މަތީ ތައުލީމުގެ ލޯނުގެ އިދާރީ ފީ އެއް ޕަސެންޓަށް ކުޑަކޮށްފި

ވިލާ ކޮލެޖުގައި މިދިޔަ ސެޕްޓެމްބަރު މަހު ބޭއްވި ގްރެޖުއޭޝަން ހަފުލާގައި، އެ ކޮލެޖުގެ ދަރިވަރުންތަކެއް ބައިވެރިވަނީ.-- ފޮޓޯ: އަހުމަދު އަވްޝަން/ މިހާރު

އާސިމާ ނިޒާރު، މިހާރު

29 އެޕްރީލް 2022 - 09:36

7 comments

މަތީ ތައުލީމު ހާސިލްކުރަން ސަރުކާރުން ދޫކޮށްފައިވާ ހުރިހާ ލޯނެއްގެ އިދާރީ ފީ އިއްޔެ އިން ފެށިގެން އެއް ޕަސެންޓަށް ކުޑަކޮށްދީފި އެވެ.

ހަޔާ އެޑިއުކޭޝަން މިނިސްޓްރީން ކުރި އިއުލާނެއްގައި ބުނީ، އިދާރީ ފީތައް ކުޑަކުރުމުން އެކަމާ ގުޅުން ހުރި މަސައްކަތްތައް އެ މިނިސްޓްރީން މިހާރު އަންނަނީ ކުރަމުން ކަމަށެވެ. ލޯނަށް ގެންނަ ބަދަލުތައް އެ ދަރިވަރުންނަށް ލިޔުމުން އަންގާނެ ކަމަށް ވެސް އިއުލާނުގައި ވެ އެވެ.

މަތީ ތައުލީމުގެ ލޯނުގެ އިދާރީ ފީގެ ގޮތުގައި ކުރިން ނަގަމުން އައީ ފަސް ޕަސެންޓެވެ. ނަމަވެސް މި ސަރުކާރުން ވެރިކަމާ ހަވާލުވުމާ އެކު އެ އަދަދު ތިން ޕަސެންޓަށް ދަށްކުރީ އެވެ. އެކަމަކު، މިނިސްޓްރީން މިދިޔަ ފެބްރުއަރީ މަހު މަތީ ތައުލީމުގެ 720 ފުރުސަތަށް ހުޅުވައިލީ އިދާރީ ފީ އެއް ޕަސެންޓަށް ކުޑަކޮށްފަ އެވެ. މިނިސްޓްރީގެ މި ނިންމުމާ ގުޅިގެން، ކުރިން ލޯނު ނެގި ދަރިވަރުންގެ އިދާރީ ފީތައް ވެސް ކުޑަވާނެ އެވެ.

އިއުލާނުގައި ވަނީ ހަޔާ އެޑިއުކޭޝަން މިނިސްޓްރީ މެދުވެރިވެގެން ބީއެމްއެލުން ލޯނު ނަގާފައިވާ ދަރިވަރުންގެ އިދާރީ ފީ ކުޑަކުރަން ބޭނުންވާ ނަމަ ސިޓީއަކުން ނުވަތަ އީމެއިލް މެދުވެރިކޮށް [email protected] އަށް އައިޑީކާޑު ކޮޕީއާއެކު ހުށަހަޅަން އެދިފަ އެވެ.

Idhaaree fee 1 percent ah kudakoh mathee thauleemge 720 loan ah hulhuvaa laifi

The most trusted news source in the Maldives

Mihaaru

މިނިސްޓްރީން އެ މައުލޫމާތުތައް ކަށަވަރުކުރުމަށް ފަހު، ބީއެމްއެލްއާ ހިއްސާކުރުމުން އެ ކަމާ ގުޅުން ހުރި އެހެނިހެން ކަންތައްތައް ކުރިއަށް ގެންދާނީ އެ ބޭންކުން ކަމަށް އިއުލާނުގައި ބުންޏެވެ.

ލޯނުގެ އިދާރީ ފީ ކުޑަކުރުމުން ހަޔާ އެޑިއުކޭޝަން މިނިސްޓަރު ޑރ. އިބްރާހިމް ހަސަން ވިދާޅުވީ، އެ ބަދަލުގެ ސަބަބުން ދަރިވަރުންނަށް ވަރަށް ލުއިފަސޭހަކަމާއި ހިތްހަމަޖެހުން ލިބޭނެ ކަމަށެވެ.

ކިޔެވުން ނިންމައިގެން ރާއްޖެ އައިސް އެއްބަސްވެފައިވާ ގޮތަށް އަނބުރާ ފައިސާ ދެއްކުމުގެ ކަންކަން ކުރިއަށް ގެންދާނެ ކަމަށް ޔަގީން ކުރައްވާ ކަމަށް އޭނާ ވިދާޅުވި އެވެ.

ލޯނު ނަގައިގެން މި ވަގުތު 9،054 ދަރިވަރުން އަންނަނީ ކިޔަވަމުންނެވެ.

މަތީ ތައުލީމު ސްޓޫޑެންޓް ލޯނު އިބްރާހިމް ހަސަން، ހަޔާ އެޑިއުކޭޝަން މިނިސްޓަރު މިނިސްޓްރީ އޮފް ހަޔާ އެޑިއުކޭޝަން

7 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނަންނަމާ

01 May 2022

ޝުކުރިއްޔާ ސަރުކާރަށް، އެކަމަކު ލޯނުގެ ކަމަކާ ގުޅާލީމަ ގިނަފަހަރު ފޯނެއް ނުނަގާ، ފޯނު ނަގާ ފަހަރަކު ބަލައި ލާފަ ގުޅާލާނަމޭ ކިޔާފަ ދެނެއް ނުއެއްގުޅާ. ސެމިސްޓަރ ފީ ދައްކަން ޖެހޭ ޑިއުޑޭޓް ދަނީ، ފީ ޕްރޮސެސް ނުކޮށްދޭ، އީ-މެއިލް އަށް ޖަވާބެއް ނުދޭ. ލޯނާ ބެހޭ ބައިގެ ވެރިން މިކަންކަން ރަނގަޅެއް ނުކުރޭ. ބުރާސްފަތި ދުވަހު ވެސް ނުގުޅުން. ވަރަށް ފަރުވާކުޑަކޮށް މަސެއްކަތް ކުރާ ބައެއް. ވަރަށް ދެރަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުތްއާދަނު

30 April 2022

1 ޕަސެންޓަށް ކުޑަ ކުރީމައި އަދިވެސް ޖެހޭދޯ އާދޭސްކޮށްފައި ސިިޓީލިޔަން .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަނ

29 April 2022

ކިޔަވައިގެން ވަޒީފާއެއް ނުލިބޭ ނުކިޔަވާ ސިޔާސީ ވީމަ މާ ރަނގަޅު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަހުލާފު

29 April 2022

މި ލޯނުގެ 50 އިންސަންތަ ސަރުކަރުން ދިނުމަށް އެދެން، ކިޔަވާ ނިމޭ އިރު މިލިޔަނުން ދަރާފަ، ލިބޭ އެއްޗަކުން ލޯނު ދައްކާފަ ޒަރޫރީ ބޭނުން ފުދޭވަރެއްވެސް ނުވޭ، ދެން 10 އަހަރު މަޑުކުރަން ބައެއްމީހުނަށް މޖުބޫރު އެބަވޭ މެރީ ނުކޮށްވެސް އުޅެން، ވިސްނާ ވިސްނާ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަނުކިރު

29 April 2022

އަޅެ ނޫސްވެރިން ވެސް އުޅެބަ މިވާހަކަ ސަރުކާރުގެ ވެރިންނަނާ ހަމައަށް ފޯރުކޮށްދޭން، ނިކަން ސްޓަޑީއެއް ހަދާލަބަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލައިޏި

29 April 2022

ނޫސްވެރިންނަކީ ސްޓަޑީ ހަދާބަޔެއްނޫން. ރިޕޯޓް ކުރާބަޔެއް. އެވަނިމީހަކު މިވެނިމީހަކު ބުނީ އެހެންނޭބުނީމަ އެވުވުނީ ނޫސްވެރިޔަކަ. މީރާއްޖޭގެ ހާލަތު. މައުމްމީދު ކުރަން ކިޔަވައިގެން ތިބި ބަޔަކު ނޫސްވެރިކަން ތަރައްގީ ކުރަން އުޅޭނެ ދުވަހެއް ދެކެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަދަން

30 April 2022

މި ސަރުކާރުން އޮތީ މަތީ ތައުލީމު ހިލޭ ކޮށްދީފަ. ނަމަވެސް އެއީ ރާއްޖެއިން ކަމަށް ވަންޏާ. ބޭރަށް ކިޔަވަން ދާ ކަމަށް ވަންޏާ އިތުރު ހަރަދު ތަކެއް އެބަ ހިނގާ. ދައުލަތަށް ވެސް ނުވާނެ ވަރަށް ބުރަ ބޮޑު ކުރީމަ މާދަމާ އެކަމުގެ ގެއްލުން ވާނީ އަހަރެމެންނަށް. ލަންކާގެ ހާލަތުން އިބުރަތް ހާސިލުކުރަމާ.