ރޭގަނޑު ވަގުތު ވެމްކޯގެ މުވައްޒަފުން ކުނި ނަގަނީ-- ފޮޓޯ: އަހުމަދު އަވްޝަން/ މިހާރު
26 އެޕްރީލް 2022 - 16:57
21 comments
ހުޅުމާލޭގެ އާންމު ތަންތަން ސާފުކޮށް، ބެލެހެއްޓުމުގެ މަސައްކަތާ ވެމްކޯ އިން ހަވާލުވެއްޖެ އެވެ.
މި ނިންމުމާއެކު، އެ މަސައްކަތް ކުރުމަށް 50 މީަހަކު ހޯދަން ވެމްކޯ އިން މިއަދު ވަނީ އިއުލާނުކޮށްފަ އެވެ. މުސާރައަކީ މަހަކު 8،000ރ. އެވެ.
ހުޅުމާލޭގެ އާންމު ތަންތަން ސާފުކުރުމުގެ މަސައްކަތް މިދިޔަ ދުވަސްތަކުގައި ކުރަމުން އައީ އެޗްޑީސީންނެވެ. އެކަމަކު އެ މުއްދަތުގައި ވެސް ގޭބިސީތަކުން ކުނި ނެގުމުގެ މަސައްކަތްކުރީ ވެމްކޯ އިންނެވެ.
އެޗްޑީސީން ބުނީ ވެމްކޯއާއެކު، މިއަދު ވި އެ އެއްބަސްވުމުގެ ބޭނުމަކީ، ހުޅުމާލޭގެ އާންމު ސަރަަހައްދުތައް ސާފުކޮށް، ހުޅުމާލެ އިން ނަގާ ކުނީގެ ބާވަތްތައް ވަކިކޮށް، ދެމެހެއްޓެނިވި ހައްލެއް ހޯދުން ކަމަށެވެ. އަދި ތަންތަން ސާފުކުރުމުގެ މަސައްކަތްތައް އެޗްޑީސީން ކުރުމުގެ ބަދަލުގައި އެ ކަމަށް ހާއްސަ ފަރާތަކާ ހަވާލުކޮށްގެން މަސައްކަތް ކުރަން ފެށުމުން ހުޅުމާލޭގެ އުމްރާނީ ތަރައްގީގެ ކަންކަމަށް އެ ކުންފުންޏަށް އިތުރަށް ފޯކަސް ކުރެވޭނެ ކަމަށް ވެސް އެޗްޑީސީން ބުންޏެވެ.
"ކުރިއަށް އޮތް ތަނުގައި ވެސް މިފަދަ މަސައްކަތްތައް އެ ކަމަށް ކަނޑައަޅާފައިވާ ފަރާތްތަކާ މަޝްވަރާ ކުރެވިގެން، އެފަދަ މަސައްކަތްތައް އެ ފަރާތްތަކާ ހަވާލުކުރުމަކީ މި ކޯޕަރޭޝަންގެ މަގްސަދެވެ،" އެޗްޑީސީން ބުންޏެވެ.
ހުޅުމާލޭގައި އާންމުކޮށް ހުޅުވާލާފައިވާ ހުރިހާ މަގުތަކާއި މަގާ އިންވެގެންވާ ޕޭވްމަންޓާއި ގަސް އިންދާފައިވާ ސަރަހައްދުތަކާއި ޕާކްތަކާއި ބީޗް ސަރަހައްދު ވެސް ސާފުކުރާނީ ތިން އަހަރުގެ އެއްބަސްވުމުގެ ދަށުން ވެމްކޯ އިންނެވެ.
އެޗްޑީސީން ބުނިގޮތުގައި ހުޅުމާލޭގެ އާންމު ސަރަހައްދުތަކުން ވެމްކޯ އިން ނަގާނީ "ލީޓާ" ކޮށްފައިވާ ކުނީގެ ބާވަތްތަކެވެ. އޭގެ ތެރޭގައި ޕްލާސްޓިކް ފުޅި އާއި ދަޅާއި ކޮތަޅާއި ކަރުދާހާއި ފަތްކުނި ކަހަލަ ބާވަތްތައް ހިމެނެ އެވެ.
Trash has become a huge problem in Hulhumalé, and to take further precautions to minimize it, an agreement was signed with @WAMCOmv to keep Hulhumalé clean and trash-free.
— HDC (@hdcmaldives) April 26, 2022
Don’t forget to do your part in keeping Hulhumalé clean and green.#MyHulhumalé #SaafuHulhumalé pic.twitter.com/g5FlM6CwsX
ސަމާލުކަންދޭންވީ ކަންކަން:
- ވެމްކޯގެ ކުނި އުކުމުގެ ހިދުމަތަށް ގޭބިސީތަކުން ރަޖިސްޓަރީކުރުން.
- ކެފޭ/ ރެސްޓޯރަންޓުގެ ހިދުމަތްދޭ މީހުން ވެސް ވެމްކޯގެ ހިދުމަަތަށް ރަޖިސްޓަރީވުން.
- ބޮޑެތި އަދި ބަރު ކުނި އުކާލުމަށް ވެމްކޯގެ ކޯލް އެންޑް ޕިކަޕް ސާވިސް ހިޔާރުކުރުން.
ވެމްކޯގެ ހުޅުމާލެ ޓީމާއި ގުޅިވަޑައިގަތުމުގެ ފުރުސަތު.
— Waste Management Corporation Limited (WAMCO) (@WAMCOmv) April 26, 2022
މަޤާމް: ރޯޑް ސްވީޕަރ (ކުނި ކަހާ)
މުސާރަ: 8،000ރ
މަޤާމަށް އެދި ފޯމް އަދި ލިޔެކިޔުން ބަލައިގަންނާނީ މއ. ޖަންބުގަސްދޮށުގެ، 2 ވަނަ ފަންގިފިލާ އިން
އިތުރު މައުލޫމާތު: https://t.co/t5ntRNqMgY pic.twitter.com/TcFMSyYtd9
ހުޅުމާލޭގެ އާންމު ސަރަހައްދުތައް ސާފުކުރާ ޓީމާ ގުޅެން ބޭނުންވާ މީހުންގެ އެޕްލިކޭޝަން ފޯމު ބަލައިގަންނާނީ އަންނަ މަހުގެ ނުވަ ވަނަ ދުވަހުގެ 12:00 ގެ ކުރިންނެވެ. ބަލައިގަންނާނީ އެންމެ ފުރަތަމަ ހުށަހަޅާ 100 ފޯމު ކަމަށް ވެމްކޯ އިން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަބީބު
27 April 2022
ކުލިދައްކާ ނުލެވޭ ވަރުމުސާރައެއްތީ ތިޔަމުސާރަ މަޖިޅީހައް ކަނޑައަޅާފަ މަޖިލީސް މުސާރަ ސާފުކުރް މިހުންނައް ކަނދޑައަޅަންވީ ސާފުކުރާމިހުންނައް ބުރަވެފަ ސިއްހީގޮތުންވެސް ނުރައްކާ ރިސްކްއެލަވަންސްއެއްނެތް ތީތިކަޑަ ބުރޯ
ޙަބީބު
27 April 2022
ކުނިއުކުމައް މާލޭގެ އެއްވެސް ގެޔަކުން ލާރި ނަގައިގެން ނުވާނެ ގްރިންޓެކްސްގެ ގޮތުގަ ކޮންމެ ބިދޭސި ލޭބަރެއްގެ އަތުން މަހަކު ދައުލަތައް 10 ޑޮލަރު ދައްކަން ޖެހޭކަމައް ގާނޫނުގަ ލިޔޭ އަދި ފުރާ ކޮންމެ ފަތުރުވެރިޔަކުވެސް އެދަނީ ދައްޖަމުން ދެން ބުރިޖު ދެކޮޅުގަ ކައުންޓަރު ހަރުކޮއް ކޮންމެކޮޅަކުން ދެރުފިޔާ ނަގަންވީ އަދި ބޭރުގެ ސަފިރުން ކޮންމެ ސަފީރަކު 100 ޑޮލަރު ކޮންމެ އެންބަސީޔަކުން 5000 ޑޮލަރު ދައްކަން ޖެހޭނެ ކަމަށާ މާލޭ ފަލުގަ އަޅާ ކޮންމެ ބޯޓަކުން 1000 ރު
ފަރީދާ / ސްލަމް ސިޓީ.
27 April 2022
އަނެއްކާ ތިކަން ކުރީ ފުލެޓްތައް ލިބިފައިތިބި ކ.އަތޮޅު މާލޭ މީހުންގެ ހުއްދަ ހޯދައިގެންތަ ؟
ސުހައިލު
27 April 2022
ކިތައްމެ ވަރަކަށް ސާފުކުރިޔަސް އެތާ ދިރިއުޅޭ މީހުން ސާފުތާހިރުވެގެން ތަން ސާފުކޮށް އޮންނާނީ. އެޗް-1 ފްލެޓްގެ މަތިން ކޮންމެ ދުވަހަކުވެސް ޕުއްފު ނެޕީ މަގުމައްޗަށް އުކާފަހުރޭ. ދެން މެހިތައް އޮލަވެފަ އޮންނަނީ މުޅި ހިސާބުގަ. މިދެން ގޮތެއްހުރި އިންސާނަކު ކުރާކަހަލަ ކަމެއް ނޫން.
މޮޔަވެދާނެނު
27 April 2022
ތިހެން ހެދީމަ މޭޔަރާއި ކައުންސިލަރުން މޮޔަވެދާނެނު. ތިތަނުން ލިބޭނެ ފައިސާގެ އަދަދުތައް ޖަހައިގެން ހިސާބުކޮށްލަ ކޮށްލާ ތިބޭތާ އެތައް ދުވަހެއް ވެއްޖެ. ދެވަނަފަހަރަށް ރަޖިސްޓްރީ ބާޠިލުނުކޮށްފިއްޔާ ކިތަންމެހާވެސް ރަނގަޅު
މަހޯލި
27 April 2022
ހުޅުމާލޭ މަގުތަކަށް ވިނަތައް އަރަމުންގޮސް ވެލި އެޅި މަގު ބެދޭ ހިސާބަށް ނުބެލެހެއްޓިގެން ގޮސް އެބަހުއްޓެެވެ. ތަންތަނަށް ވެލިފުންޏެއް ކުނިފުންޏެއް ޖަހަމަުން ހާކާލަ ހާކާލާ ތިބެމުން އެޗްޑީސީން ވަނީ ގޮސްފަ އެވެ.
މުގޯލި
27 April 2022
ކުލިދައްކަ ބަލަ
ބޯލަބޭ
27 April 2022
ކުރިން ރާއްޖޭގެ ރަށްރަށަކީ ސާފުތާހިރުކަމުގެ ނަމޫނާ ރަށްތަކެއް. އެކަމަކު ރައީސް މައުމޫނު ދައުރުގަ ދެކުނު އޭޝިއާގެ އެންމެ މުޑުދާރު އެއް ގައުމުން މަސައްކަތު މީހުން ގެނެސް މުޅި ގައުމު ގޮނޑަކަށް ހަދާލީ. އެމީހުން ކައިފަ ބަތްކޮތަޅުތައްވެސް އުކަނީ މަގުމައްޗަށް. އެވެސް ނަގާ ސާފުކުރަން މިޖެހެނީ ސަރުކާރަށް.
@ބޯޅަ
27 April 2022
ކުރިންވެސް ބައްތިތައް ނިވި އަނދިރިވެ މަގު ހުރަހެއްގެ މައްޗަށް މީހަކުއަރާ ވެއްޓި ނިޔާވެގެން ދިޔުމުން މަހެއް ދެމަހެއް ވަންދެން އެބައްތިތައް ދިއްލާފަ ހުރި މިހަރު އަނެއްކާވެސް ހުންނަނީ ނިވާފަ އެއީ ފިޔަވަހި 1 ގެ ވެމްކޯ ކުރިމަތިން 2 އާއި ގުލޭ މަގުގަ ހުރި ބައްތިތައް
އަލީ32
26 April 2022
އާންމު ތަންތަން ސާފުކުރާވަރަކަށް އާންމުން ކުނި އަޅަނީ އާންމުތަންތަނަށް..... ސިންގަޕޫރު ކަހަލަ ގައުމުތަކުގަ ނޫޅޭނެ އާންމުތަންތަން ސާފުކުރާމީހުނެއް އެތާއާންމުން މަގުމައްޗަށް ކުނިނާޅާތީ.
މަލީ
27 April 2022
އެހެންވެޔޭ ދިވެހިން ސިންގަޕޫރަށް ވާންއުޅެނީ. މިތާގަވެސް ނޫޅޭނެ ސާފުކުރާ މީހުންނެއް.
ސުއޮބު
26 April 2022
މިގައުމު ނޫނީ ކުންޏަށް ބިލެއް ނާދޭ!
ސުބު
27 April 2022
ކުންޏަށް ބިލް ނާންނަ ހުރިހާ ގައުމެއްގައިވެސް މަގުމަތީގެ ސާފުތާހިރުކަން ހުންނާނީ ރާއްޖެއަށްވުރެ ދަށުގަ.. ސާފު ތާހިރުކޮށް ގައުމު ބާޢްވަން ބޭނުންނަމަ ގައުމުގައި ދިރިއުޅޭ އެންމެންވެސް ކުނި އުކާލުމަށް ފައިސާދައްކާނެ. ބައެއް ގައުމު ތަކުގައި ވަކިން ކުނި މެނޭޖްކުރުމަށް ފީ ނެގިއަސް ބައެއް ގައުމު ތަކުގައި ޔުޓިލިޓީސް ބިލްގައި ހިމަނައިގެންވެސް ކުނި މެނޭޖްކުރުމަށް ފައިސާ ނަގާނެ،،
ފަހުދު
26 April 2022
މި ގައުމު ނޫނީ ނެތް ފައިސާއަށް ކުނި އުކާ ގައުމެއް.