ކްރިމިނަލް ކޯޓުގެ ކޯޓު ރޫމެއް: ކޯޓަށް ނިސްބަތްކޮށް، ތިއީ ކީއްކުރާ ތަނެއްތޯ ބުނި މީހަކު ޖަލަށްލާން ވަނީ ހުކުމް ކޮށްފައި-- ފޮޓޯ/މިހާރު
15 މެއި 2022 - 13:12
21 comments
ކްރިމިނަލް ކޯޓުގެ ޝަރީއަތުގެ މަޖިލީހެއްގައި "ތިއީ ކީއްކުރާ ތަނެއް" ހޭ މީހަކު ބުނުމުން ކޯޓުގެ ހުރުމަތް ކެނޑުމުގެ ކުށުގައި އޭނާ 15 ދުވަހަށް ޖަލަށްލާން ހުކުމްކޮށްފި އެވެ.
ރޭޕްގެ ދައުވާލިބޭ މީހަކު ކޯޓުގައި އެގޮތަށް ބުނީ ބަންދުގައި ތިބޭ މީހުންގެ ބޭސްފަރުވާއާ ގުޅިގެން ކްރިމިނަލް ކޯޓަށް ކޮށްދެވޭނެ ކަމެއް ނެތް ކަމަށާއި އެކަމުގައި ހައްލެއް ހޯދަން ދާންޖެހޭނީ ސިވިލް ކޯޓަށް ކަމަށް ގާޒީ ވިދާޅުވުމުންނެވެ. ގާޒީ އެގޮތަށް ވިދާޅުވީ ހައި ކޯޓުން ދާދިފަހުން އެގޮތަށް ނިންމާފައިވާތީ އެވެ.
ޝަރީއަތުގައި ގާޒީ އަލީ ނަދީމް އެގޮތަށް ވިދާޅުވުމުން އެ މީހާ ވަނީ ކްރިމިނަލް ކޯޓަށް ނިސްބަތްކޮށް، "ތިއީ ކީއްކުރާ ތަނެއް؟" ހޭ ބުނެފަ އެވެ. އެއީ ކޯޓުގެ ހުރުމަތް ކެނޑުމުގެ އަމަލެއް ކަމުގައި ބަލައި، އޭނާ 15 ދުވަހަށް ޖަލަށްލާން ހުކުމްކުރީ މިދިޔަ ހަފުތާގަ އެވެ.
ކޯޓުގައި އަޑުގަދަކުރުމާއި ދައުލަތުގެ ވަކީލުންނާއި ގާޒީއާ ދިމާލަށް ހަޑިހުތުރު ބަހުން ވާހަކަ ދެއްކުމުން ވެސް ދާދިފަހުން ބައެއް މީހުން ޖަލަށްލާން މީގެކުރިން ވެސް ކްރިމިނަލް ކޯޓުން ހުކުމްކުރި އެވެ. ކޯޓުގައި ހުރެގެން ކޯޓުގެ ހުރުމަތް ކެނޑުމަކީ ވަގުތުން އަދަބު ކަނޑައެޅޭ ކުށެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަލާމް22
17 May 2022
ކޮއްޔާ މި ކަހަލަ ވާހަކަ ލިޔާ އިރު ގާޒީގެ ނަންވެސް ބުނެ ދީބާ
ތިއޮއް ޝުރުޚީ އެއް!
17 May 2022
ހައްހައްހާ...... ޝުރުޚީ އޮތް ގޮތުން ދޭހަވަނީ، ހޭ ކިޔާ މީހަކު، ކޯޓު ގައި "ތިއީ ކީއްކުރާ ތަނެއް؟" މިހެން ބުނެގެން 15 ދުވަހަށް ޖަލަށްލާން ޙުކުމް ކުރިކަމެވެ. އެކަމަކު އެ ޖުމްލަ "ތިއީ ކީއްކުރާ ތަނެއް ހޭ؟" މިގޮތަށް އޮތްނަމަ އޮޅުމެއް ނޭރީހެވެ.
ވިކިލީކުސް
16 May 2022
ކޯޓަކީ އަތްފައި ހުރި އެއްޗެއް /ތަނެއް ނޫން. ހުކުމް ކުރީ ކޯޓުންނޭ ބުނެ ނިންމާލެވޭކަށް ނެތް. ހުކުމް އިއްވީ އިންސާނެއްގެ ދުލުން. ކޯޓޭ ކިޔާ އިމާރާތެއްގެ ތެރެއަށް ވަދެ ހުރި ގާޒީއަކު. އެގާޒީ ނުވަތަ އިންސާނާ ބުނެގެން މީހަކު އުމުރަށް ބަންދުކުރީ. ބަންދުގަ ހުއްޓާ ބަލިވެގެން ބޭސްނުކުރެވި ފުރާނަ ދިޔާމަ މަރުގެ ޒިންމާ އުފުލާނީ ކާކު؟ ހުކުމް ކުރި މީހާއެއް ނޫންތަ؟ ނޫނޫހުކުމް އުފެއްދި މަޖިލިސްތަ ނޫނީ ތަސްދީގުކުރި ރައީސްތަ؟ މިއީ ބުއްދިވެރީންވިސްނަންވެއްޖެ ކަމެއް؟
ވަކީލާއެއް
16 May 2022
ވިކިލީކްސް ގެ މައްސަލަ މާބޮޑުވެގެން އެމެރިކާއިން ސައިޒަށް ކަނޑާލީމަ އެހެން މީހަކު އާނަމެއް ކީތަ ވިކިލީކުސް ކިޔާފަ؟ ވިކިލީކުސްގެ ކޮމެންޓުގެ ޖަވާބަކީ ހުކުމް އިއްވާއިރު ގާޒީ ބުނަންޖެހޭނެ ބޭސްފަރުވާ އޮންނަންޖެހޭނެ ގޮތް ނުވަތަ ކަރެކްޝަންގެ މައްޗަށް ނުވަތަ ހޯމްމިނިސްޓްރީގެމައްޗަށް އަމުރު ނެރެން ޖެހޭނެހުކުމުގެ އެންމެހާ ކަންތަކާ ހޯމްމިނިސްޓްރީން ޒިންމާވާން ޖެހޭނެކަމަށް. އެގޮތަށް އަމުރު ނުނެރޭތީ ޖަލުގައި ހިނގާ މަރުތަކަށް އިންސާފުގެ ދޮރު ބަންދުވޭ.
ހަމީދު 1
16 May 2022
ކޮމެންޓެއް ނުކުރާނަން.
ރަދީފްއޮފިޝަލް
16 May 2022
ކޯޓު؟؟ ހެހެހެހެހެހެ
ސަންޕަދަރި
16 May 2022
ދުވަހަކު ހޮސްޕިޓަލަކަށް ނުވަންނަމީހާވެސް އަދި ދުވަހަކު ޕެނަޑޯލް ގުޅައެއްހާހިސާބުވެސް ކައިފަ ނުހުންނަ މީހާވެސް ޖަލަށްލާހިސާބުން ހާދަބައްޔެކޭ މިވަނީ? ގޭގަވިއަސް ޖަލުގަވިއަސް ބަންދުކުރާ ހިސާބުން އާސަންދަ ނުލިބޭގޮތަށް ގަވާއިދު އިސްލާހުކުރޭ,
ޅިވިން
15 May 2022
މީހުން ޖަލައްލާތަނެއް އެއީ، މިހާރު އިގިއްޖެ
ޙިނު
15 May 2022
ޑުރަގުޑީލަރުންތައް ދޫކުރާއިރު ހުރުމަތައް ވަނީ ކިހިނެއްތޯ؟
އޮނަރަބްލް އަފީފު ދީދީ
15 May 2022
އަހަރުމެންގެ ތެރެއިން ވަރަށް ގިނަމީހުނަށް ހީވެފައި އޮންނަނީ އިސްލާމީ ޝަރީއާ އާއި ޤާނޫނީ އަދަބުތަކަކީ ކޯޓްގައި ހުކުމްކުރާން އިންނަވާ ފަނޑިޔާރު މަނިކުފާނު "ހިތުހުރިގޮތަކަށް" ކުރާ ކަމެއްކަމަށް. މިކަމުގައިވެސް ކުށްވެރިޔާއަށް މިއޮތީ އެކަހަލަ ގޮތެއް ހީވެފައިކަމަށް ވެދާނެ.
އަލީ މިއުރާޖް
15 May 2022
ރަގަޅު ސުވާލެއް! ގުރުއާން އަކު ހަދީސް ފުޅަކު ނޯވޭ ކޯޓެއްގެ ވާހަކައެއް! އަހާލުމަކީ ގޯހެއްނޫން!
ރާވެރިބޭބެ
16 May 2022
ހެހެހެހެ ... ޤުރުއާނާއި ސުންނަތުގައި ދައުލަތުގެ އެއްވެސް މުއައްސަސާއެއްގެ ވާހަކަ އޮވޭތަ؟