އެމްއެންޕީގެ ރައީސް އަދި ކުރީގެ ޑިފެންސް މިނިސްޓަރު ނާޒިމް ނޫސްވެރިންނާ ވާހަކަ ދައްކަވަނީ: ފޮޓޯ: މިހާރު
12 މެއި 2022 - 13:59
13 comments
ދައުލަތުގެ ބައެއް ވެރިން ހައްޔަރުކުރާނެ ކަމަށް ވިދާޅުވެ ކުރީގެ ރައީސް އަދި އިދިކޮޅު ލީޑަރު ރައީސް އަބްދުﷲ ޔާމިން އިންޒާރު ދެއްވުމާ ގުޅިގެން އެކަން ކުށްވެރިކޮށް, މޯލްޑިވްސް ނެޝަނަލް ޕާޓީ (އެމްއެންޕީ) އިން މިއަދު ރައްދު ދީފި އެވެ.
ޝަރުއީ ދާއިރާ އާއި ސަލާމަތީ ހިދުމަތްތަކުގެ ބައެއް ބޭފުޅުންނަށް ޔާމީން އިންޒާރު ދެއްވީ ޕީޕީއެމުން މިދިޔަ އަންގާރަ ދުވަހު ވިލިމާލޭގައި ބޭއްވި ޖަލްސާއެއްގަ އެވެ. މަގާމުގައި އަބަދު ނުތިއްބެވޭނެ ކަމަށާއި ހާލަތު ބަދަލުވާ ދުވަހު ޖަލަށް ދާން ޖެހިދާނެ ކަމަށް ވިދާޅުވެ ޔާމީން އިންޒާރު ދެއްވީ ޕޮލިސް ކޮމިޝަނަރު މުހައްމަދު ހަމީދާއި ޗީފް އޮފް ޑިފެންސް ފޯސް އަބްދުﷲ ޝަމާލާއި ސްޕްރީމް ކޯޓުގެ ފަނޑިޔާރު އަލީ ރަޝީދަށެވެ.
ދަނގެތީ ދާއިރާގެ މެންބަރު އަދި ކުރީގެ ޑިފެންސް މިނިސްޓަރު މުހައްމަދު ނާޒިމް އިސްވެ ހުންނަވައި އުފެއްދެވި އެމްއެންޕީން ނެރުނު ބަޔާނެއްގައި ބުނީ، އަމިއްލަ ފަރުދަކު ވިޔަސް ނުވަތަ ދައުލަތުގެ ކަމެއް ހިންގުމާ ހަވާލުވެ ހުރި މީހަކު ކަމުގައި ވިޔަސް ފަނޑިޔާރުންގެ މަސައްކަތާ ބެހި ނުފޫޒު ފޯރުވައި ހަދައިގެން ނުވާނެ ކަމަށް ގާނޫނުއަސާސީގައި ބަޔާންކޮށްފައިވާ ކަމަށެވެ. ނަމަވެސް ބައެއް ސިޔާސީ ޕާޓީތަކުގެ އިސް ފަރާތްތަކުން، ފަނޑިޔާރުން ކުރާ މަސައްކަތްތަކަށް ނުފޫޒު ފޯރުވައި, އެ ފަރާތްތަކަށް ދެމުންދާ އިންޒާރުތަކަކީ އަދުލު އިންސާފު ގާއިމު ކުރުމުގެ ބާރަށް ލިބިދީފައިވާ ރައްކާތެރިކަމާ ހިލާފަށް ކުރަމުންދާ ކަންތައްތަކެއް ކަމަށާއި އެކަން ކުށްވެރި ކުރާ ކަމަށް އެމްއެންޕީން ބުންޏެވެ.
...އެފަދަ އަމަލުތައް ހުއްޓާލުމަށް އެ ފަރާތްތަކަށް ގޮވާލަމެވެ،" ބަޔާނުގައި ވެ އެވެ.
އެމްއެންޕީން ބުނީ ސަލާމަތީ ހިދުމަތްތަކުގައި މަސައްކަތްކުރާ އޮފިސަރުން މަގާމުގެ ހައިސިއްޔަތުން ކުރާ ކަންކަމާ ގުޅިގެން ސިޔާސީ ޕާޓީތަކުގެ އިސްވެރިން އެ ފަރާތްތަކަށް ބިރު ދައްކާ ކަމަށެވެ. އަދި އިންޒާރު ދިނުމުގެ އެފަދަ އަމަލުތަކަކީ ތަހުޒީބު މުޖުތަމައުއެއްގައި އަމަލުކުރަންޖެހޭނެ ގޮތެއް ކަމަށް އެ ޕާޓީން ނުދެކޭކަމަށް ވެސް އެމްއެންޕީން ބުންޏެވެ.
''އެއްވެސް ފަރާތަކުން ގާނޫނުއަސާސީއާއި ގާނޫނުތަކާ ހިލާފަށް އަމަލުކުރާ ނަމަ އެ ކަމެއް ބެލުމުގެ ގާނޫނީ ޒިންމާ ހަވާލުކޮށްފައިވާ ދައުލަތުގެ މުއައްސަސާތަކަށް އެ މައްސަލައެއް ހުށަހެޅުމުގެ ބަދަލުގައި ސިޔާސީ ޕޯޑިއަމްތަކުގައި އެ ފަރާތްތަކަށް އިންޒާރު ދިނުމަކީ ޒިންމާދާރު ސިޔާސީ ޕާޓީތަކުން އަމަލުކުރަންވާނެ ގޮތެއް ކަމަށް މި ޕާޓީން ނުދެކެމެވެ."
އަންހެނުންގެ ތަރައްގީއަށް މަސައްކަތްކުރާ ކޮމިޓީއަށް ޕީޕީއެމުން ވާދަކުރައްވާ ފާތިމަތު ނާޒިމާގެ ކެމްޕެއިން ހަރަކާތް ރަސްމީކޮށް ފެށުމަށް މިދިޔަ އަންގާރަ ދުވަހު ވިލިމާލޭގައި ބޭއްވި ޖަލްސާގައި ކުރީގެ ރައީސް އަބްދުﷲ ޔާމީން ވާހަކަފުޅު ދައްކަވަނީ-- ފޮޓޯ: ޕީޕީއެމް
އެމްއެންޕީން ބުނީ ސަލާމަތީ ހިދުމަތްތަކަކީ ގާނޫނުއަސާސީންނާއި ގާނޫނުތަކުން ވަރަށް މުހިންމު ގާނޫނީ ޒިންމާތަކެއް ހަވާލުކުރެވިފައިވާ ފަރާތްތަކެއް ކަމަށްވާއިރު އެ ފަރާތްތަކުގެ ގާނޫނީ ޒިންމާ އަދާކުރުމަށްޓަކައި މިނިވަންކަމާއި އިންސާފުވެރިކަމާއެކު މަސައްކަތްކުރުމުގެ ފުރުސަތު ދޭންޖެހޭ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުރާސިލް
13 May 2022
ދައުލަތުގެ ކިތަންމެ އިސްވެރިއެއް ކަމުގައި ވިއަސް ޤާނޫނާއި ޚިލާފުވެއްޖެނަމަ އެމީހަކަށް އަދަބު ހައްޤުވާނެއެވެ. އެއީ އުއްތަމަފަނޑިޔާރާއި ރައީސުލްޖުމުހޫރިއްޔާއާއި ރައްޔިތުންގެ މަޖުލީހުގެ ރައީސްކަމަށް ވިއަސް ހަމަ އެބަޔަކު ޖަލަށް ލެވޭނެއެވެ، އެކަން އެއްވެސް މީހަކު ހަނދާން ނައްތާ ނުލާށެވެ. ޔާމީނު ވިދާޅުވިއަސް އެއީ ތެދެކެވެ.
ފަހުދު
12 May 2022
ޚަބަރަކައް އަރާލެވުނީ ދޮއްތޯ؟ މަރުޚަބާ
ާއުނިމާ
12 May 2022
ޔާމީނު ގަންހިންގާށޯ އުޅުނީ! މަމީ ޔާމީނު ނަމަ މަވެސް ކަންކުރާނީ އެހެން! ބަޢާވާތް ކޮންމެ ގޮތަކަށް ކުރަން އުޅުނަސް ބަޢާވާތް ވާނީ ބަޢާވާތަށް! އެއްބަޔަކު ބަޤާވާތްކުރަނީ މަގުމަތިން...އަނެއްބަޔަކު ސަލާމަތީ ބާރުތައް ބޭނުންކޮށްގެން، އެނެއްބަޔަކު ޝަރުއީ ނިޒާމު ގަނެގެން! ދެން ކާނަލް ނާޒިމުމެން މާރީޗެއްނޫން ވާހަކަ ދައްކާން..ތިޔައީ ބާޤާވާތައް ނިކަން ފަރިތަ ބައެއް
ވަޓިސްޓިސް
13 May 2022
ބަލަ އުނިމާ މިއޮށް ހުރިހާ ދުވަހު ކިޔަމުން ދިޔައީ އެއީ ބަގާވާތެއް ނޫނޭ؟
ވަހީދު
12 May 2022
7 ފެބްރުއަރީ 2012 ވަނަ ދުވަހު ބަޔަކާއި އެކު ބަނޑޭރި ކޮށްޓަށް ގޮސް އެއިރު ރައީސަކަށް ހުރި ބޭފުޅާއަށް އެދުވަހު 1 ޖެހުމުގެ ކުރިން ރައީސްކަމުން ވަކިވުމަށް އެންގި އެންގުން ގާނޫނާ އެއްގޮތްތޯ؟ ދިވެހި ރަށްޔިތުން ވޯޓުން ހޮވާފައި ހުރި ވެރިއަކު އެގޮތަށް މަގާމުން ވަކިވާން އެންގިދާނެތޯ؟
އެންމެންޕީ
12 May 2022
އިންޑިޔާ ސިފައިން މިގައުމުގަ ތިބުމާ ދެކޮޅަށް އަޑު އުފުލަން ނުކުރޭ އެއްވެސް ޕާޓީއަކަށް ތާއީދު ނުކުރާނަން.
ސްކޮޑްރަން
12 May 2022
ތިމާއަށް ހީވާނީ އަބަދުވެސް ތިމާ ކަންތައްމިކުރަނީ މުޅިންރަނގަޅަށް ކަމަށެވެ އަދި ތިމާއަށް ވުރެ ރަގަޅަށް ކަމެއްކުރެވޭނެ އެހެންމީހަކު ނުހުންނާނެކަމަށެވެ. ގާނޫނުވެސް އެންމެ މޮޅަށް ދަންނާނީ ތިމާމީހާއެވެ. އެހެންމީހުންކުރާކަންކަންއެއީ ގާނޫނާ ހިލާފުކަންކަމެވެ. ތިމާދުވަހަކުވެސް ގާނޫނާހިލާފުކަމެއްވެސް ނުކުރާނެއެވެ. ކުއްވެރިވާމީހުންނާ ކުއްސާބިތުވާމީހުންވެސް ކަނޑައަޅާނީ ތިމާއެވެ. ކޯޓުތައް އަންނާނީ އަދި ތިމާގެ ފަހަތަށެވެ.
މީ
12 May 2022
ރީނދޫ މީހުންކީ ބޣ މީ!
ބައިސެންޓް
12 May 2022
ޒިންމާދާރުކޮށް އަމަލުކުރާ ވާހަކަ ތިބޭފުޅުން ނުދައްކަވާ. އާރުސީސީ ފުލެޓްތަކަށް ފޯމުހުށަހެޅި ތިންހާހެއްހާ މީހުންގެ މައުލޫމާތުން ވައްކަންކޮށް، ސޮއި ފޯޖްކޮށް، ވަގު ފިންގަޕްރިންޓް ބޭނުންކޮށްގެން ވަނީ އެމްއެންޕީ އަށް ވަށްދާފަ. މުޅި މުޖުތަމަޢުއަށް އާއްމުވާ ގޮތުގައި ހިންގާފައިވާ ބޮޑު ފްރޯޑެއް، ވައްކަމެއް. ނަޒާހަތްތެރިކަމުގެ ޒައްރެއްގެ މިންވަރު ހުރިނަމަވެސް މިފަދަ ބޮޑު ޖަރީމާއެއް ނުހިންގީސް.
އުދުހޭ
12 May 2022
ތިޔަ ޕާޓީގެ ނަން ބަދަލުކޮށްބަލަ އިންޑިޔާ އިސްތިއުމާރު ޕާޓީއަށް.
ހަސަނު
12 May 2022
ކޯޓުން ވެސް ޔާމިނަށް ފިޔަވަޅު އަޅަން އެބަޖެހޭ.. ކޯޓުގެ ހުރުމަތް ކަނޑާ އަދި ދަނޑިޔާރުންނަށް ބިރު ދެއްކުމަކީ ކުޑަ ކަމެއްނޫން..