130 ކިލޯ ޑްރަގު: ދެ މީހުން ބަންދުން ދޫކުރި މައްސަލަ ހައި ކޯޓުން ފަށަނީ

130 ކިލޯ ޑްރަގް މައްސަލާގައި ބަންދުން ދޫކޮށްލި ދެ މީހުން: އެ މައްސަލާގެ ޝަރީއަތް އަންނަ ހަފުތާގައި ހައި ކޯޓުން ފަށާނެ -- ފޮޓޯ/ޕޮލިސް

މުއިއްޒު އިބްރާހިމް، މިހާރު

14 އެޕްރީލް 2022 - 17:10

5 comments

ރާއްޖެއަށް 130 ކިލޯގެ މަސްތުވާތަކެތި އެތެރެކުރި މައްސަަލާގައި ދައުވާ ލިބޭ ދެ މީހުން ބަންދުން ދޫކޮށްލި މައްސަލަ އަންނަ އާދިއްތަ ދުވަހު ފަށަން ހައި ކޯޓުން ހަމަޖައްސައިފި އެވެ.

އޮކްޓޫބަރު، 2020 ގައި ކަނޑުމަގުން ރާއްޖެ އެތެރެކުރި 130 ކިލޯގެ ޑްރަގު މައްސަލާގައި ދައުލަތުން ދައުވާކުރާ ޕީއެންސީގެ ކައުންސިލް މެމްބަރު ޝަހީބު އިބްރާހިމާއި ހއ. ހޯރަފުށީ ވައިލެޓްވިލާ އަހުމަދު މޫސާ ޝަރީއަތް ނިމެންދެން ބަންދުކޮށްފައި ތިއްބާ ދާދިފަހުން ކްރިމިނަލް ކޯޓުން އެ މީހުން ބަންދުން ދޫކޮށްލީ ބޭސްފަރުވާއަށްޓަކައި ދެ މަސް ދުވަހަށެވެ.

އެ އަމުރު ދައުލަތުން އިސްތިއުނާފް ކުރުމުން އަންނަ އާދިއްތަ ދުވަހު އެ މައްސަލާގެ ޝަރީއަތް ފަށަން ވަނީ ތާވަލްކޮށްފަ އެވެ.

ޝަހީބާއި އަހުމަދު މޫސާ އަހަރަކަށް ވުރެ ގިނަ ދުވަސް ވަންދެން ބަންދުގައި ބޭތިއްބުމަށްފަހު ކްރިމިނަލް ކޯޓުން އެ މީހުން ދޫކޮށްލީ ބޭސްފަރުވާއާ ގުޅިގެން ކުރި ޝަކުވާތަކާ ގުޅިގެންނެވެ. އެ މީހުން ދޫކޮށްލީ ރޭގަނޑު ގެއިން ބޭރަށް ނުދިއުމާއި މާލެ ސަރަހައްދުން ބޭރަށް ނުދިއުމުގެ އިތުރުން ކޯޓަށް އެއްބާރުލުން ދޭން ޝަރުތުކޮށްފަ އެވެ.

ކުށްކުރުން ކްރިމިނަލް ކޯޓް ހައި ކޯޓް މަސްތުވާތަކެތި ޑްރަގް ޓްރެފިކްކުރުން

5 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަންޑޭ

15 April 2022

ބަންދުގައި ތިބޭ މީހުން ފަރުވާ އަށް ފޮނުވުމާއި ބެހޭ ޤަވައިދެއް ހަދަން ޖެހޭ. އެއްވެސް ޤާނޫނެއް ޤަވާއިދެއް ނެތް ޙާލަތުގައި ޤާޟީ އަކަށް ހުންނަ މީހަކަށް ބޭނުން ޙުކުމެއް ނުވަތަ އަމުރެއް ނެރެވިދާނެ..