ކ. ތިލަފުށި: އެތަނުން 160 ހެކްޓަރުގެ ސަރަހައްދެއް ހިއްކާނެ-- ފޮޓޯ: އަހުމަދު އަވަޝަން/ މިހާރު
15 އެޕްރީލް 2022 - 13:52
23 comments
ތިލަފުށި މިހާރު އޮތް ވަރަށް ވުރެން ދެ ގުނަ ބޮޑުކުރުމުގެ ބިޔަ މަޝްރޫއަށް ފަޅު ހިއްކައި ގޮނޑުދޮށް ހިމާޔަތްކުރުމަށް ޝައުގުވެރިވާ ފަރާތްތަކަށް އެ ފުރުސަތު ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ން ހުޅުވާލައިފި އެވެ.
އެ ކުންފުނިން ކުރި އިއުލާނެއްގައި ބުނީ ތިލަފުށި ހިއްކުމުގެ ދެވަނަ ފިޔަވަހީގެ މަސައްކަތަށް ޝައުގުވެރިވާ ފަރާތްތަކުން އަންނަ މަހުގެ 8 ވަނަ ދުވަހާ ހަމައަށް ކުރިމަތިލެވޭނެ ކަމަށެވެ.
ވަކި ކުންފުންޏަކާ އެ މަޝްރޫއު ހަވާލުކުރާއިރު މާލީ ފުދުންތެރިކަމާއި ޓެކްނިކަލް ގާބިލުކަމުގެ އިތުރުން މަޝްރޫއު ނިންމަން ހޭދަވާ މުއްދަތަށް ބަލާނެ ކަމަށް ވެސް އެޗްޑީސީގެ އިއުލާނުގައިވެ އެވެ.
ކުނި އަޅައިގެން ހިއްކާފައިވާ ތިލަފުށި-- ފޮޓޯ: އަހުމަދު އަވްޝަން/ މިހާރު
އެޗްޑީސީން ތިލަފުށީގައި ކުރިއަށް ގެންދާ މަޝްރޫއުގައި އެ ރަށުން ގާތްގަނޑަކަށް 150 ހެކްޓަރުގެ ސަރަހައްދެއް ހިއްކާނެ އެވެ. އަލަށް ހިއްކާ ސަރަހައްދުގައި އިންޑަސްޓްރިއަލް މަސައްކަތްތަކަށާއި ކުދި ވިޔަފާރިތަކަށް ހާއްސަ ސަރަހައްދެއް ހިމެނޭނެ އެވެ.
ތިލަފުށިން ބިން ހިއްކުމަށް ހުޅުމާލޭގެ އެކި ސަރަހައްދުތަކުގައި ޖަހާފައި ހުރި ބޮޑެތި ވެލި ފުނިތަކުން ވެލި ބޭނުންކުރާނެ އެވެ. އެޗްޑީސީން ބުނި ގޮތުގައި ހުޅުމާލޭ ފޭސް ދޭއްގައި އެކަނި ވެސް 500،000 ކިއުބިކް މީޓަރުގެ ވެލި އެބަ ހުއްޓެވެ.
ދިގު މިނުގައި ގާތްގަނޑަކަށް ހަތް ކިލޯ މީޓަރު އަދި ފުޅާ މިނުގައި 200 މީޓަރު ހުންނަ ތިލަފަޅަށް ކުނި އަޅައިގެން ހިއްކަން ފެށީ ޖެނުއަރީ 7، 1992 ގަ އެވެ. މާލެ އާއި މާލެ ކައިރި ރަށްތަކުން އުކާލާ ކުނި ބޭނުންކޮށްގެން ހިއްކަން ފެށި ތިލަފަޅުގައި ތަފާތު ހަތަރު ބައެއް ހިއްކާފައިވެ އެވެ. އެ ގޮތުން، އެ ރަށުގެ ބޮޑުމިން މިހާރު ގާތްގަނޑަކަށް 4.6 މިލިއަން އަކަފޫޓަށް އަރަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޑިސާސްޓާ
16 April 2022
ވަރަށްބޮޑު ތިމާވެށީގެ ގެއްލުމެއް ލިބޭނެ ތިތަން ޕްލޭނެއްނެތި ހިއްކައިފިނަމަ. މިހާރުވެސް ބެދިފައި އިންތާ ހުންނަ ލޮނުފެން ހުންނަނީ ކޮނިވެފަ
މާލޭ ރައްޔިތުމީހާ
16 April 2022
ހެޔޮނުވާނެ ތިލަފުށި އެޗް.ޑީ.ސީގެ ބެލުމުގެ ދަށުން ކުރަން. އަނެއްކާ އަނެއް ބިން އެމީހުންނަށް މިލްކު ކޮށްދީފަ ރައްޔިތުން ހާލުގަ ޖައްސަންވީ.
ނަމެއްނެތި
16 April 2022
ޖަޒީރާ ރާއްޖެ ފަރަށް އެރީތަ؟
އަންނި.
16 April 2022
ވެރިކަމުގައި ހުރި ސޯޅިޙަށް ވުރެން ބާރުގަދަ ވަޒީރުން ތިބީމަ ޕާޓީގެ މެނިފެސްޓޯ ތަންފީޒެއް ނުކުރެވޭނެ. ވަޒީރު ބޭފުޅުން އެމީހުންގެ ރަށުގެ ކަންކަން ކޮށްލަނީ.
އޮނަރަބްލް އަފީފު ދީދީ
15 April 2022
ޤައުމަށްލިބޭހުރިހާ ފައިސާއާއި ދައުލަތްޒިންމާވާގޮތަށްނަގާލޯނު ހަމައެކަނި މުޤައްދަސް ރަށްކޮޅަށްތަޅާހުސްނުކޮށް ގޯތިބޭނުންކަމަށް އަޑުއުފުލާ ކ.އަތޮޅު މާލޭމީހާއަށްވެސް ގޯތިލިބޭގޮތަށް" ކެލާ، ފިއްލަދޫ، ހަނިމާދޫ، ކާށިދޫ، ކުޑަހުވަދޫ، ތުލުސްދޫ، ތ. ގުރައިދޫ، ތިމަރަފުށި، ވިލުފުށި، ލ. ގުޅިފައިވާ ހުރިހާރަށްތައް، ހުވަދުއަތޮޅު ތިނަދޫ، ކޮލަމާފުށި، ވާދޫ، ފަރެސްމާތޮޑާ އަދި އައްޑޫގެބިންހިއްކާ 30 އަހަރުދުވަހުންމެނުވީ ރެޖިސްޓްރީއަށް ބަދަލުނުގެނެވޭގޮތަށް ބިންދޫކުރައްވާ.
ހަންކަޅޭ
15 April 2022
ކޮބައިބާ އެއްކަލް ތިމާވެށި ޖަމުއިޔާތައް. ނިކަން އެއްޗެކޭބުނެބަލަ. ރާއްޖެތެރޭގެ ތަނަކަށް ވެލިކޮޅެއް އެބައަޅައޭ ބުނެލިއަސް ބޮކިޖަހާ މައްޗަށްތިލަވެ ބުނާނެ މުޅިގައުުމުގެ ތިމާވެށިހަލާކުވެދަނީއޭ. މިކަހަލަ ޖަމުއިޔާތައް މިތިބެނީ.
ފަންކަޅޭ
16 April 2022
ދެން ޝުކުރުކޮށްބަލަ އެކަމާ. މާލެ ސަރަހައްދު ހަލާކުކުރާ ގޮތަށް ތިޔަ ރަށްތައް ހަލާކުވިޔަ ނުދޭން ބަޔަކު މިހާރު އުޅުމަކީ ފަހުން އުފާކުރާނެ ކަމެއް. މާލެ ސަރަހައްދު ތިމާވެށީގެ ގޮތުން ފޭލްވަމުން އެ ދަނީ.
ކޮރަލް
15 April 2022
މިއަހަރު 103 ބިލިއަން އަށް ދަރަނި އަރާނެ އެވ. އަދިވެސް ބިލިއަނުން ލޯން ނަގަނީ އެވެ. ތިލަ ފުށި ހިއްކަން ފެށުމުގެ ކުރީން އެތައް އަހަރަެއް ވެފަ ވާ މައްސަލަ ބަލަން ޖެހެ އެވެ. އެއީ ކުރީން ހިއްކަން ދިން ފަރާތުން ވެފަ ވާ ބޮޑު އިހްމާލް އެކެވެ. ޕާޓީ އެއްގެ އިސް މީހަކަށް ވާތީ މައްސަލަ ނުބެލެނީ އެވެ.
އޮނަރަބްލް އަފީފު ދީދީ
15 April 2022
ވެރިކަންހޯދަންހުށަހެޅި މެނިފެސްޓޯ އޮތީ "ޖަޒީރާ ދިރިއުޅުމަކަށް" އަދި އުތުރާއި ދެކުނުން ސިޓީތަކެއްތަރައްޤީކޮށް އިންސާނުންދިރިއުޅެން ކަމުނުދާހާލަތަށް ބޮޑު ސްލަމްއަކަށްވެފައިއޮތް ކ.އަތޮޅުމާލޭގެ ތޮއްޖެހުމަށް ނިމުންގެންނަން. # ވެރިކަންލިބުމުން ކީހާޅެން ފަރިއްސައަށް ބަދަލުވެ އެތައް ބިލިޔަން ޑޮަލަރުގެ ދަރަނި ނަގާ ތަޅާ ބުރުއްސަން ފެށީ މުޤައްދަސް ރަށްކޮޅަށް. 800މ ޑޮލަރުގެ ބުރިޖަކީ މެނިފެސްޓޯގައި ނުވެސް ނެތް އެއްޗެއް. ކީއްކުރާނީ ބާރުއޮތީ މާލޭމީހުން އަތުގަ.
Happy 123
15 April 2022
ތި ތަންހިއްކަން ފައިސާ ހަމަޖެހިފަދޯ ހުރިީ..ކޮބާ ގިރާވަރު ފަޅު ހިއްކަން ފއިސާ ލިބި އޯކޭ ވެއްޖެ؟!!?
އޮނަރަބްލް އަފީފު ދީދީ
15 April 2022
ހުއްޓުވެންއޮތްގޮތަކަށް މިކަންކަން ނުހުއްޓުވައިފިނަމަ މާލޭސަރުކާރުން މިގެންގުޅޭ "އެއްރަށްދައުލަތް ސިޔާސަތު" ތަންފީޒުވެނިމޭއިރު ކ.އަތޮޅުމާލެ ފިޔަވާ ތުރަކުނުން އައްޑުއަށްހިމެނޭ ރާއްޖޭގެރަށްޔިތުންނަކީ މާލޭބިންވެރިންނަށް އާމްދަނީހޯދަދޭން މަސައްކަތްކުރާންތިބި "ކުލީ އަޅުންތަކަކަށް" ބަދަލުވެގެންހިގައިދާނެ. # ދައުލަތުގެ ހުރިހާވަސީލަތާއި ކޮންމެއަހަރެއްގެ ބަޖޭޓްގެ %85 އަދި ދައުލަތް ޒިންމާކޮށް އެތައް ބިލިޔަން ޑޮލަރުގެ ދަރަނިނަގާ އެފައިސާ ހޭދަކުރަނީ މާލެއަށް.
އަވަސްކުރޭ.
15 April 2022
އެހެންވީއްޔާ އަނެއްކާ މިފަހަރު އިންޑިޔާ މީހުނާއި ގުޅިގެން ބަޤާވާތެއް ކުރޭ. ކުރީ ފަހަރު އެކަން ކުރަން އެހީތެރިވީ ތިތަނުގައި ތިބި އިޤިރޭސިން. މިހާރު ތިތަނުގައި ތިބި އިންޑިޔާ މީހުންގެ އެހީކަންނޭގެ ހޯދާނީ.
މާލޭމީހާ
16 April 2022
ރަށުގަ އޮވެގެންތޯ ތި ކޮމެންޓު ކުރަނީ؟
ޙަބީބު
15 April 2022
ތިޔަކަންތަކައްވުރެ ބޮޑައް ހިޔާފުލެޓު ކުލި 5000 ރުފިޔާއައް ކުޑަކޮއްދިނުން އެދެން
ޤާރޫނު.
15 April 2022
ކިހާ ބޮޑު ވެއްޖެ ކަމެއްތަ ؟ ތިޔަ ހިޔާ ފުލެޓް ނޫން ތަނެއް މިޤައުމުގައި ނެތީތަ؟ ފުރަހަނި ޝުއައިބު ކާރީ ބުނޭ އޭނަ ކުއްޔަށް ދީފައި ހުރި ތަންތަނުގެ ކުލި ކުޑަކުރާށޭ.
ކިޏްލޭ
15 April 2022
މުއީޒު ބުނާހެން 20 އަހަރުގެ ބަދަލުގާ 25 އަހަރަބަހާލއިގެން ދެއްކީމަ މަހުން މަހައް ދައްކާއެއްޗެއް ކުޑަވިޔަސް، އިންޓަރެސްޓް ގޮތުގާ ދައްކާއެއްޗެއް ބޮޑުވާނެ، 25 އަހަރު ނިމޭއިރު. މައުލާއާ ނުގުޅުނަސް ވިސްނޭތޯ ބުނެލީ.