ރައްޔިތުން މަޖިލީހުގެ ރައީސް ނަޝީދު: އެމަނިކުފާނަށް ދިން ހަމަލާގެ ޝަރީއަތް ލަސްވާތީ މަޖިލީހުގެ އިދާރާއިން ކަންބޮޑުވުން ވަނީ ފާޅުކޮށްފައި -- ފައިލް ފޮޓޯ: ރައްޔިތުންގެ މަޖިލިސް
06 މެއި 2022 - 14:04
19 comments
ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްްމަދު ނަޝީދަށް ދިން ޓެރަރިސްޓް ހަމަލާގެ ޝަރީއަތް ލަސްވާތީ އެކަމާ ކަންބޮޑުވާ ކަމަށް މަޖިލީހުން މިއަދު ބުނެފި އެވެ.
މިދިޔަ އަހަރުގެ މެއި މަހު ނަޝީދަށް އަމާޒުކޮށް ދިން ބޮމުގެ ހަމަލާއަށް މިއަދު އެއް އަހަރު ފުރުމާ ގުޅިގެން މަޖިލީހުގެ އިދާރާއިން ނެރުނު ބަޔާނެއްގައި ވަނީ ނަޝީދު އަވަހާރަކޮށްލަން ދިން ހަމަލާއަކީ އެމަނިކުފާނުގެ އިތުރުން ދިވެހި މުޖްތަމައުުއާ ދެކޮޅަށް ދިން ހަމަލާއެއް ކަމަށެވެ.
އެ ހަމަލާއަށް އެއް އަހަރު ފުރުނުއިރު އެ މައްސަލާގައި ދައުވާލިބޭ މީހުންގެ ތެރެއިން އެންމެ މީހަކު ފިޔަވައި ދެން ތިބި މީހުންގެ ޝަރީއަތްތައް ނުނިމި ލަސްވުމަކީ ކަންބޮޑުވާ ކަމެއް ކަމަށް އެ ބަޔާނުގައިވެ އެވެ. އަދި އެކަމަށް އިންސާފު ނުލިބޭހާ ހިނދަކު ނަޝީދުގެ ދިރިއުޅުއްވުމާއި ރަސްމީ މަސައްކަތްތަކަށް ވަރަށް ބޮޑަށް ހުރަސް އެޅިފައިވާ ކަމަށް އެ ބަޔާނުގައިވެ އެވެ.
"އެ ހަމަލާއަށް އިންސާފު ލިބިވަޑައިނުގަންނަވާހާ ހިނދަކު، އެމަނިކުފާނުގެ ރަސްމީ މަސައްކަތްޕުޅުގައި ވާޖިބާއި މަސްއޫލިއްޔަތު އަދާކުރެއްވުން އަދި މިނިވަންކަމާ އެކު ދިރިއުޅުއްވުމުގެ ހައްގު ވަނީ ވަރަށް ބޮޑަށް ހަނިކުރެވިފަ އެވެ." އެ ބަޔާނުގައި ވެއެވެ.
އެ ބަޔާނުގައިވާ ގޮތުން އެ ހަމަލާއަށް ފަންޑުކުރި މީހުން ހޯދުމަށް އަވަހަށް ތަހުގީގު ހިންގުމަކީ ވެސް ކުރަންޖެހޭ ކަމެކެވެ. އެ ހަމަލާއަކީ ފަހުގެ ތާރީޚުގައި ދިން އެންމެ ބޮޑު ހަމަލާ ކަމަށް ވާއިރު، އެކަމުގައި ބައިވެރިވި އެންމެން އިންސާފުގެ ކުރިމައްޗަށް ގެންނަން ޖެހޭނެ ކަމަށް އެ ބަޔާނުގައިވެ އެވެ.
ބޮމުގެ ހަމަލާއާ ގުޅިގެން ދައުލަތުން ދައުވާކުރި ނުވަ މީހުންގެ ތެރެއިން މިހާތަނަށް ޝަރީއަތް ނިމުނީ ބޮން ގޮއްވުމުގައި އަމަލީ ގޮތުން ބައިވެރިވި މުހައްމަދު އަދުހަމްގެ ޝަރީއަތެވެ. އޭނާ ކުށަށް އިއުތިރާފްވުމުން އޭނާ މައްޗަށް ކުށް ސާބިތުވެ، 23 އަހަރުގެ ޖަލު ހުކުމެއް ވަނީ އިއްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަނާ
08 May 2022
މަޖްކިސްގެ ނަމުގަ އަންނިއާ އީވާ ފާޑުފާޑުގެ ބަޔާން ނުބެރެ ތިމާމެންގެ އަމިއްލަ ނަމުގަ ނެރެބަލަ އެއިރުން މީހުންގެ ހަމްދަރުދީ ލިބޭނެމިހާރު ދައުލަތުގެ މުއައްސަސާއެއް ކެނރީގޭ ބައިގަނޑު ތިޔަ އުޅެނީ ވާރިތަ މުދަލަކަށް ހަދައިގެން
ކޮލާޖީ
07 May 2022
މީނަ ޖޭއެސްސީގަ އިނދެގެން މީނައަށް އަނިޔާލިބުނު މައްސަލަ ލަސްވާކަމުގެ ޝަކުވާކުރުމަކީ ފަނޑިޔާރަށް މީނަ ދޭ އިންޒާރެއް
ހަގީގަތް މިއީ
06 May 2022
ބޮމުގެ ހަމަލާގެ ށަރިއަތް ލަސްވީމާ ކަންބޮޑުވުން ފާޅު ކުރާނީ މަޖިލީހަކުންނެއް ނޫން އަދި ސަރުކާރަކުންނެއް ނޫން. ކަންބޮޑުވުން ފާޅު ކުރަންޖެހޭނީ ނަށީދު ގެ އޮފީސް އޮފް ދަ ފޯމަރ ޕްރެސިޑެންޓް ގެ އޮފީހުން.
ޟީސާ
06 May 2022
ލަސްކުރަނީވެސް ސަރުކާރު މީ އޑޕ ސަރުކާރެއް އެހެންވީމާ މިކިޔަނީ ތިމަންނަ މެނޭ ހަމަލަސް ކުރަނީ
އަސްލު.
06 May 2022
މަނިކުފާނަކީ މިރާއްޖޭގެ ވިރިކަން ކުރިން ކުރައްވާފަ ހުންނެވި އަދި މިހާރުވެސް ޖުޑިޝަލްކޮމިޝަންގެ މެމްބަރެއް ވަރަށް ރަގަޅަށް އެގިލައްވާނެ ރާޖޭގެ ކޯޓުތަކުގައި މައްސަލަތަށް ފުނިޖެހިފަ ހުރިވަރު، އެއީ މިދިޔަ 3 އަހަރު އެކަން ކުރެއްވި ގޮތުން ވެގެންއުޅޭކަމެއް ނޫންކަން ވެސް ވަރަށް ރަގަޅަށް އެގިލައްވާނެ، އެކަންއެގިވަޑްއިގެން ހުންނަވާ މަނިކިފާނުގެ އާއިލާއަށް ވެސް އެކަން ސިއްރުކޮށް އަމިއްލަ ފުޅަށްވެސް އެގޭކަމަށް ނުހައްދަވާ ބަސްވިދާޅުވާތީ ހައިރާންރޭ.........
ސަސ
06 May 2022
މަޖިލީހުން ބަޔާނެ، އާއިލާއިން ބަޔާނެއް. އީވާ ބަޔާނެއް، އިންތިޔާޒު ފަހުމީ ބަޔާނެއް، ބަޔާން ނުނެރޭ އެންމެން ނަކީ އެކަމަަށް ތާއިދުކުރާ ބަޔެއްކަމަށް ނުވެއްޖެޔާ ރަގަޅު
އާބިދާ
06 May 2022
އާއިލާއިން ބަޔާނެއް، މަޖިލީހުން ބަޔާނެއް، އެމްޑީޕީއިން ބަޔާނެއް، އީވާ ބަޔާނެއް، ސަރުކާރުން ބަޔާނެއް. މިއީ ހަމަ އެއް ބައެއް ނޫންތަ އެކި ނަންނަމުގަ ބަޔާން މިނެރެނީ؟ ބޯހަލާކު
ލައިލާ
06 May 2022
އަޖައިބު. ސަރުކާރުވެސް، މަޖިލިސްވެސް އެމްޑީޕީ، ދެން ކޮން ބަޔާނެއް؟ އިދާރާތައް ޖަވާބުދާރީކުރުމުގެ އެންމެ ބޮޑު ޒިންމާއެއް އޮތީ މަޖިލީހަށް. އެކަމަށް ވައުދުވެ، އިންތިހާބުވީމާ، ޒިންމާއަދާނުކޮށް ފާޑުފާޑުގެ ބަޔާން ނެރެނީ ކީއްކުރަން؟ މަޖިލީސް ހިންގަނީ ކެނެރީގެއިން ބޭނުންގޮތަކަށް. އިދާރާތައް އަދި ތަހުގީގު ލަސްވާތީ މަޖިލީހުން ކުރެވުނު މަސައްކަތަކީ ކޮބާ؟ މަޖިލީސް ރައީސާއި ނައިބު ރައީސްގެ ޒިންމާ އަދާނުކުރެވޭނަމަ އިސްތިއުފާ ދީފަ ގެއަށް ދާންވީނު؟
ރުޒައިނާ
06 May 2022
ސަރުކާރު ޖަވާބުދާރީކޮށްދޭން ވައުދުވެ އައި މަޖިލީހުން އެކަން ނުކުރެވެންޏާ، މަޖިލީހުގެ ރައީސްއާއި ނައިބު ރައީސް އިސްތިއުފާ ދެއްވަންވީ ނޫންތޯ؟ މަޖިލީސް ރައީސްގެ މަސްލަހަތު ހިމެނޭ ކަމެއްގައި ތިހާ ފަރުވާކުޑަކޮށް ދަންޏާ، އެހެން ކަންކަމުގެ ހާލަތަކީ ކޮބާ؟ ާ
ސަންޕަދަރި
06 May 2022
އީދު ނިމި ބަޔާން މޫސުން އައީ, މިކަމަށްވެސް ސަރުކާރު ބަންދުކޮށްލަންވީނު, ބަންދުކުރުމުގެ ކުރިން މަޖްލީހުން ޖެހޭނެ ބިލެއްފާސްކޮށްލަން ރާއްޖޭގެ ކޮންމެރައްޔިތަކުވެސް ތިޔަކަމަށް ބަޔާނެއް ނެރެންޖެހޭނެކަމަށް, ބަލަ ތިޔަނޫނީ ދެން މިގައުމުގަ ކުރާނެކަމެއް ނެތީތަ? ކެނެރީ ކަނޑާފަ ބަޔާން ލާންވީ ކުރިއަށް..