އަންހެނުންގެ ކޮމިޓީގެ އިންތިހާބުގައި ޕީޕީއެމް/އެމްއެންޕީގެ ކުރިމަތިލުމެއް

ވިލިމާލެ ދާއިރާގެ އަންހެނުން ކޮމިޓީއަށް އެމްއެންޕީގެ ޓިކެޓުގައި ވާދަކުރާ ޝީޒާ އަދި ޕީޕީއެމުން ވާދަކުރާ ނާޒިމާ.-- ފޮޓޯ: ސޯޝަލް މީޑިއާ

އާސިމާ ނިޒާރު، މިހާރު

14 މެއި 2022 - 10:34

4 comments

ވިލިމާލެ ދާއިރާގެ އަންހެނުން ކޮމިޓީގެ އިންތިހާބުގެ ވޯޓުލުން މިއަދު ހެނދުނު ފަށާފައިވާއިރު، އެއީ އިދިކޮޅު ޕީޕީއެމާއި ޕީއެންސީގެ ބޮޑު ކުރިމަތިލުމެކެވެ.

މި އިންތިހާބުގައި ޕީޕީއެމުން ވާދަކުރައްވަނީ ފާތިމަތު ނާޒިމާ އެވެ. އެމްއެންޕީގެ ޓިކެޓުގައި ނުކުންނެވީ އާމިނަތު ޝީޒާ އެވެ. ދެ ކެންޑިޑޭޓުން ވެސް ވާދަވެރި ކެމްޕެއިނެއް ކޮށްފައިވާއިރު، ޕީޕީއެމާއި އެމްއެންޕީގެ ނުފޫޒު ވެސް ވިލިމާލެ ދާއިރާގައި ބޮޑެވެ. އެ ދާއިރާގެ މަޖިލިސް މެމްބަރަކީ އެމްއެެންޕީގެ ނައިބު ރައީސް އަހުމަދު އުޝާމެވެ.

ވިލިމާލެ ދާއިރާގެ އަންހެނުންގެ ކޮމިޓީގެ މެމްބަރުކަން ހުސްވީ މިދިޔަ މާޗު މަހު ހިނގި އެކްސިޑެންޓެއްގައި އަންހެނުން ކޮމިޓީގެ ނައިބު ރައީސްކަން ކުރައްވަމުން ގެންދެވި އައިމިނަތު އީމާން ނިޔާވުމުންނެވެ.

އިލެކްޝަންސް ކޮމިޝަން (އީސީ) އިން ބުނީ އާ މެމްބަރަކު ހޮވުމަށް މުހްޔިއްދީން ސްކޫލްގައި ހަވީރު 4:00 އާ ހަމައަށް ވޯޓުލުން ކުރިއަށްގެންދާނެ ކަމަށެވެ.

މާލެ ސިޓީ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ވިލިމާލެ ދާއިރާއަށް މެންބަރަކު ހޮވުމަށް ބާއްވާ ބައި-އިލެކްޝަނުގެ ވޯޓުލުން ފެށިގެން ކުރިއަށްދަނީ. ވޯޓުލުން ކުރިއަށްދާނީ މިއަދު ހެނދުނު 08:00 އިން ހަވީރު 16:00 އަށް. pic.twitter.com/nyOEWAKXm7
— Elections Commission (@ElectionsMv) May 14, 2022