އަބޫބަކުރު، އޭނާގެ އަންހެނުންނާއި ހުރިހާ ކުދިން އަދި ދަނބިދަރިންނާއެކު އުމްރާއަށް ގޮސް ފޮޓޯއަކަށް ހުއްޓާލައިގެން.
27 އެޕްރީލް 2022 - 12:55
13 comments
ހުރިހާ ދަރިންނާ އެކު އުމްރާ އަށް ދިއުމަކީ އަބޫބަކުރު ހަސަން (ބަކުރުބެ)، އޭނާގެ ހަތް ދަރިން ގާތުގައި އެންމެ ގިނައިން ދެއްކި އެއް ވާހަކަ އެވެ. އެކަމަކު ކޮވިޑް-19 ގެ ބަލިމަޑުކަމާ ހެދި އެކަން ނުވެފައި ތިބުމަށް ފަހު އޭނާގެ މި ހުވަފެން ހަގީގަތަަކަށް ވި މި ދަތުރު ވީ އޭނާގެ ފަހު ދަތުރަށެވެ.
އުމްރާގެ އަޅުކަމުގައި އުޅެނިކޮށް ރޭ ފަތިހު އޭނާ ކުއްލި ގޮތަކަށް ނިޔާވީ އެވެ.
އުމުރުން 76 އަހަރުގެ އަބޫބަކުރުގެ ފިރިހެން ދަރިފުޅު، ލިސާން އަބޫބަކުރު "މިހާރު" އަށް ބުނީ މުސާފިރީން އުމްރާ ގްރޫޕްގެ ހަވާލުގައި މިދިޔަ ހަފުތާގެ އާދިއްތަ ދުވަހު އުމްރާ އަށް ބައްޕަ ފުރީ ވަރަށް އުފަލުން ހުރެ ކަމަށެވެ.
ލިސާން ބުނީ ދީނީ ކަންތައްތަކަށް ސަމާލުކަން ދީ، ހެޔޮ ކަންތައްތަކަށް ބައްޕަ ބާރުއެޅުވި ކަމަށެވެ. އޭނާ ސިފަކުރި ގޮތުގައި އެވަރުގެ ރަނގަޅު، ހެޔޮ ބައްޕައެއް މި ދުނިޔެ މަތީގައި ނުލިބޭނެ އެވެ.
"ހުރިހާ ކުދިންނަށް ވެސް ވަރަށް ރަނގަޅު، އެއްވެސް ކުއްޖެއް ތަފާތު ނުކޮށް ކަންތައްތައް ކޮށްދިނީ. ރޭގަނޑު ބައްޕައާ އެކު ހުރިހާ ކުދިން އެއްކޮށް ކާނީ ވެސް،" ލިސާން ބުންޏެވެ.
އަބޫބަކުރު އުމްރާގައި.
އަބޫބަކުރު ދިޔައީ ލޭ މައްޗަށް ދިއުމާއި ހިތުގެ މައްސަލަ ހުންނާތީ އެކަމަށް ވެސް ބޭސް ކަމުންނެވެ. ނަމަވެސް ފަހު ވަގުތާ ހަމައަށް ވެސް އެ ކަމުގެ އުނދަގޫވެގެން އެ ވާހަކަ ދައްކާފައި ނުވާ ކަމަށް ލިސާން ބުންޏެވެ.
ބައްޕައާ އެކު އުމްރާ އަށް ގޮސް ހުރި ލިސާން ބުނީ ރޭ ވެސް އާއިލާގެ ހުރިހާ ކުދިންނާ އެކު ބައްޕަ އުޅުނު ކަމަށެވެ. ލިސާން ބުނި ގޮތުގައި ބައްޕަ ނިއާވީ ފަތިސް ނަމާދަށް ފަހު ކުއްލިއަކަށް މެޔަށް ތަދެއް އަރައިގެން ހޮސްޕިޓަލަށް ގެންދަން އުޅެނިކޮށެވެ.
"ރޭ ވެސް ހުރިހާ ކުދިންނާ އެއްކޮށް ސަކަރާތްޖަހައި އުޅުނު. އެއްވެސް ކަމެއް ފާހަގައެއް ނުވި،" ލިސާން ބުންޏެވެ.
އާއިލާއިން އަންނަނީ އަބޫބަކުރުގެ ޖަނާޒާގެ ކަންތައްތައް މިރޭ ބޭއްވޭތޯ މަސައްކަތްކުރަމުންނެވެ.
މަސްވެރިކަން ކޮށްގެން އުޅުނު އަބޫބަކުރު މީގެ ކުރިން 3-4 ފަހަރު އުމްރާއަށް ދިޔަ އެވެ. އެ ދަތުރުތަކުގައި އޭނާގެ ބައެއް ދަރިން ބައިވެރި ވިޔަސް މިއީ އޭނާ އުންމީދުކުރި ގޮތަށް ހުރިހާ ދަރިންނާ އެކު ދިޔަ އުމްރާ އެވެ.
ދަރިންގެ އިތުރުން ކާފަ ދަރިއެއް ވެސް މި ފަހަރު އުމްރާ އަށް ދިޔަ އެވެ. މީގެ އިތުރުން އޭނާގެ އަންހެނުންނާއި އަންހެނުންގެ އެއްބަނޑުއެއްބަފާ ގިނަ ބަޔަކާއި އެ މީހުންގެ ދަރިންނާއި ދަރިންގެ ދަރިން ވެސް އުމްރާ އަށް ދިޔަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފުންއަސަރު
28 April 2022
ކޮންފަދަ ބޮޑު ނަސީބެއް. ހުރިހާ ކަމެއްވެސް ތިޔަ ދިޔައީ އެންމެ ރަނގަޅަށް. މާތްﷲ ބަކުރުބެ އަށް ހެޔޮ ރަހްމަތް ލައްވާ ސުވަރުގޭގެ ދާއިމީ ނިއުމަތް މިންވަރު ކުރައްވާށި. އަދި ބަކުރުބެގެ އާއިލާއަށް ކެތްތެރިކަންދެއްވާށި. އާމީން!
ެިއިއްބެ101
28 April 2022
ބަކުރުބެއަށް ސުވަރުގޭގެ މަތިވެރި ނިއުމަތް މިންވަރު ކުރައްވާށިއެވެ. އާމީން މީގެ 30އަހަރުކުރިން އެގެއަށް ދެވޭ. ބަކުރުބެ މުޑިކާށި ދޭނެ އަހަރުމެން ނަށް.
މުޙައްމަދު ޞަލާހް
27 April 2022
ހެޔޮލަފާ ރަނގަޅު އިންސާނުންދެކެ ﷲތަޢާލާ ލޯބިވެވޮޑިގަންނަވާ މަރުހޫމަށް ހެޔޮރަހުމަތްލައްވާށި
މުހައްމަދު ހުސައި
27 April 2022
ބަކުތުބެ ފަދަ މާތް މީހެއް ކަމުގައި ލެއވުން އެދެން. ބަކުރުބެއަށް ސުވަރުގޭގެ އެންމެ މަތީ ދަރަޖަތައް ލެއްވުމަށް މިރޭގެ ދުޢާގައި އެދިދަންނަވާނަށް. އިންޝާއަﷲ
މަރު
27 April 2022
ވަރަށް އަރާމް މާތް މަރެއް. ރަހުމަތް ލައްވާށި. ސުވަރުގެ ލައްވާށި. އާމީން..
އަޝްރަފް
27 April 2022
ބަކުރުބޭ އަކީ ހާދަހާވާ ހެޔޮލަފާ އިންސާނެކޭ. ރަށުން ބޭރުން އޭދަފުއްޓަށް ކިޔަވަން ގޮސް އުޅުނު ކުދީންނަށް ބަކުރުބޭގެ ހެޔޮކަން ވަނީ ފެނިފަ. މަރު ދުވަހަށްވެސް ދަރިފު ކިޔާފަ ނޫނީ ވާހަކަ ނުދައްކާ. އެންމެ މާތް މައްސަރުގަ މަތިވެރި އުމްރާ އަޅުކަން އަދާކުރަން އެންމެ މާތް ބިމުގަ އެންމެ ލޯބިވާ އާއިލާގެ މީހުން ގާތުގައި ތިބެ ފަތިސް ނަމާދުގެ އަޅުކަމަށް ފަހު އަބަދުގެ އަބަދަށް ވަކިވެގެން އެ ދިޔައީ. ކޮންފަދަ ހެޔޮ މަރެއް. ް
ތުނިޔަ
27 April 2022
ماشاءالله ކޮންފަދަ ރީތި ނިމުމެއް! أبوبكر ގެ ފާފަ ފުއްސަވައި ޖައްނަތުލް ފިރުދައުސުގައި ލައްވާށި! امين
ާAli
27 April 2022
ފޮޓޯގަޑު ފެނުމުން ވަރަށް އަސަރުކޮށްފި
އަބްޑޫޅް
27 April 2022
އަވަހަށް، ބަކުރުބޭގެ ހަށިގަނޑު ރާއްޖެ ގެނެސް، ދިވެހި މާތް ބިމުގަ ވަޅުލައިދީ.
އަބްދުﷲ އަލީ
27 April 2022
ބަލަ މައްކާގެ މާތްބިމައްވުރެ މިދިވެހި ބިން ކޮންގޮތަކަށް ތަމާތްވީ؟
ހެޔޮ ރަޙްމަތް ލައްވާށި
27 April 2022
އާޓިކަލް ގައި ފާހަނގަ ކޮށް ފައިވާ ގޮތައް ބަކުރުބޭ އަކީ މީހުންނަށް ވަރަށް ހެޔޮ ، އަދި ޙާއްޞަކޮށް ދަރިންނަށް ހެޔޮ ބައްޕައެކެވެ. ބަކުރުބޭ އާއި ވަރަށް ފަހުންވެސް މައްކާގައި ހުއްޓާ ވީޑިއޯ ކޯލް ކޮށް ވާހަކަ ދެކެވުނެވެ. ކޮންފަދަ ހެޔޮ މަރެއްތޯ އެވެ. އުމްރާގެެ މަތިވެރި އަޅުކަން ކުރުމަަށް ދިޔައީ އަންހެނުން ނާއި ހުރިހާ ކުދިން އަދި އެންމެ ގާތް ރަޙްމަތްތެރިޔާ އާއި އެކުއެވެ. ބަކުރުގެ ފުރާނަ އަށް ހެޔޮ ރަޙްމަތް ލައްވާ އާއިލާ އަށް ކެތްތެރިން ދެއްވާންދޭވެ.