނެވޭނީ...ދުވަސް ކޮޅަކުން ދިވެހި ދަނޑުވެރިން ސަރުކާރުން ތަރުކާރީ ނުގަނެގެންވެސް ކުންފުނި ދޮށަށްގޮސް މުޒާހަރާކުރާނެ...ދެން ކަންމަތީ ފިހާރަޔަށް ހެދިކާލާ މީހާ ފިހާރަ އިން ހެދިކާ ގަންނަވަރު ލިމިޓްކުރީމަވެސް މުޒާހަރާ ކުރަންވީ ތޯއްޗެވެ..ބޯހަލާކު...ބަލަ ނުބާނަބަލަ ނުވިއްކޭވަރަށް...ތަނަކު އެއްޗެއް ހުއްޓޭކިޔާފަ ތިހާވަރުއަރުވާލަންޖެހޭތަ..
އިސްތިއުފާ
13 April 2022
ފިޝަރީޒް މިނިސްޓަރު ހުސެން އިސްތިއުފާ ފިޝަރީޒް މިނިސްޓަރު ހުސެން އިސްތިއުފާ ފިޝަރީޒް މިނިސްޓަރު ހުސެން އިސްތިއުފާ ފިޝަރީޒް މިނިސްޓަރު ހުސެން އިސްތިއުފާ ފިޝަރީޒް މިނިސްޓަރު ހުސެން އިސްތިއުފާ ފިޝަރީޒް މިނިސްޓަރު ހުސެން އިސްތިއުފާ ފިޝަރީޒް މިނިސްޓަރު ހުސެން އިސްތިއުފާ ފިޝަރީޒް މިނިސްޓަރު ހުސެން އިސްތިއުފާ ފިޝަރީޒް މިނިސްޓަރު ހުސެން އިސްތިއުފާ ފިޝަރީޒް މިނިސްޓަރު ހުސެން އިސްތިއުފާ ފިޝަރީޒް މިނިސްޓަރު ހުސެން އިސްތިއުފާ
ޛާރިސް
13 April 2022
ކޫއްޑޫގައި އަޅަން އުޅުނު މަސްދަޅު ކާރުޚާނާ އަށް ހުރަސް އެޅީ ކާކު؟ ބުއްދި ހުރިކޮންމެމިހަކަށް އިނގޭއެއީކަންއެންމެ ރަގަލު ގޮތަކީ. މިފްކޮރަގޅު ވާނީ އެފަދަ ޕްރޮޖެކްޓުތައް ބުލޮކު ކުރާފަރާތްތަގުގެ ނުފޫޒުން މިންޖުވެގެން.
ކީއްކުރާ ގައުމެއް
13 April 2022
އަބަދުވެސް މަސް ނުކިރިގެން. ބަލަ ފެންވަރުގެ ސާމާނު ގެނެއްސަ ތިމަސްތައް ކިރޭނެ ގޮތެއް ހަދަން ވެއްޖެއްނު. މީ ދާއަޅައިގެން މަސްގިފާ ގައުމެއް ނޫނޭ. ނިކަން ދުވާލަކަށް 1000 މިލިއަން ޓަނުގެ މަސް ކިރޭބލނެ ކަހަލަ ތަނެއް ހަދާބަލަ މަބަލާނަށް މަސްކިރެނީތީ މަސްބެވެނީތޯ
އޮނަރަބްލް އަފީފު ދީދީ
13 April 2022
ބޮޑެތިކަންނެލި ދޯނިތަކުގައި ކަނޑަށް ނިކުމެ އީކްއޭޓަރ އިން ބާނާ މަސްތައް ހިފައިގެން ނުޖެހޭ ކ.އަތޮޅު މާލެއަށް ދާކަށް. # ތިއީ ތިކަން ދުނިޔޭގައި ކުރާގޮތްނަމަ އިންޑިޔާގެ ކެރަލާ ސްޓޭޓްގެ މަސްވެރިންނަށް އަހަރަކު މަހަށް ނިކުމެވޭނީ އެންމެ ދުވަހަކު. ބާކީއޮތް ދުވަސްތަކުގައި އެމީހުން ތިބޭނީ ބޮމްބޭއާއި ކެރެލާއާއި ދޭތެރޭ އޮނޑި ދަތުރު ތަކުގައި ނުވަތަ މަސްކޮޅު ހިފައިގެން ވެރިރަށް ނިއުދިއްލީއަށް ދަތުރު ކުރަން ޓްރަކް ތަކާއި ލޮރީ ތަކުގައި.
ޟުހާ
14 April 2022
100/100 ގެ ކޮމެންޓެއް. ޕާޓީ މޮޅުވެއްޖިއްޔާ ހުރިހާ ކަމެއްވީ ދިވެހިންނަށް، ވަރިހަމަ ތިމާމެންގެ އުނުނިވާ ނުވިޔަސް...މީ ފިތުނަވެރިކަމެއް..ރައްޔިތުންނޭ ސަލާމައިތް ގޯދާ..
ޢަލީ ބުނީ.
13 April 2022
ޢެބަޖެހޭ މަސްވެރިން ސައިޒައް ކަނޑާލަން.
ދެރަ
13 April 2022
ހަގީގީ މޑޕ ވިސނުން ތިއީ
އިސްތަށި ޑީއެންއޭ
13 April 2022
އެމްޑީޕީން ދަސްކޮށްދީފަ އޮތީ އޮފީސްތަކަށް މަސް ކިރަން
އިސްޓިކޯލް
13 April 2022
އެހެންވީމަޔޭ މި ބުނަނީ ހަމަ ކުދިވެރިންކޮޅެއް އެއްވެލާތަނުން އުސޫލު ބަދަލުކޮށް ނުހަދާށޭ. ކޮންމެވެސް ހަރުދަނާކަމެއް ހުންނަންޖެހޭނެ ކަންކަން ނިންމާއިރު. އެބަ އެނގޭ ހުރިހާ މަސްވެރިންގެ މަންދޫބުންނެއް ނޫންކަން އުޅެނީ އަޑުގަދަވެގެން، ދެފަޔަށް ހިނި އަރައިގެން. މިހާރު މިފުކޯ ތިޔަ އުޅޭ ގޮތަކުން ހިޔެއް ނުވޭ ވިޔަފާރި ނެގެހެއްޓޭނެހެނެއް
ޕޮގުބާ
13 April 2022
މަސްވެރިން އެހަދަނީ ރަގަޅަށް އެމްޑީޕީ ވެރިކަމަށް އަންނަންއުޅުނުއިރު ބުނި ބޭރު މަސްކިރާ މަސްބޯޓްތަޢް ރާއްޖޭގެ އެކިސަރަހައްދުތަކުގަ މަޑުކޮށްގެން ތިބޭނެޔެ ރާއޖޭގެ މަސްވެރިން މަސްކިރަން އަންނަންދެން އެދުވަހެއް ނާދޭ