ދަ ރެސިޑެންސް މޯލްޑިވްސް އެޓް ދިގުރަށް ރިސޯޓް: އެ ރިސޯޓްގެ ފާލަންމަތިން ޓޫރިސްޓަކު ވެއްޓި އަނިޔާވި މައްސަލައިގައި އިހުމާލު އޮތް ކަމަށް ބުނެ މައްސަލަ ފުލުހަށް ވަނީ ހުށަހަޅައިފައި -- ފޮޓޯ: ހައި އެންޑް ޓްރެވެލް
12 މެއި 2022 - 15:46
26 comments
ގއ. އަތޮޅުގައި އޮންނަ ރިސޯޓެއްގެ ފާލަންމަތިން ޓޫރިސްޓަކު ވެއްޓި، ބޮޑެތި އަނިޔާތަކެއް ލިބުނު މައްސަލައިގައި އެ ރިސޯޓްގެ އިހުމާލުތަކެއްވާ ކަމަށް ތުހުމަތުކޮށް އެ މައްސަލަ ފުލުހަށް ހުށަހަޅައިފި އެވެ.
އެ ހާދިސާގައި އަނިޔާވެފައި ވަނީ ދަ ރެސިޑެންސް މޯލްޑިވްސް އެޓް ދިގުރަށަށް ޗުއްޓީ ހޭދަކުރަން މިދިޔަ މާޗު މަހު ދިޔަ 50 އަހަރުން މަތީގެ އެމެރިކާގެ އަންހެން ޓޫރިސްޓަކަށެވެ. އެ ހާދިސާ ހިނގީ ރިސޯޓްގެ މޫދު ކޮޓަރިތަކާ ގުޅާލާފައި އޮންނަ ފާލަންމަތީ އެ މީހާ ބައިސްކަލެއް ދުއްވާފައި ދަނިކޮށެވެ.
އެކަން ހިނގި ގޮތް އެނގޭ މީހަކު "މިހާރު" އަށް ބުނީ، ފާލަންމަތިން ވެއްޓުނީ ބައިސްކަލްގައި ދަނިކޮށް ކުރިމަތިން ދުއްވާފައި ދިޔަ ބަގީއަކުން ސަލާމަތްވާން އުޅުމުގެ ތެރޭގައި ކަމަށެވެ. ބައިސްކަލާ އެކު ޓޫރިސްޓް މީހާ ވެއްޓުނީ މޫދަށެވެ. އެ ތަނުގައި ގަލާއި މުރަކަ ވަރަށް ގިނައިން ހުރުމުން އޭނާ އަށް ބޮޑެތި އަނިޔާތަކެއްވި ކަމަށް ބުންޏެވެ.
ޓޫރިސްޓް މީހާ މޫދަށް ވެއްޓުމުން ވެސް ބަގީގައި ތިބި ރިސޯޓްގެ ދެ މުވައްޒަފުން އެހީނުވި ކަމަށާއި އެހީވީ އެހެން ދެ މުވައްޒަފެއް ކަމަށް ބުންޏެވެ.
އަނިޔާވި ޓޫރިސްޓް ތުހުމަތުކުރަނީ ވެސް ރިސޯޓުން އޭނާ އަށް އެކަށީގެންވާ ސިއްހީ ފަރުވާ އާއި އެހީތެރިކަން ނުދިން ކަމަށެވެ.
އަނިޔާވި މީހާ ވަނީ މިދިޔަ މަހު 10ގެ ނިޔަލަށް ޓްރީޓޮޕް ހޮސްޕިޓަލުގައި ފަރުވާ ވެސް ހޯދައިފަ އެވެ. ޑޮކްޓަރުގެ ލިޔެކިޔުންތަކުން އެނގޭ ގޮތުގައި މައިބަދަ އަށް ވަރަށް ބޮޑަށް ގެއްލުންވެ، މޭކަށިތައް ވަނީ ބިނދިފަ އެވެ. އޭނާ އަށް ހިނގާބިނގާވެ ވެސް ނޫޅެވެ އެވެ.
މިދިޔަ މަހު އެ މީހާ އެމެރިކާ އަށް ގެންގޮސްފައި ވަނީ ވެސް އަމިއްލަ އަށް އެއާ އެމްބިއުލާންސެއް ޗާޓަރު ކޮށްގެންނެވެ. ޓޫރިސްޓުގެ އާއިލާއިން އެކަމަށް ބޮޑު ހަރަދެއް ކޮށްފައިވާއިރު، ޓްރީޓޮޕް ބިލަށް ވެސް ބޮޑު އަދަދެއް އެރި ކަމަށްވެ އެވެ.
އެނބުރި ގައުމަށް ގޮސް، އޭނާ މިހާރު ވަނީ އެމެރިކާގައި މައިބަދައިގެ އޮޕަރޭޝަނެއް ކޮށްފަ އެވެ. ނަމަވެސް, އަދިވެސް އޭނާ އަށް ނުހިނގޭ ކަމަށް މައުލޫމާތު އެނގޭ މީހަކު ބުންޏެވެ.
އެ ހާދިސާގައި ރިސޯޓްގެ އިހުމާލު އޮތް ކަމަށް އާއިލާއިން ގަބޫލުކުރާތީ، އެކަމުގެ ބަދަލު ހޯދުމަށް އޭނާ ވަނީ ރާއްޖެއިން ވަކީލުންތަކެއް ވެސް އައްޔަންކޮށްފަ އެވެ. އެ މައްސަލައިގައި މަސައްކަތް ކުރަމުން އަންނަނީ ދިވެހި ލޯފާމެއް ކަމަށްވާ "ދިވެހި ޗެމްބާސް" އިންނެވެ. މިދިޔަ މަހު ފުލުހަށް މައްސަލަ ހުށަހެޅީ އެ ލޯފާމުގެ ފަރާތުންނެވެ.
ދިވެހި ޗެމްބާސްގެ ވަކީލް ކުރީގެ ޑެޕިއުޓީ ޕްރޮސިކިއުޓާ ޖެނެރަލް މަރިޔަމް ނިހާޔަތު "މިހާރު" އަށް ވިދާޅުވީ ފުލުހަށް ހުށަހެޅި މައްސަލަ އަށް އަދިވެސް ޖަވާބެއް ނުލިބޭ ކަމަށެވެ. އެ ލޯ ފާމުން ރިސޯޓާ ގުޅިގެން އެކަމުގައި ހައްލެއް ހޯދުމަށް މަސައްކަތް ކުރަމުން އައި ނަމަވެސް، ރިސޯޓްގެ އެއްބާރުލުން ވެސް ނުލިބޭ ކަމަށް އޭނާ ވިދާޅުވި އެވެ. އޭނާ ވިދާޅުވީ ރިސޯޓްގެ އެއްބާރުލުން ނުލިބިއްޖެ ނަމަ، އެ މައްސަލަ ކޯޓަށް ހުށަހަޅައިގެން ކުރިއަށް ގެންދާނެ ކަމަށެވެ.
މިކަމާ ގުޅޭ ގޮތުން ރިސޯޓްގެ ބަހެއް ލިބޭ ގޮތެއް ނުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުހައްމެދް
21 May 2022
ތިބުނާ ތަނަކީ ހުސްއިންޑިޔާމީހުން ތިބެގެން ހިންގާތަނެއް
ހާމިދު ޝާހިދު
13 May 2022
ޓޫރިސްޓަކަށް ބައިސްކަލް ދޭންވާނީ، ރަނގަޅަށް ބައިސްކަލް ދުއްވަން އިނގޭތޯ ބެލުމަށްފަހު. ކުރިމަތިން ބަގީއެއް ހުރަސް ކުރާއިރަށް، ތެޅިގަނެފައި މޫދަށް ފުންމާނުލާނެކަން ކަށަވަރު ކުރުމަށްފަހު. އަދި ވަރަށް މުހިންމުކަމެއް ބަގީ ދުއްވާ ކުދިންވެސް ފަތުރުވެރިންނަށް ބަލައިގެން ދުއްވުން. ބަގީއަކީ އިންޖީނު ނުހުންނަ އެއްޗެއްވީމާ ބައެއްފަހަރު އެ އަންނަކަން ނޭންގި ކުއްލިއަކަށް ކުރިމަތިން، ފަހަތުން އަރިމަތިން އެއަރާފާނެ އާދަޔާހިލާފުބާރަށް. ސަރުކާރުން މިކަންހައްލުކުރޭ
ދިވެހިންނަށް
13 May 2022
އިންޓަނޭޝަނަލް ކޯޓުގަވެސް މައްސަލަ ކުރިޔަށްގެންދެވޭނެ ، އަދި އެމެރިކާއިންވެސް ތަހްޤީގުވެސް ކުރެވޭނެ ، ދިވެހި ފުލުހުން ކުރަންދެން ތިބޭކަށްވެސް ނުޖެހޭނެ ، އިންޓަނޭޝަނަލް އިންޑަސްޓްރީޒް ގަ ދިވެހިރާއްޖެ ވިއްކަން ބިޒްނަސްކުރަންޏާ އިންޓަނޭޝަނަލީ އިންވެސްޓިގޭޓްވެސް ކުރެވޭނެގޮތްއޮންނާނެ ، ބީރުކަންފަތެއްދީގެން ނުތިބެވޭނެ. ދިވެހިރާއްޖޭގެ ރިސޯޓުތަކަށް އަންނަނީ އެމެރިކާގެ މުއްސަދިން ، އެމީހުންނަށް ގޮތްހުހެއްނުވާނެ. ވާގޮތްބަލާލާދެން.
މަޒް
13 May 2022
ކަލޭ ހާދަ އެމެރިކާވެފަ؟ ކަލޭ ދާންވީނުން ގޮތް ހުސްނުވާ އެމެރިކާއަށް
ބުރުގާ
13 May 2022
ތިކަން މައްސަލައަކައް ވެގެންތިއުޅެނީ ފަރަންޖީއަކައް އަނިޔާވީމާ. ދިވެއްސަކު ހަނާވިނަމަ އެއްހަބަރަކައްވެސް ނޭރީސް.
ޓްރީ
13 May 2022
ޓްރީޓޮޕަށް ނުގޮސް ފަޒީ ލައްވާ ހިޖާމާ ޖެހިނަމަ…
މަޒް
13 May 2022
ހިޖާމާ އާ ހެދި ހާދަ ވަރެއް ތިވަނީ.. ކަލޭ ނުޖެހީމަ ވީނުން
އޮބާމާ
12 May 2022
އެމެރިކާ މިހާ ހީކުރީ މީއޭނަގެ ގައުމުކަމަށްތަ! ކޮޕީ ސީޑީ އެއް ގެންގުޅުނަސް ސޫކޮށްގެން މިލިޔަނުން ބަދަލު ހޯދަދޭން. ހަނދާން ނައްތާލާ
ޢަލިފުތާ ބެއްޔާ
12 May 2022
ތިބރިސޯޓަކީތީ އެނަމާ ބޯޓުގެ ޙަދިސާ ކޮޕީ ކޮށްގެން އުޅޭބައެއް އެ ބޯޓު ފެތެމުން ދިޔައިރުވެސް ކައިރިން ދިޔަ އުޅަނދުފަހަރު ދިޔައީ ހީވެސް ނުވޭ
ބޮޑުމީހާ
12 May 2022
އެމެރިކާ މީހުން ހީކުރާނެ ކޮންމެ ތަނެއްގައިވެސް އެމީހުންނަށް މޮޅުވެވޭނެކަމަށް. ޚާއްސަކޮށް ކުދި ގައުމުތައް ބުލީކުރުމަކީ އެމެރިކާގެ ސިފައެއް
ޖުއްބާ
13 May 2022
އޭ، ކޮން ރޭސިސްޓެއް ތިވަނީ؟؟؟!... މަހައް ވަޑައިގަންނަވަބަލަ.
ކުޑަމީހާ
13 May 2022
އޭނައަކީ އަމިއްލަ ފަރުދެއް. ގައުމެއްގެ ހައިސިއްޔަތުން އެމެރިކާ ބޮޑުވެގެން ރާއްޖެ ކުޑަވެގެން ބުލީކުރަން އުޅެނީކީނޫން. އޭނައަށް ބޮޑު ގެއްލުމެއް ލިބި އަޅާނުލުމުން ބަދަލު ހޯދަން އުޅެންޖެހޭ. މިތަނުގަ ވާ އެކްސިޑެންޓަކަށް މިތަނުގެ މީހުން އިހާނެތިކަން ދައްކާފަ ފަތުރުވެރިކަން ކުރިއަރުވަން އުޅުމަކީ ކަން އޮންނަންވީ ގޮތެއްނޫން.
މަގޭ ޚިޔާލް
12 May 2022
މަގޭ ޚިޔާލުގައި ރިސޯޓް ބަގީ ދުއްވި މީހުންގެ އިހުމާލް އެބައޮތް. ޓޫރިސްޓުމީހާ އެއް ނޫން ބަގީން ނެއްޓެން މަސައްކަތްކުރަން ޖެހޭނީ. ބަގީ އޮންނަން ޖެހޭނީ ޓޫރިސްޓުމީހާޔަށް ތަންދީގެން މަޑުކޮށްގެން. ރިސޯޓުތަކުގައި ބޭރުގިނަ ބަޔަކު ބަގީ ދުއްވާ. ވަރަށް ގޮތެއްނެތި ދުއްވާ މުއައްޒަފުންވެސް އުޅޭ.
ހާޖަރާ
12 May 2022
ބުނަން. މީހަކު ނޫޅޭ ތަގެ ޚިޔާލު ނުލިބިގެނެއް.
ހިޔަލަ@ހހހހ
12 May 2022
ބަންގާލީން ގެނާމަ ވާނެ ގޮތް އެމީހުންނަކީ އެއްވެސް މީހަކަށް އިޙްތިރާމްކުޜާ ބައެއް ނޫން
ޢެޑްމުންޑޯ
13 May 2022
ޙާޖަރާގެ ކޮމެންޓް ޑިސްލައިކުން ކޯއްޗެއް ވިސްނުނީ ، ޚިޔާލު ބޭނުންވާކަން ، ???
ާއަލިމޯޑު
13 May 2022
އެއްކޮޅަކަށް ދުއްވާފައިދާ ބަގީއެއް ހުއްޓަން ޖެހޭނެތޯ.
މީމުޝީން
13 May 2022
ހިޔަލަ@ހހހހ، ކޮންމެ ކަމަކަށް ބަންގްލަދޭޝް މީހުންނާ ނުބެހެ ބަލަ. އާޓިކަލުން އެނގޭކަށް ނެތް ބަންގްލަދޭޝް ބަޔަކުގެ އެއްވެސް ވާހަކައެއް. އޮތީ ރިސޯޓް މުވައްޒަފުންނޭ. ކަންކަމުގައި ކޮންމެވެސް ވަރަކަށް ކެތްތެރިވުން މުހިއްމު. ހަމަ ރުޅިގަނޑާ އެކު ނަސްލީއިމްތިޔާޒު ވާކަށް ނުޖެހޭ.
ކަތްދައްތަ
12 May 2022
ކުރިމަތިން ދުއްވާފަ ދިޔަ ބަގީއެކޯ. ކިހާ ދުރަކުންބާ ދިޔައީ. ބަގީގަ ތިބި މީހުންނަށްވެސް ނޭނގޭހާ ދުރުން ދިޔަ ބަގީއެއް ފެނިގެން ހުންގާނު ހުރައިގަތީމާ ނުފަރިތަމީހުންނަށް ލިބޭނެ ލަނޑެެއް ތިޔައޮތީ ލިބިފަ. މިގާ މިއޮތް ރަތްމަންދުއަށް ގެންދިޔަނަމަވެސް ވިއްސަކަށް ދުވަހުން ޅަދުވަސް ދައްކާލީސް. ނޫނީ ފަޒީ ކަޕުން ދެތިން ކަޕޫ ބުރަކަށީގަ ހިއްޕާލިނަމަވެސް މައިބަދަ އާއި މޭމަތި ތަރުތީބު ވީސް. ހަމަކަންބޮޑުކުރަން އެމެރިކާވީމަ.