ފުވައްމުލަކު: މި ރަށަށް ދާ ސަފާރީތަކުން ނަގާ ފީ 500 ޑޮލަރަށް އަނެއްކާވެސް ވަނީ ބޮޑުކޮށްފައި -- | ފޮޓޯ: ދި އެޑިޝަން
21 އެޕްރީލް 2022 - 17:30
41 comments
ފުވައްމުލަކު ބަނދަރަށް ވަންނަ ސަފާރީތަކުން ނަގާ ފީ ކުޑަކުރަން ނިންމި ނިންމުމަށް އަމަލުކުރުން ފަސްކޮށް އަދި މިއަދުން ފެށިގެން 500 ޑޮލަރުގެ ފީއެއް އަނެއްކާވެސް ނަގަން ފުވައްމުލަކު ސިޓީ ކައުންސިލުން ނިންމައިފި އެވެ.
ފުވައްމުލަކުގެ ބަނދަރަށް ވަންނަ ކޮންމެ ސަފާރީއަކުން ކޮންމެ ދުވަހަކަށް 500 ޑޮލަރުގެ ފީއެއް ނަގަން ނިންމުމުން ކުރިމަތިވި ފާޑުކިޔުންތަކަށް ފަހު، ސިޓީ ކައުންސިލުން ކުރިން އޮތީ އެ ފީ ކުޑަކޮށްފަ އެވެ. އެއީ 100 ފޫޓަށް ވުރެ ކުދި ސަފާރީތަކުން 150 ޑޮލަރަށް އަދި އެ އަށް ވުރެ ބޮޑެތި ސަފާރީތަކުން 200 ޑޮލަރުގެ ފީއަކަށެވެ.
ނަމަވެސް ސިޓީ ކައުންސިލުން މިއަދު ނެރުނު އިއުލާނެއްގައި ވަނީ ފީ ކުޑަކުރި ނިންމުމަށް އަމަލުކުރުން ފަސްކުރަން އެ ކައުންސިލުން ނިންމާފައިވާ ކަމަށެވެ. އެހެންވެ، މިއަދުން ފެށިގެން އަނެއްކާވެސް ނަގަމުން ދާނީ ކޮންމެ ދުވަހަކަށް 500 ޑޮލަރުގެ ފީއެއް ކަމަށް އެ އިއުލާނުގައިވެ އެވެ.
އެކަމަކު، ކުރީގެ ނިންމުމަށް އަމަލުކުރުން ފަސްކުރި ސަބަބެއް ކައުންސިލުން ހާމައެއް ނުކުރެ އެވެ.
ސަފާރީތަކުން ނަގާ ފީ ކައުންސިލުން އޭރު ކުޑަކުރީ ބޯޓިން އެސޯސިއޭޝަނުން އެކަމާ ގުޅިގެން ކަންބޮޑުވުން ފާޅުކުރުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސިމްޕަލް
22 April 2022
"ވަށަފަރު މީހުން އުބައްޖެހުން"، "ހޯރަފުށީ ފަންކާ" ފަދަ ބަސްތައް ބޭނުންކުރާ ގޮތަށް "ފުވައްމުލަކު ބަނދަރަށް ވަންނަ ސަފާރީތަކުން ފީ ނަގާގޮތް" ވެސް މިހާރު ބޭނުންކުރަން ފެށިއްޖެ. މިއަދު ފިހާރައެއްގެ ތެރޭ ހުއްޓާ މީހަކު ސޭޓާ ދިމާއަށް ބުނާ އަޑުއިވޭ، "ކަލޭމެން މިހާރު ލުނބޯ ވިއްކަނީ ފުވައްމުލަކު ބަނދަރަށް ވަންނަ ސަފާރީތަކުން ފީ ނަގާގޮތަށްހޭ. އިއްޔެ ކިލޯއެއް -/65އަށް. މިއަދު -/75އަށް."
ފޮނިޓައްޕު ހަސަނު
22 April 2022
ކައުންސިލުގެ ތިޔަ ނިންމުމަކީ ވަރަށް ހަރުދަނާ ރަނގަޅު ނިންމުމެއް. 500 ޑޮލަރު ދުވާލަކު ސަފާރީ ބޯޓަކުން ނެގުމަކީ އެ ސަފާރީތަކަށް ލިބޭ އާމްދަނީއާއި ބަލާއިރު ވަރަށް ކުޑަކުޑަ އަދަދެއް. ސަފާރީއަކުން ދައުލަތަށް ލިބެނީ ރެޖިސްޓްރޭޝަން އަަހަރީ ފީ 15،000ރ ވަރު. އެންކަރޭޖް ފީއެއް ނުނަގާ، ހުޅުމާލެ ފަޅުން ފީއެއް ނުނަގާ. ރާއްޖޭގެ ސަފާރީއަކަށް ހުރިހައި ޚަރަދު ކަނޑައި އަހަރަކަށް ފަސް ލައްކަ ޑޮލަރުވަރު އެވެރެޖްކޮށް ސާފުފައިދާ ގޮތުގައި ލިބޭ.
ރަށުރޯނުއެދުރު
22 April 2022
ކައުންސިލަރުން ހޮވަން އުޅުނު އިރު އޭރުވެސް މަބުނިން ހިންގުމުގެ ދާއިރާގެ ތަޖުރިބާ ހުރި މޭޔަރަކު ހޮވާށޭ. އަތަށް ގޮވީމަ އަދިވެސް ފިކުރު ދޫކޮށްފަ ރަށުގެ ކުރިއެރުމަށް ދެންވެސް ވިސްނަވާ
ހާސް ނުވޭ
22 April 2022
އައިބޭ ފަދަ ސައިޓް ތަކުގައި ހުންނަ ލިސްޓިންގ ތަކުގެވެސް ނުހަނު ގިނައިން މީހުން އަގު ބަދަލު ކުރޭ.
ސޯޅަނާޅި
22 April 2022
ދައުލަތުން ހަދާފާ ބަނދަރަކަށް ހިލޭ ވަދެވެންޖެހޭނެ. ކޮބާތޯ ކަނޑުއުޅަދާބެހޭ ގާނޫނު؟ ކިހިނެއް މާނަތިޔަކުރަނީ. ހަމަހޭގަތިބެގެން ކަންކަންކުރީމަވާނީ. ތިޔަރަށަށް ފަތުރުވެރިން ދިޔުން މަނާކުރީމަ ރަގަޅުވާނެ. ހައްދުފަހަނައަޅާދިޔުން ތިޔަށްކިޔާނީ. ސާބަހޭ، ސާބަހޭ.
އޮނަ ބައްތިރީ.
22 April 2022
ސޯޅަނާޅި ތިޔަބުނި އެއްޗަކަށް ބުނެލާހިތްވަނީ ކ.އަތޮޅު މާލޭގެ އުތުރާއި ދެކުނު ބަދަރަކީ ކ.އަތޮޅު މާލޭ މީހުންގެ ޖީބުން ޙަރަދުކޮށްގެން ހަދާފައިވާ ބަނދަރު ތަކަކަށްވާތީތޯ އަހަރުމެންގެ ރަށްރަށުމީހުން ހަނޑޫ ހަކުރު ފުށް ކޮޅު ގަނެލަންދާ އޮނޑިތަކުން އެރަށުމީހުން 1500ރ ނަގަނީ ؟؟
ިރަށިކެޑެ
22 April 2022
ވަކަރޮދަމާ އުސޫލް ދޮގޭ އެނަން އެނެއްކަލަހަސް ތިހުއީ ދޮގޭ ކޫދުނޭ
ހާބެ
22 April 2022
ނޫނޭ މިއަށް ކިޔަނީ އެބުރޭ ވަހުތާން
ޏަވިޔަނި
22 April 2022
މީހުން ކެރާވަރެން އުފުން މިތީބީ ލަދަހަ، ކައުންސިލަރުން މީކިހިނަށް ވެގެނެ އެކަލް އެކެށަހަ މިކަލް މިކެޑަހަ ދެކަލް ދެކެޑަހަ ތިގަވާއިދު ތިދަމަނީ. ރަށަހަ މީހުންލަވޮއާ ބަވޮއަން ދޮގޭ
ކެކެކެކެ
22 April 2022
މި އޮތީ ކުކުކު ޅަކަށް ރަންބިހެއް ލިބިފަ!!
އަލި ބެއްޔާގެ ޗޯޓޭ
21 April 2022
ތަފުން ކޫދުން ވަރަށް މުއަ!
ރަށިއެދުރު
21 April 2022
ފުވައްމުލަކި ޓްއަރިޒަމްދާއިރައި ތަޖުރިބާކާރުން މަދެއްނިވެއްނެން. ޤާނޫނީދާއިރައި ތަޖުރިބާކުރުނަސް މަދެއްނިވެން. ހިލޭސާބަހަށަ ޔަގީނަހަސް ފަންނީ ލާދެންނޭނަ. ޤަވާއިދު ހަދަންނިއެގޭފަހޭ އެކަމަސް ކޯދެންނާނަ. ކަންކަން އަމިއްލާށަ ކެރަންނަ ނިއެގޭފަހޭ އެގޭމީހުން އެކަހެން އަހާގެން ކެރުން ބުއްދިވެރި. ރަށިގެ ހައެބަތުއާ ޤަދަރަކީ ކެޅެނާ އެއްތަކަހަ ނިހެދުން އެދެން.