ހަޔަ އެޑިއުކޭޝަން މިނިސްޓްރީން މީގެ ކުރިން ބޭއްވި ނިއުސް ކޮންފަރެންސްގައި މިނިސްޓަރު ޑރ. އިބްރާހިމް ހަސަން ވާހަކަދައްކަވަނީ.-- ފޮޓޯ: ނިޝާން އަލީ/ މިހާރު
17 މެއި 2022 - 06:47
14 comments
މަތީ ތައުލީމަށް މި ބުރު ކަނޑައެޅި ބަޖެޓުން ބާކިވާ ފައިސާއިން ކިޔަވަން އިތުރު ފުރުސަތެއް ހުޅުވާލަން ނިންމައިފި އެވެ.
މިދިޔަ ފެބްރުއަރީ މަހު ހުޅުވާލި ލޯނުގެ 720 ފުރުސަތަށް 1،000 ދަރިވަރުން ކުރިމަތިލި އެވެ. ނަމަވެސް، ބައެއް ކޯސްތަކަށް ކަނޑައެޅި ޖާގައަށް ވުރެ އެތައް ދަރިވަރުންނެއް ކުރިމަތިލުމުން ގިނަ ދަރިވަރުން ވަނީ ޑިސްކޮލިފައިވެފަ އެވެ. އެހެންވެ، ލޯނު ލިބުނީ 393 ދަރިވަރުންނަށެވެ.
ލޯނުގެ އެ ބުރަށް މިނިސްޓްރީން ބޮޑު ބަޖެޓެއް ހަމަޖެއްސި އެވެ. އެކަމަކު، އޭރު ކަނޑައެޅި އަދަދަށް ވުރެ ލޯނު ލިބުނު ދަރިވަރުން މަދުވުމުން 21 މިލިއަން ރުފިޔާ ވަނީ ބާކީވާ ކަމަށެވެ.
ހަޔަ އެޑިއުކޭޝަން މިނިސްޓްރީގައި ބޭއްވި ނިއުސް ކޮންފަރެންސްގައި މިނިސްޓަރު ޑރ. އިބްރާހިމް ހަސަން އިއްޔެ ވިދާޅުވީ ލޯނުގެ ބަޖެޓުން ބާކީވާ ފައިސާއިން ލޯނުގެ އިތުރު ބުރަކަށް ހުޅުވާލުމުގެ މަސައްކަތް ކުރަމުން އަންނަ ކަމަށެވެ.
އެ ފައިސާއިން ލޯނު ދެވޭނެ ބަޔަކާ އެކަން ކުރާނެ ގޮތްތައް ވަރަށް އަވަހަށް އިއުލާންކުރާނެ ކަމަށް ވެސް އޭނާ ވިދާޅުވި އެވެ.
މި ފަހަރު އެންމެ ގިނަ ދަރިވަރުން ކުރިމަތިލީ ޕައިލެޓްކަން ކިޔަވާށެވެ. އެ ދާއިރާ އަށް 10 ޖާގަ ހާއްސަކުރިއިރު، 252 ދަރިވަރުން ވަނީ ލޯނު ހޯދަން އެދިފަ އެވެ. އެހެންވެ، 240 ދަރިވަރުން ޑިސްކޮލިފައިވި އެވެ. އެމްބީބީއެސް ހަދަން ހުޅުވާލި 25 ފުރުސަތަށް 129 ދަރިވަރުން ކުރިމަތިލުމުން އެ ކެޓަގަރީން 104 ދަރިވަރުން ވަނީ ޑިސްކޮލިފައިވި އެވެ. ސަރުކާރުން ލޯނު ދީގެން މި ވަގުތު 9،054 ދަރިވަރުން އަންނަނީ ކިޔަވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބާކީވާންވިސަބަބު ނުވިސްނޭ
17 May 2022
ބާކީ ވާންވީ ކީއްވެ. ބާކީ ވީ އޯ ކިޔާފަ ކައްވާލަން ދޯ އުޅެނީ
ބަރަބޮލޭ ބަރަބޮލޯ
17 May 2022
ބަލަ މިނިސްޓަރޫ، ޓްރޭނިންގ ނީޑް ލިސްޓަށް ދޭންވީ އެކަމަކާ ބެހޭ މުއައްސަސާއަކުން އެދާއިރާއަކުން ކިޔަވަން ބޭނުންވާ ޚިދްމަތްތެރީންނަށް ސްކޮލަރޝިޕް އެއީ %50 ސްކޮލަރޝިޕް ކަމުގައި ވިޔަސް. ކުދީން ނަގާ ލޯނަކާ ގުޅުވާކަށް ނުޖެހޭނެ. އެއީ ރައީސް މައުމޫނު ވެސް އެކަން ކުރިގޮތް. ކުދީން ވިކްޓިމަޒް ކުރާކަށް ނުޖެހޭނެ. ވިލާ ފައުންޑޭޝަނުން ގައުމުގެ އެންމެ ދީލަތްތެރި މަހުޖަނު ކުދީންނަށް ކިޔަވަދިނުން ހުއްޓުވާލުމަށް ކުރިކަންތަކުގެ މިސްރާބު ތިދަނީ ގޯސްވަމުން މިހާރު.
އަލީ އ
17 May 2022
ރައްޔިތުން ލޮލުގައި އަޅުވާ އަނދުނެއް މީ ސްޓޫޑެންޓް ލޯނޭކިޔާފަ އެމް.ބީ.ބީ.ނިމެންކައިރިވެފަ ތިބޭކުދިން ތިލޯނު އޮތީ ލިބިފަ ދެން ބާކީވާނެތާ ދެއްތޯ
އިބްރާ33
17 May 2022
މިއީ ފެއިލްވެފަ ހުރި މީހެއް. މަގާމުން ވަކިކުރަން ޖެހޭ ވީހާވެސް އަވަހަކަށް.
މަންނާން
17 May 2022
މިހާރު ހުށަހަޅާފަ ތިބި ކުދިންނަށް ނުލިބުނު ސަބަބަބުތައް ބަލާ އެސަބަބުތައް ރަނގަޅުކޮށް އެކުދިންނަށް ލޯނު ހަމަޖައްސައިދިނުމަށްފަހު ދެން ފައިސާ އިތުރުވެ ހަދާނެގޮތް ނެތިއްޖެނަމަ އިތުރުވިބައި އެޕްލައިކޮށް ކޮލިފައިވެފައިވާ އެހެންނަމަވެސް ލޯނުދޭ ޖާގަ ހަމަވި ދާއިރާތަކަށް ރޭޝިއޯ އުސޫލުން ހަމަހަމައަށް ބަހާލައިގެން ލޯނު ދިބަލަ. އަނެއްކާ އެތައް ބައެއް އިތުރު ކުރުމުން އެއީ އިންސާފަކަށް ނުވާނެ ދޮތްތޯ.
ޝިޔާން
17 May 2022
ހަޔާ އެޑިއުކޭޝަން މިނިސްޓްރީގެ ސްޓާފުން ގެ ފަރުވާ ކުޑަ ކަމުން ޑިސްކޮށްލިފައި ވީ ކުދިންނަށް ވެސް ފުރުސަތު ދޭން ޖެހޭނެ. އިޢުލާން ކުރިއިރު ސެޓްފިކެޓް އިންވެލިޑޭޓަޑް. ވަކި ތާރީހެއް ކުރިން ލިޔަސް ރަގަޅަށް ޗެކެއް ނުކޮށް އީމެއިލް ފޮނުވަނީ
މައުސޫމް
17 May 2022
ޑިސްކޮލިފައިވި ސަބަބު ބަލާ ސަބަބު ރަނގަޅު ކުރުމުން ލޯނު ލިބޭގޮތް ހައްދަވައިލަދެއްވުން ވަރަށް އެދެން. ލޯނަށް އެދުނީ އަމިއްލައަށް ޚަރަދުކޮށްގެން ކިޔެވޭނެގޮތެއް ނެތުމުންނާއި މައިންބަފައިންނަށްވެސް މިފަދަ ބޮޑު ޚަރަދެއް ކުރެވޭވަރު ނުވާތީ.
85685
17 May 2022
ސެޓްފިކެޓުގައި ތައްގަނޑެއް ނެތިގެން ޑިސްކޮލިފައިވި ދަރިވަރުންނަށް އަލުން ސެޓްފިކެޓް ހުށަހަޅަން ފުރުސަތެއް ދެއްވިއްޔާ ކިހިނެއްތޯވާނީ. އެދާއިރާއަށް ކަނޑައެޅުއްވި ޖާގަވެސް ހަމަނުވޭނޫންތޯ؟
ފަރި ހުޅުވާލާ
17 May 2022
ކީއްކުރަންތޯ ހުޅުވާލަނީ ހުޅުވާލައިގެން ކުރިމަތިލީ ދަރިވަރުންގެ ތިންބައި ކުޅަ އެއްބަޔަށް ވެސް ލޯނު ނުދެވޭ ދެން ކީއްކުރަންތޯ ހުޅުވބާލަނީ އެ އެދުނު ދަރިވަރުންނަށް ދީ ނިންމާ އަނެއްކޮޅުން ލޯނު ކިޔުން ހުއްތާލާ ކިޔަވަން ދޭ ހިލޭ އެހީ ކިޔަން ވެއްޖެ އެހެނީ ކިޔަވާ ނިންމާފަ އައިސް ފައިސާ ދައްކާ މީހަކު ނޫޅެއެވެ. ދައްކާ މީހުން ދައްކަން ބޭނުމިއްޔާ ދައްކަންވީ ނުދައްކާނެ މީހަކު ނުދައްކާ އުޅެވޭ
ރަންކާ
17 May 2022
އަހަރީ ރިޕޯޓްތަކަށް އަރުވަން ކުރާ ކަމެއް..1000ފުރުސަތު ހުޅުވާލި ވާހަކަ ގޮވާނީ..ދެން ތިހަދާ ގޮތްތައް ނުކިޔާނެ..މުޅި އަހަރަށް ތިކަން ދިގުދަންމާނެ..އަނެއްކާ 5މަސް ނަގާނެ ..