އައްމަޓީގެ މައްސަލަ އާދިއްތަ ދުވަހު ސުޕްރީމް ކޯޓުން ނިންމަނީ

ސުޕްރީމް ކޯޓު: އައްމަޓީ ބަންދުން ދޫކޮށްލި މައްސަލާގެ ހުކުމް އާދިއްތަ ދުވަހު އިއްވާނެ --- ފޮޓޯ/މިހާރު

މުއިއްޒު އިބްރާހިމް، މިހާރު

21 އެޕްރީލް 2022 - 22:23

ސީލައިފްގެ މެނޭޖިން ޑިރެކްޓަރު އަހުމަދު މޫސާ (އައްމަޓީ) ބަންދުން ދޫކޮށްލި މައްސަލަ އަންނަ އާދިއްތަ ދުވަހު ނިންމަން ސުޕްރީމް ކޯޓުން ހަމަޖައްސައިފި އެވެ.

ޚިޔާނާތުގެ ގިނަ ދައުވާތަކެއް އުފުލާފައިވާ އައްމަޓީ މިދިޔަ މަހު ކްރިމިނަލް ކޯޓުން ބަންދުން ދޫކޮށްލި މައްސަލަ ހައި ކޯޓުގައި އިސްތިއުނާފް ކުރުމުން އެ ކޯޓުން އެ މައްސަލަ ނިންމީ ބޭރުކޮށްލުމަށެވެ.

އެ މައްސަލަ ދައުލަތުން ސުޕްރީމް ކޯޓުގައި އިސްތިއުނާފް ކުރުމުން އެ މައްސަލާގެ އަޑުއެހުންތައް މި ހަފުތާގައި ވަނީ ނިންމާލައިފަ އެވެ. އެ މައްސަލަ ނިންމަން ހަމަޖައްސާފައިވަނީ އާދިއްތަ ދުވަހު ހެނދުނެވެ.

ހައި ކޯޓުން އައްމަޓީގެ މައްސަލަ ބޭރުކޮށްލީ އިސްތިއުނާފް މުއްދަތުގެ ގޮތުގައި އެ ބާވަތުގެ މައްސަލަތަކަށް އޮންނަ 48 ގަޑިއިރުގެ މުއްދަތު ހަމަވެފައިވާތީ އެވެ. ދައުލަތުން ބުނާގޮތުން 48 ގަޑިއިރު ގުނަން ޖެހޭނީ ދަށު ކޯޓުން އެ ނިންމުމެއް ނިންމާ ދުވަސް ނުހިމަނަ އެވެ. އެކަމަކު ހައި ކޯޓުން ނިންމީ ދަށު ކޯޓުގެ ނިންމުން ނިންމާ މިނެޓުން ފެށިގެން މުއްދަތު ހިނގަން ފަށާނެ ކަމަށެވެ.

މި މައްސަލާގައި ޕްރޮސެކިއުޓާ ޖެނެރަލް ހުސައިން ޝަމީމް އަމިއްލަ ބްލޮގާއި ޓްވީޓާގައި ވާހަކަ ދައްކަވާފައިވާތީ އެ މައްސަލަ ނިމެންދެން ދައުލަތުގެ އެއްވެސް ވެރިއަކު އެ މައްސަލައާ ގުޅޭ ވާހަކަ ނުދައްކަން ސުޕްރީމް ކޯޓުން އޮތީ އަމުރެއް ވެސް ނެރެފަ އެވެ.

ކުށްކުރުން ކްރިމިނަލް ކޯޓް ސުޕްރީމް ކޯޓް ހައި ކޯޓް އަހުމަދު މޫސާ (އައްމަޓީ)

7 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޖާބިރު

22 April 2022

ތިދެންބަލާ އައްމަޓީ ސަލާމަތް ވީ ކަމަށް. ލިބުނު ގެއްލުމުގެ ބަދަލުވެސް ދައުލަތުން އައްމަޓީއަށް ދޭން ޖެހޭނެ ކަމަށް ޙުކުމް ކުރާނީވެސް. އަލުން ހުޅުމާލެއިން ބިމަކާއި، އިމާރާތް ކުރުމަށް ބޭނުންވާ ފައިސާވެސް ދައުލަތުން ދޭން ޖެހޭގޮތަށް ތިކަން ނިމޭނީ. އަދުލު އިންސާފު އުތުރި އަރާ ގައުމެއް މީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

22 April 2022

ތައުލީމީ ނަޒާހަތްތެރި އަދި "ނުފޫޒުން އެއްކިބާވުމުގެ ހިތްވަރުހުރި" ފަނޑިޔާރުންގެ ބެންޗެއްއޮތް މިހާރުގެ ސްޕްރީމް ކޯޓާއިމެދު އަހަރުމެން އުއްމީދު ނަގާލައިގެން ނުވާނެ. # މިކަމުގައިވެސް "ވަގުތު ގުނާނެގޮތުގެ ހަރުދަނާނިންމުމެއް ކަޑައެޅުމާއިއެކުގައި" އެތައްސަތޭކަ ރައްޔިތުންގެ ލޭ ބޮއިލާފަހުރި ކުށްވެރިޔާފަދަ އިތުރުފަރާތްތަކަށް އަދި މުސްތަޤުބަލުގައި ދިމާވާ މިފަދަކަންކަން ނިންމަން ލިބޭ ފިލާވަޅަކަށް ފުދޭނެ ނިންމުމެއް ކޯޓުން ކަޑައަޅާނެކަން އަހަރުމެނަށް ޔަޤީން.